ENGvIND – Chandrika Daily https://www.chandrikadaily.com Fri, 10 Aug 2018 10:56:11 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg ENGvIND – Chandrika Daily https://www.chandrikadaily.com 32 32 രണ്ടാം ടെസ്റ്റില്‍ ഇന്ത്യക്ക് ബാറ്റിങ്; രണ്ടു വിക്കറ്റ് പോയി https://www.chandrikadaily.com/rain-disrupts-play-after-india-lose-openers-in-second-test.html https://www.chandrikadaily.com/rain-disrupts-play-after-india-lose-openers-in-second-test.html#respond Fri, 10 Aug 2018 10:54:20 +0000 http://www.chandrikadaily.com/?p=98331 ലണ്ടന്‍: മഴ കാരണം ഒന്നാം ദിനം നഷ്ടമായ ഇംഗ്ലണ്ട് – ഇന്ത്യ രണ്ടാം ടെസ്റ്റ് മത്സരത്തില്‍ ഇന്ത്യക്ക് ബാറ്റിങ്. ടോസ് നേടിയ ഇംഗ്ലണ്ട് ബാറ്റിങ് തെരഞ്ഞെടുക്കുകയായിരുന്നു. മഴ കാരണം ഏഴാം ഓവറില്‍ കളി നിര്‍ത്തിവെക്കുമ്പോള്‍ രണ്ടിന് 11 എന്ന നിലയിലാണ് ഇന്ത്യ. മുരളി വിജയ് (0), ലോകേഷ് രാഹുല്‍ (8) എന്നിവര്‍ പുറത്തായി. വിരാത് കോലിയും (1) ചേതേശ്വര്‍ പുജാരയും (1) ആണ് ക്രീസില്‍.

ജെയിംസ് ആന്റേഴ്‌സണ്‍ എറിഞ്ഞ ആദ്യ ഓവറിലെ അഞ്ചാം പന്തില്‍ മുരളി വിജയ് (0) ആണ് ആദ്യം പുറത്തായത്. സ്വിങ് ചെയ്ത പന്തില്‍ സ്റ്റംപ് തെറിച്ചാണ് വിജയ് പുറത്തായത്. രണ്ട് ബൗണ്ടറികളുമായി ആത്മവിശ്വാസം സംഭരിക്കുകയായിരുന്ന ലോകേഷ് രാഹുലും ആന്റേഴ്‌സന്റെ പന്തില്‍ തന്നെ മടങ്ങി. ഏഴാം ഓവറിലെ ആദ്യപന്തില്‍ കീപ്പര്‍ ക്യാച്ച് നല്‍കിയാണ് ഓപണര്‍ മടങ്ങിയത്.

രണ്ടു പന്തിനു ശേഷം മഴയെത്തിയതോടെ കളി വീണ്ടും നിര്‍ത്തിവെച്ചു. മഴ പെയ്യുമെന്ന് കാലാവസ്ഥാ പ്രവചനമുള്ളതിനാല്‍ ഇന്ന് കളി തടസ്സമില്ലാതെ നടക്കാന്‍ ഇടയില്ല.

ബര്‍മിങ്ങാമില്‍ തോറ്റ ആദ്യ ടെസ്റ്റിലെ ടീമില്‍ നിന്ന് രണ്ട് മാറ്റങ്ങളുമായാണ് ഇന്ത്യ ഇറങ്ങിയത്. ശിഖര്‍ ധവാന് പകരം ചേതേശ്വര്‍ പുജാരയും ഉമേഷ് യാദവിന് പകരം കുല്‍ദീപ് യാദവും ടീമിലെത്തി. ഇംഗ്ലണ്ട് നിരയില്‍ ബെന്‍ സ്റ്റോക്‌സിനു പകരം ക്രിസ് വോക്‌സ് ഇടംനേടി.

