fever – Chandrika Daily https://www.chandrikadaily.com Tue, 04 Nov 2025 05:10:38 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg fever – Chandrika Daily https://www.chandrikadaily.com 32 32 നിലമ്പൂരിൽ പനി ബാധിച്ച് ചികിത്സയിലായിരുന്ന ആദിവാസി യുവതി മരിച്ചു https://www.chandrikadaily.com/a-tribal-woman-who-was-undergoing-treatment-for-fever-in-nilambur-died.html https://www.chandrikadaily.com/a-tribal-woman-who-was-undergoing-treatment-for-fever-in-nilambur-died.html#respond Tue, 04 Nov 2025 05:09:49 +0000 https://www.chandrikadaily.com/?p=361800 മലപ്പുറം നിലമ്പൂരിൽ പനി ബാധിച്ച് ചികിത്സയിലായിരുന്ന ആദിവാസി യുവതി മരിച്ചു. ചോലനായ്ക്കർ വിഭാഗത്തിലെ കരുളായി ഉൾവനത്തിലെ സുസ്മിതയാണ് (20) മരിച്ചത്. മൂന്ന് ആഴ്ച മുമ്പാണ് സുസ്മിതയ്ക്ക് പനി തുടങ്ങിയത്. എന്നാൽ വാഹനങ്ങളുടെ ലഭ്യത കുറവായതിനാൽ ആശുപത്രിയിൽ പോകാൻ ഇവർക്ക് സാധിച്ചിരുന്നില്ല. പിന്നീട് ട്രൈബൽ എക്സ്റ്റൻഷൻ ഓഫിസർ ഇടപെട്ടാണ് ഇവരെ ആശുപത്രിയിൽ എത്തിക്കുന്നത്. കരുളായിയിൽ നിന്ന് 25 കിലോമീറ്റർ അകലെ കുപ്പമലയിൽ പാറ അളയിലാണ് കുടുംബം താമസിക്കുന്നത്. ഈ ഭാഗത്തേക്ക് വാഹനം എത്തിപ്പെടാനുള്ള സൗകര്യം കുറവായതിനാൽ കുട്ടയിൽ ചുമന്നാണ് യുവതിയെ ബന്ധുക്കൾ ജീപ്പ് വന്നിരുന്ന സ്ഥലത്തേക്ക് എത്തിച്ചിരുന്നത്.

കഴിഞ്ഞ വെള്ളിയാഴ്ചയാണ് ജില്ലാ ആശുപത്രിയിൽ സുസ്മിതയെ പ്രവേശിപ്പിച്ചത്. ഇന്നലെ രക്തസമ്മർദ്ദവും ശരീരത്തിൽ ഓക്സിജൻ്റ അളവും കുറഞ്ഞതോടെയാണ് ആരോഗ്യനില മോശമായത്.തുടർന്ന് തീവ്ര പരിചരണവിഭാഗത്തിലേക്ക് ഇവരെ മാറ്റിയെങ്കിലും ജീവൻ രക്ഷിക്കാനായില്ല.

