20,000 സന്ദര്‍ശകരെ പ്രതീക്ഷിക്കുന്നതായും അധികൃതര്‍ അറിയിച്ചു. ലേ ആസ്ട്രിഡ് ഇന്റര്‍നാഷണലും ബെഞ്ച്മാര്‍ക് ഇവന്റും സംയുക്തമായി നടത്തുന്ന ആദ്യ പ്രദര്‍ശനമാണിത്. സര്‍ക്കാര്‍ തലത്തിലുള്ള സ്ഥാപനങ്ങളുടെ സാന്നിധ്യമുണ്ടാകുന്ന ഈ പ്രദര്‍ശനം എല്ലാ വര്‍ഷവും സംഘടിപ്പിക്കും. വ്യവസായിക മേഖലക്ക് പുറമെ, ടെക്‌നോളജി, ഓട്ടോമോട്ടീവ്, ബീവറേജ് മേഖലകളും ഇതിലടങ്ങുന്നു. യുഎഇ ആസ്ഥാനമായ സ്ഥാപനങ്ങളും ഇവിടെ എത്തും.

ദുബൈയില്‍ ഇത്തരമൊരു സമ്മേളനം ഇതാദ്യമായി നടത്താനാകുന്നതില്‍ സന്തോഷമുണ്ടെന്ന് ജപ്പാന്‍ വ്യവസായ, തൊഴില്‍, വിനോദ സഞ്ചാര വകുപ്പ് ഡയറക്ടര്‍ ജനറല്‍ ഹിദെയൂകി കബയാഷി പറഞ്ഞു. യുഎഇ-ജപ്പാന്‍ സര്‍ക്കാറുകള്‍ക്കിടക്കുള്ള സഹകരണ സംരംഭമാണിത്. യുഎഇയില്‍ ജപ്പാന്‍ വ്യാപാര സാന്നിധ്യം വര്‍ധിപ്പിക്കാന്‍ ഇതുപകരിക്കുമെന്നും അദ്ദേഹം പ്രത്യാശിച്ചു. ക്യോട്ടോ പ്രിഫക്ചര്‍ ഗാവര്‍ണര്‍ തകാതോഷി നിഷിവാകി, മയ്‌കോ എന്റര്‍പ്രൈസസ് സിഇഒ മായ് സകാവു, ദുബായ് ചേംബര്‍ ഉദ്യോഗസ്ഥര്‍ ചടങ്ങില്‍ പങ്കെടുത്തു.

ഇന്ത്യയില്‍  നിന്നും യുഎഇയില്‍ നിന്നുമടക്കമുള്ള കമ്പനികള്‍ക്ക് തങ്ങളുടെ ആഗോള പങ്കാളികളുമായി ചേരാന്‍ മികച്ച അവസരമാണിത്. വയര്‍, ട്യൂബ് ആഗോള വിപണി 2021ല്‍ 330 ബില്യണ്‍ യുഎസ് ഡോളറില്‍ നിന്ന് 5 ശതമാനം സിഎജിആറില്‍ 2026ഓടെ 420 ബില്യണ്‍ ഡോളറായി വളരുമെന്ന് കണക്കാക്കപ്പെടുന്നു.
മിഡില്‍ ഈസ്റ്റിലെ 10 ബില്യണ്‍ യുഎസ് ഡോളറിന്റെ വയര്‍, കേബിള്‍സ്, ട്യൂബ് വ്യവസായം മേഖലയിലെ അടിസ്ഥാന സൗകര്യ വികസനത്തിന്റെ ലാഭവിഹിതം കൊയ്യുന്നത് ലോകത്തിലെ പ്രമുഖ ഇരട്ട വ്യാപാര മേളയില്‍ പങ്കെടുത്ത് തങ്ങളുടെ കയറ്റുമതി സാധ്യതകള്‍ കൂടുതല്‍ മെച്ചപ്പെടുത്താന്‍ കമ്പനികള്‍ക്ക് സാധ്യത വര്‍ധിപ്പിക്കുന്നതാണ്.

എണ്ണ, വാതകം, ടെലികോം, നിര്‍മാണം, വ്യാവസായിക ഉല്‍പാദനം തുടങ്ങിയ മേഖലകളിലെ അടിസ്ഥാന സൗകര്യ വികസനത്തില്‍ ശക്തവും അല്‍ഭുതകരവുമായ വളര്‍ച്ചയോടെ മിഡില്‍ ഈസ്റ്റ് നിലവില്‍ വയര്‍, കേബിര്‍, ട്യൂബ് തുടങ്ങിയ വ്യവസായങ്ങളുടെ ഏറ്റവും ഇഷ്ടപ്പെട്ട സ്ഥലമായി മാറിക്കഴിഞ്ഞിട്ടുണ്ട്.

