ബി.ജെ.പിയെ പ്രീതിപ്പെടുത്തി കേസുകളില്‍ നിന്നും രക്ഷപ്പെടാന്‍ വര്‍ഗീയത പറയുന്ന വെള്ളാപ്പള്ളിക്കെതിരെ സാംസ്‌കാരിക കേരളം ശബ്ദമുയര്‍ത്തണമെന്നും ഫാത്തിമ തഹ്‌ലിയ വ്യക്തമാക്കി.

ഫേസ്ബുക്ക് പോസ്റ്റിന്റെ പൂര്‍ണരൂപം:

വര്‍ഗ്ഗീയ വിഷം ചീറ്റുന്ന വെള്ളാപ്പള്ളി നടേശനെ പിടിച്ചു കെട്ടാന്‍ വാവ സുരേഷിനെ വിളിക്കണം.

അയാളുടെ വീടിന് മുമ്പില്‍ വെള്ളാപ്പള്ളിയുണ്ട്, സൂക്ഷിക്കുക എന്ന് ബോര്‍ഡെഴുതി വെക്കണം.

വെള്ളാപ്പള്ളിയുടെ വിഷം ഏറ്റവര്‍ക്ക് ആന്റി വെനം ഇന്‍ജെക്ഷന്‍ നല്‍കണം.

ബി.ജെ.പിയെ പ്രീതിപ്പെടുത്തി കേസുകളില്‍ നിന്നും രക്ഷപ്പെടാന്‍ വര്‍ഗ്ഗീയത പറയുന്ന വെള്ളാപ്പള്ളിക്ക് എതിരെ സാംസ്‌കാരിക കേരളം ഒന്നടങ്കം ശബ്ദമുയര്‍ത്തണം.

നിലമ്പൂര്‍ ചുങ്കത്തറയില്‍ നടന്ന എസ്.എന്‍.ഡി.പി യോഗം കണ്‍വെന്‍ഷനില്‍ വെള്ളാപ്പള്ളി മലപ്പുറം ജില്ലയെ കുറിച്ച് വിദ്വേഷ പരാമര്‍ശം നടത്തിയത്. മലപ്പുറം ഒരു പ്രത്യേക രാജ്യമാണെന്നും ചില പ്ര?ത്യേക ആളുകളുടെ സംസ്ഥാനമാണെന്നും ഇവിടെ ഈഴവരെല്ലാം ഭയന്നു ജീവിക്കുന്നവരാണെന്നുമാണ് വെള്ളാപ്പള്ളി പറഞ്ഞത്.

‘നിങ്ങളുടെ പരിമിതികളും പ്രയാസങ്ങളും എനിക്കറിയാം. നിങ്ങള്‍ ?പ്രത്യേക രാജ്യത്തിനിടയില്‍ മറ്റൊരു തരം ആളുകളുടെ ഇടയില്‍ എല്ലാ തിക്കും നോട്ടവും ഒക്കെ പേടിച്ച് ഭയന്ന് ജീവിക്കുന്നവരാണ്. മലപ്പുറത്ത് സ്വതന്ത്രമായ അഭിപ്രായം പറഞ്ഞ് ജീവിക്കാന്‍ നിങ്ങള്‍ക്ക് കഴിയില്ലെന്ന് എനിക്കറിയാം.

സ്വതന്ത്രമായ വായുപോലും ഇവിടെ നിങ്ങള്‍ക്ക് ലഭിക്കുന്നില്ല. സ്വാതന്ത്ര്യം നേടിയതിന്റെ ഒരംശം പോലും മലപ്പുറത്ത് പിന്നാക്ക ജനവിഭാഗങ്ങള്‍ക്ക് ലഭിച്ചിട്ടുണ്ടോ? മഞ്ചേരി (കെ.ആര്‍. ഭാസ്‌കരപിള്ള) ഉള്ളതുകൊണ്ടും അദ്ദേഹത്തിന് ചില സ്ഥാപനങ്ങള്‍ ഉള്ളതുകൊണ്ടും നിങ്ങള്‍ കുറച്ച് പേര്‍ക്ക് വിദ്യാഭ്യാസം ലഭിച്ചു’ വെള്ളാപ്പള്ളി പറഞ്ഞു.

വെറും വോട്ടുകുത്തിയന്ത്രങ്ങളായി ഇവിടെ ഈഴവ സമുദായം മാറി. സംസ്ഥാനത്താകെ ഈ സാഹചര്യം നിലനില്‍ക്കുന്നുണ്ട്. ഒന്നിച്ചു നില്‍ക്കാത്തതാണ് ഈ ദുരന്തത്തിന് കാരണം. ഇവിടെ ചിലര്‍ എല്ലാം സ്വന്തമാക്കുകയാണ്. ഈഴവര്‍ക്ക് തൊഴിലുറപ്പ് പദ്ധതിയില്‍ മാത്രമാണ് ഇടമുള്ളത്.