]]> https://www.chandrikadaily.com/a-tribal-woman-who-was-undergoing-treatment-for-fever-in-nilambur-died.html/feed 0 അജ്ഞാതപ്പനിയില്‍ വിറച്ച് ഉത്തരാഖണ്ഡ്; 10 മരണം https://www.chandrikadaily.com/uttarakhand-trembling-with-unknown-fever-10-death.html https://www.chandrikadaily.com/uttarakhand-trembling-with-unknown-fever-10-death.html#respond Wed, 15 Oct 2025 07:06:16 +0000 https://www.chandrikadaily.com/?p=358574 അജ്ഞാതപ്പനിയെ തുടര്‍ന്ന് ഉത്തരാഖണ്ഡിലെ രണ്ട് ജില്ലകളിലായി കുറഞ്ഞത് പത്ത് പേരെങ്കിലും മരിച്ചു. കൂടാതെ മറ്റ് നിരവധി പേര്‍ പെട്ടെന്നുള്ളതും വിശദീകരിക്കാനാകാത്തതുമായ അസുഖത്താല്‍ വീര്‍പ്പുമുട്ടുന്നു. ഇത് പ്രദേശവാസികളില്‍ ആശങ്കയുണ്ടാക്കുകയും ആരോഗ്യ അധികാരികളില്‍ നിന്ന് അതിവേഗ പ്രതികരണത്തിന് കാരണമാവുകയും ചെയ്തു.
ഉദ്യോഗസ്ഥര്‍ പറയുന്നതനുസരിച്ച്, രണ്ടാഴ്ചയ്ക്കുള്ളില്‍ മരണങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്. കൂടുതലും കേന്ദ്രീകരിച്ചിരിക്കുന്നത് അല്‍മോറ ജില്ലയിലെ ധൗലാദേവി ബ്ലോക്കിലാണ്. കുറഞ്ഞത് ഏഴ് മരണങ്ങളെങ്കിലും റിപ്പോര്‍ട്ട് ചെയ്യപ്പെട്ടിട്ടുണ്ട്. കൂടാതെ മൂന്ന് പേര്‍ക്ക് ജീവന്‍ നഷ്ടപ്പെട്ട റൂര്‍ക്കിയിലും.
രോഗം ബാധിച്ചവരില്‍ കടുത്ത പനി, പ്ലേറ്റ്ലെറ്റുകളുടെ എണ്ണത്തില്‍ അപകടകരമായ കുറവ് – ഡെങ്കിപ്പനി, മലേറിയ തുടങ്ങിയ വൈറല്‍ അണുബാധകളുമായി ബന്ധപ്പെട്ട ലക്ഷണങ്ങള്‍ – ഒരു വെക്ടറിലൂടെ പകരുന്ന രോഗം പൊട്ടിപ്പുറപ്പെടുമെന്ന ഊഹാപോഹങ്ങളിലേക്ക് നയിക്കുന്നതായി അധികൃതര്‍ പറഞ്ഞു. എന്നിരുന്നാലും, ലബോറട്ടറി ഫലങ്ങള്‍ ഇപ്പോഴും ശേഷിക്കുന്നതിനാല്‍ കൃത്യമായ കാരണം അജ്ഞാതമായി തുടരുന്നുവെന്ന് ആരോഗ്യ ഉദ്യോഗസ്ഥര്‍ പറയുന്നു. റിപ്പോര്‍ട്ടുകള്‍ ലഭിച്ചാലുടന്‍ അണുബാധയുടെ കൃത്യമായ കാരണം വ്യക്തമാകുമെന്ന് ചീഫ് മെഡിക്കല്‍ ഓഫീസര്‍ ഡോ നവീന്‍ ചന്ദ്ര തിവാരിപറഞ്ഞു.

രോഗബാധിതരുടെ സാമ്പിളുകള്‍ വിശദമായ വിശകലനത്തിനായി അല്‍മോറ മെഡിക്കല്‍ കോളേജിലേക്ക് അയച്ചിട്ടുണ്ടെന്നും ഫലം ഉടന്‍ പ്രതീക്ഷിക്കുമെന്നും ഡോ.തിവാരി പറഞ്ഞു. എല്ലാ മരണങ്ങളും ഒരു പകര്‍ച്ചവ്യാധി ഉറവിടവുമായി നേരിട്ട് ബന്ധപ്പെട്ടിരിക്കില്ലെന്നും അദ്ദേഹം പറഞ്ഞു. ”ഏഴ് മരണങ്ങളില്‍ മൂന്നെണ്ണം വൈറല്‍ അണുബാധയുമായി ബന്ധപ്പെട്ടതാണെന്ന് തോന്നുന്നു. ബാക്കിയുള്ളവ പ്രായവുമായി ബന്ധപ്പെട്ട ആരോഗ്യപ്രശ്‌നങ്ങള്‍ മൂലമാണെന്ന് തോന്നുന്നു,” അദ്ദേഹം പറഞ്ഞു.

