പന്തുമായി മുന്നോട്ടു കുതിച്ച മുന്‍ ബാഴ്‌സലോണ താരം കൂടിയായ ഗോമസിനെ ടോട്ടനത്തിന്റെ ദക്ഷിണ കൊറിയന്‍ താരം സോണ്‍ മിനും സര്‍ജ് ഓറിയറും ചേര്‍ന്ന് ടാക്കിള്‍ ചെയ്ത് വീഴ്ത്തുകയായിരുന്നു. ബാലന്‍സ് തെറ്റിയുള്ള വീഴ്ചയിലാണ് ഗോമസിന്റെ വലത്തെ കണംകാല്‍ ഒടിഞ്ഞത്.
കാല്‍ക്കുഴയ്‌ക്കേറ്റ ഭീകരമായ ഒടിവ് കണ്ട് ഗാലറിയും ഫൗള്‍ ചെയ്ത സോണും ഓറിയര്‍ നടുങ്ങുന്നതാണ് പിന്നീട് കണ്ട്. കരച്ചിലടക്കാന്‍ പാടുപെട്ട സണ്ണിനെ ആശ്വസിപ്പിക്കാന്‍ ഇരു ടീമിലെയും താരങ്ങള്‍ക്കും മാച്ച് ഒഫീഷ്യല്‍സിനും വരെ ഇടപെടേണ്ടിവന്നു. ഇതേസമയം സര്‍ജ് ഓറിയര്‍ പ്രാര്‍ഥിക്കുകയായിരുന്നു.

26 കാരന്റെ പരുക്ക് ഗുരുതരമെന്ന് കണ്ടതോടെ മെഡിക്കല്‍ സംഘം ഗോമസിനെ ആസ്പത്രിയിലേക്ക് മാറ്റി. കാല്‍ക്കുഴയ്ക്ക് പൊട്ടലേറ്റ ആന്ദ്രേ ഗോമസിന് ഇന്ന് ശസ്ത്രക്രിയയ്ക്ക് വിധേയനാക്കുമെന്ന് എവര്‍ട്ടണ്‍ ക്ലബ് മാനേജ്‌മെന്റ് അറിയിച്ചു.

അതേസമയം, ഗോമസിന്റെ കാലോടിച്ച ടാക്ലിങിന് നല്‍കിയ റെഡ് കാര്‍ഡ് വിവാദമാകുന്നു. മത്സരത്തിന്റെ 79-ാം മിനിറ്റിലായിരുന്നു ടോട്ടനം സ്‌െ്രെടക്കര്‍ സോണ്‍ ഹിയുങ്ങിന്റെ അപകട ടാക്ലിങ് നടന്നത്. പന്തുമായി മുന്നോട്ടു കുതിച്ച ഗോമസിനെ സണ്‍ ടാക്ലിങ്് ചെയ്യുകയും പിന്നാലെ ഓറിയര്‍ ചവിട്ടി വീഴ്ത്തുകയുമായിരുന്നു. ഫൗളിന് സോണിന് റഫറി തുടക്കത്തില്‍ യെല്ലോ കാര്‍ഡ് വിളിച്ചെങ്കിലും പരുക്ക് ഗുരുതരമെന്ന് കണ്ടതോടെ റെഡ് ആക്കുകയും ഉണ്ടായി. കരഞ്ഞുകൊണ്ട് മുഖംപൊത്തിയാണ് സണ്‍ മൈതാനം വിട്ടത്.
എന്നാല്‍ ടാക്ലിങിലെ ഓറിയറിന്റെ ഇടപെടല്‍ റഫറി കാണാതെ പോയതാണ് വിവാദമാവുന്നത്. അസ്വാഭാവിക രീതിയിലുള്ള പരുക്കിന് കാരണം നിലത്തുവീഴുമ്പോള്‍ ഗോമസ് കാല്‍ ഓറിയര്‍ ചവിട്ടിവെച്ചതുകൊണ്ടാണെന്നാണ് വ്യക്തമാവുന്നത്. ഇത് ഭീകരമാകരമായ ടാക്ലിങായി കണ്ട് കാര്‍ഡ് നല്‍കേണ്ടിയിരുന്നെന്നാണ് വിമര്‍ശനം ഉയരുന്നത്.

എന്നാല്‍ ഗോമസിനേറ്റ പരുക്കില്‍ പരുക്കിന് കാരണമായ താരങ്ങളെ ഫുട്‌ബോള്‍ ലോകം പഴിക്കുന്നില്ല. വേദനയില്‍ പുളയുന്ന ആന്ദ്രേയെ കണ്ട് നിലവിളിച്ചുകരയുന്ന സോണും പ്രാര്‍ത്ഥനയില്‍ മുഴുകിയ ഓറിയറും മൈതാനത്ത് മാന്യതയുടെ മാതൃകയാവുകയാണ്.

