അരവിന്ദ് കെജ്‌രിവാള്‍ അന്വേഷണത്തോട് സഹകരിക്കുന്നില്ലെന്ന് ഇഡി കോടതില്‍ പറഞ്ഞു. പാസ്‌വേര്‍ഡ് നല്‍കാന്‍ ആവശ്യപ്പെട്ടിട്ടും നല്‍കാന്‍ തയാറായില്ലെന്നും ചോദ്യങ്ങള്‍ക്ക് പരസ്പര ബന്ധമില്ലാത്ത ഉത്തരങ്ങള്‍ നല്‍കുന്നുവെന്നും ഇഡി കോടതിയില്‍ വാദിച്ചത്.

കെജ്‍രിവാളിന് ജയിലിൽ പുസ്തകങ്ങൾ എത്തിച്ചുനൽകണമെന്ന് കോടതി നിർദേശിച്ചു. മൂന്ന് പുസ്തകങ്ങൾ കൈമാറാൻ കെജ്‍രിവാൾ അനുമതി തേടുകയായിരുന്നു. ഭഗവത് ഗീത, രാമായണം, ഹൗ പ്രൈം മിനിസ്റ്റേഴ്സ് ഡിസൈഡ് എന്നീ പുസ്തകങ്ങളാണ് അദ്ദേഹം ആവശ്യപ്പെട്ടത്. വീട്ടിൽ നിന്നുള്ള ഭക്ഷണം അനുവദിക്കണം, ലോക്കറ്റ് ധരിക്കാൻ തന്നെ അനുവദിക്കണം എന്നിവ ചൂണ്ടിക്കാട്ടി കെജ്‌രിവാൾ പ്രത്യേക അപേക്ഷ നൽകി.