നേരത്തെ ഇന്ത്യയിലെത്തിയ ഇമാന്‍ മുംബൈയിലെ ആസ്പത്രിയിലാണ് ചികിത്സ തേടിയിരുന്നത്. പിന്നീട് അബുദാബിയിലേക്ക് പോയ ഇമാന്‍ ഡോ. ഷംസീര്‍ വയലിന്റെ ഉടമസ്ഥതയിലുള്ള ബര്‍ജീല്‍ ആസ്പത്രിയിലായിരുന്നു ചികിത്സയിലിരുന്നത്. മൂന്ന് സംഘമാണ് ഇമാന്റെ ചികിത്സക്ക് നേതൃത്വം നല്‍കിയിരുന്നത്. 20 ഓളം വിദഗ്ധ ഡോക്ടര്‍മാര്‍ കിണഞ്ഞു ശ്രമിച്ചിട്ടും കഴിഞ്ഞ ദിവസത്തെ സങ്കീര്‍ണ്ണതയ്ക്ക് പരിഹാരം കണ്ടെത്താനായില്ല. തുടര്‍ന്ന് ഇമാന്‍ മരണത്തിന് കീഴടങ്ങുകയായിരുന്നു.

വൃക്ക തകരാറിലായതാണ് ഇമാന്റെ മരണത്തിന് കാരണമായതെന്ന് ആസ്പത്രി അധികൃതര്‍ അറിയിച്ചു. വിദഗ്ധ സംഘത്തിന്റെ മേല്‍നോട്ടത്തില്‍ ചികിത്സ പുരോഗമിക്കുകയായിരുന്നു. അതിനിടയില്‍ വൃക്ക തകരാറിലായത് മരണത്തിലേക്ക് നയിച്ചു. കുടുംബത്തിന്റെ ദു:ഖത്തില്‍ പങ്കുചേരുകയാണെന്നും അധികൃതര്‍ പറഞ്ഞു. 500കിലോഗ്രാമായിരുന്നു ഇമാന്റെ ഭാരം. മുംബൈയിലെ സാഫി ആസ്പത്രിയില്‍ ഇമാന്റെ ചികിത്സയുമായി ബന്ധപ്പെട്ട് വിവാദങ്ങളുണ്ടായിരുന്നു. സഹോദരി രംഗത്തെത്തിയതും തുടര്‍ന്നുണ്ടായ സംഭവവികാസങ്ങളുമാണ് ഇമാനെ അബുദാബിയിലേക്ക് മാറ്റുന്നതിന് കാരണമായത്.

സഹോദരി ഷൈമ നിയമം ലംഘിച്ചുവെന്ന് നേഴ്‌സുമാര്‍ പറയുന്നു. ഇമാന് ട്യൂബിലൂടെയാണ് ഭക്ഷണം നല്‍കിയിരുന്നത്. എന്നാല്‍ ഷൈമ വായിലൂടെ ഭക്ഷണവും വെള്ളവും നല്‍കുന്നത് നേഴ്‌സുമാരുടെ ശ്രദ്ധയില്‍പെടുകയായിരുന്നു. ഷൈമയെ പിന്തിരിപ്പിച്ചുവെങ്കിലും നേഴ്‌സുമാരെ പിടിച്ചു തള്ളി. തുടര്‍ന്ന് ആസ്പത്രി അധികൃതര്‍ പോലീസില്‍ വിവരമറിയിച്ചു. ഇമാന് വായിലൂടെ ഭക്ഷണം നല്‍കുന്നത് അപകടകരമാണ്. ഭക്ഷണം ലെന്‍സിലേക്കെത്താന്‍ സാധ്യതയുണ്ടെന്നും മരണത്തിന് പോലും കാരണമാകാമെന്നും ഡോ അപര്‍ണ ഗോവില്‍ ഭാസ്‌കര്‍ പറയുന്നു. ഇമാന് വേണ്ട എല്ലാ പരിചരണങ്ങളും കൃത്യതയോടെ നല്‍കുന്നുണ്ടെന്നും സംഭവത്തില്‍ പരാതി രജിസ്റ്റര്‍ ചെയ്യേണ്ടെന്നും അപര്‍ണ ഗോവില്‍ പോലീസിനോട് പറഞ്ഞു.

