അര്‍ജന്റീന ഫുട്ബോള്‍ താരം എമിലിയാനൊ സാലെ സഞ്ചരിച്ച വിമാനത്തിന്റെ അവശിഷ്ടങ്ങള്‍ ഇംഗ്ലീഷ് ചാനല്‍ കടലിന്റെ അടിത്തട്ടില്‍ നിന്ന് കണ്ടെത്തി. ഞായറാഴ്ച്ച രാത്രി നടത്തിയ തിരച്ചിലിലാണ് കടലിന്റെ അടിത്തട്ടില്‍ നിന്നും വിമാനത്തിന്റെ ഭാഗങ്ങള്‍ കണ്ടെത്തിയത്. ഈ അവശിഷ്ടങ്ങള്‍ക്കിടയില്‍ നിന്ന് മൃതദേഹം കണ്ടെത്തുകയായിരുന്നു.

അതേസമയം ഈ മൃതദേഹം സാലെയുടേതാണോ എന്ന സംശയം ബാക്കിയാണ്. വിമാനത്തില്‍ സാലയോടൊപ്പം പൈലറ്റ് ഡേവിഡ് ഇബോട്ട്സണും യാത്ര ചെയ്തിരുന്നു. തിരിച്ചറിയലിനായി ഇരുവരുടേയും കുടുംബാംഗങ്ങളെ ബന്ധപ്പെടുമെന്ന് എയര്‍ ആക്സിഡന്റ് ഇന്‍വെസ്റ്റിഗേഷന്‍ ബ്രാഞ്ച് (എ.എ.ഐ.ബി) വാര്‍ത്താക്കുറിപ്പില്‍ വ്യക്തമാക്കി.

ജനുവരി 21-ാം തീയതി ഫ്രാന്‍സിലെ നാന്റെസില്‍ നിന്ന് കാര്‍ഡിഫിലേക്കുള്ള യാത്രാമധ്യേ അല്‍ഡേര്‍നി ദ്വീപുകള്‍ക്ക് സമീപമാണ് സാലെ സഞ്ചരിച്ച ചെറുവിമാനം അപ്രത്യക്ഷമായത്. തന്റെ പഴയ ക്ലബ്ബ് നാന്റെസ് വിട്ട് പുതിയ ക്ലബ്ബ് കാര്‍ഡിഫ് സിറ്റിയോടൊപ്പം ചേരാനുള്ള യാത്രയിലായിരുന്നു സാലെ.

Emiliano Sala: A body has been found in the wreckage of the plane found on the seabed.

Tap for more: https://t.co/X27V8tacPE pic.twitter.com/xWa6tkpqpR

— BBC Wales News (@BBCWalesNews) February 4, 2019

നേരത്തെ സാലെ സഞ്ചരിച്ച വിമാനത്തിലേതെന്ന് കരുതുന്ന രണ്ട് സീറ്റുകള്‍ അന്വേഷണ സംഘത്തിന് ലഭിക്കുകയും ചെയ്തിരുന്നു. പലതവണ നിര്‍ത്തി വെച്ച തിരച്ചില്‍ പിന്നീട് ഫുട്ബോള്‍ ലോകത്തെ കടുത്ത സമ്മര്‍ദങ്ങളെത്തുടര്‍ന്ന് പുനരാരംഭിക്കുകയായിരുന്നു.

അതേസമയം, തെരച്ചില്‍ നിര്‍ത്തരുതെന്നും വിമാനത്തെയോ അതിലുണ്ടായിരുന്ന വ്യക്തികളെയോ പറ്റി എന്തെങ്കിലും തുമ്പുണ്ടാകുന്നതു വരെ തെരച്ചില്‍ തുടരണമെന്നും സാലയുടെ കുടുംബവും താരത്തിന്റെ മുന്‍ ക്ലബ്ബായ എഫ്.സി നാന്റസും അഭ്യര്‍ത്ഥിച്ചു. എമിലിയാനോ സാല ജീവനോടെയുണ്ടെന്നും തെരച്ചില്‍ അവസാനിപ്പിക്കരുതെന്നും അദ്ദേഹത്തിന്റെ സഹോദരി റൊമിന പത്രസമ്മേളനത്തില്‍ അഭ്യര്‍ത്ഥിച്ചു.

