electoin – Chandrika Daily

വിസ്‌കോണ്‍സിനില്‍ കമലയ്ക്ക് മുന്‍തൂക്കം

webdesk17 — Wed, 06 Nov 2024 04:55:15 +0000

അമേരിക്കന്‍ പ്രസിഡന്റ് തെരഞ്ഞെടുപ്പിന്റെ വോട്ടെണ്ണല്‍ പുരോഗമിച്ചുകൊണ്ടിരിക്കുകയാണ്. മുന്‍ പ്രസിഡന്റും റിപ്പബ്ബിക്കന്‍ സ്ഥാനാര്‍ഥിയുമായ ഡോണാള്‍ഡ് ട്രംപിനാണ് ഇതുവരെ മുന്‍തൂക്കം. ഏഴ് സ്വിങ് സ്റ്റേറ്റുകളില്‍ മൂന്നിടത്തും ട്രംപിന്റെ മുന്നേറ്റമാണ് കണ്ടത്. അഞ്ചിടത്താണ് വോട്ടെണ്ണല്‍ പുരോഗമിച്ചുകൊണ്ടിരിക്കുന്നത്.

പെന്‍സില്‍വാനിയ, ജോര്‍ജിയ, നോര്‍ത്ത് കരോലിന എന്നീ മൂന്ന് സ്റ്റേറ്റുകളില്‍ ട്രംപ് ലീഡ് ചെയ്യുകയാണ്. എന്നാല്‍ നേരത്തെ ട്രംപ് മുന്നേറിയിരുന്ന വിസ്‌കോണ്‍സിനില്‍ കമലയുടെ ലീഡ് വര്‍ധിച്ചു. മിഷിഗണിലും കമല ലീഡ് ചെയ്യുന്നുണ്ട്.

അതേസമയം പെന്‍സില്‍വാനിയ ജയിച്ചാല്‍ അമേരിക്ക കൈപ്പിടിയിലായതു പോലെയാണ്. പക്ഷേ വിസ്‌കോണ്‍സും നിര്‍ണായകമായ സ്റ്റേറ്റാണ്. കഴിഞ്ഞ തവണ വിസ്‌കോണ്‍സില്‍ ജോ ബൈഡന്‍ ആധിപത്യം പുലര്‍ത്തുകയും തുടര്‍ന്ന് യുഎസ് പ്രസിഡന്റായ കാഴ്ചയാണ് കണ്ടത്.

റിപ്പബ്ലിക്കന്‍ സ്ഥാനാര്‍ഥിയായ ട്രംപ് വൈറ്റ് ഹൗസിലേക്ക് രണ്ടാം തവണയും വിജയിക്കാനുള്ള ശ്രമങ്ങള്‍ തുടരുകയാണ്. നിലവിലെ വൈസ് പ്രസിഡന്റും ഡെമോക്രാറ്റിക് നോമിനിയുമായ കമല യുഎസിന്റെ ആദ്യ വനിതാ പ്രസിഡന്റായി ചരിത്രം സൃഷ്ടിക്കാനുള്ള ശ്രമത്തിലുമാണ്.

അരിസോണ, നെവാഡ, ജോര്‍ജിയ, നോര്‍ത്ത് കരോലിന, വിസ്‌കോണ്‍സിന്‍, മിഷിഗണ്‍, പെന്‍സില്‍വാനിയ എന്നീ സംസ്ഥാനങ്ങളാണ് വിധി നിര്‍ണയിക്കുന്നതില്‍ പ്രധാന പങ്ക് വഹിക്കുന്നത്. ഇരുവര്‍ക്കും പ്രസിഡന്റ് സ്ഥാനത്തേക്ക് വിജയിക്കാന്‍ കുറഞ്ഞത് 270 ഇലക്ടറല്‍ വോട്ടുകള്‍ ആവശ്യമാണ്.

തദ്ദേശ സ്ഥാപന ഉപതിരഞ്ഞെടുപ്പില്‍ യുഡിഫ് ന് മികച്ച നേട്ടം; ഇടതുമുന്നണിയില്‍നിന്ന് 5 സീറ്റ് പിടിച്ചെടുത്തു.

Chandrika Web — Wed, 01 Mar 2023 05:58:17 +0000

തദ്ദേശ സ്ഥാപന ഉപതിരഞ്ഞെടുപ്പില്‍ യുഡിഫ് ന് മികച്ച നേട്ടം. എല്‍ ഡി എഫില്‍ നിന്നും ഒട്ടേറെ സീറ്റുകള്‍ പിടിച്ചെടുക്കുകയും നിലവില്‍ ഉള്ളവ നിലനിര്‍ത്തുകയും ചെയ്തു.6 സീറ്റുണ്ടായിരുന്നത് 11 സീറ്റായി. ഇടുക്കി, കാസര്‍കോട് ഒഴികെയുള്ള 12 ജില്ലകളിലെ 28 വാര്‍ഡുകളിലേക്കാണ് തെരഞ്ഞെടുപ്പ് നടന്നത്. 97 സ്ഥാനാര്‍ത്ഥികളാണ് മൊത്തം മല്‍സരിച്ചത്. 74.38 ശതമാനമായിരുന്നു വോട്ടിംഗ് ശതമാനം.

