വഖഫ് ചെയ്യുന്ന വ്യക്തി അഞ്ച് വര്‍ഷം ഇസ്ലാം മതം ആചരിക്കുന്നതായി തെളിഞ്ഞില്ലെങ്കില്‍ വഖഫ് അസാധുവാകുമെന്നതുള്‍പ്പെടെ ഇന്ത്യന്‍ ഭരണഘടനക്കും സാമാന്യ ബുദ്ധിക്കും നിരക്കാത്ത നിയമം ചുട്ടെടുത്തപ്പോള്‍ തന്നെ കോടതിയില്‍ ഇത് നിലനില്‍ക്കില്ലെന്നു ഉറപ്പായിരുന്നു. വഖഫ് ബോര്‍ഡിനെ തന്നെ അപ്രസക്തമാക്കി അതിന്റെ സ്വത്തുക്കളുടെ റവന്യൂ രേഖകളില്‍ അവകാശങ്ങള്‍ നിര്‍ണ്ണയിക്കാന്‍ ജില്ലാ കളക്ടറെ അനുവദിക്കുന്നതുള്‍പ്പെടെ സ്റ്റേ ചെയ്തത് മുസ്ലിം ലീഗ് ഉന്നയിച്ച മര്‍മ പ്രധാന വിഷയങ്ങള്‍ എല്ലാം കോടതിക്ക് ബോധ്യപ്പെട്ടത് കൊണ്ടാണ്.

ഇസ്ലാം മത കര്‍മങ്ങളില്‍ അധിഷ്ടിതമായ വകഫ് കൈകാര്യം ചെയ്യുന്ന സമിതിയില്‍ ഇതര വിഭാഗങ്ങള്‍ ഉണ്ടാവണമെന്ന് പിടിവാശി പിടിച്ചവരെ കോടതി മുഖ വിലക്കെടുത്തില്ല. വഖഫ് ബോര്‍ഡ് എക്‌സ്-ഒഫീഷ്യോ ഓഫീസര്‍ മുസ്ലിം സമുദായത്തില്‍ നിന്നുള്ളയാളായിരിക്കണമെന്നും വഖഫ് ബോര്‍ഡുകളിലെ മുസ്ലിം പ്രാതിനിധ്യം ഉറപ്പാക്കണമെന്നും സുപ്രിംകോടതി നിര്‍ദേശിച്ചത് വലിയ വിജയം തന്നെയാണ്. വകഫ് നിയമ ഭേദഗതിയിലൂടെ കേന്ദ്ര സര്‍ക്കാര്‍ ലക്ഷ്യമിട്ട ഹീന കരി നിയമങ്ങളെല്ലാം തല്‍ക്കാലം സ്റ്റേ ചെയ്ത കോടതി വിധി ഇന്ത്യന്‍ ഭരണ ഘടനയിലും രാജ്യത്തെ നീതി ന്യായ വ്യവസ്ഥയിലുമുള്ള വിശ്വാസം വര്‍ധിപ്പിക്കും. അന്തിമ വിധിയിലും നീതി ലഭിക്കുമെന്ന് തന്നെയാണ് വിശ്വാസം. ജനാധിപത്യ പോരാട്ടത്തിന് ഊര്‍ജം പകരുന്ന കോടതിവിധി ഇക്കാര്യത്തില്‍ കൂടെ നിന്ന എല്ലാ മതേതര കക്ഷികള്‍ക്കുമുള്ള അംഗീകാരമാണെന്നും ഇ. ടി മുഹമ്മദ് ബഷീര്‍ വ്യക്തമാക്കി.

സുപ്രീംകോടതി വിധി പ്രതീക്ഷ നല്‍കുന്നതെന്ന് മുസ്‌ലിം ലീഗ് ദേശീയ സെക്രട്ടറി പികെ കുഞ്ഞാലിക്കുട്ടി പ്രതികരിച്ചു. നീതി പുലരും എന്നാണ് പ്രതീക്ഷ. ഗുജറാത്ത് സര്‍ക്കാര്‍ പക്ഷപാതകരമായി പെരുമാറി. നിഷ്പക്ഷമായി നടക്കേണ്ട നീതിന്യായ വ്യവസ്ഥയെ കൂട്ടിലാക്കിവെച്ചിരിക്കുകയാണ്. ഇന്ത്യന്‍ ജനതക്ക് പ്രതീക്ഷ ഉയര്‍ത്തുന്ന വിധിയാണെന്നും കുഞ്ഞാലിക്കുട്ടി കൂട്ടിച്ചേര്‍ത്തു. ഇവിടെ ഗുജറാത്ത് സര്‍ക്കാര്‍ ആണ് കോടതിയെ തെറ്റിധരിപ്പിച്ചത്. ഇത് കോടതിക്ക് ബോധ്യമായി. ഗുജറാത്ത് സര്‍ക്കാര്‍ എത്രമാത്രം പക്ഷപാതപരമായാണ് കാര്യങ്ങള്‍ ചെയ്യുന്നതെന്നാണ് വ്യക്തമാകുന്നത്. ബിജെപി ഭരണം തുടര്‍ച്ചയായി വന്നാലുണ്ടാകുന്ന ഭവിഷ്യത്താണ് രാജ്യം അനുഭവിക്കുന്നത്. രാജ്യത്തെ പ്രതിപക്ഷമുന്നേറ്റത്തിന് ബില്‍കി ബാനു വിധി കാരണമായേക്കും. സര്‍ക്കാര്‍ സംവിധാനം സത്യസന്ധമായി മുന്നോട്ടു പോകുന്നില്ലെന്നാണ് വ്യക്തമാകുന്നതെന്നും പികെ കുഞ്ഞാലിക്കുട്ടി പറഞ്ഞു.

വളരെയധികം സന്തോഷം നല്‍കുന്ന വിധിയാണെന്ന് മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇടി മുഹമ്മദ് ബഷീര്‍ പറഞ്ഞു. അധികാരത്തിന്റെ ഹുങ്കില്‍ എന്ത് നെറികേടും ചെയ്യാമെന്ന സംഘപരിവാര്‍ ഗവണ്മെന്റിന്റെ ധാര്‍ഷ്ട്യത്തിനേറ്റ കനത്ത പ്രഹരമാണ് സുപ്രീം കോടതി വിധി. സധൈര്യം നിയമപോരാട്ടം നടത്തി വിജയം നേടിയ സഹോദരി ബില്‍ക്കിസ് ബാനുവിന് അഭിവാദ്യങ്ങളെന്നും ഇടി മുഹമ്മദ് ബഷീര്‍ കൂട്ടിച്ചേര്‍ത്തു.

പ്രതികള്‍ എത്ര ഉന്നതരായാലും നിയമത്തിന് അതീതരല്ലെന്നും ഗുജറാത്ത് സര്‍ക്കാര്‍ അധികാര ദുര്‍വിനിയോഗം നടത്തിയെന്നുമാണ് കേസില്‍ സുപ്രീംകോടതി വിമര്‍ശിച്ചത്. നീതിയുടെ അക്ഷരങ്ങള്‍ മാത്രമല്ല, അര്‍ത്ഥവും കോടതിക്കറിയാം. പ്രതികളോടുള്ള സഹതാപത്തിനും അനുകമ്പയ്ക്കും സ്ഥാനമില്ലെന്നും കോടതി വ്യക്തമാക്കി.