Emiliano Sala's sister Romina wants the search for her missing brother to carry on.

For more on the search for Emiliano Sala: https://t.co/wAdRWTx8PI pic.twitter.com/E9ZwFFcOXE

— Sky News (@SkyNews) January 24, 2019

‘എമിലിയാനോ ജീവനോടെയുണ്ടെന്ന് എന്റെ മനസ്സ് പറയുന്നു. പ്ലീസ്, പ്ലീസ്, പ്ലീസ് തെരച്ചില്‍ നിര്‍ത്തരുത്. അധികൃതരുടെ അധ്വാനം എനിക്ക് മനസ്സിലാവുന്നുണ്ട്. പക്ഷേ, ദയവായി തെരച്ചില്‍ നിര്‍ത്തരുത്.

“ഞങ്ങള്‍ രണ്ട് കുടുംബങ്ങളെ സംബന്ധിച്ചിടത്തോളം അവര്‍ ഇരുവരും ജീവിച്ചിരിപ്പുണ്ട്. ഞങ്ങളുടെ വികാരങ്ങള്‍ പ്രകടിപ്പിക്കാനാവുന്നില്ല. എമിലിയാനോ ഒരു പോരാളിയാണ്. ദയവായി അവനു വേണ്ടിയുള്ള തെരച്ചില്‍ അവസാനിപ്പിക്കാതിരിക്കൂ.” മാധ്യമങ്ങള്‍ക്കു മുന്നില്‍ കണ്ണീരോടെ റൊമിന പറഞ്ഞു.

"I understand Emiliano Sala's family are not content with the decision to stop and I fully understand that.

"I'm absolutely confident that we couldn't have done any more."

The search for Emiliano Sala and pilot David Ibbotson has been called off https://t.co/I4hHAX4Pt3 pic.twitter.com/cJiObBBOaI

— BBC Sport (@BBCSport) January 25, 2019

വിമാനം അപ്രത്യക്ഷമായെന്ന് കരുതപ്പെടുന്ന സ്ഥലത്ത് കടലിന് നൂറുമീറ്ററിലേറെ ആഴമുണ്ടെങ്കിലും വിമാനം കടലില്‍ വീണിട്ടുണ്ടെങ്കില്‍ അതിലുള്ളവര്‍ രക്ഷപ്പെടാന്‍ സാധ്യത കാണുന്നില്ലെന്നും ക്യാപ്ടന്‍ ബാര്‍ക്കര്‍ പറഞ്ഞു. സാലയുടെ കുടുംബത്തിന്റെ വികാരം ഞങ്ങള്‍ക്ക് മനസ്സിലാവും. പക്ഷേ, ഞങ്ങള്‍ പരമാവധി ചെയ്തു കഴിഞ്ഞു. ചാനല്‍ ദ്വീപുകളിലും ഫ്രാന്‍സിലും യു.കെയിലുമുള്ള സംവിധാനങ്ങളെല്ലാം ഉപയോഗിച്ച് ഞങ്ങള്‍ തെരഞ്ഞു. വിമാനത്തിന്റെയോ യാത്രക്കാരന്റെയോ പൈലറ്റിന്റെയോ സൂചനകളൊന്നും തന്നെ ലഭിച്ചില്ല – അദ്ദേഹം പറഞ്ഞു.

മാഡ്രിഡ്: ചെറുവിമാനത്തിലെ യാത്രക്കിടെ കാണാതായ എമിലിയാനോ സാലേയെ കണ്ടെത്തണമെന്ന് ആവശ്യപ്പെട്ട് സഹതാരം. ലാലീഗയില്‍ ബാഴസലോണക്കെതിരെ ഗോള്‍ നേടിയ സെവിയ താരം ബെന്‍ യാദിറാണ് തന്റെ ജെഴ്‌സി ഉയര്‍ത്തി കാണാതായ പഴയ സഹതാരത്തെ കണ്ടെത്തണമെന്ന വരികള്‍ ഗ്യാലറിക്ക് കാണിച്ചത്. രണ്ട് ദിവസത്തിലേറെയായി കാണാതായ സാലേയെ കുറിച്ച് ഒരു വിവരവും ഇല്ല. 2012-16 സീസണുകളില്‍ രണ്ട് പേരും ഒരുമിച്ച് കളിച്ചിരുന്നു.

