യഥാർഥ നോട്ടുകളുമായി വലിയ സാമ്യം കള്ളനോട്ടുകൾക്ക് ഉണ്ട്. എന്നാൽ, റിസർവ് ബാങ്കിന്റെ പേര് എഴുതിയതിൽ യഥാർഥ നോട്ടുമായി ചില വ്യത്യാസങ്ങളുണ്ട്. റിസർവ് ബാങ്ക് എന്നഴുതിയതിൽ ഇ എന്ന അക്ഷരത്തിന് പകരം എയെന്നാണ് രേഖപ്പെടുത്തിയിരിക്കുന്നതെന്ന് ആഭ്യന്തര മന്ത്രാലയം അറിയിച്ചു. ഡയറക്ടറേറ്റ് ഓഫ് റവന്യു ഇന്റലിജൻസ്, ഫിനാൻഷ്യൽ ഇന്റലിജൻസ് യൂണറ്റ്, സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ, നാഷണൽ ഇൻവെസ്റ്റിഗേഷൻ ഏജൻസി, സെക്യൂരിറ്റി എക്സ്ചേഞ്ച് ബോർഡ് ഓഫ് ഇന്ത്യ തുടങ്ങിയ സ്ഥാപനങ്ങൾക്കും വിവരം കൈമാറിയിട്ടുണ്ട്.

നോട്ടിലെ അക്ഷരത്തെറ്റ് പെട്ടെന്ന് ശ്രദ്ധയിൽപ്പെടാത്ത രീതിയിലുള്ളതാണെന്നും ആഭ്യന്തരമന്ത്രാലയത്തിന്റെ മുന്നറിയിപ്പ്. പൊതുജനങ്ങളും ഇതേക്കുറിച്ച് ജാഗ്രത പാലിക്കണം. സംശയാസ്പദമായ നോട്ടുകൾ കണ്ടാൽ ഉടൻ ​അധികൃതരെ വിവരമറിയിക്കണമെന്നും ആഭ്യന്തരമന്ത്രാലയം നിർദേശിച്ചിട്ടുണ്ട്.

2100 ഗ്രാം സ്വര്‍ണത്തിനുപകരം അഹമ്മദാബാദിലെ വ്യാപാരിക്ക് ലഭിച്ചത് 1.3 കോടി രൂപയുടെ കള്ളനോട്ടുകളായിരുന്നു. 500 രൂപയുടെ 26 കെട്ടുകളാണ് തട്ടിപ്പുസംഘം വ്യാപാരിക്ക് നല്‍കിയത്. എന്നാല്‍ നോട്ട് എണ്ണിത്തിട്ടപ്പെടിത്തുന്നതിനിടക്ക് ഗാന്ധിജിയുടെ ചിത്രത്തിനു പകരം അനുപം ഖേര്‍ ആണെന്ന് കണ്ടെതോടെയാണ് പറ്റിക്കപ്പെട്ടത് വ്യാപാരി അറിയുന്നത്‌. എന്നാല്‍ ഇതിനോടകം തട്ടിപ്പ് സംഘം കടന്നുകളഞ്ഞിരുന്നു. തുടര്‍ന്ന് വ്യാപാരി പൊലീസില്‍ പരാതി നല്‍കി.

സംഭവത്തില്‍ അന്വേഷണം ആരംഭിച്ചതായി സൂറത്ത് കമ്മീഷ്ണര്‍ രാജ്ദീപ് നുകും അറിയിച്ചു.

കഴിഞ്ഞ ദിവസമാണ് ആർബിഐയുടെ വാർഷിക റിപ്പോർട്ട് പുറത്തുവന്നത്. 2000 നോട്ടുകളേക്കാൾ കൂടുതൽ വ്യാജ 500 രൂപ നോട്ടുകൾ പ്രചാരത്തിലുണ്ടെന്നാണ് റിപ്പോർട്ട് വ്യക്തമാക്കുന്നത്. മുൻവർഷത്തെ അപേക്ഷിച്ച് 2000 രൂപയുടെ വ്യാജ നോട്ടുകളുടെ എണ്ണത്തിൽ കുറവ് രേഖപ്പെടുത്തി. കഴിഞ്ഞ വർഷം കണ്ടെത്തിയ 13,604 നോട്ടുകളിൽ നിന്ന് 2023 സാമ്പത്തിക വർഷത്തിൽ ഇത് 9,806 ആയി കുറഞ്ഞു. അതായത് 27.9 ശതമാനത്തിന്റെ കുറവ്.