ശരീര ഭാരം പൂര്‍ണമായും കുറക്കാമെന്ന് വാഗ്ദാനം നടത്തി തങ്ങളെ കബളിപ്പിക്കുകയായിരുന്നുവെന്ന് നേരത്തെ ബന്ധുക്കള്‍ ആരോപിച്ചിരുന്നു. ഇമാന്റെ 262 കിലോ ഭാരം കുറഞ്ഞതായി ആസ്പത്രി അധികൃതര്‍ അവകാശവാദമുന്നയിച്ചിരുന്നെങ്കിലും സഹോദരി ഷൈമ ഇതിനെതിരെ രംഗത്തുവന്നു. സ്വതന്ത്രമായി ചലിക്കാനോ ഭക്ഷണം കഴിക്കാനോ ഇമാന് സാധിച്ചിട്ടില്ലെന്നും ഡോക്ടര്‍മാര്‍ കബളിപ്പിക്കുകയാണെന്നും ഷൈമ കുറ്റപ്പെടുത്തിയിരുന്നു. ഇതേത്തുടര്‍ന്ന് ഇമാനെ ചികിത്സിച്ചിരുന്ന 12 ഡോക്ടര്‍മാര്‍ കഴിഞ്ഞ ദിവസം രാജിവെക്കുകയും ചെയ്തു.

കഴിഞ്ഞ ഫെബ്രുവരി 11നാണ് ഇമാനെ പ്രത്യേകവിമാനത്തില്‍ മുംബൈയില്‍ എത്തിച്ചത്. ഇന്ത്യയില്‍ എത്തിക്കുമ്പോള്‍ 500 കിലോയുണ്ടായിരുന്ന ഇമാന്റെ ഭാരം മൂന്നുമാസത്തിനുള്ളില്‍ 250 കിലോയാണ് കുറഞ്ഞത്. ലാപ്രസ്‌കോപിക് സംവിധാനത്തിലൂടെ ഇമാന്റെ ആമാശയത്തിന്റെ വലിപ്പം 15 ശതമാനത്തോളം ചെറുതാക്കിയാണ് ഭാരം കുറക്കല്‍ ചികിത്സ സാധ്യമാക്കുന്നത്. ബാരിയാട്രിക് സര്‍ജനായ ഡോ. മുഫാസല്‍ ലക്ഡാവാലയുടെ നേതൃത്വത്തിലാണ് ശസ്ത്രക്രിയ. പ്രതീക്ഷിച്ചതിലും വളരെപ്പെട്ടന്ന് ഇമാന്‍ സുഖംപ്രാപിക്കുന്നതിന്റെയും ഭാരം കുറയ്ക്കുന്നതിന്റെയും സന്തോഷവും ഡോക്ടര്‍ പങ്കുവെച്ചു.

ഇമാനുമായി ഡോക്ടര്‍മാര്‍ രോഗകാര്യങ്ങള്‍ സംസാരിക്കുന്നതിന്റെ വിഡിയോയാണ് പുറത്തുവന്നത്. ചോദ്യങ്ങളോട് അവ്യക്തമാണെങ്കിലും ഇമാന്‍ പ്രതികരിക്കുന്നുണ്ട്.
ശാസ്ത്രക്രിയക്ക് ശേഷം ഇമാനില്‍ നല്ല മാറ്റങ്ങള്‍ കണ്ടു തുടങ്ങിയതായി ഡോക്ടര്‍മാര്‍ അറിയിച്ചു. അമിതവണ്ണംകൊണ്ടുണ്ടായ ആരോഗ്യപ്രശ്‌നങ്ങളെയെല്ലാം ഇമാന്‍ ഇ അതിജീവിച്ചു കഴിഞ്ഞതായും ആസ്പത്രി അധികൃതര്‍ വ്യക്തമാക്കുന്നു. എന്നാല്‍ അമിതഭാരം മൂലം സംഭവിച്ച പക്ഷാഘാതത്താല്‍ ശരീരത്തിന്റെ വലതുവശം തളര്‍ന്ന നിലയിലാണ്. അതേസമയം തളര്‍ന്ന ഭാഗത്തിന്റെ വീണ്ടെടുപ്പിനായി പ്രത്യേക തറാപ്പി ചികിത്സകള്‍ പുരോഗമിക്കുകയാണ്. വൈകാതെ ഇമാന് സ്വയം എഴുന്നേറ്റിരിക്കാനും ചലിക്കാനും നടക്കാനും കഴിയുമെന്നും ഡോക്ടര്‍മാര്‍ പറഞ്ഞു. ഇപ്പോള്‍ ഇമാനിരിക്കുന്നതിനായി പ്രത്യേക തരത്തിലുള്ള വീല്‍ചെയര്‍ ഡിസൈന്‍ ചെയ്തിട്ടുണ്ടെന്നും അവര്‍ പറയുന്നു.