അതേസമയം ലയണല്‍ മെസിയില്ലാതെ ഇറങ്ങിയ ബാര്‍സിലോണ സെവിയയോട് തോറ്റു. കിംഗ്‌സ് കപ്പ് ക്വാര്‍ട്ടര്‍ ആദ്യ പാദത്തില്‍ മെസിയെ കൂടാതെ കളിച്ച ബാര്‍സിലോണയുടെ വലയില്‍ സെവിയെ രണ്ട് വട്ടം പന്ത് എത്തിച്ചു . സബ്സ്റ്റിറ്റിയൂട്ട് ബെഞ്ചില്‍ പോലും സൂപ്പര്‍ താരമുണ്ടായിരുന്നില്ല. ലൂയിസ് സുവാരസ് ഉള്‍പ്പെടെയുളള താരങ്ങള്‍ രണ്ടാം പകുതിയില്‍ മാത്രം പ്രത്യക്ഷപ്പെട്ട മല്‍സരത്തില്‍ ക്ലബിന്റെ പുതിയ താരം കെവിന്‍ പ്രിന്‍സസ് ബോയതാംഗ് അരങ്ങേറി. പക്ഷേ നിരാശാജനകമായിരുന്നു 31 കാരന്റെ പ്രകടനം. ഒന്നാം പകുതിയില്‍ ഗോള്‍ പിറന്നിരുന്നില്ല. രണ്ടാം പകുതിയുടെ തുടക്കത്തില്‍ പാബ്ലോ സറാബിയ സെവിയെയുടെ ആദ്യ ഗോള്‍ നേടി. വിസാം ബെന്‍ യാദിറിന്റെ വകയായിരുന്നു രണ്ടാം ഗോള്‍.

കുറച്ചുകൂടി വേഗത്തില്‍ എത്താന്‍ വേണ്ടി കളിക്കാരന്‍ തന്നെയാണ് തന്റെ യാത്രാ മാര്‍ഗം തെരഞ്ഞെടുത്തത്.

പാരിസ്: ഫ്രാന്‍സില്‍ നിന്ന് ബ്രിട്ടനിലേക്കുള്ള യാത്രക്കിടെ കാണാതായ വിമാനത്തിലുണ്ടായിരുന്ന കാര്‍ഡിഫ് സിറ്റി കളിക്കാരന്‍ എമിലിയാനോ സാലയെപ്പറ്റി പുതിയ വെളിപ്പെടുത്തല്‍. ഫ്രഞ്ച് നഗരമായ നാന്റസില്‍ നിന്ന് വെയില്‍സിലെ കാര്‍ഡിഫിലേക്കുള്ള യാത്രയ്ക്ക് വിമാനം തെരഞ്ഞെടുത്തത് സാല തന്നെയായിരുന്നുവെന്നും മറ്റ് മാര്‍ഗങ്ങള്‍ ഒരുക്കാമെന്ന ക്ലബ്ബിന്റെ വാഗ്ദാനം 28-കാരന്‍ നിരസിക്കുകയായിരുന്നുവെന്നും കാര്‍ഡിഫ് സിറ്റി ക്ലബ്ബുടമ മഹ്മത് ദല്‍മാന്‍ പറഞ്ഞു.

Cardiff City chairman Mehmet Dalman has confirmed Emiliano Sala declined the club’s offer to arrange his travel to and from France: https://t.co/yJhr4N4hxY pic.twitter.com/mDF4L3KHyu

— Sky Sports Premier League (@SkySportsPL) January 24, 2019

ഫ്രഞ്ച് ക്ലബ്ബായ എഫ്.സി നാന്റസില്‍ നിന്ന് 15 ദശലക്ഷം പൗണ്ട് എന്ന റെക്കോര്‍ഡ് തുകക്ക് കാര്‍ഡിഫിലേക്ക് കൂടുമാറിയ സാല, പുതിയ ക്ലബ്ബിലേക്കുള്ള ആദ്യ യാത്രക്കിടെയാണ് അപ്രത്യക്ഷനായത്. അര്‍ജന്റീനക്കാരനായ സ്‌ട്രൈക്കര്‍ക്കും അദ്ദേഹം സഞ്ചരിച്ച പൈപ്പര്‍ മാലിബു വിമാനത്തിലെ പൈലറ്റ് ഡേവ് ഇബോട്‌സണും വേണ്ടിയുള്ള തെരച്ചില്‍ തുടരുകയാണ്.