]]> https://www.chandrikadaily.com/uttarakhand-trembling-with-unknown-fever-10-death.html/feed 0 കടുത്ത പനി; മല്ലികാര്‍ജുന്‍ ഖാര്‍ഗയെ ആശുപത്രിയില്‍ പ്രവേശിപ്പിച്ചു https://www.chandrikadaily.com/high-fever-mallikarjun-kharga-was-admitted-to-the-hospital.html https://www.chandrikadaily.com/high-fever-mallikarjun-kharga-was-admitted-to-the-hospital.html#respond Wed, 01 Oct 2025 04:50:03 +0000 https://www.chandrikadaily.com/?p=356311 കടുത്ത പനിയെ തുടര്‍ന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗയെ ആശുപത്രിയില്‍ പ്രവേശിപ്പിച്ചു. ബെംഗളൂരുവിലെ എം.എസ് രാമയ്യ മെഡിക്കല്‍ കോളജിലാണ് ഖാര്‍ഗയെ പ്രവേശിപ്പിച്ചത്. ആരോഗ്യ നില തൃപ്തികരമെന്ന് ഡോക്ടര്‍മാര്‍ അറിയിച്ചു.

ചൊവ്വാഴ്ച ആശുപത്രിയില്‍ പ്രവേശിപ്പിച്ചതിന് തൊട്ടുപിന്നാലെ ഖാര്‍ഗെയെ നിരവധി പരിശോധനകള്‍ക്ക് വിധേയമാക്കി. ഡോക്ടര്‍മാര്‍ അദ്ദേഹത്തിന്റെ ആരോഗ്യനില സൂക്ഷ്മമായി നിരീക്ഷിച്ചുവരികയാണ്.

]]> https://www.chandrikadaily.com/high-fever-mallikarjun-kharga-was-admitted-to-the-hospital.html/feed 0 സംസ്ഥാനത്ത് ഒരു മാസത്തിനിടെ 46 പനി മരണം https://www.chandrikadaily.com/46-fever-deaths-in-the-state-in-a-month.html https://www.chandrikadaily.com/46-fever-deaths-in-the-state-in-a-month.html#respond Sun, 24 Aug 2025 09:53:52 +0000 https://www.chandrikadaily.com/?p=351484 സംസ്ഥാനത്ത് പനിബാധിച്ച് മരിച്ചവരുടെ എണ്ണത്തിൽ വർധന. ഒരു മാസത്തിനിടെ 46 പനിമരണം റിപ്പോർട്ട് ചെയ്തു. എലിപ്പനി ബാധിച്ച്  28 പേരും മരിച്ചു. പനിബാധിതരുടെ എണ്ണത്തിൽ വലിയ വർധനയാണിത്. അതേസമയം മലബാറിലെ മൂന്ന് ജില്ലകളിൽ അമീബിക് മസ്തിഷ്ക ജ്വരം സ്ഥിരീകരിച്ചതോടെ ആശങ്ക ഏറുകയാണ്. ഉറവിടം വ്യക്തമാകാത്തതാണ് ആരോഗ്യ വകുപ്പിൻ്റെ മുന്നിൽ പ്രതിസന്ധിയാകുന്നത്.

അമീബിക് മസ്തിഷ്ക ജ്വരം സ്ഥിരീകരിച്ചു കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലുള്ളത് ഏഴു പേരാണ്. കോഴിക്കോട്, മലപ്പുറം ജില്ലകളിലായി ആറു പേരും വയനാട്ടിലെ ഒരാളുമാണ് ചികിത്സയിലുള്ളത്. രോഗം സ്ഥിരീകരിച്ച പ്രദേശങ്ങളിലെ വെള്ളത്തിൻറെ സാമ്പിൾ പരിശോധനയ്ക്ക് അയച്ചെങ്കിലും ഇതുവരെ ഫലം ലഭിച്ചിട്ടില്ല.

