മ്യൂണിക്കിലെ അലിയാൻസ് അരീനയിൽ ഇന്നു രാത്രി 12.30നാണ് മത്സരത്തിനു കിക്കോഫ്.  പരാജയമറിയാതെയാണ് ഇരുടീമുകളും യൂറോയുടെ ഇത് വരെയുള്ള ഘട്ടങ്ങളിൽ മുന്നേറിയത്. സ്പെയിൻ ക്വാർട്ടറിൽ ആതിഥേയരായ ജർമനിയെ വീഴ്ത്തി സെമിയിൽ സ്ഥാനമുറപ്പിച്ചപ്പോൾ ഫ്രാൻസ് പെനാൽട്ടി ഷൂട്ടൗട്ടിൽ പോർച്ചുഗലിനെ മറികടന്നു.

ഈ യൂറോയിലെ ‘ഫൈനല്‍’ ആകേണ്ടിയിരുന്ന മത്സരം; സ്‌പെയിന്‍-ജര്‍മനി പോരാട്ടത്തെ ഇങ്ങനെ വിശേഷിപ്പിക്കുന്നതില്‍ അതിശയോക്തിയില്ല. കളിക്കണക്കുകളിലും താരത്തിളക്കത്തിലും ചാംപ്യന്‍ഷിപ്പില്‍ മുന്നില്‍ നില്‍ക്കുന്ന ടീമുകളാണ് സ്റ്റുട്ഗര്‍ട്ട് അരീനയില്‍ കളത്തിലിറങ്ങുന്നത്. ഈ യൂറോയില്‍ നാല് മത്സരങ്ങളും ജയിച്ച ഒരേയൊരു ടീമാണ് സ്‌പെയിന്‍.

ജര്‍മനി മൂന്ന് വീതം മത്സരം ജയിച്ചു. സ്വിറ്റ്‌സര്‍ലന്‍ഡിനെതിരെ ഗ്രൂപ്പ് ഘട്ടത്തില്‍ സമനില വഴങ്ങി. ഗോള്‍ നേട്ടത്തില്‍ ജര്‍മനി ഒന്നാം സ്ഥാനത്തും (10) സ്‌പെയിന്‍ (9) രണ്ടാമതുമാണ്. നിക്കോ വില്യംസ്, ലമീന്‍ യമാല്‍ തുടങ്ങിയ യുവതാരങ്ങള്‍ സ്‌പെയിനു കരുത്തു പകരുമ്പോള്‍ ഇരുപത്തിയൊന്നുകാരന്‍ മിഡ്ഫീല്‍ഡര്‍ ജമാല്‍ മുസിയാളയാണ് ജര്‍മനിയുടെ തുറുപ്പുചീട്ട്.

ലമീന്‍ യമാല്‍, നിക്കോ വില്യംസ്, ഫേബിയന്‍ റൂയിസ് എന്നിവര്‍ ഇന്നലെ സ്‌പെയിനിന്റെ പരിശീലന സെഷന് ഇറങ്ങിയില്ല. എന്നാല്‍ മൂന്നു പേര്‍ക്കും വിശ്രമം അനുവദിച്ചതാണ് എന്നാണ് റിപ്പോര്‍ട്ടുകള്‍. വിലക്കു മാറി ഡിഫന്‍ഡര്‍ യൊനാതന്‍ താ തിരിച്ചെത്തുന്നത് ജര്‍മനിക്കു സന്തോഷവാര്‍ത്ത.