കഴിഞ്ഞ ഫെബ്രുവരി 11നാണ് ഇമാനെ പ്രത്യേകവിമാനത്തില്‍ മുംബൈയില്‍ എത്തിച്ചത്. ഇന്ത്യയില്‍ എത്തിക്കുമ്പോള്‍ 500 കിലോയുണ്ടായിരുന്ന ഇമാന്റെ ഭാരം ഇപ്പോള്‍ 358 കിലോ മാത്രമായി കുറഞ്ഞു. ലാപ്രസ്‌കോപിക് സംവിധാനത്തിലൂടെ ഇമാന്റെ ആമാശയത്തിന്റെ വലിപ്പം 15 ശതമാനത്തോളം ചെറുതാക്കിയാണ് ഭാരം കുറക്കല്‍ ചികിത്സ സാധ്യമാക്കുന്നത്. ബാരിയാട്രിക് സര്‍ജനായ ഡോ. മുഫാസല്‍ ലക്ഡാവാലയുടെ നേതൃത്വത്തിലാണ് ശസ്ത്രക്രിയ.

ഇമാന്റെ ചികിത്സയില്‍ നല്ല പുരോഗതിയാണ് കാണുന്നതെന്ന് അധികൃതര്‍ അറിയിച്ചു. എന്നാല്‍ ഇമാന്റെ ശരീരത്തിലെ യൂറിക് ആസിഡിന്റെ നില ഇപ്പോഴും ഒരു വെല്ലുവിളിയായി തുടരുകയാണെന്നും ഡോക്ടര്‍മാര്‍ അറിയിച്ചു.

സോയാ മില്‍ക്കിനൊപ്പം സോഡിയം പ്രോട്ടീന്‍ പൗഡര്‍ ചേര്‍ത്തുള്ള ഭക്ഷണമാണ് ഇമാന് ഇപ്പോള്‍ നല്‍കിവരുന്നത്. 1800 കലോറിയാണ് ദിനംപ്രതി അവര്‍ക്ക് ലഭിക്കുന്നത്.

മസ്തിഷ്‌കാഘാതത്തെത്തുടര്‍ന്ന് വലതുവശം തളര്‍ന്ന ഇമാന്‍ പ്രമേഹം, രക്തസമ്മര്‍ദം, ആസ്ത്മ, വിഷാദം തുടങ്ങിയ രോഗങ്ങളാള്‍ ബുദ്ധിമുട്ടിലായിരുന്നു. 25 വര്‍ഷമായി കിടപ്പിലായ ഇമാന്‍, സാധാരണ ജീവിതമെന്നത് സ്വപ്‌നം മാത്രമായി കണ്ടിരിക്കവെയാണ് സൗജന്യ ചികില്‍സാ വാഗ്ദാനവുമായി സൈഫി ആസ്പത്രി അധികൃതര്‍ എത്തിയത്.

വിമാനത്തില്‍നിന്ന് ക്രെയിനിലാണ് പ്രത്യേകം കിടക്കകളോടെ തയാറാക്കിയാണ് യുവതിയെ ചികിത്സക്ക് എത്തിച്ചത്. ആസ്പത്രിയില്‍ പ്രവേശിക്കുമ്പോള്‍ 500 കിലോഗ്രാം ആയിരുന്ന ഇമാന്റെ ഭാരം ആദ്യ ആഴ്ചയില്‍ തന്നെ 30 കിലോ കുറഞ്ഞത് ഡോക്ടര്‍മാക്ക് വലിയ പ്രതീക്ഷ നല്‍കി. ശസ്ത്രക്രിയക്ക് പ്രവേശിപ്പിക്കാന്‍ മാത്രമായി തന്നെ യുവതിയുടെ ഭാരം 450 കിലോയില്‍ എത്തേണ്ടിയിരുന്നു.