10, 100 രൂപയുടെ കള്ളനോട്ടുകൾ യഥാക്രമം 11.6%, 14.7% വും കുറഞ്ഞു. 2022-23 കാലയളവില്‍ ബാങ്കിംഗ് മേഖലയില്‍ കണ്ടെത്തിയ മൊത്തം വ്യാജ ഇന്ത്യന്‍ കറന്‍സി നോട്ടുകളില്‍ (എഫ്‌ഐസിഎന്‍) 4.6 ശതമാനം റിസര്‍വ് ബാങ്കിലും 95.4 ശതമാനം മറ്റ് ബാങ്കുകളിലുമാണ് തിരിച്ചറിഞ്ഞത്. 78,699 വ്യാജ 100 രൂപ നോട്ടുകളും 27,258 വ്യാജ 200 രൂപ നോട്ടുകളും സമാന വര്‍ഷത്തില്‍ സെന്‍ട്രല്‍ ബാങ്ക് റിപ്പോര്‍ട്ട് ചെയ്തു. സാമ്പത്തിക രംഗത്ത്, കഴിഞ്ഞ സാമ്പത്തിക വര്‍ഷത്തില്‍ ഇന്ത്യ ശക്തമായ വീണ്ടെടുക്കല്‍ പ്രകടിപ്പിച്ചുവെന്നും അതിവേഗം വളരുന്ന സമ്പദ്വ്യവസ്ഥകളിലൊന്നായി മാറിയെന്നും റിപ്പോര്‍ട്ടിൽ പറയുന്നു.

പിടിക്കപ്പെട്ടവരില്‍ ഒരാള്‍ കേസിലെ മുഖ്യപ്രതിയായ കളരിയാശാനാണെന്ന് സൂചന. നേരത്തെ പിടിയിലായ എടത്വ കൃഷി ഓഫിസര്‍ ജിഷമോള്‍ക്ക് കള്ളനോട്ട് നല്‍കിയത് ഇയാളാണെന്നായിരുന്നു മൊഴി. ആലപ്പുഴയില്‍ നിന്നുള്ള പൊലീസ് സംഘം ഇവരെ കസ്റ്റഡിയില്‍ എടുക്കുന്നതിനായി പാലക്കാടിലേക്ക് തിരിച്ചിട്ടുണ്ട്.

ജിഷമോള്‍ അറസ്റ്റിലായതിനു പിന്നാലെ ഇയാള്‍ ഒളിവില്‍ പോയിരുന്നു. രാജ്യാന്തര കള്ളനോട്ടുസംഘത്തിന്റെ ഭാഗമാണ് ഇയാളെന്ന് വിവരം. ജിഷയുടെ കയ്യില്‍ നിന്ന് പിടികൂടിയ കള്ളനോട്ടുകളുടെ ഫൊറന്‍സിക് പരിശോധന ഫലം ലാബില്‍ നിന്ന് കിട്ടാന്‍ രണ്ടാഴ്ചയൊടുക്കുമെന്നാണ് സൂചന.

ജിഷയില്‍ നിന്ന് കിട്ടിയ 500 രൂപയുടെ ഏഴ് കള്ളനോട്ടുകള്‍ മറ്റൊരാള്‍ കോണ്‍വെന്റ് സ്‌ക്വയറിലെ ഫെഡറല്‍ ബാങ്ക് ശാഖയില്‍ നല്‍കിയതോടെയാണ് അന്വേഷണം തുടങ്ങിയത്. നോട്ടുകള്‍ എവിടെ നിന്നും കിട്ടിയതാണെന്ന് ജിഷ ഇതുവരെ പറഞ്ഞിട്ടില്ല. ഇവരുമായി പരിചയത്തിലുള്ള മത്സ്യബന്ധന സാമഗ്രികള്‍ വില്‍ക്കുന്നയാളാണ് കള്ളനോട്ടുകള്‍ ബാങ്കില്‍ നല്‍കിയത്.

