കൊച്ചി: യമനില്‍ തടവിലാക്കപ്പെട്ട തനിക്ക് ഇന്ത്യക്കാരനെന്ന നിലയിലുള്ള ആദരവ് ലഭിച്ചിരുന്നതായി ഫാ. ടോം ഉഴുന്നാലില്‍. ഇന്ത്യയിലെ നഴ്‌സുമാരും മറ്റു മേഖലകളിലുള്ളവരും അവിടെ സേവനം ചെയ്തുവരുന്നതുകൊണ്ടാകണം ഈ ആദരവെന്നും അദ്ദേഹം പറഞ്ഞു.
എറണാകുളം മേജര്‍ ആര്‍ച്ച്ബിഷപ്‌സ് ഹൗസില്‍ മാധ്യമങ്ങളുമായി സംസാരിക്കുകയായിരുന്നു ഫാദര്‍. തന്നെ തടിവിലാക്കിയവര്‍ക്കായി പ്രാര്‍ഥിക്കുന്നത് ദൈവികമായ നിയോഗമാണ്. എന്നാല്‍ തടവിലാക്കിയത് ആരെന്നതും എന്തിനുവേണ്ടിയെന്നതും തനിക്കറിയില്ല. ഒരിക്കല്‍ പോലും എനിക്കുനേരെ അവര്‍ തോക്കുചൂണ്ടിയില്ല. ഒരുവിധത്തിലും അവര്‍ ഉപദ്രവിച്ചുമില്ല. മുറിയില്‍ മറ്റാരും ഉണ്ടായിരുന്നില്ല. ഭക്ഷണവും വെള്ളവും മരുന്നും ആവശ്യത്തിനു നല്‍കി. ദൈവം എന്നെ കാക്കുന്നുവെന്ന ചിന്തയായിരുന്നു എന്നെ നയിച്ചത്. നാനാജാതി മതസ്ഥരായ അനേകരുടെ പ്രാര്‍ഥനയുടെയും ത്യാഗത്തിന്റെയും ഫലമാണ് മോചനം.
ഇന്ത്യയിലെയും മറ്റു രാജ്യങ്ങളിലെയും നേതാക്കളുടെ കൂട്ടായ പരിശ്രമങ്ങള്‍ സഹായകമായിട്ടുണ്ട്. ലോകത്തിന്റെ പലഭാഗങ്ങളിലുമുള്ള അസമാധാനത്തിന്റെ സങ്കീര്‍ണതകള്‍ക്കു പ്രാര്‍ഥനയിലൂടെ പരിഹാരം കാണാനാകും. ദൈവം ഓരോരുത്തരെയും ഏല്‍പിച്ചിട്ടുള്ള ദൗത്യം അതിന്റെ പൂര്‍ണതയില്‍ നിറവേറ്റുന്നതിനുള്ള യാത്രയില്‍ പീഡനങ്ങള്‍ ഏല്‍ക്കേണ്ടിവരും. ആത്മധൈര്യം കൈവിടാതെ മുന്നേറുകയെന്നതാണു പ്രധാനമെന്ന് എറണാകുളം സെന്റ് മേരീസ് ബസിലിക്കയില്‍ അദ്ദേഹം പറഞ്ഞു.

വളരെ സന്തോഷവാനാണ്. മോചനത്തിനായി പരിശ്രമിച്ച എല്ലാവര്‍ക്കും നന്ദിയുണ്ടെന്നും ഉഴുന്നാലില്‍ പറഞ്ഞു. വിവിധ കേന്ദ്രങ്ങളില്‍ പ്രാര്‍ഥനാ ചടങ്ങുകളിലും അദ്ദേഹം പങ്കെടുക്കുന്നുണ്ട്.

പത്തു ദിവസത്തിനകം കേരളത്തിലെത്തുമെന്ന് ഫാദര്‍ ടോം ഉഴുന്നാലില്‍. ഇപ്പോള്‍ കാര്യമായ ആരോഗ്യപ്രശ്‌നങ്ങളില്ല. യെമനില്‍ തന്നെ തട്ടിക്കൊണ്ടുപോയവര്‍ ഒരു തരത്തിലും പീഡിപ്പിച്ചില്ലെന്നും മോചനത്തിന് മോചനത്തിന് പണം നല്‍കിയതായി അറിയില്ലെന്നും ഫാദര്‍ ടോം റോമില്‍ മാധ്യമങ്ങളോടു പറഞ്ഞു. അള്‍ത്താരയും വിശ്വാസിസമൂഹവും ഇല്ലെങ്കിലും ദിവസവും മനസ്സില്‍ കുര്‍ബാന അര്‍പ്പിച്ചിരുന്നതായും അദ്ദേഹം പറഞ്ഞു. പാസ്‌പോര്‍ട്ട് നഷ്ടപ്പെട്ടന്നതാണ് ഇപ്പോള്‍ യാത്രക്കുള്ള തടസ്സം. പാസ്‌പോര്‍ട്ട് ഉടന്‍ ലഭിക്കുമെന്നാണ് പ്രതീക്ഷ. ആരോഗ്യം ശരിയായിട്ടുണ്ട്.