ഉറവിടം കൃത്യമായി മനസ്സിലാക്കാൻ കഴിയാത്തത് ആരോഗ്യവകുപ്പിന് ആശങ്കയുണ്ടാക്കുന്നുണ്ട്. ചികിൽസയിലുള്ള തലക്കുളത്തൂർ പഞ്ചായത്തിലെ യുവാവിൻ്റെ ആരോഗ്യ നില മെച്ചപ്പെടുന്നുണ്ട്. രോഗം സ്ഥിരീകരിച്ച സ്ഥലങ്ങളിൽ പ്രാദേശികമായി പ്രതിരോധ പ്രവർത്തനങ്ങൾ ആരോഗ്യവകുപ്പ് നടത്തുന്നുണ്ട്.

]]> https://www.chandrikadaily.com/46-fever-deaths-in-the-state-in-a-month.html/feed 0 ഇടമലക്കുടിയില്‍ പനി ബാധിച്ച് അഞ്ചുവയസുകാരന്‍ മരിച്ചു https://www.chandrikadaily.com/a-five-year-old-boy-died-of-fever-in-edamalakudi.html https://www.chandrikadaily.com/a-five-year-old-boy-died-of-fever-in-edamalakudi.html#respond Sat, 23 Aug 2025 16:46:21 +0000 https://www.chandrikadaily.com/?p=351456 ഇടമലക്കുടിയില്‍ പനി ബാധിച്ച് അഞ്ചുവയസുകാരന് ദാരുണാന്ത്യം. ഇടമലക്കുടിയിലെ വിദൂര ആദിവാസി കുടിലുകളില്‍ ഒന്നായ കൂടലാര്‍കുടി സ്വദേശി മൂര്‍ത്തി ഉഷ ദമ്പതികളുടെ മകന്‍ കാര്‍ത്തി (5) ആണ് മരണപ്പെട്ടത്. കിലോമീറ്ററുകളോളം ദൂരം ചുമന്ന് അടിമാലി താലൂക്ക് ആശുപത്രിയിലേക്ക് കൊണ്ടുവരുന്നതിനിടെ ആണ് മരണം. ആശുപത്രിയില്‍ എത്തും മുന്‍പ് മരണം സംഭവിക്കുകയായിരുന്നു. സംഭവത്തില്‍ വിശദമായ അന്വേഷണം നടത്തുമെന്ന് ആരോഗ്യ പ്രവര്‍ത്തകര്‍ അറിയിച്ചു. സംസ്ഥാനത്തെ ഏക ഗോത്രവര്‍ഗ്ഗ പഞ്ചായത്താണ് ഇടമലക്കുടി.

]]> https://www.chandrikadaily.com/a-five-year-old-boy-died-of-fever-in-edamalakudi.html/feed 0 സംസ്ഥാനത്ത് ഇന്നലെ ഡെങ്കിപ്പനി സ്ഥിരീകരിച്ചത് 49 പേര്‍ക്ക് https://www.chandrikadaily.com/49-people-were-confirmed-with-dengue-in-the-state-yesterday.html https://www.chandrikadaily.com/49-people-were-confirmed-with-dengue-in-the-state-yesterday.html#respond Wed, 06 Aug 2025 16:37:14 +0000 https://www.chandrikadaily.com/?p=349659 സംസ്ഥാനത്ത് കഴിഞ്ഞ ദിവസം വിവിധ ജില്ലകളിലായി ഡെങ്കിപ്പനി സ്ഥിരീകരിച്ചത് 49 പേര്‍ക്ക്. പാലക്കാട് 12, തിരുവനന്തപുരം 8, എറണാകുളം മലപ്പുറം 6, കണ്ണൂര്‍ പത്തനംതിട്ട 4 എന്നിങ്ങനെയാണ് കണക്കുകള്‍. എന്നാല്‍ ചികിത്സ തേടിയതില്‍ 110 പേര്‍ക്ക് ഡെങ്കിപ്പനി സംശയമുണ്ട്.