ഫേസ്ബുക്ക് വഴിയായിരുന്നു യുവാവ് ഇടപാടുകാരെ കണ്ടെത്തിയിരുന്നതെന്ന് അജ്മാന്‍ പൊലീസ് സി.ഐ.ഡി ഡയറക്ടര്‍ ലഫ്. കേണല്‍ അഹ്മദ് സഈദ് അല്‍ നുഐമി പറഞ്ഞു. പ്രത്യേക സംഘം രൂപീകരിച്ചായിരുന്നു അന്വേഷണം. പൊലീസ് സംഘം ഇയാളെ സമീപിച്ച് 20,000 അമേരിക്കന്‍ ഡോളര്‍ ആവശ്യപ്പെട്ടു. 37,000 യു.എ.ഇ ദിര്‍ഹത്തിന് 20,000 അമേരിക്കന്‍ ഡോളര്‍ നല്‍കാമെന്ന് ഇയാള്‍ സമ്മതിക്കുകയും ചെയ്തു.

നിശ്ചയിച്ചുറപ്പിച്ചതനുസരിച്ച് 30 വയസുകാരനായ അറബ് പൗരന്‍ അല്‍ റാഷിദിയ പ്രദേശത്തെത്തി. വ്യാജ ഡോളറായിരുന്നു ഇയാളുടെ കൈവശമുണ്ടായിരുന്നത്. ഇടപാടുകാരെ കബളിപ്പിക്കുന്നതിനായി 100 ഡോളറിന്റെ വലിപ്പത്തിലുള്ള കടലാസുകളും കരുതിയിരുന്നു. കൈയോടെ പിടികൂടിയ പൊലീസ് സംഘം പ്രതിയെ തുടര്‍ നടപടികള്‍ക്കായി പ്രോസിക്യൂഷന് കൈമാറി.

ഇയാള്‍ക്കൊപ്പം മലപ്പുറം ഒതായി സ്വദേശി സുനീര്‍ അലിയും കൊടുവള്ളി പൊലീസിന്റെ പിടിയിലായിട്ടുണ്ട്. ഇവരില്‍ നിന്ന് ഒരുലക്ഷത്തി നാല്‍പതിനായിരം രൂപയാണ് പിടിച്ചെടുത്തത്. ഓമശ്ശേരി ഭാഗത്ത് സ്‌കൂട്ടറില്‍ കള്ളനോട്ട് വിതരണം ചെയ്യാനെത്തിയപ്പോഴാണ് ഇവര്‍ പൊലീസിന്റെ പിടിയിലായത്.

2017 ജൂണില്‍ മതിലകം എസ് എന്‍ പുരത്തെ രാഗേഷിന്റെയും സഹോദരന്‍ രാജീവിന്റെയും വീട്ടില്‍ നിന്ന് കള്ളനോട്ടടി യന്ത്രങ്ങളും മഷിയും പേപ്പറുകളും പൊലീസ് പിടികൂടിയത് വലിയ വാര്‍ത്തയായിരുന്നു. രാഗേഷ് പലിശക്ക് പണം കൊടുക്കുന്നെന്ന പരാതിയിലാണ് പൊലീസ് ഇയാളുടെ വീട്ടില്‍ പരിശോധന നടത്തിയത്. അപ്പോഴാണ് വീട്ടില്‍ത്തന്നെയുള്ള നോട്ടടിയന്ത്രങ്ങള്‍ കണ്ടെടുത്തത്. നോട്ട് നിരോധിച്ച ശേഷം പുറത്തിറങ്ങിയ പുതിയ 2000, 500 കറന്‍സികളാണ് പ്രധാനമായും അച്ചടിച്ച് വിതരണം ചെയ്തിരുന്നത്. വീടിന്റെ മുകള്‍ നിലയിലുള്ള മുറിയിലായിരുന്നു അച്ചടി. 50, 20 രൂപയുടെ വ്യാജനോട്ടുകളും അന്ന് പിടിച്ചെടുത്തിരുന്നു.

നോട്ട് അടിക്കാന്‍ കമ്പ്യൂട്ടറും, ലാപ്‌ടോപ്പും, ബോണ്ട് പേപ്പറും, കളര്‍ പേപ്പറും, മഷിയും മുറിയില്‍ സജ്ജീകരിച്ചിരുന്നു. കൊള്ളപ്പലിശ ഈടാക്കുന്ന മുദ്രപ്പത്രങ്ങളും വീട്ടിലുണ്ടായിരുന്നു. എല്ലാ നോട്ടുകളും അന്ന് വിശദമായി പരിശോധിച്ച് വ്യാജമാണെന്ന് പൊലീസ് ഉറപ്പു വരുത്തിയിരുന്നു.