ഗള്‍ഫ്, ഏഷ്യ, ഓഷ്യാനിയ, ആഫ്രിക്ക, യൂറോപ്, അമേരിക്ക എന്നിവിടങ്ങളിലെ 45 വിപണികളിലേക്ക് 60 ശതമാനത്തിലധികം ഉല്‍പന്നങ്ങള്‍ കയറ്റുമതി ചെയ്യുന്ന ഡുകാബ് (ദുബൈ കേബിള്‍സ്) ഉള്‍പ്പെടെ യുഎഇയില്‍ നിന്നും പ്രദര്‍ശകര്‍ സാന്നിധ്യമറിയിക്കും. ബഹ്‌റൈന്‍, ഈജിപ്ത്, ഇറാന്‍, ഒമാന്‍ എന്നിവിടങ്ങളില്‍ നിന്നുള്ളവരാണ് മറ്റ് പങ്കാളികള്‍. ഇന്ത്യ, യുഎഇ, യുഎസ്, മിഡില്‍ ഈസ്റ്റ്, സെന്‍ട്രല്‍-സൗത്ത് അമേരിക്ക, ഏഷ്യ, ആഫ്രിക്ക എന്നിവിടങ്ങളിലെ 60 രാജ്യങ്ങളില്‍ നിന്നുള്ളവയ്ക്ക് 1 ദശലക്ഷം ചതുരശ്ര അടിയില്‍ വ്യാപിച്ചു കിടക്കുന്ന ഏകദേശം 2,000 പ്രദര്‍ശകരുണ്ടാകും.

ഫെബ്രുവരി നാലിന് രാവിലെ പത്ത് മണിക്ക് മുഖ്യമന്ത്രി പിണറായി വിജയൻ എക്സ്പോ ഉദ്ഘാടനം ചെയ്യും. തദ്ദേശ സ്വയം ഭരണ എക്സൈസ് വകുപ്പ് മന്ത്രി എം ബി രാജേഷ് അധ്യക്ഷത വഹിക്കും, പ്രതിപക്ഷ നേതാവ് വി ഡി സതീശൻ മുഖ്യ പ്രഭാഷണം നടത്തും. വ്യവസായ-കയര്‍ വകുപ്പ് മന്ത്രി പി രാജീവ്, ജര്‍മ്മൻ കോൺസുല്‍ ജനറല്‍ ആചിം ബര്‍ക്കാര്‍ട്ട് എന്നിവര്‍ മുഖ്യാതിഥികളായിരിക്കും. ചീഫ് സെക്രട്ടറി വി പി ജോയ് ആമുഖ പ്രഭാഷണം നടത്തും. കൊച്ചി മേയര്‍ എം അനില്‍ കുമാര്‍, ഹൈബി ഈഡൻ എം പി, എംഎല്‍എമാരായ ടി ജെ വിനോദ്, കെ എൻ ഉണ്ണികൃഷ്ണൻ, കെ ജെ മാക്സി, ഉമാ തോമസ്, ജില്ലാ പഞ്ചായത്ത് പ്രസിഡന്‍റ് ഉല്ലാസ് തോമസ്, നവകേരള കര്‍മ്മ പദ്ധതി കോര്‍ഡിനേറ്റര്‍ ടി എൻ സീമ തുടങ്ങിയവര്‍ സംസാരിക്കും. ഇന്ത്യയ്ക്ക് അകത്തുനിന്നും പുറത്തുനിന്നും 150ലേറെ പ്രമുഖരാണ് മൂന്ന് ദിവസങ്ങളിലായി നീണ്ടുനില്‍ക്കുന്ന സെമിനാറുകളിലും പരിപാടികളിലും സംബന്ധിക്കുന്നത്.

സംസ്ഥാനത്തെ എല്ലാ തദ്ദേശ സ്വയം ഭരണ സ്ഥാപനങ്ങളില്‍ നിന്നും ചുരുങ്ങിയത് പത്ത് പ്രതിനിധികള്‍ എക്സ്പോയില്‍ പങ്കെടുക്കാനെത്തും. ഇതിന് പുറമേ മാലിന്യമേഖലയിലെ വിവിധ സംഘടനാ പ്രതിനിധികള്‍, പരിസ്ഥിതി പഠന വിദ്യാര്‍ഥികള്‍, മാധ്യമപ്രതിനിധികള്‍, സംരംഭകര്‍ തുടങ്ങിയവരെല്ലാം എക്സ്പോയ്ക്കെത്തും. കേരള ചരിത്രത്തിലെ ഏറ്റവും വിപുലവും നവീനവുമായ ശുചിത്വ-മാലിന്യ സംസ്കരണ പ്രദര്‍ശന-പഠന പ്രക്രീയയ്ക്കാണ് കൊച്ചി വേദിയാകുന്നത്.

