ഉത്തര്‍പ്രദേശിലെ ഗോണ്ടിലാണ് ചാമ്പ്യന്‍ഷിപ്പ് നടത്താന്‍ തീരുമാനിച്ചത്. എന്നാല്‍ താരങ്ങള്‍ക്ക് തയ്യാറെടുപ്പിനായി കുറഞ്ഞത് 15 ദിവസം അനുവദിക്കണമെന്നാണ് നിയമം. ഇത് ലംഘിച്ചതിന് പിന്നാലെയാണ് സമിതിയ്ക്ക് വിലക്ക് ലഭിച്ചിരിക്കുന്നത്.

ഗുസ്തി ഫെഡറേഷന്റെ പുതിയ സമിതി പഴയ ഭാരവാഹികള്‍ക്ക് കീഴില്‍ പ്രവര്‍ത്തിക്കുന്നതായും കായിക മന്ത്രാലയം കണ്ടെത്തി. മുമ്പ് ലൈംഗികാതിക്രമ കേസില്‍ ആരോപണ വിധേയരായവര്‍ തന്നെ വീണ്ടും അധികാര സ്ഥാനങ്ങളില്‍ ഇരിക്കുന്നു. നിലവില്‍ കോടതിയുടെ പരിഗണനയിലുള്ള കേസാണിതെന്നും കേന്ദ്ര സര്‍ക്കാര്‍ വ്യക്തമാക്കി.

ദേശീയ ജൂനിയര്‍ ഗുസ്തി ചാമ്പ്യന്‍ഷിപ്പ് ഗോണ്ടയില്‍ നടത്തുന്നതിനെതിരെ സാക്ഷി മാലികും രംഗത്തെത്തിയിരുന്നു. ബ്രിജ്ഭൂഷണ്‍ സിംഗിന്റെ ശക്തികേന്ദ്രമാണ് ഗോണ്ട. നിരവധി ജൂനിയര്‍ താരങ്ങള്‍ തന്നെ വിളിച്ചുകൊണ്ടിരിക്കുന്നു. അതിനാല്‍ താന്‍ ആശങ്കയിലുമാണ്. ഇതിനെതിരെ എന്ത് ചെയ്യണമെന്ന് തനിക്ക് അറിയില്ലെന്നും സാക്ഷി എക്‌സില്‍ കുറിച്ചിരുന്നു.