2016 യൂറോ കപ്പ് ഫൈനലിന്റെ ആവര്‍ത്തനമാണ് പോര്‍ച്ചുഗല്‍-ഫ്രാന്‍സ് മത്സരം. 2016ല്‍ പാരിസില്‍ എക്‌സ്ട്രാ ടൈമിലേക്കു നീണ്ട മത്സരം പോര്‍ച്ചുഗല്‍ 1-0നു ജയിച്ചു. ഇത്തവണ മുന്നേറ്റനിര ഫോമിലായില്ലെങ്കിലും ഉറച്ച പ്രതിരോധം ഫ്രാന്‍സിനെ കാത്തു

മികച്ച താരനിരയുണ്ടെങ്കിലും പോര്‍ച്ചുഗലും അതിനൊത്ത പ്രകടനം കാഴ്ച വച്ചിട്ടില്ല. സ്‌ലൊവേനിയയ്‌ക്കെതിരെ വിജയം നേടാന്‍ ഷൂട്ടൗട്ട് വരെ കളിക്കേണ്ടി വന്നു. രണ്ടു മികച്ച ടീമുകള്‍ തമ്മിലുള്ള പോരാട്ടം എന്നതിനൊപ്പം 2 സൂപ്പര്‍ താരങ്ങളുടെ കണ്ടുമുട്ടല്‍ കൂടിയാണ് മത്സരം. ഫ്രാന്‍സിന്റെ സൂപ്പര്‍ താരം കിലിയന്‍ എംബപെയും പോര്‍ച്ചുഗലിന്റെ ഇതിഹാസം ക്രിസ്റ്റ്യാനോ റൊണാള്‍ഡോയും.

രണ്ടാം മഞ്ഞക്കാര്‍ഡ് കണ്ട് വിലക്കിലായ മിഡ്ഫീല്‍ഡര്‍ അഡ്രിയാന്‍ റാബിയോ ഇന്ന് ഫ്രഞ്ച് സ്‌ക്വാഡില്‍ ഇല്ല. പോര്‍ച്ചുഗീസ് നിരയില്‍ ആര്‍ക്കും വിലക്കോ പരുക്കോ ഇല്ല.

ഷൂട്ടൗട്ടില്‍ 3-0 നാണ് പോര്‍ച്ചുഗലിന്റെ വിജയം. പോര്‍ച്ചുഗീസ് ഗോള്‍കീപ്പര്‍ ഡിയാഗോ കോസ്റ്റയുടെ തട്ടു തകര്‍പ്പന്‍ സേവുകളാണ് പോര്‍ച്ചുഗലിനെ രക്ഷിച്ചത്. ഒന്നിനു പിറകേ ഒന്നായി സ്ലൊവേിയ തൊടുത്ത മൂന്നു പെനല്‍റ്റി ഷോട്ടുകളും കോസ്റ്റ തടഞ്ഞിട്ടു.

ആദ്യം മുതല്‍ പോര്‍ച്ചുഗല്‍ മിന്നല്‍ മുന്നേറ്റങ്ങള്‍ നടത്തിയെങ്കിലും ഗോള്‍വല കുലുക്കാനായിരുന്നില്ല. അധികസമയത്തിലെ ആദ്യ പകുതി അവസാനിക്കാന്‍ സെക്കന്‍ഡുകള്‍ ബാക്കി നില്‍ക്കെ റോണോ തൊടുത്ത പെനല്‍റ്റി ഷോട്ട് സ്ലൊവേനിയന്‍ ഗോളി യാന്‍ ഒബ്ലാക് തടഞ്ഞിട്ടു. അധികസമയത്തും ഗോള്‍ പിറന്നില്ല. എന്നാല്‍ പോര്‍ച്ചുഗീസ് പട മുന്നേറ്റം തുടര്‍ന്നു. ആദ്യ പകുതി അവസാനിക്കാന്‍ സെക്കന്‍ഡുകള്‍ ബാക്കി നില്‍ക്കേ പോര്‍ച്ചുഗലിന് അനുകൂലമായി പെനാല്‍റ്റി ലഭിച്ചു. കിക്കെടുക്കാനെത്തിയ റോണോക്ക് പിഴച്ചു. അധികസമയത്തെ ആദ്യ പകുതിയും അവസാനിച്ചു. മൈതാനത്ത് റൊണാള്‍ഡോ കണ്ണീരണിഞ്ഞു. സഹതാരങ്ങള്‍ റോണോയെ ആശ്വസിപ്പിക്കാനെത്തി.