തങ്ങളുടെ പുതിയ കളിക്കാരനു വേണ്ടി യാത്രാ വിമാനത്തില്‍ സൗകര്യം ഏര്‍പ്പെടുത്താനാണ് തീരുമാനിച്ചിരുന്നതെന്ന് മഹ്മത് ദല്‍മാന്‍ പറഞ്ഞു: ‘ഞങ്ങളുടെ കളിക്കാരന് യാത്രാസൗകര്യമൊരുക്കുക എന്നത് ഞങ്ങളുടെ ബാധ്യതയാണ്. വാണിജ്യ വിമാനത്തിലാണ് ഞങ്ങള്‍ സാധാരണ സൗകര്യമൊരുക്കാറുള്ളത്. നാന്റസില്‍ നിന്ന് പാരിസിലേക്ക് ട്രെയിനിലും അവിടെ നിന്ന് ഹീത്രുവിലേക്ക് വിമാനത്തിലുമാണ് സാല യാത്ര ചെയ്യേണ്ടിയിരുന്നത്. ഹീത്രുവില്‍ ഇറങ്ങിയ ശേഷം കാര്‍ഡിഫിലേക്ക് റോഡ് മാര്‍ഗവും. എന്നാല്‍, കുറച്ചുകൂടി വേഗത്തില്‍ എത്താന്‍ വേണ്ടി കളിക്കാരന്‍ തന്നെയാണ് തന്റെ യാത്രാ മാര്‍ഗം തെരഞ്ഞെടുത്തത്. സ്വന്തം നിലക്ക് എത്തിക്കൊള്ളാമെന്ന് സാല അറിയിക്കുകയായിരുന്നു.’ – ദല്‍മാന്‍ സ്‌കൈ സ്‌പോര്‍ട്‌സിനു നല്‍കിയ അഭിമുഖത്തില്‍ പറഞ്ഞു.

The search for a missing plane carrying Cardiff City striker Emiliano Sala and a pilot is now a recovery operation, with officials deciding later on Wednesday whether to continue looking: https://t.co/GvrwnpeQsm pic.twitter.com/yrhrN4do83

— Sky Sports News (@SkySportsNews) January 23, 2019

അതിനിടെ വിമാനം അപ്രത്യക്ഷമായി മൂന്നു ദിനം കഴിഞ്ഞിട്ടും എവിടെയെന്ന് കണ്ടെത്താന്‍ അധികൃതര്‍ക്ക് കഴിഞ്ഞിട്ടില്ല. കടലിലാണ് ലാന്റ് ചെയ്തിട്ടുള്ളതെങ്കില്‍ സാലയും ഇബോട്‌സണും ജീവിച്ചിരിക്കാനുള്ള സാധ്യത വളരെ കുറവാണെന്നാണ് അധികൃതര്‍ പറയുന്നത്.

അതിനിടെ, താന്‍ അപകടത്തിലാണെന്ന് വ്യക്തമാക്കി എമിലിയാനോ സാല സുഹൃത്തുക്കള്‍ക്ക് അയച്ചതെന്ന് കരുതപ്പെടുന്ന ശബ്ദസന്ദേശം പുറത്തുവന്നു. ഫുട്‌ബോള്‍ കളിക്കാരും സുഹൃത്തുക്കളുമടങ്ങുന്ന വാട്ട്‌സാപ്പ് ഗ്രൂപ്പില്‍ സാല അപ്‌ഡേറ്റ് ചെയ്ത സന്ദേശങ്ങള്‍ അര്‍ജന്റീനയിലെ മാധ്യമസ്ഥാപനമായ ഓലെ ആണ് പുറത്തുവിട്ടത്. വിമാനം അപകടത്തില്‍പ്പെടാന്‍ പോകുന്നതിന്റെ സൂചനകള്‍ നല്‍കിക്കൊണ്ടുള്ളതാണ് ഓഡിയോ സന്ദേശങ്ങള്‍.