കോഴിക്കോട് ചെറുവണ്ണൂർ പഞ്ചായത്തിൽ പതിനഞ്ചാം വാർഡ് UDF പിടിച്ചെടുത്തുചെറുവണ്ണൂരില്‍ യുഡിഎഫിന് അട്ടിമറി വിജയം നേടികൊടുത്ത് മുംതാസ്. എല്‍ഡിഎഫ് സ്ഥാനാര്‍ഥി കെസി ആസ്യ 587 വോട്ടുകള്‍ നേടിയപ്പോള്‍ മുംതാസിന് 755 വോട്ടുകള്‍ നേടി യുഡിഎഫ് ഭരണം നിലനിര്‍ത്തി.

തൃത്താലയിൽ രണ്ട് വാർഡിലും UDF – ഒന്ന് LDF ൽ നിന്ന് പിടിച്ചെടുത്തത്

മലപ്പുറം തിരൂർ തിരുന്നാവായ പഞ്ചായത്തിൽ 35 വർഷത്തെ LDF കുത്തക തകർത്ത് UDF പതിനൊന്നാം വാർഡ് പിടിച്ചെടുത്തു

എരുമേലി പഞ്ചായത്ത്‌ ഒഴക്കനാട് അഞ്ചാം വാർഡ് UDF പിടിച്ചെടുത്തു

ബത്തേരി നഗര സഭയിൽ പാളാക്കര പതിനേഴാം ഡിവിഷൻ UDF പിടിച്ചെടുത്തു

എ ആർ നഗറിൽ കുന്നുംപുറം ഏഴാം വാർഡ് UDF 660 വോട്ടിന്റെ മൃഗീയ ഭൂരിപക്ഷത്തിൽ നിലനിർത്തി

ആനക്കര മലക്കമാവ് വാർഡിൽ UDF സ്ഥാനാർഥി പി ബഷീർ വിജയിച്ചു

കൊല്ലം കോർപ്പറേഷൻ മൂന്നാം ഡിവിഷൻ UDF പിടിച്ചെടുത്തു – ആർ എസ് പിയിലെ ദീപു ഗംഗാധരനാണ് ജയിച്ചത്

മലപ്പുറം ചക്കിട്ടാമല പന്ത്രണ്ടാം വാർഡ് UDF നിലനിർത്തി

മലപ്പുറം ഊരകം അഞ്ചാം വാർഡ് UDF നിലനിർത്തി

കോട്ടയം കടപ്ലാമറ്റം പഞ്ചായത്ത്‌ പന്ത്രണ്ടാം വാർഡ് UDF പിടിച്ചെടുത്തു.

പത്തനംതിട്ട കല്ലൂപ്പാറയില്‍ ഇടതുമുന്നണിയില്‍നിന്ന് ബി.ജെ.പി സ്ഥാനാര്‍ത്ഥി സീറ്റ് പിടിച്ചെടുത്തു. സി.പി.എമ്മിലെ സത്യന്‍ മരിച്ചതിനെതുടര്‍ന്ന് നടന്ന ഉപതെരഞ്ഞെടുപ്പാണിത്. യു.ഡി.എഫ് ആണ് നിലവിലെ ഭരണസമിതി. 454 വോട്ട് ബി.ജെ.പി നേടിയപ്പോള്‍ 361 വോട്ട് ഇടതുമുന്നണിക്കും 155 വോട്ട് യു.ഡി.എഫിനും ലഭിച്ചു.

ഗുജറാത്തില്‍ ബി.ജെ.പി; ഹിമാചലില്‍ ഇഞ്ചോടിഞ്ച്

Test User — Thu, 08 Dec 2022 04:24:34 +0000

ഗുജറാത്ത്, ഹിമാചല്‍ പ്രദേശ് നിയമസഭകളിലേക്ക് നടന്ന വോട്ടെടുപ്പിന്റെ ആദ്യഫലങ്ങള്‍ബി.ജെ.പിക്ക് അനുകൂലമാണ്. ഗുജറാത്തില്‍ 139 സീറ്റുകളില്‍ ബി.ജെ.പി മുന്നിട്ടുനില്‍ക്കുമ്പോള്‍ കോണ്‍ഗ്രസ് 27 സീറ്റുകളിലാണ് മുന്നില്‍ .ആം ആദ്മി പാര്‍ട്ടിക്ക് 10 സീറ്റുകളില്‍ ലീഡുണ്ട്. 182 സീറ്റുകളുള്ളതില്‍ 92 സീറ്റുകള്‍ ബി.ജെ.പി നേടുമെന്നാണ് സൂചനകള്‍. 27 വര്‍ഷത്തെ ഭരണക്കുത്തക ആവര്‍ത്തിക്കാനാണ് പാര്‍ട്ടിയുടെ സാധ്യതകളെല്ലാം. അതേസമയം കഴിഞ്ഞതവണത്തേക്കാളും മുപ്പതിലധികം സീറ്റുകളുടെ കുറവാണ് കോണ്‍ഗ്രസിനുള്ളത്. ആം ആദ്മി ഇത്തവണ അക്കൗണ്ട് തുറന്നെങ്കിലും ഭരണം പിടിക്കുമെന്ന അവരുടെ വാക്ക് അസ്ഥാനത്തായി.

ഹിമാചലില്‍ ബി.ജെ.പിയും കോണ്‍ഗ്രസും ഒപ്പത്തിനൊപ്പം മുന്നേറുന്നതായാണ് സൂചനകള്‍. അവിടെ 33 സീറ്റില്‍ ബി.ജെ.പിയും 32 ല്‍ കോണ്‍ഗ്രസും മുന്നിട്ടുനില്‍ക്കുന്നു. 68 സീറ്റുകളിലേക്കാണ് മല്‍സരം. ഇവിടെയും ബി.ജെ.പിയാണ് നിലവിലെ ഭരണക്കാര്‍.