വല കുലുങ്ങാതെ അധിക സമയവും അവസാനിച്ചു. പെനാല്‍റ്റി ഷൂട്ടൗട്ട്. അവിടെ മാന്ത്രികനെ പോലെ രക്ഷകനായി പോര്‍ച്ചുഗീസിന് ഗോള്‍കീപ്പര്‍ ഡിയാഗോ കോസ്റ്റ. തകര്‍പ്പന്‍ സേവുകള്‍. സ്ലൊവേനിയയുടെ മൂന്ന് കിക്കും തടുത്തിട്ട കോസ്റ്റ കരുത്തില്‍ റോണോയും സംഘവും ക്വാര്‍ട്ടറിലേക്ക്. മത്സരത്തില്‍ മികച്ച പ്രകടനം കാഴ്ച്ചവെച്ച കോസ്റ്റയെ തന്നെയാണ് സൂപ്പര്‍ താരമായി തിരഞ്ഞെടുത്തത്.

ഇരുടീമുകളും ഗോള്‍ കണ്ടെത്താന്‍ ഏറെ പ്രയാസപ്പെട്ട മത്സരമായിരുന്നു. ബെല്‍ജിയം അവസരങ്ങക്ക് സൃഷ്ടിക്കാന്‍ വരെ പാടുപെട്ടു. ഫ്രാന്‍സ് ആണ് കൂടുതല്‍ മെച്ചപ്പെട്ട ഫുട്‌ബോള്‍ കളിച്ചത്. എന്നാല്‍ അവരുടെ പ്രധാന അവസരങ്ങളില്‍ പലതും ലോംഗ് ഷോട്ടുകള്‍ ആയിരുന്നു. അതെല്ലാം പുറത്തേക്ക് എത്തിയ ഷോട്ടുകളും.

ബെല്‍ജിയത്തിന്റെ പ്രധാന താരങ്ങളായ ലുകാകുവിനും ഡി ബ്ര്യുയിനും ഇന്ന് തിളങ്ങാന്‍ ആയില്ല. 82ആം മിനുട്ടില്‍ ഡി ബ്രുയിന്റെ മികച്ച ഒരു ഷോട്ട് ഫ്രഞ്ച് കീപ്പര്‍ മൈഗ്‌ന്യാന്‍ തടയുകയും ചെയ്തു.

86ആം മിനുട്ടില്‍ കോളോ മുവാനിയുടെ സ്‌ട്രൈക്ക് ഫ്രാന്‍സ് ആഗ്രഹിച്ച ഗോള്‍ നല്‍കി. വലിയ ഡിഫ്‌ലക്ഷനോടെ ആയിരുന്നു ഈ പന്ത് വലയില്‍ എത്തിയത്. ഇതിനു ശേഷം തിരിച്ചുവരാനുള്ള സമയം ബെല്‍ജിയത്തിന് ഇല്ലായിരുന്നു.

ഇനി ക്വാര്‍ട്ടറില്‍ പോര്‍ച്ചുഗല്‍ സ്ലൊവേനിയ മത്സരത്തിലെ വിജയികളെ ആകും ഫ്രാന്‍സ് നേരിടുക.

എംബാപ്പെ നയിക്കുന്ന ഫ്രാൻസും കെവിൻ ഡിബ്രൂയിന് കീഴിലിറങ്ങുന്ന ബെല്‍ജിയവും തമ്മിലെ തീപാറും പോരാട്ടത്തിന് കാത്തിരിക്കുകയാണ് ലോകമെമ്ബാടുമുള്ള ഫുട്ബാള്‍ പ്രേമികള്‍.

ഇരുടീമും ഫിഫ റാങ്കിങ്ങില്‍ യഥാക്രമം രണ്ടും മൂന്നും സ്ഥാനങ്ങളിലുണ്ടെങ്കിലും അതിനുതകുന്ന പ്രകടനം യൂറോയില്‍ ഇനിയും പുറത്തെടുത്തിട്ടില്ല. മൂക്കിന് പരിക്കേറ്റ എംബാപ്പെ മാസ്ക് ധരിച്ചാണ് കളിക്കുന്നത്.