അതേസമയം പരുക്കേറ്റ ഗോമസിന് സീസണിലെ മത്സരങ്ങള്‍ എല്ലാം നഷ്ടമായേക്കുമെന്ന സൂചനകളാണ് ലഭിക്കുന്നത്. പരുക്ക് ഭേദമായി താരം മൈതാനത്തേക്ക് വേഗം മടങ്ങിയെത്തുമെന്ന പ്രതീക്ഷയിലാണ് ഓരോ ഫുട്‌ബോള്‍ പ്രേമിയും.

എമിറേറ്റ്‌സ് സ്‌റ്റേഡിയത്തില്‍ സെര്‍ബിയന്‍ ക്ലബ് എഫ്.കെ ക്രിവേന സെസ്ട ബിയോഗ്രാഡാണ് ഗണ്ണേഴ്‌സിനെ ഗോള്‍ രഹിത സമനിലയില്‍ തളച്ചത്. ഒലിവര്‍ ജിറൂട്, ജാക് വില്‍ഷെയര്‍, തിയോ വാല്‍ക്കോട്ട് ത്രയങ്ങളെ മുന്‍നിരയില്‍ പരിശീലകന്‍ ആര്‍സെന്‍ വെങര്‍ പരിക്ഷിച്ചെങ്കിലും ഇതിനു ഫലമുണ്ടായില്ല. ഗ്രൂപ്പ് എച്ചില്‍ നാലു കളിയില്‍ മൂന്നു ജയവും ഒരു സമനിലയുമായി പത്ത് പോയിന്റുള്ള ആര്‍സനല്‍ ഒന്നാം സ്ഥാനത്താണ്. മോശം ഫോം തുടരുന്ന എവര്‍ട്ടണ്‍ ഫ്രഞ്ച് ക്ലബ് ഒളിംപിക് ലിയോണിനോട് മറുപടിയില്ലാത്ത മൂന്നു ഗോളിന് തോറ്റ് പുറത്തായി. മാഞ്ചസ്റ്റര്‍ യുണെറ്റഡില്‍ നിന്നും ഒളിംപിക് ലിയോണില്‍ ലോണിലെത്തിയ മെംഫിസ് ഡിപേ ഒരു ഗോള്‍ നേടുകയും ഒരുഗോളിന് വഴിയൊരുക്കി കളിയിലെ താരമായി. ഗ്രൂപ്പ് എച്ചില്‍ കളിച്ച നാലു കളിയില്‍ മൂന്നു കളിയിലും എവര്‍ട്ടണ്‍ ഇതോടെ തോറ്റു. എട്ടു പോയിന്റു വീതം നേടി ഒളിംപിക് ലിയോണും ഇറ്റാലിയന്‍ സീരി എ ക്ലബ് അത്‌ലാന്റ് ബി.സിയുമാണ് ഒന്നാമത്. ഒരു പോയിന്റ് മാത്രമാണ് എവര്‍ട്ടണിന്റെ സമ്പാദ്യം.

അതേസമയം സ്പാനിഷ് ക്ലബുകളായ വിയ്യാറയല്‍, അത്‌ലറ്റിക് ക്ലബ്, റയല്‍ സോസിടാഡ് എന്നിവര്‍ ജയിച്ചു പ്രീക്വാര്‍ട്ടര്‍ സാധ്യത നിലനിര്‍ത്തി. ഗ്രീസില്‍ നിന്നുള്ള എ.ഇ.കെ എതന്‍സ് എഫ്.സി മുന്‍ ഇറ്റാലിയന്‍ ചാമ്പ്യരായ എ.സി മിലാനെ സമനില(0-0)യില്‍ തളച്ചു. സമനില വഴങ്ങിയെങ്കിലും എട്ടു പോയിന്റുമായി മിലാന്‍ തന്നെയാണ് ഗ്രൂപ്പ് ഡിയില്‍ മുന്നില്‍.

ഗ്രൂപ്പ് ഐയില്‍ പോര്‍ച്ചുഗീസ് ക്ലബ്ബ് വിക്ടോറിയ ഗ്വിമാറസിനെതിരെ ഒളിംപിക് മാഴ്സെ പരാജയം. ഏകപക്ഷീയമായ ഒരു ഗോളിനാണ് മാഴ്‌സെ തോല്‍വി പിണഞ്ഞത്. മത്സരം ആരംഭിക്കും മുമ്പ് വംശീയമായി അധിക്ഷേപിച്ച ആരാധകനെ ചവിട്ടിയതിന് ഒളിംപിക് മാഴ്സെ താരം പാട്രീസ് എവ്ര ചുവപ്പുകാര്‍ഡ് കണ്ട് പുറത്തായിരുന്നു.

| @WayneRooney returns with a stunning goal just 34 minutes into his second #EFC debut! #EvertonInTZ pic.twitter.com/59OQP4ioz4

— Everton (@Everton) July 13, 2017

13 വര്‍ഷത്തെ മാഞ്ചസ്റ്റര്‍ യുനൈറ്റഡ് വാസം അവസാനിപ്പിച്ച റൂണി കഴിഞ്ഞയാഴ്ചയാണ് എവര്‍ട്ടനില്‍ ചേര്‍ന്നത്.