]]> https://www.chandrikadaily.com/rain-disrupts-play-after-india-lose-openers-in-second-test.html/feed 0 സഹതാരങ്ങള്‍ ഐ.പി.എല്ലിനൊരുങ്ങുമ്പോള്‍ പുജാര ഇംഗ്ലണ്ടിലേക്ക് https://www.chandrikadaily.com/pujara-again-in-yorkshire-after-he-went-unsold-in-ipl.html https://www.chandrikadaily.com/pujara-again-in-yorkshire-after-he-went-unsold-in-ipl.html#respond Tue, 30 Jan 2018 09:12:06 +0000 http://www.chandrikadaily.com/?p=67406 ലണ്ടന്‍: ഇന്ത്യന്‍ ടീമിലെ സഹതാരങ്ങളെല്ലാം ഐ.പി.എല്‍ ആഘോഷമാക്കാനൊരുങ്ങുമ്പോള്‍ ടെസ്റ്റ് സ്‌പെഷ്യലിസ്റ്റ് ചേതേശ്വര്‍ പുജാര ഇംഗ്ലണ്ടിലായിരിക്കും. ഐ.പി.എല്‍ താര ലേലത്തില്‍ ആവശ്യക്കാരില്ലാതിരുന്നതോടെയാണ് കൗണ്ടി ക്രിക്കറ്റില്‍ യോര്‍ക്‌ഷെയറിനു വേണ്ടി കളിക്കാന്‍ പുജാര പോകുന്നത്. ഓഗസ്റ്റില്‍ ഇംഗ്ലണ്ടില്‍ പര്യടനം നടത്താനിരിക്കുന്ന ഇന്ത്യന്‍ ടീമിന്, ഇംഗ്ലീഷ് സാഹചര്യങ്ങളുമായി പുജാര പൊരുത്തപ്പെടുന്നത് ഏറെ ഗുണം ചെയ്യും.

യോര്‍ക്‌ഷെയറില്‍ ന്യൂസിലാന്റ് ക്യാപ്ടന്‍ കെയ്ന്‍ വില്യംസണിനൊപ്പമാണ് വിദേശ താരത്തിന്റെ സ്ലോട്ടില്‍ പുജാര കളിക്കുക. ഐ.പി.എല്‍ ആരംഭിക്കുന്ന ഏപ്രില്‍ ഏഴിന്, ലീഡ്‌സ് ബ്രാഡ്‌ഫോഡിനെതിരായ മത്സരത്തില്‍ കളിക്കുകയാവും പുജാര. ഇന്ത്യന്‍ താരവുമായി നേരത്തെ തന്നെ യോര്‍ക്‌ഷെയര്‍ ധാരണയിലെത്തിയിരുന്നെങ്കിലും ഐ.പി.എല്‍ ലേലം കഴിഞ്ഞതിനു ശേഷം മതി പ്രഖ്യാപനം എന്ന് തീരുമാനിക്കുകയായിരുന്നു.

കൗണ്ടി ക്രിക്കറ്റില്‍ തിരക്കായിരിക്കുമെങ്കിലും ബെംഗളുരുവില്‍ ജൂണ്‍ 14-നാരംഭിക്കുന്ന അഫ്ഗാനിസ്താനെതിരായ ഏക ടെസ്റ്റിനു വേണ്ടി പുജാര രാജ്യത്ത് മടങ്ങിയെത്തും. പിന്നീട് തിരിച്ചുപോയ ശേഷം ഹാംപ്‌ഷെയറിനെതിരെയും സ്‌പെക്‌സേവേഴ്‌സ് കൗണ്ടി ചാമ്പ്യന്‍ഷിപ്പിലും കളിക്കും.

ഓഗസ്റ്റ് ഒന്നു മുതല്‍ സെപ്തംബര്‍ 11 വരെയായി അഞ്ച് ടെസ്റ്റുകളാണ് ഇന്ത്യ ഇംഗ്ലണ്ടില്‍ കളിക്കുക. ഈയിടെ സമാപിച്ച ദക്ഷിണാഫ്രിക്കയുമായുള്ള ടെസ്റ്റ് പരമ്പരയില്‍ ഇന്ത്യ ജയിച്ച മൂന്നാം ടെസ്റ്റില്‍ പുജാരയുടെ അര്‍ധ സെഞ്ച്വറി നിര്‍ണായകമായിരുന്നു. ഒന്നാം ഇന്നിങ്‌സില്‍ ആദ്യ റണ്‍ നേടാന്‍ 53 പന്ത് നേരിട്ട താരം പ്രതിരോധാത്മക ഇന്നിങ്‌സിലൂടെ ഏറെ ശ്രദ്ധ നേടിയിരുന്നു.

ഇന്ത്യയുടെ ഇംഗ്ലണ്ട് പര്യടനം കഴിഞ്ഞാലും പുജാര മടങ്ങാന്‍ സാധ്യതയില്ല. സീസണിലെ അവസാന രണ്ട് മത്സരങ്ങളിലും യോര്‍ക്‌ഷെയറിനു വേണ്ടി കളിച്ച ശേഷമാവും താരം ഇന്ത്യയിലേക്കു തിരിക്കുക.

]]> https://www.chandrikadaily.com/pujara-again-in-yorkshire-after-he-went-unsold-in-ipl.html/feed 0