പോർചുഗലിന് സ്ലൊവേനിയ

ഫ്രാങ്ക്ഫർട്ട്: താരതമ്യേന ദുർബലരായ ജോർജിയയോട് ഗ്രൂപ് റൗണ്ടിലെ അവസാന മത്സരത്തില്‍ ഞെട്ടിക്കുന്ന തോല്‍വി ഏറ്റുവാങ്ങിയ പോർചുഗലിന് ഇന്ന് യൂറോയില്‍ പ്രീക്വാർട്ടർ. സ്ലോവേനിയയാണ് ക്രിസ്റ്റ്യാനോ റൊണാള്‍ഡോ സംഘത്തിന്റെ എതിരാളികള്‍. ചെക് റിപ്പബ്ലിക്കിനെയും തുർക്കിയയെയും തോല്‍പിച്ച്‌ നോക്കൗട്ടിലെത്തിയ പറങ്കിപ്പട എതിരില്ലാത്ത രണ്ട് ഗോളിനാണ് ജോർജിയയോട് തോറ്റത്.

39കാരനായ ക്രിസ്റ്റ്യാനോ ഇനിയും അക്കൗണ്ട് തുറന്നിട്ടില്ല. യൂറോയിലെ ഏറ്റവും പ്രായം കൂടിയ ഗോള്‍ സ്കോററാവാൻ 39കാരന് കഴിയുമോയെന്ന് ഫുട്ബാള്‍ ലോകം ഉറ്റുനോക്കുന്നുണ്ട്. മൂന്ന് പതിറ്റാണ്ടിനിടെ സ്ലൊവേനിയ ആദ്യമായാണ് ഒരു പ്രധാന ടൂർണമെന്റിന്റെ നോക്കൗട്ട് കളിക്കുന്നത്.

പോളണ്ടിനെതിരായ കളിയില്‍ വിശ്രമം അനുവദിച്ച അന്റോണിയോ ഗ്രീസ്മാൻ തിരിച്ചെത്തുന്നതോടെ ഫ്രഞ്ച് ടീമിന്റെ മധ്യനിര കൂടുതല്‍ ശക്തമാവും. ഇതിനകം ബെല്‍ജിയം സ്ട്രൈക്കർ റൊമേലു ലുക്കാക്കുവിന്റെ മൂന്ന് ഗോളുകളാണ് വാർ പരിശോധനയില്‍ നിഷേധിക്കപ്പെട്ടത്. താരത്തിന് ഇനിയും അക്കൗണ്ട് തുറക്കാനായിട്ടില്ല. കഴിഞ്ഞ രണ്ട് യൂറോയിലും ക്വാർട്ടറില്‍ പുറത്താവുകയായിരുന്നു ബെല്‍ജിയം.

അതുകൊണ്ട് തന്നെ വിരമിച്ച മിഡ്ഫീല്‍ഡ് ടോണി ക്രൂസിനെയടക്കം തിരിച്ചുവിളിച്ച് കരുത്തുറ്റ നിരയുമായാണ് ജര്‍മ്മനി ഇറങ്ങുന്നത്. മിഡ്ഫീല്‍ഡാണ് ജര്‍മ്മനിയുടെ കരുത്ത്. റയല്‍ മാഡ്രിഡ് താരം ടോണി ക്രൂസിന് പുറമെ ബാഴ്‌സലോണയുടെ ഇല്‍കായ് ഗുണ്ടോഗന്‍, ബയേണ്‍ മ്യൂണിക് താരങ്ങളായ ജമാല്‍ മുസിയാല, ലിറോയ് സാനെ, ബയേര്‍ ലെവര്‍കുസന്റെ അപരാജിത കുതിപ്പില്‍ നിര്‍ണായക പങ്കുവഹിച്ച ഫ്‌ലോറിയന്‍ വിര്‍ട്‌സ് എന്നിവരെല്ലാം അടങ്ങിയ മധ്യ നിര ഒരേ സമയം മുന്നേറ്റത്തിലേക്ക് പന്ത് ചലിപ്പിക്കാനും എതിര്‍മുന്നേറ്റത്തിന്റെ മുന്നേറ്റത്തിന്റെ മുനയൊടിക്കാനും കഴിയുള്ളവരാണ്. ലിവര്‍പൂള്‍ സൂപ്പര്‍ താരം ആന്‍ഡി റോബര്‍ട്ട്സണ്‍ എന്ന നായകനിലാണ് സ്‌കോട്ട്‌ലാന്‍ഡ് പ്രതീക്ഷ വെക്കുന്നത്. കാല്‍മുട്ടിന് പരിക്കേറ്റ സ്ട്രൈക്കര്‍ ലിന്‍ഡണ്‍ ഡൈക്സ് പുറത്തായത് സ്‌കോട്ട്‌ലാന്ഡിന് തിരിച്ചടിയാണ്.

