ഭൂകമ്ബ ദുരിതബാധിതരെ സഹായിക്കുന്നതിന് റോയല്‍ ഹ്യൂമാനിറ്റേറിയന്‍ ഫൗണ്ടേഷന്‍ പ്രഖ്യാപിച്ച സഹായ പദ്ധതിയുടെ ഭാഗമായാണ് ഇത്തരമൊരു പരിപാടി നടത്തിയത്. ദുരിതമനുഭവിക്കുന്നവരോട് എന്നും അനുകമ്ബയും സ്നേഹവും ഐക്യദാര്‍ഢ്യവും പ്രകടിപ്പിക്കുന്നതില്‍ ബഹറ്റൈന്‍ ജനത മുന്‍പന്തിയിലാണെന്നാണ് ഇത് തെളിയിക്കുന്നത്. രാജ്യത്തിന്റെയും ജനതയുടെയും സഹായ മനസ്ഥിതിയാണ് ഇത് പ്രകടമാക്കുന്നതെന്ന് ആര്‍.എച്ച്.എഫ് ചെയര്‍മാന്‍ ശൈഖ് നാസിര്‍ ബിന്‍ ഹമദ് അല്‍ ഖലീഫയും സെക്രട്ടറി ഡോ. മുസ്തഫ അസ്സയ്യിദും വ്യക്തമാക്കി. സംഭാവന നല്‍കാന്‍ മുന്നോട്ടു വന്ന എല്ലാ സുമനസ്സുകള്‍ക്കും ഇരുവരും നന്ദി പ്രകടിപ്പിച്ചു.

ഇതുകൂടാതെ, രണ്ടു വയസ്സുള്ള പെണ്‍കുട്ടിയും ആറു മാസം ഗര്‍ഭിണിയും 70 വയസ്സുള്ള സ്ത്രീയും ഭൂകമ്ബത്തിന് അഞ്ച് ദിവസത്തിന് ശേഷം രക്ഷപ്പെടുത്തിയവരില്‍ ഉള്‍പ്പെടുന്നെന്ന് തുര്‍ക്കി മാധ്യമങ്ങള്‍ റിപ്പോര്‍ട്ട് ചെയ്തു. കടുത്ത മഞ്ഞുവീഴ്ചയോടു പൊരുതി രക്ഷാപ്രവര്‍ത്തനം പുരോഗമിക്കുകയാണ്.അതേസമയം, മരണനിരക്ക് കുത്തനെ ഉയരുകയാണ്. സിറിയയിലും തുര്‍ക്കിയിലുമായി മരിച്ചവരുടെ എണ്ണം 29,000 കടന്നു. തുര്‍ക്കിയില്‍ മാത്രം 24,617പേര്‍ മരിച്ചിട്ടുണ്ട്. സിറിയയില്‍ 4,500പേര്‍ മരിച്ചു. ദുരന്തം മുതലാക്കി കൊള്ളയടിക്കാന്‍ ഇറങ്ങിയവരും തുര്‍ക്കിയില്‍ സജീവമാണ്. ഇതുവരെ 48പേരെ തുര്‍ക്കി പൊലീസ് അറസ്റ്റ് ചെയ്തിട്ടുണ്ട്.

തെരഞ്ഞെടുപ്പിനുശേഷം വിശദമായി അടിയന്തരാവസ്ഥയെക്കുറിച്ച് പരിശോധിക്കുകയും. അത് നീക്കുന്നതിനെക്കുറിച്ച് ആലോചിക്കുകയും വേണ്ട നടപടികള്‍ സ്വീകരിക്കുകയും ചെയ്യും- ടി.വി ഇന്റര്‍വ്യൂവില്‍ റജബ് ത്വയ്യിബ് എര്‍ദോഗന്‍ പറഞ്ഞു. കഴിഞ്ഞ വ്യാഴാഴ്ചയാണ് റജബിന്റെ ഇന്റര്‍വ്യൂ ചാനല്‍ സംപ്രേഷണം ചെയ്തത്. അടിയന്തരാവസ്ഥ പ്രഖ്യാപിച്ചതിനു ശേഷമുള്ള തെരഞ്ഞെടുപ്പില്‍ പ്രതിപക്ഷ സഖ്യത്തിനു മുമ്പില്‍ പ്രസിഡണ്ടിന്റെ പാര്‍ട്ടിയായ ജസ്റ്റിസ് ആന്റ് ഡെവലപ്പ്‌മെന്റ് പാര്‍ട്ടി പരാജയപ്പെടുമെന്ന് വിദഗ്ധരുടെ അഭിപ്രായപ്പെട്ടിരുന്നു.

റജബ് ത്വയിബ് എര്‍ദോഗനെ പുറത്താക്കാന്‍ 2016ല്‍ തുര്‍ക്കിയില്‍ നടന്ന അട്ടിമറി പരാജയപ്പെട്ടതിനു പിന്നാലെയാണ് അടിയന്തരാവസ്ഥ പ്രഖ്യാപിച്ചത്. അടിയന്തരാവസ്ഥ നിലവില്‍ വന്നതോടെ ജഡ്ജിമാരും പട്ടാളക്കാരും പൊലീസ് ഉദ്യോഗസ്ഥരും ഉള്‍പ്പെടെ രണ്ടായിരത്തിലേറെ ആളുകളെ അറസ്റ്റു ചെയ്തു ജയിലില്‍ അടച്ചിരുന്നു. കൂടാതെ പൊതുമേഖലാ സ്ഥാപനങ്ങളില്‍ നിന്നും ആയിരക്കണക്കിന് ജീവനക്കാരെ പുറത്താക്കുകയും ചെയ്തു.

വിമര്‍ശകരുടെ വായടപ്പിക്കാന്‍ വേണ്ടിയാണ് എര്‍ദോഗന്‍ രാജ്യത്ത് അടിയന്തരാവസ്ഥ പ്രഖ്യാപിച്ചതെന്നാണ് പ്രതിപക്ഷത്തിന്റെ ആരോപണം. 2003ല്‍ പ്രധാനമന്ത്രിയായാണ് എര്‍ദോഗന്‍ തുര്‍ക്കി രാഷ്ട്രീയത്തില്‍ മേധാവിത്വം തുടങ്ങിയത്. 2003 മുതല്‍ 2014 വരെ അദ്ദേഹം പ്രധാനമന്ത്രിയായ തുടര്‍ന്നു. പിന്നീട് 2014ല്‍ തന്നെ രാജ്യത്തിന്റെ പ്രസിഡണ്ട് പദവിയിലെത്തുകയായിരുന്നു.