തികച്ചും സാധാരണക്കാരും പാവങ്ങളുമായ അവരുടെ ആവശ്യങ്ങള്‍ കേള്‍ക്കാന്‍ സര്‍ക്കാര്‍ തയാറാകണം. ഇതിനായി പൊതുമരാമത്ത് വകുപ്പ് മന്ത്രി ഉള്‍പ്പെടെ ബന്ധപ്പെട്ട ജനപ്രതിനിധികളുടെ യോഗം ഉടന്‍ തന്നെ വിളിച്ചുചേര്‍ക്കാമെന്ന് മുഖ്യമന്ത്രി നിവേദകസംഘത്തെ അറിയിച്ചു.
ഭൂമി ഏറ്റെടുക്കല്‍ ആക്ട് പ്രകാരം അവര്‍ക്ക് നെഗോഷ്യേറ്റ് ചെയ്യാനുള്ള അവകാശമുണ്ട്. അതിന് സാഹചര്യമൊരുക്കണമെന്നും നിവേദകസംഘം മുഖ്യമന്ത്രിയോട് ആവശ്യപ്പെട്ടു. ഇക്കാര്യത്തില്‍ സര്‍ക്കാറിന്റെ ഭാഗത്തുനിന്ന് ഉചിതമായ നടപടിയുണ്ടാകുമെന്നും ഭൂമി നഷ്ടപ്പെടുന്നവരുടെ യോഗം വിളിച്ച് പരിഹാരമുണ്ടാക്കാന്‍ ഉടന്‍ നിര്‍ദേശം നല്‍കാമെന്നും മുഖ്യമന്ത്രി അറിയിച്ചു.

ഇന്നലെ തിരുവനന്തപുരത്ത് ചേര്‍ന്ന യു.ഡി.എഫ് ഉന്നതാധികാരസമിതി ഇതു സംബന്ധിച്ച് വിശദമായി ചര്‍ച്ച നടത്തിയെന്നും കുഞ്ഞാലിക്കുട്ടി അറിയിച്ചു. മലപ്പുറം ജില്ലയിലെ ദേശീയപാത വികസനവുമായി ബന്ധപ്പെട്ട സര്‍വേ ആരംഭിച്ചപ്പോള്‍ തന്നെ വലിയ തോതിലുള്ള പ്രതിഷേധമുയര്‍ന്നിരുന്നു. എന്നാല്‍ സര്‍ക്കാര്‍ ഇതുവരെ നാട്ടുകാരുമായി ചര്‍ച്ച നടത്താന്‍ തയാറായിട്ടില്ല. ഈ സാഹചര്യത്തിലാണ് മുസ്‌ലിം ലീഗ് മുഖ്യമന്ത്രിയെ സമീപിച്ചതെന്നും പി.കെ കുഞ്ഞാലിക്കുട്ടി എം.പി പറഞ്ഞു.

യുപിയിലെ ഉന്നാവോ ജില്ലയിലുള്ള ലക്‌നൗ ആഗ്ര എക്‌സ്പ്രസ്സ് റോഡില്‍ ഇന്ത്യന്‍ വ്യോമസേനയുടെ(ഐഎഎഫ്) യുദ്ധ വിമാനങ്ങള്‍ പറന്നിറങ്ങി. അടിയന്തര ഘട്ടങ്ങളില്‍ ദേശീയ പാതകള്‍ റണ്‍വേയാക്കാന്‍ പറ്റുമോ എന്നതിന്റ പരീക്ഷണാടിസ്ഥാനത്തിലാണ് വിമാനങ്ങള്‍ ഹൈവേ റോഡില്‍ ലാന്റ് ചെയ്യുകയും ടേക്ക് ഓഫ് ചെയ്യുകയും ചെയ്തത്.
വ്യോമസേനയുടെ നിരവധി മുന്‍നിര യുദ്ധ വിമാനങ്ങളായ മിറാഷ് 2000, സുഖോയ് 30, ചരക്കു വിമാനമായ എഎന്‍ 32, യാത്രാ വിമാനമായ സൂപ്പര്‍ ഹെര്‍ക്യൂള്‍സ് തുടങ്ങി നിരവധി വിമാനങ്ങളാണ് പരീക്ഷണ ലാന്റിങ് അഭ്യാസത്തില്‍ പങ്കെടുത്തത്. അഭ്യാസത്തിന്റെ ഭാഗമായി വിമാനം ലാന്റ് ചെയ്യുന്ന പ്രദേശത്ത് വന്‍ സുരക്ഷയും ഏര്‍പ്പെടുത്തിയിരുന്നു. പ്രകൃതി ദുരന്തമോ മറ്റോ സംഭവിക്കുകയാണെങ്കില്‍ ഭക്ഷണം വസിത്രം പോലുള്ള അടിയന്തര സഹായങ്ങള്‍ എത്തിക്കാന്‍ ഇത്തരം അടിയന്തര ലാന്റിങിലൂടെ സാധിക്കും.
രാജ്യത്ത് റോഡ് ലാന്റിങ് നടത്തുന്ന ആദ്യത്തെ യാത്രാ വിമാനമാണ് സൂപ്പര്‍ ഹെര്‍ക്യൂള്‍സ്. 2015ല്‍ മിറാഷ് 2000 വിമാനം ആഗ്ര-ഡല്‍ഹി യമുനാ എക്‌സ്പ്രസ്സ് ഹൈവേയില്‍ ലാന്റിങ് നടത്തിയിരുന്നു. 2016ല്‍ ലഖ്‌നൗ ഹൈവേയില്‍ സുഖോയിയും, മിറാഷും ഇറങ്ങിയിരുന്നു.