യൂറോ കപ്പ് 2024 നു നാളെ രാത്രി 12:30 ഓടെ തിരി തെളിയും. ഉല്‍ഘാടന മത്സരത്തില്‍ ആതിഥേയരായ ജര്‍മനി സ്‌കോട്ട്‌ലന്റിനെ നേരിടും. ശനി ഞായര്‍ തിങ്കള്‍ ദിവസങ്ങളിലായി പോര്‍ച്ചുഗല്‍, ഫ്രാന്‍സ്, ഇംഗ്ലണ്ട്, സ്‌പെയിന്‍ ഹോളണ്ട്, ഇറ്റലി തുടങ്ങിയ കൊലകൊമ്പന്മാര്‍ ഗ്രൂപ്പ് സ്റ്റേജിലെ തങ്ങളുടെ ആദ്യ മത്സരത്തിനിറങ്ങും.

വമ്പന്മാര്‍ അരങ്ങു വാഴാന്‍പോകുന്ന ജര്‍മന്‍ മണ്ണില്‍ നിന്നും ഇത്തവണ ആരായിരിക്കും യൂറോപ്പിന്റെ ഈ സ്വപ്ന കിരീടത്തില്‍ മുത്തമിടുന്നതെന്ന് ആരാധകര്‍ ഉറ്റുനോക്കുന്നത്.

ബെര്‍ലിന്‍, കൊളോണ്‍, ഡോര്‍ട്ട്മുണ്ട്, ഡസല്‍ഡോര്‍ഫ്, ഫ്രാങ്ക്ഫര്‍ട്ട്, ഗെല്‍സെന്‍കിര്‍ച്ചന്‍, ഹാംബര്‍ഗ്, ലീപ്‌സിംഗ്, മ്യൂണിക്, സ്റ്റട്ട്ഗാര്‍ട്ട് എന്നീ പത്ത് നഗരങ്ങളിലാണ് യൂറോ കപ്പ് വേദികള്‍ സജ്ജമാക്കിയിരിക്കുന്നത്. 51 മത്സരങ്ങളുള്ള ടൂര്‍ണമെന്റില്‍ ആറ് ഗ്രൂപ്പുകളിലായി 24 ടീമുകള്‍ പങ്കെടുക്കും. ടൂര്‍ണമെന്റിന്റെ ഗ്രൂപ്പ് ഘട്ടം ജൂണ്‍ 26 വരെ നീളും.

തുടര്‍ന്ന് 16 ടീമുകളുടെ നോക്കൗട്ട് മത്സരങ്ങള്‍ ജൂണ്‍ 29 ന് ആരംഭിക്കും. ഗ്രൂപ്പിലെ ഒന്നും രണ്ടും സ്ഥാനങ്ങളിലെത്തുന്ന ടീമുകള്‍ക്ക് നോക്ക് ഔട്ട് മത്സരങ്ങള്‍ കളിക്കാം. ഇതിന് പുറമെ നാല് മൂന്നാം സ്ഥാനക്കാര്‍ക്കും നോക്ക് ഔട്ടിലെത്താം.