റിസര്‍വ് ബാങ്ക് അച്ചടിക്കുന്ന നോട്ടിന്റെ അതേമാതൃകയില്‍ കമ്പ്യൂട്ടറില്‍ കറന്‍സി തയ്യാറാക്കി, കറന്‍സി പേപ്പറിന് സമാനമായ രീതിയിലും കട്ടിയിലുമുള്ള പേപ്പര്‍ വാങ്ങി പ്രിന്റെടുത്ത് മുറിച്ചാണ് ഇയാള്‍ വിതരണം നടത്തിയിരുന്നത്. പെട്രോള്‍ പമ്പിലും ബാങ്കിലുമാണ് പ്രധാനമായും നോട്ടുകള്‍ മാറിയെടുത്തിരുന്നത്.

ബാലുശ്ശേരിയില്‍ വന്‍ കള്ളനോട്ട് വേട്ട. ബാലുശ്ശേരി പോസ്റ്റ് ഓഫീസ് റോഡിലെ വീട്ടില്‍ നിന്നാണ് കള്ളനോട്ടടിക്കുന്ന യന്ത്രവും മഷിയും നൂറ് കണക്കിന് നോട്ടുകളും കണ്ടെടുത്തത്. രണ്ടായിരത്തിന്റെയും അഞ്ഞൂറിന്റെയും നോട്ടുകളാണ് കണ്ടെടത്തുത്. സംഭവത്തില്‍ മൂന്ന് പ്രതികളെ പൊലീസ് അറസ്റ്റ്് ചെയ്തിട്ടുണ്ട്.

മീത്തലെ മയ്‌ഞ്ചേരി രാജേഷിന്റെ വീട്ടില്‍ നിന്നാണ് യന്ത്രം കണ്ടെടുത്ത്. സംഭവത്തിന് പിന്നാലെ വീട് പൊലീസ് സീല് ചെയ്തു. എറണാകുളം വൈപ്പിന്‍ സ്വദേശി ഗീബര്‍ട്ട്, കോഴിക്കോട് നല്ലളം സ്വദേശി വൈശാഖ് എ്ന്നിവരെയാണ് പൊലീസ് അറ്സ്റ്റ് ചെയ്തത്. പിടിച്ചെടുത്ത തുക പൊലീസ് എണ്ണി തിട്ടപ്പെടുത്തിയിട്ടില്ല. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു റെയ്ഡ്.

അടിച്ച നോട്ടുകള്‍ മറ്റുള്ളവര്‍ക്ക് കൈമാറിയിട്ടില്ലെന്നാണ് പൊലീസ് നല്‍കുന്ന വിവരം. ഇവര്‍ക്ക് അന്തര്‍സംസ്ഥാന ബന്ധമുണ്ടോയെന്നും പോലീസ് അന്വേഷിക്കും. എന്നാല്‍ യന്ത്രങ്ങള്‍ എവിടെനിന്നാണ് കിട്ടിയെതെന്നുള്‍പ്പെടുയുള്ള കൂടുതല്‍ വിവരങ്ങള്‍ നല്‍കാന്‍ പ്രതികള്‍ തയ്യാറായിട്ടില്ല.

പുതിയ അഞ്ഞൂറിന്റെയും രണ്ടായിരത്തിന്റെയും നോട്ടുകള്‍ അടിക്കാനുള്ള മെഷീനുകളും ഇത്തരത്തില്‍ അച്ചടിച്ച ഒന്നര ലക്ഷം രൂപയും ഇയാളുടെ വീട്ടില്‍ നിന്ന് പൊലീസ് കണ്ടെടുത്തു.

രാജീവും അനിയന്‍ രാജേഷും ചേര്‍ന്നാണ് കള്ള നോട്ടുകള്‍ അച്ചടിച്ചിരുന്നതെന്നാണ് വിവരം. രാജേഷിനെ പൊലീസ് കസ്റ്റഡിയിലെടുത്തു. രാജീവ് ഒളിവിലാണ്. വീട്ടിനകത്താണ് നോട്ടുകള്‍ അച്ചടിക്കാനുള്ള മെഷീനുകള്‍ സൂക്ഷിച്ചിരുന്നത്. സംഭവസ്ഥലത്ത് പൊലീസും ഫോറന്‍സിക് സംഘവും പരിശോധന നടത്തി.