2023 -2024 അധ്യയന വര്‍ഷത്തേക്കുള്ള കുട്ടികളുടെ പ്രവേശനോത്സവത്തില്‍ ഒമാനി പൗരപ്രമുഖന്‍ ശൈഖ് ജമീല്‍ മുഖ്യാതിഥിയായിരുന്നു. മദ്രസ്സ ഹാളില്‍ നടന്ന പരിപാടിയില്‍ നവാഗതരെ ശൈഖ് ജമീല്‍ മധുരം നല്‍കി സ്വീകരിച്ചു.

മുഹമ്മദ് സിഫ്സീറിന്റെ ഖിറാഅത്തോടെ ആരംഭിച്ച പരിപാടിയില്‍ മദ്രസ്സ മാനേജ്മന്റ് കമ്മറ്റി ആക്ടിങ് പ്രസിഡന്റ് അറാഫത് അധ്യക്ഷനായിരുന്നു. മസ്‌കറ്റ് കെഎംസിസി കേന്ദ്രകമ്മറ്റി സെക്രട്ടറി ഇബ്രാഹിം ഒറ്റപ്പാലം യോഗം യോഗം ഉല്‍ഘാടനം ചെയ്തു.

മദ്രസ്സ മാനേജ്മന്റ് കമ്മറ്റി ജനറല്‍ സെക്രട്ടറി അഷറഫ് പോയിക്കര സ്വാഗതം പറഞ്ഞു. ശക്കീര്‍ ഫൈസി തലപ്പുഴ , ഉവൈസ് വഹബി, യൂസഫ് ബാഖവി മസ്‌കറ്റ് കെഎംസിസി മബേല ഏരിയ പ്രസിഡന്റ് സലിം അന്നാര, ജനറല്‍ സെക്രട്ടറി യാക്കൂബ് തിരൂര്‍, ഇര്‍ഷാദ് തുടങ്ങിയവര്‍ സംസാരിച്ചു. ശാക്കിര്‍ പുത്തന്‍ചിറ നന്ദി രേഖപ്പെടുത്തി.