ടീം സ്‌ട്രെങ്ത് എടുത്താല്‍ ഫ്രാന്‍സും ഇംഗ്ലണ്ടും ഒരുപോലെ മികച്ചു നില്‍ക്കുന്നു. ടോപ് സ്‌കോറര്‍ പട്ടം നേടാന്‍ എംബാപ്പെയും ഹാരികെയ്‌നും തയ്യാറായി കഴിഞ്ഞു. പൊതുവെ ആക്രമണ ഫുട്‌ബോളിന് പേരുകേട്ടതാണ് യൂറോ കപ്പ്. നിലവിലെ ജേതാക്കളായ ഇറ്റലി കിരീടം നിലനിര്‍ത്താന്‍ പന്തു തട്ടുമ്പോള്‍, 1966 ശേഷം കിരീടമില്ലാത്ത ഇംഗ്ലണ്ട് ഇത്തവണ കിരീടത്തിന് കുറഞ്ഞതൊന്നും പ്രതീക്ഷിക്കുന്നില്ല.

കുഞ്ഞന്മാരെ ആരും ചെറുതായി കാണുന്നില്ല.സ്ലോവേനിയ, സെര്‍ബിയ,ഓസ്ട്രിയ,റോമാനിയ എന്നിങ്ങനെയുള്ളവരും മികച്ച സ്‌ക്വാഡുമായി യൂറോയില്‍ പന്തു തട്ടും.

റോണോള്‍ഡോയുടെ ബലത്തിലാണ് പോര്‍ചുഗല്‍ ഇറങ്ങുന്നത്. 2016ല്‍ സാക്ഷാല്‍ പോഗ്ബയുടെ ഫ്രാന്‍സിനെ തകര്‍ത്താണ് അണ്ണനും സംഘവും കിരീടം ചൂടിയത്. എല്ലാ ടീമും ഒന്നിനൊന്ന്് മികച്ചതാണ്. അങ്ങനെ വരുമ്പോള്‍ ഫുട്‌ബോള്‍ പ്രേമികള്‍ക്ക് നല്ലൊരു കാല്‍പന്ത് ആരവം കാണാം. ജൂലൈ 14 ന് ജര്‍മ്മന്‍ തലസ്ഥാനമായ ബെര്‍ലിനില ഒളിമ്പിയ സ്റ്റേഡിയത്തിലായിരിക്കും യൂറോ-2024 ന്റെ ഫൈനല്‍.

ഗ്രൂപ്പും ടീമുകളും

ഗ്രൂപ്പ് എ: ജര്‍മ്മനി, സ്‌കോട്ട്‌ലാന്റ്, ഹംഗറി, സ്വിറ്റ്‌സര്‍ലാന്റ്
ഗ്രൂപ്പ് ബി: സ്‌പെയിന്‍, ക്രൊയേഷ്യ, ഇറ്റലി, അല്‍ബേനിയ
ഗ്രൂപ്പ് സി: സ്ലോവേനിയ, ഡെന്‍മാര്‍ക്, സെര്‍ബിയ, ഇംഗ്ലണ്ട്
ഗ്രൂപ്പ് ഡി: പോളണ്ട്, നെതര്‍ലാന്റ്‌സ്, ഓസ്ട്രിയ, ഫ്രാന്‍സ്
ഗ്രൂപ്പ് ഇ: ബെല്‍ജിയം, സ്ലോവാക്യ, റൊമാനിയ, യുക്രയ്ന്‍
ഗ്രൂപ്പ് എഫ്: തുര്‍ക്കി, ജോര്‍ജിയ, പോര്‍ച്ചുഗല്‍, ചെക്‌റിപബ്ലിക്‌

മധ്യനിര താരം എന്‍ഗോളോ കാന്റെയ്ക്കും ടീമില്‍ സ്ഥാനം ലഭിച്ചു. രണ്ട് വര്‍ഷത്തെ ഇടവേളയ്ക്ക് ശേഷമാണ് കാന്റെ ഫ്രാന്‍സ് ദേശീയ ടീമിലെത്തുന്നത്. സീസണ്‍ അവസാനത്തില്‍ ടീം വിടാന്‍ ഒരുങ്ങുന്ന എസി മിലാന്‍ താരം ഒളിവര്‍ ജിറൂദും ഫ്രഞ്ചുപടയുടെ മുന്നേറ്റനിരയിലുണ്ട്.