യുവതിയുടെ ഭാരം ഈ വര്‍ഷത്തോടെ 200 കിലോ ആക്കി കുറക്കുകയാണ് ശാസ്ത്രക്രിയയിലൂടെ ലക്ഷ്യംവെക്കുന്നത്. മൊത്തം ശരീര ഭാരത്തില്‍ 70-100 കിലോയോളം ഫ്‌ളൂയിഡ് ആയതിനാല്‍ കല്ലുപോലെ കട്ടിയേറിയതായിരുന്നു ഇമാന്റെ ത്വക്ക്. 30 കിലോ ഭാരം കുറഞ്ഞ യുവതിയുടെ ത്വക്ക് ഇതിനകം തന്നെ മൃദുവായതായും അധികൃതര്‍ അറിയിച്ചു. ഗുരുതരമായ ശ്വാസകോശ രോഗമുള്ള ഇമാന് ആസ്പത്രിയില്‍ എത്തിയ ആദ്യ ദിവസത്തില്‍ ഇമാന് ഉറങ്ങാന്‍ സാധിച്ചിരുന്നില്ല. എന്നാല്‍ ഇപ്പോള്‍ നന്നായി ഉറങ്ങാന്‍ കഴിയുന്നുണ്ടെന്നും ഡോക്ടര്‍ പറഞ്ഞു.

ഏറെ സങ്കീര്‍ണതകള്‍ ഉള്ളതാണ് ശസ്ത്രക്രിയയും ചികില്‍സയുമെന്നും ശസ്ത്രക്രിയയ്ക്കുശേഷം ആറു മാസത്തോളം ഇമാന് ആസ്പത്രിയില്‍ കഴിയേണ്ടിവരുമെന്നുമാണ് വിവരം.

കഴിഞ്ഞ ശനിയാഴ്ച്ച ആസ്പത്രിയില്‍ പ്രവേശിക്കുമ്പോള്‍ 500 കിലോഗ്രാം ആയിരുന്നു ഇമാന്റെ ഭാരം ഇപ്പോള്‍ 30 കിലോ കുറഞ്ഞ് 470 കിലോയായി.
ശസ്ത്രക്രിയക്ക് പ്രവേശിപ്പിക്കാന്‍ സാധിക്കുംവിധം യുവതിയുടെ ഭാരം കുറയേണ്ടതുണ്ട്. ഭാരം 450 കിലോയില്‍ താഴെ ആയാല്‍ മാത്രമേ ഓപ്പറേഷന്‍ ടേബിളിലേക്കുതന്നെ എത്തിക്കാന്‍ സാധിക്കൂ.
151 സെന്റീമീറ്ററാണ് ഇമാന്റെ നിലവിലെ വീതി. എന്നാല്‍ 141 സെന്റീമീറ്റര്‍ മാത്രമാണ് ലിഫ്റ്റിന്റെ വീതി. അതിനാല്‍ തന്നെ ഈ നിലയില്‍ ലിഫ്റ്റില്‍ കൊണ്ടുപോകാനും കഴിയില്ല. ഓപ്പറേഷന്‍ തിയേറ്ററിലേക്ക് എത്തിക്കാന്‍ സാധിക്കുന്ന വിധത്തില്‍ 37 കാരിയുടെ ഭാരം കുറയ്ക്കുകയാണ് ഡോക്ടര്‍മാരുടെ ഇപ്പോഴത്തെ ലക്ഷ്യം.

യുവതിയുടെ ഭാരം ഈ വര്‍ഷത്തോടെ 200 കിലോ ആക്കി കുറക്കുകയാണ് ശാസ്ത്രക്രിയയിലൂടെ ലക്ഷ്യംവെക്കുന്നത്. മൊത്തം ശരീര ഭാരത്തില്‍ 70-100 കിലോയോളം ഫ്ളൂയിഡ് ആയതിനാല്‍ കല്ലുപോലെ കട്ടിയേറിയതായിരുന്നു ഇമാന്റെ ത്വക്ക്. 30 കിലോ ഭാരം കുറഞ്ഞ യുവതിയുടെ ത്വക്ക് ഇതിനകം തന്നെ മൃദുവായി മാറുന്നുണ്ടെന്ന് ഡോക്ടര്‍ പറഞ്ഞു. ഗുരുതരമായ ശ്വാസകോശ രോഗമുള്ളതിനാല്‍ പ്രതിദിനം 2-3 മണിക്കൂര്‍ മാത്രം ഉറങ്ങാന്‍ കഴിഞ്ഞിരുന്ന ഇമാന്, ഇപ്പോള്‍ 10-11 മണിക്കൂര്‍ ഉറങ്ങാന്‍ കഴിയുന്നുണ്ടെന്നും ഡോക്ടര്‍ പറഞ്ഞു. ആസ്പത്രിയില്‍ എത്തിയ ആദ്യ ദിവസത്തില്‍ ഇമാന് ഉറങ്ങാന്‍ സാധിച്ചിരുന്നില്ല. തുടര്‍ന്നു സ്ലീപ് നാപ്പ് മെഷീന്‍ ഉപയോഗിച്ച് യുവതിയെ മയക്കുകയായിരുന്നു.