i’m about to cry #sala pic.twitter.com/j0UgZNk8x5

— Daniel (@lufungulod) January 23, 2019

‘ഇപ്പോള്‍ തകര്‍ന്നുവീഴുമെന്ന് തോന്നിക്കുന്ന വിമാനത്തിലാണ് ഇപ്പോള്‍ ഞാനുള്ളത്. ഞാന്‍ കാര്‍ഡിഫിലേക്ക് പോവുകയാണ്. ഞങ്ങള്‍ക്ക് നാളെ തുടങ്ങാനുള്ളതാണ്. നാളെ ഉച്ചതിരിഞ്ഞ് പുതിയ ടീമില്‍ ഞാന്‍ പരിശീലനം തുടങ്ങുകയാണ്. എന്താണ് സംഭവിക്കുകയെന്ന് നമുക്ക് കാത്തിരുന്ന് കാണാം. സഹോദരീ സഹോദരന്മാരേ, എല്ലാം ശരിയല്ലേ?’

‘ഇനി ഒന്നര മണിക്കൂറില്‍ എന്നില്‍ നിന്നൊരു വാര്‍ത്തയും ലഭിച്ചില്ലെങ്കില്‍…. എന്നെ കാണാഞ്ഞ് തെരയാന്‍ അവര്‍ ആളുകളെ അയക്കുമോ എന്നറിയില്ല. പക്ഷേ, അച്ഛാ… ഞാന്‍ വല്ലാതെ ഭയപ്പെടുന്നു…’ ഒലെ പുറത്തുവിട്ട ശബ്ദ സന്ദേശത്തില്‍ പറയുന്നു.

Emiliano Sala sent a message to his beloved ones: "I'm on the plane. It looks like it's falling apart. If in an hour and a half you do not hear from me, I do not know if they will send someone to pick me up because they will not find me … I'm scared." pic.twitter.com/2Zdmeu3ct0

— Get247Sport (@Get247Sport) January 23, 2019

ദുരന്തത്തിലേക്കുള്ള കൂടുമാറ്റം

ഫ്രഞ്ച് ക്ലബ്ബായ നാന്റസില്‍ നിന്ന് ഇംഗ്ലീഷ് ക്ലബ്ബ് കാര്‍ഡിഫിലേക്ക് കൂടുമാറിയ എമിലിയാനോ സാല സഞ്ചരിച്ച വിമാനം തിങ്കളാഴ്ച രാത്രിയാണ് നഷ്ടപ്പെട്ടത്. ഫ്രാന്‍സിലെ നാന്റസ് നഗരത്തില്‍ നിന്ന് ഇംഗ്ലണ്ടിലെ കാര്‍ഡിഫിലേക്ക് പ്രാദേശിക സമയം തിങ്കളാഴ്ച വൈകീട്ട് പ7.15 ന് പുറപ്പെട്ട പൈപ്പര്‍ മാലിബു വിമാനം ചാനല്‍ ദ്വീപുകള്‍ക്കു സമീപം വെച്ച് റഡാറില്‍ നിന്ന് അപ്രത്യക്ഷമാവുകയായിരുന്നു. 28-കാരനായ സാലയെ ഫ്രഞ്ച് ക്ലബ്ബ് നാന്റസില്‍ നിന്ന് റെക്കോര്‍ഡ് തുകയായ 15 ദശലക്ഷം പൗണ്ടിന് ശനിയാഴ്ചയാണ് കാര്‍ഡിഫ് സിറ്റി സ്വന്തമാക്കിയത്. പുതിയ തട്ടകത്തിലേക്കുള്ള ആദ്യയാത്രയിലാണ് സാലയും മറ്റൊരാളും യാത്ര ചെയ്ത വിമാനം അപ്രത്യക്ഷമായിരിക്കുന്നത്.