ഗോള്‍കീപ്പര്‍മാര്‍: ബ്രൈസ് സാംബ, മൈക്ക് മൈഗ്നന്‍, അല്‍ഫോണ്‍സ് അരിയോള

ഡിഫന്‍ഡര്‍മാര്‍: ജൊനാഥന്‍ ക്ലോസ്, ജൂള്‍സ് കൗണ്ടെ, ബെഞ്ചമിന്‍ പവാര്‍ഡ്, ഇബ്രാഹിമ കൊണാറ്റെ, ദയോത് ഉപമെക്കാനോ, വില്യം സാലിബ, തിയോ ഹെര്‍ണാണ്ടസ്, ഫെര്‍ലാന്‍ഡ് മെന്‍ഡി

മിഡ്ഫീല്‍ഡര്‍മാര്‍: ഔറേലിയന്‍ ചൗമേനി, എഡ്വേര്‍ഡോ കാമവിംഗ, എന്‍ഗോളോ കാന്റെ, വെസ്ലി ഫൊഫാന, അഡ്രിയാന്‍ റാബിയോട്ട്, വാറന്‍ സയര്‍-എമറി

ഫോര്‍വേഡ്: കിലിയന്‍ എംബാപ്പെ, ഒളിവര്‍ ജിറൂഡ്, അന്റോയിന്‍ ഗ്രീസ്മാന്‍, ഔസ്മാന്‍ ഡെംബെലെ, മാര്‍ക്കസ് തുറാം, ബ്രാഡ്‌ലി ബാര്‍കോള, റാന്‍ഡല്‍ കോലോ മുവാനി, കിംഗ്സ്ലി കോമന്‍.

2010 ലെ ലോക ചാമ്പ്യന്മാരായ സ്‌പെയിന്‍ കളിക്കുന്നത് കാണാനാണ് ഫുട്‌ബോള്‍ ലോകം കാത്തിരിക്കുന്നത്. സെര്‍ജിയോ റാമോസ് എന്ന സ്ഥിരം നായകനെ കൂടാതെയാണ് സ്പാനിഷ് സംഘമിറങ്ങുന്നത്. പരുക്കില്‍ അവസരം ലഭിക്കാതിരുന്ന റാമോസിന് പകരം സെര്‍ജിയോ ബസ്‌കിറ്റസിനെയായിരുന്നു നായകനായി തീരുമാനിച്ചിരുന്നത്. പക്ഷേ കോവിഡ് ബാധിതനായി അദ്ദേഹവും പുറത്തായതിനാല്‍ അന്‍സു ഫാത്തി ഉള്‍പ്പെടുന്ന യുവതാരങ്ങളിലാണ് ടീമിന്റെ പ്രതീക്ഷ. പെദ്രി, ഫെറാന്‍ ടോറസ് തുടങ്ങിയ യുവതാരങ്ങള്‍ക്കൊപ്പം അല്‍വാരോ മോറാത്ത, ജോര്‍ദി ആല്‍ബ തുടങ്ങിയ അനുഭവ സമ്പന്നരുണ്ട്.

സ്വിഡിഷ് ഫുട്‌ബോളിന്റെ ആവേശമായിരുന്ന ഇബ്രാഹമോവിച്ചിനെ കൂടാതെയാണ് സ്‌കാന്‍ഡിനേവിയന്‍ സംഘം ഇറങ്ങുന്നത്. ദിനോ ഇസ്ലാമോവിച്ചിനെ പോലുള്ള യുവതാരങ്ങളാണ് ടീമിന്റെ പ്രതീക്ഷ. എല്ലാ മല്‍സരങ്ങളും ടെന്‍ ചാനലുകളില്‍.