സാമൂഹിക, രാഷ്ട്രീയ നീതി മലപ്പുറത്തെ ഈഴവര്‍ക്കില്ല. ആര്‍. ശങ്കര്‍ മുഖ്യമന്ത്രിയായ കാലത്ത് ലഭിച്ചതൊഴിച്ചാല്‍ പിന്നീട് ഒന്നും കിട്ടിയില്ല. കണ്ണേ കരളേയെന്ന് ?പറഞ്ഞ് തെരഞ്ഞെടുപ്പ് വേളയില്‍ ചിലരെത്തി വോട്ട് തട്ടിയെടുക്കുകയാണെന്നും വെള്ളാപ്പള്ളി ആക്ഷേപിച്ചു.

എസ്‌കെഎസ്എസ്എഫിന്റെ പതാക ഉയര്‍ത്തുന്നത് ഡിവൈഎഫ്‌ഐ തടഞ്ഞ നടപടിയെയും അവര്‍ വിമര്‍ശിച്ചു. കേരളത്തിലെ പ്രബല മതസംഘടനക്ക് പോലും പ്രവര്‍ത്തന സ്വാതന്ത്ര്യമില്ലാതിരിക്കാന്‍ ഉത്തര്‍പ്രദേശ് ആയി മാറിയോ നമ്മുടെ നാട് എന്നും ഫാത്തിമ തഹ്‌ലിയ ചോദിച്ചു.

ഫാത്തിമ തഹ്‌ലിയയുടെ ഫെയ്‌സ്ബുക് കുറിപ്പ്
SKSSF പതാക ഉയര്‍ത്തുന്നത് DYFI തടയുന്ന വാര്‍ത്ത വീഡിയോ സഹിതം പുറത്ത് വന്നിരിക്കുന്നു. കേരളത്തിലെ പ്രബല മതസംഘടനക്ക് പോലും പ്രവര്‍ത്തന സ്വാതന്ത്ര്യമില്ലാതിരിക്കാന്‍ ഉത്തര്‍പ്രദേശ് ആയി മാറിയോ നമ്മുടെ നാട്? മുസ്ലിം സമുദായത്തിന്റെ അട്ടിപ്പേര്‍ ലീഗിനിലെന്ന് പറയുന്ന പിണറായി വിജയന്‍ കേരളത്തിന്റെ അട്ടിപ്പേര്‍ സഖാക്കള്‍ക്ക് ഇല്ലെന്ന് കൂടെ പറയാന്‍ തയ്യാറാകുമോ? പതാക ദിനവുമായി ബന്ധപ്പെട്ട പ്രചരണങ്ങള്‍ക്കിറങ്ങിയ സുന്നി വിദ്യാര്‍ത്ഥി സംഘടന പ്രവര്‍ത്തകര്‍ക്ക് നേരെ അക്രമം അഴിച്ചു വിട്ട സ്വന്തം പാര്‍ട്ടിക്കാരെ തള്ളിപ്പറയാന്‍ മുഖ്യമന്ത്രി തയ്യാറാകണം.

ഫാത്തിമ തഹിലിയയുടെ ഫെയ്‌സ്ബുക് കുറിപ്പിന്റെ പൂര്‍ണ രൂപം:

സമസ്തക്കെതിരെ പോലും വര്‍ഗ്ഗീയ ചാപ്പയുമായി വരുന്ന സിപിഎമ്മിന്റെ പ്രവര്‍ത്തിയില്‍ ഒട്ടും അത്ഭുതം തോന്നുന്നില്ല. സമസ്തക്ക് എതിരെ മാത്രമല്ല, ഓരോ മുസ്ലിം സംഘടനകളുടെ മേലും ഇനി സഖാക്കളുടെ വര്‍ഗ്ഗീയ ചാപ്പ പതിയും. അവര്‍ സമുദായ നേതാക്കളെ തിരഞ്ഞു പിടിച്ചു വര്‍ഗ്ഗീയവാദിയാക്കും. അപകടകരമായ അമിത് ഷാ മോഡല്‍ സോഷ്യല്‍ എന്ജിനീയറിങ്ങാണ് സിപിഎം വരുന്ന തിരഞ്ഞെടുപ്പില്‍ പയറ്റാന്‍ പോകുന്നത്. അതിന്റെ ഭാഗമാണ് ഈ വര്‍ഗ്ഗീയ ചാപ്പയടി. ‘കേരളത്തിലെ രാഷ്ട്രീയ അധികാരം മുസ്ലിം ലീഗ് വഴി മുസ്ലിം സമുദായം നിയന്ത്രിക്കുന്നേ’ എന്നൊക്കെ ഒളിഞ്ഞും തെളിഞ്ഞും പറഞ്ഞു മുസ്ലിം ഭീതിയും മുസ്ലിം വിരുദ്ധ വികാരവും ഉയര്‍ത്തി വിട്ട് വര്‍ഗ്ഗീയ ധ്രുവീകരണം നടത്തി വോട്ട് നേടാനാണ് സി.പി.എം ശ്രമിക്കുന്നത്. കോടിയേരിയുടെയും പിണറായിയുടെയും ജയരാജന്റെയും പ്രസ്താവനകള്‍ ഈ ലക്ഷ്യം വെച്ചാണ്. ഈ സോഷ്യല്‍ എന്‍ജിനീയറിങ്ങിന്റെ ഭാഗമായി അവര്‍ ഇനിയും ഒരുപാട് മുസ്ലിം സംഘടനകളെ രാക്ഷസവത്കരിക്കും. ഈ അമിത് ഷാ മോഡല്‍ സോഷ്യല്‍ എന്‍ജിനിയറിങ്ങിന്റെ മറ്റൊരു പദ്ധതിയാണ് സവര്‍ണ്ണ സംവരണം. തരാതരം പോലെ ന്യൂനപക്ഷ കാര്‍ഡും ഭൂരിപക്ഷ കാര്‍ഡും പുറത്തിറക്കുന്ന പാര്‍ട്ടിയായ സി.പി.എം വരുന്ന തിരഞ്ഞെടുപ്പില്‍ കളിക്കാന്‍ പോകുന്നത് തീക്കളിയാണ്. തുടര്‍ഭരണം എന്ന താത്കാലിക ലാഭം കണ്ട് കേരളത്തെ ഉത്തര്‍പ്രദേശാക്കാന്‍ ശ്രമിക്കുന്ന അഭിനവ സംഘികളെ തിരിച്ചറിയുക.

അഡ്വ. ഫാത്തിമ തഹിലിയ

കോഴിക്കോട്: എം.ഇ.എസ് കോളജുകളില്‍ നിഖാബ് ധരിക്കുന്നത് വിലക്കിയതിനു പിന്നാലെ സുരക്ഷാ പ്രശ്‌നം മുന്‍നിര്‍ത്തി നിഖാബ് ധരിക്കുന്നത് നിരോധിക്കണമെന്ന മുറിവിളികള്‍ ഉയര്‍ന്നിരുന്നു. ഇതിനെതിരെ രൂക്ഷമായി പ്രതികരിച്ചിരിക്കുകയാണ് എം.എസ്.എഫ് ദേശീയ വൈസ് പ്രസിഡന്റ് ഫാത്തിമ തഹ്ലിയ. സുരക്ഷ മുന്‍നിര്‍ത്തിയാണ് നിഖാബ് നിരോധിക്കുന്നത് എങ്കില്‍ നോര്‍ത്ത് ഇന്ത്യയിലെ ഘുണ്ഘട്ട് ഉള്‍പ്പെടെ മുഖം മറക്കുന്ന എല്ലാ വസ്ത്രവും നിരോധിക്കണമെന്ന് തഹ്ലിയ ഫെയ്‌സ്ബുക്കില്‍ കുറിച്ചു.

ഫാത്തിമ തഹ്ലിയയുടെ ഫെയ്‌സ്ബുക് കുറിപ്പ്:
സുരക്ഷാ പ്രശ്‌നങ്ങളും സ്ത്രീ വിരുദ്ധതയും ആരോപിച്ചാണ് ചിലര്‍ നിഖാബ് നിരോധനത്തിന് വേണ്ടി വാദിക്കുന്നത്. സുരക്ഷ മുന്‍നിര്‍ത്തിയാണ് നിഖാബ് നിരോധിക്കുന്നത് എങ്കില്‍ നോര്‍ത്ത് ഇന്ത്യയിലെ ഘുണ്ഘട്ട് ഉള്‍പ്പെടെ മുഖം മറക്കുന്ന എല്ലാ വസ്ത്രവും നിരോധിക്കണം. പൊതു സ്ഥലത്ത് മുഖം മറച്ചു പ്രത്യക്ഷപ്പെടുന്നത് പോലും നിരോധിക്കേണ്ടി വരും. കാരണം നിഖാബ് ഉയര്‍ത്തുന്ന അതേ ‘സുരക്ഷാ ഭീഷണി’ മുഖം മറയ്ക്കുന്ന മറ്റ് വസ്ത്രങ്ങളും ഉയര്‍ത്തുന്നുണ്ട്. മുഖം മറക്കുന്ന മറ്റ് വസ്ത്രങ്ങളില്‍ സുരക്ഷാ ഭീഷണി കാണാതെ നിഖാബില്‍ മാത്രം സുരക്ഷാ ഭീഷണി കണ്ടെത്തുന്നത് മനസില്‍ അടങ്ങിയിരിക്കുന്ന ഇസ്ലാമോഫോബിയ ആണെന്ന് പറയേണ്ടി വരുന്നത് ഇത് കൊണ്ടാണ്. സുരക്ഷാ പരിശോധനക്കിടയിലോ മറ്റ് അടിയന്തര സന്ദര്‍ഭങ്ങളിലോ മുഖം വെളിവെക്കാന്‍ നിഖാബ് ധരിക്കുന്നവര്‍ ഒരുക്കമാണ് എന്ന് ആവര്‍ത്തിച്ചു പറഞ്ഞിട്ടും നിഖാബ് രാജ്യസുരക്ഷക്ക് ഭീഷണിയാണെന്ന് പറയുന്നത് ഇസ്ലാമോഫോബിയ അല്ലാതെ മറ്റെന്താണ്.

