തുര്‍ക്കിയില്‍ ഭൂകമ്പം; ഒരാള്‍ മരിച്ചു, 29 പേര്‍ക്ക് പരിക്ക്

webdesk17 — Mon, 11 Aug 2025 07:44:28 +0000

പടിഞ്ഞാറന്‍ തുര്‍ക്കിയിലെ സിന്ദിര്‍ഗിയിലാണ് റിക്ടര്‍ സ്‌കെയിലില്‍ 6.1 തീവ്രത രേഖപ്പെടുത്തിയ ഭൂചലനം നടന്നത്. ഒരാള്‍ മരിക്കുകയും 29 പേര്‍ക്ക് പരിക്കേല്‍ക്കുകയും ചെയ്തു എന്നാണ് റിപ്പോര്‍ട്ട്. ഭൂകമ്പത്തിന്റെ ഭാഗമായി ഒട്ടേറെ കെട്ടിടങ്ങളും തകര്‍ന്നു. ഞായറാഴ്ച രാത്രി 7.53-ഓടെയാണ് സിന്ദിര്‍ഗിയില്‍ ആദ്യ ഭൂചലനം സംഭവിച്ചത്. ഇതിനുപിന്നാലെ 3.5 മുതല്‍ 4.6 വരെ തീവ്രത രേഖപ്പെടുത്തിയ ഇരുപതോളം തുടര്‍ചലനങ്ങളുമുണ്ടായി. ഇസ്താംബുള്‍, ടൂറിസം കേന്ദ്രമായ ഇസ്മിര്‍ ഉള്‍പ്പെടെ രാജ്യത്തിന്റെ പടിഞ്ഞാറന്‍ നഗരങ്ങളിലും പ്രകമ്പനം അനുഭവപ്പെട്ടു. ഭൂചലനത്തെത്തുടര്‍ന്ന് സിന്ദിര്‍ഗിയില്‍ 16 കെട്ടിടങ്ങള്‍ പൂര്‍ണമായും തകര്‍ന്നെന്നാണ് റിപ്പോര്‍ട്ട്. നഗരമധ്യത്തിലെ മൂന്നുനില കെട്ടിടം ഉള്‍പ്പെടെ തകര്‍ന്നു വീണു. കെട്ടിടാവശിഷ്ടങ്ങള്‍ക്കിടയില്‍ നിന്നാണ് 81 വയസ്സുകാരനെ മരിച്ചനിലയില്‍ കണ്ടെത്തിയത്. 29 പേരെ പരിക്കേറ്റനിലയിലും കണ്ടെടുത്തു. പരിക്കേറ്റവരുടെ നില ഗുരുതരമല്ലെന്ന് മന്തി അലി യെര്‍ലിക്കായ മാധ്യമങ്ങളോട് പറഞ്ഞു. ഒട്ടേറെപേരെ കെട്ടിടാവശിഷ്ടങ്ങള്‍ക്കിടയില്‍നിന്ന് കണ്ടെടുത്ത് രക്ഷിച്ചതായും റിപ്പോര്‍ട്ടുകളിലുണ്ട്.

അഫ്‌ഗാൻ ഭൂകമ്പത്തിൽ മരിച്ചവരുടെ എണ്ണം 1000 കടന്നു

webdesk15 — Sun, 08 Oct 2023 06:47:43 +0000

പടിഞ്ഞാറൻ അഫ്ഗാനിസ്താനിലുണ്ടായ തുടർച്ചയായ ഭൂചലനത്തിൽ മരിച്ചവരുടെ എണ്ണം 1000 കടന്നു. മരണസംഖ്യ ഇനിയും ഉയരാൻ സാധ്യതയുണ്ടെന്നാണ് റിപ്പോർട്ടുകൾ ശനിയാഴ്ച അതിർത്തി പ്രദേശമായ ഹെറാത്ത് പ്രവിശ്യയിൽ 6.3 തീവ്രത രേഖപ്പെടുത്തിയ ഭൂചലനവും തുടർ ചലനങ്ങളും വൻ നാശനഷ്ടമാണ് ഉണ്ടാക്കിയിരിക്കുന്നത് ഭൂകമ്പത്തിൽ 465 വീടുകൾ തകരുകയും 135 വീടുകൾക്ക് കേടുപാടുകൾ സംഭവിക്കുകയും ചെയ്തതായാണ് പ്രാഥമിക റിപ്പോർട്ട്. കെട്ടിടാവശിഷ്ടങ്ങൾക്കിടയിൽ കുടുങ്ങിയവർക്കായി രാത്രി വൈകിയും രക്ഷാപ്രവർത്തകർ തെരച്ചിൽ നടത്തി.

erathquake – Chandrika Daily

തുര്‍ക്കിയില്‍ ഭൂകമ്പം; ഒരാള്‍ മരിച്ചു, 29 പേര്‍ക്ക് പരിക്ക്

അഫ്‌ഗാൻ ഭൂകമ്പത്തിൽ മരിച്ചവരുടെ എണ്ണം 1000 കടന്നു