The search for a missing aircraft that was carrying Emiliano Sala has resumed.

More: https://t.co/XiEe26yCbW pic.twitter.com/DTCfWFUJn3

— BBC Sport (@BBCSport) January 23, 2019

പറന്നുയര്‍ന്ന് 5000 അടി ഉയരത്തിലെത്തിയ വിമാനം തിരിച്ചിറങ്ങാന്‍ എയര്‍ ട്രാഫിക് കണ്‍ട്രോളിന്റെ അനുമതി തേടിയിരുന്നുവെന്ന് പൊലീസ് പറഞ്ഞു. 2300 അടി ഉയരത്തില്‍ വെച്ചാണ് റഡാര്‍ ബന്ധം വിച്ഛേദിക്കപ്പെട്ടത്. കപ്പലപകടങ്ങള്‍ക്കു കുപ്രസിദ്ധമായ കാസ്‌ക്വേ ലൈറ്റ്ഹൗസിനു സമീപംവെച്ചാണ് വിമാനം കാണാതായതെന്ന് അധികൃതര്‍ പറഞ്ഞു. വിമാനം എവിടെയെങ്കിലും ഇറങ്ങിയിട്ടുണ്ടോ എന്നറിയാന്‍ ഫ്രഞ്ച്, ബ്രിട്ടീഷ് അധികൃതര്‍ തെരച്ചില്‍ തുടങ്ങിയിട്ടുണ്ടെങ്കിലും ഫലം കണ്ടിട്ടില്ല. സാലയും സഹയാത്രികനും ജീവനോടെയുണ്ടായിരിക്കാന്‍ 50 ശതമാനം സാധ്യത മാത്രമാണ് താന്‍ കാണുന്നതെന്ന് ചാനല്‍ ദ്വീപിലെ എയര്‍ സെര്‍ച്ച് ചീഫ് ഓഫീസര്‍ ജോണ്‍ ഫിറ്റ്‌സ്‌ജെറാള്‍ഡ് പറഞ്ഞു.

അഞ്ച് വിമാനങ്ങളും രണ്ട് ലൈഫ്‌ബോട്ടുകളും ഉപയോഗിച്ച് 100 ചതുരശ്ര മൈല്‍ സ്ഥലത്ത് തെരച്ചില്‍ നടത്തിയെന്നും വിമാനത്തിന്റെ സൂചനകള്‍ ലഭിച്ചില്ലെന്നും ഫ്രഞ്ച് പൊലീസ് പറഞ്ഞു. ശക്തമായ കാറ്റും കടല്‍ക്ഷോഭവും തെരച്ചിലിനെ ബാധിച്ചിട്ടുണ്ട്.

ഫ്രഞ്ച് ലീഗിലെ മികച്ച പ്രകടനമാണ് ഇംഗ്ലീഷ് പ്രീമിയര്‍ ലീഗിലേക്കുള്ള കൂടുമാറ്റത്തിന് എമിലിയാനോ സാലയെ സഹായിച്ചത്. ലീഗില്‍ കെയ്‌ലിയന്‍ എംബാപ്പെക്കും എഡിന്‍സന്‍ കവാനിക്കും നെയ്മറിനും നിക്കോളാസ് പെപ്പെക്കും പിന്നില്‍ 12 ഗോളുമായി നാലാം സ്ഥാനത്താണ് സാല.

നാന്റസ് ടീമംഗങ്ങള്‍ക്കൊപ്പം നില്‍ക്കുന്ന ചിത്രം തിങ്കളാഴ്ച ട്വിറ്ററിലൂടെ പങ്കുവെച്ച സാല ‘അവസാനത്തെ ഗുഡ്‌ബൈ’ എന്നാണ് കുറിച്ചത്. പിന്നീട് ഒരു മാധ്യമത്തിന് നല്‍കിയ അഭിമുഖത്തില്‍ കാര്‍ഡിഫിലെത്തി പുതിയ കൂട്ടുകാരെ പരിചയപ്പെടാനും പരിശീലനം തുടങ്ങാനും തിടുക്കമായെന്നും താരം പറഞ്ഞു.