ദുബൈ: എക്‌സ്‌പോ 2020നായുള്ള റോഡ് വികസനപദ്ധതിക്ക് 1.3 ബില്യണ്‍ ദിര്‍ഹമിന്റെ (130 കോടി ദിര്‍ഹമിന്റെ)കരാറുകള്‍ ദുബൈ ആര്‍.ടി.എ കൈമാറി. മൂന്നും നാലും ഘട്ടങ്ങളിലെ വികസനത്തിനായി രണ്ടു കരാറുകളാണ് പുതിയതായി നല്‍കിയത്.
എക്‌സ്‌പോ റോഡ് വികസനത്തിനുള്ള നിര്‍മാണം ഉടന്‍ തുടങ്ങാന്‍ യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് ആല്‍ മക്തൂം നിര്‍ദേശിച്ചിരുന്നു.
എക്‌സ്‌പോ വേദിയിലേക്കുള്ള ഗതാഗതം സുഗമമാകുന്നതിനും സമീപത്തെ ഭാവിപദ്ധതികള്‍ക്കും സഹായമാകുന്നതാണ് വികസനപദ്ധതികള്‍. ദുബൈയിയുടെ ബൃഹത് പദ്ധതിയായ എക്‌സ്‌പോക്കുവേണ്ടി ആര്‍.ടി.എ. നടത്തുന്ന ഏറ്റവും വലിയ വികസനപദ്ധതിയാണ് ഇതെന്ന് ആര്‍.ടി.എ. ചെയര്‍മാന്‍ മത്താര്‍ അല്‍ തായര്‍ പറഞ്ഞു. ആറു ഘട്ടങ്ങളായാണ് പദ്ധതി പൂര്‍ത്തീകരിക്കുകയെന്നും അദ്ദേഹം പറഞ്ഞു. മൂന്നാംഘട്ട വികസനത്തില്‍ നിര്‍മിക്കുന്ന മൊത്തം പാലങ്ങളുടെ ദൈര്‍ഘ്യം മൂന്ന് കിലോമീറ്ററും റോഡുകളുടേത് ആറര കിലോമീറ്ററും വരും. നാലാംഘട്ട വികസനത്തില്‍ മൊത്തം രണ്ടുകിലോമീറ്റര്‍ നീളമുള്ള പാലങ്ങളും പത്ത് കിലോമീറ്റര്‍ നീളത്തില്‍ റോഡും നിര്‍മിക്കും.
ശൈഖ് സായിദ് ബിന്‍ ഹംദാന്‍ ആല്‍ നഹ്യാന്‍ സ്ട്രീറ്റില്‍നിന്ന് ജബല്‍ അലി ലെഹ്ബാബ് സ്ട്രീറ്റിലേക്കും അല്‍ യലയെസ് സ്ട്രീറ്റിലേക്കുമുള്ള രണ്ട് ഇന്റര്‍സെക്ഷനുകളാണ് പദ്ധതിയില്‍ ഏറ്റവും പ്രധാനം. ശൈഖ് സായിദ് ബിന്‍ ഹംദാന്‍ ആല്‍ നഹ്യാന്‍ സ്ട്രീറ്റ് രണ്ടു ദിക്കിലേക്കുമായി അഞ്ചുവരികളായി വീതി കൂട്ടുകയും ചെയ്യും. സര്‍വീസ് റോഡുകളും പുതുതായി അഞ്ചുപാലങ്ങളും ഇവിടെ വരും. ദുബൈ ഇന്‍വെസ്റ്റ്‌മെന്റ് പാര്‍ക്കിനടുത്ത് രണ്ടു മേല്‍ പാലങ്ങള്‍ നിര്‍മിക്കാന്‍ ധാരണയായി.
എക്‌സ്‌പോ വേദിയില്‍നിന്ന് ലെഹ്ബാബ് സ്ട്രീറ്റിലേക്ക് പ്രവേശിക്കാനും പുറത്തേക്ക് പോകാനും പ്രത്യേകപാതയൊരുക്കലും വികസന പദ്ധതിയില്‍ ഉള്‍പ്പെടുന്നു.