നിഖാബ് സ്ത്രീ വിരുദ്ധമാണ് എന്ന് കരുതുന്നവര്‍ക്ക് അത് ധരിക്കാതിരിക്കാന്‍ സ്വാതന്ത്ര്യം ഉള്ളത് പോലെ നിഖാബ് ധരിക്കുന്നത് പുണ്യം ആണെന്ന് കരുതുന്നവര്‍ക്ക് അത് ധരിക്കാനും സ്വാതന്ത്ര്യം വേണം. മറിച്ചു നിഖാബ് നിരോധിക്കുന്നത് സ്ത്രീയുടെ വസ്ത്രധാരണ അവകാശത്തിലേക്കുള്ള കൈകടത്തല്‍ ആണ്. എന്താണ് സ്ത്രീക്ക് ഗുണം എന്ന് തീരുമാനികേണ്ടത് അതത് സ്ത്രീകളാണ്. അല്ലാതെ ലെഫ്റ്റ് ലിബറല്‍ ആങ്ങളമാരല്ല. സ്ത്രീക്ക് വേണ്ടി തീരുമാനം എടുക്കാന്‍ ഭരണകൂടം ഉള്‍പ്പടെ ആരും വരേണ്ടതില്ല. അത് സ്ത്രീകള്‍ തന്നെ എടുത്തോളും.

ഭരണകൂടത്തിന്റെയും, പ്രിന്‍സിപ്പലിന്റെയും കോളജിലെ ചില അധ്യാപകരുടെയും കൂടെ ഒത്താശയോട് കൂടി ആണ് മടപ്പള്ളി കോളജില്‍ ഇത്തരത്തില്‍ ഒരു അക്രമണം പെണ്‍കുട്ടികള്‍ക്കെതിരെ നടന്നതെന്നും ഇതിനെതിരെ നീതി കിട്ടുന്നത് വരെ പോരാടുമെന്ന് ഹരിത സംസ്ഥാന പ്രസിഡന്റ് മുഫീദ തെസ്‌നി അധ്യക്ഷ പ്രസംഗത്തില്‍ പറഞ്ഞു.

സ്ത്രീകള്‍ക്ക് നേരെയും കൈകള്‍ ഉയര്‍ന്നു തുടങ്ങിയിട്ടുണ്ടെങ്കില്‍ അത് ഭീരുത്വമാണ്. ആശയങ്ങളെ ആശയങ്ങള്‍ കൊണ്ടാണ് നേരിടേണ്ടത്. ആയുധം കൊണ്ടല്ലെന്നും ഹരിത സംസ്ഥാന ജനറല്‍ സെക്രട്ടറി നജ്മ തബഷീറ സ്വാഗത പ്രസംഗത്തില്‍ സൂചിപ്പിച്ചു. നജീബ് കാന്തപുരം, കെ.കെ നവാസ്, ഹരിത സംസ്ഥാന ട്രഷറര്‍ ആയിഷ ഭാനു, സെനറ്റ് മെമ്പര്‍ ഷിഫ, ഹരിത സംസ്ഥാന ഭാരവാഹികളായ അനഘ നരിക്കുനി, ശഹീദ കുനിയില്‍, ജില്ലാ ഭാരവാഹികളായ ജഹാന, അമീന ഹമീദ്, തസീല മേമങ്ങോട്, റസീല വി.പി. ജില്ലാ ഭാരവാഹികളായ ലത്തീഫ് തുറയൂര്‍, അഫ്‌നാസ് ചോറോട്, സ്വാഹിബ് സംസാരിച്ചു. എസ്.എഫ്.ഐ അക്രമത്തിനിരയായ തംജിദ മുത്തായം മാര്‍ച്ചിന് നന്ദി പറഞ്ഞു സംസാരിച്ചു.