അതേസമയം സംസ്ഥാനത്ത് പകര്‍ച്ചപ്പനി വ്യാപകമാകുന്നു. ഡെങ്കിപ്പനിക്ക് പുറമെ എലിപ്പനിയും ചിക്കന്‍പോക്‌സും റിപ്പോര്‍ട്ട് ചെയ്യുന്നുണ്ട്. ഇന്നലെ പനി ബാധിച്ച് ചികിത്സ തേടിയത് 11013 പേരാണ്. എന്നാല്‍ മലപ്പുറം ജില്ലയിലാണ് പനിബാധിതര്‍ കൂടുതല്‍. 2337 പേരാണ് ജില്ലയില്‍ പനി ബാധിച്ച് ചികിത്സ തേടിയത്. പാലക്കാട് കോഴിക്കോടും ആയിരത്തിനു മുകളില്‍ പ്രതിദിന പനിബാധിതരുണ്ട്.

സംസ്ഥാനത്ത് 23 പേര്‍ക്ക് എലിപ്പനി സ്ഥിരീകരിച്ചു. തൃശൂര്‍ 6, തിരുവനന്തപുരം 5,കോട്ടയം 4, പത്തനംതിട്ട – എറണാകുളം 2, കൊല്ലം, കോഴിക്കോട്, വയനാട്, കണ്ണൂര്‍ ജില്ലകളില്‍ ഓരോരുത്തര്‍ക്ക് വിധവും എലിപ്പനി സ്ഥിരീകരിച്ചു. ചികിത്സ തേടിയതില്‍ 20 പേര്‍ക്ക് എലിപ്പനി എന്ന് സംശയിക്കുന്നു. 81 പേര്‍ക്ക് ചിക്കന്‍പോക്‌സും 19 പേര്‍ക്ക് മുണ്ടിനീരും നാല് മലേറിയ കേസുകളും സംസ്ഥാനത്ത് റിപ്പോര്‍ട്ട് ചെയ്തിട്ടുണ്ട്.

]]> https://www.chandrikadaily.com/49-people-were-confirmed-with-dengue-in-the-state-yesterday.html/feed 0 പനി ബാധിച്ച് പന്ത്രണ്ട് വയസ്സുകാരൻ മരിച്ചു https://www.chandrikadaily.com/a-twelve-year-old-boy-died-of-fever.html https://www.chandrikadaily.com/a-twelve-year-old-boy-died-of-fever.html#respond Sun, 17 Nov 2024 08:53:48 +0000 https://www.chandrikadaily.com/?p=317792 പനി ബാധിച്ച് ചികിത്സയിലായിരുന്ന വിദ്യാർഥി മരിച്ചു. വാടാനപ്പള്ളി ബീച്ച് ശാന്തി റോഡ് തൗഫീഖിയ മദ്റസക്ക് സമീപം താമസിക്കുന്ന അയ്യാണ്ടി ജിതിൻലാലിന്‍റെ മകൻ സഹസ്രനാഥ് (12) ആണ് മരിച്ചത്.

പനി ബാധിച്ച് കഴിഞ്ഞ തിങ്കളാഴ്ച ചിലങ്ക സെന്‍ററിന് പടിഞ്ഞാറുള്ള സ്വകാര്യ ആശുപത്രിയിലും പിന്നീട് ഒളരിയിലെ സ്വകാര്യ ആശുപത്രിയിലും പ്രവേശിപ്പിച്ചിരുന്നു. സ്ഥിതി ഗുരുതരമായതോടെ എറണാകുളത്തെ ആശുപത്രിയിൽ എത്തിച്ചു. അവിടെ ചികിത്സയിലിരിക്കെയാണ് മരണം.

വാടാനപ്പള്ളി ജി.എഫ് യു.പി സ്കൂളിലെ ഏഴാം ക്ലാസ് വിദ്യാർഥിയായിരുന്നു. മാതാവ്: ഹരി.

]]> https://www.chandrikadaily.com/a-twelve-year-old-boy-died-of-fever.html/feed 0 ‘പനിക്ക് സ്വയം ചികിത്സ തേടരുത്’: ആരോഗ്യമന്ത്രി https://www.chandrikadaily.com/dont-self-medicate-for-fever-health-minister.html https://www.chandrikadaily.com/dont-self-medicate-for-fever-health-minister.html#respond Tue, 12 Nov 2024 11:58:20 +0000 https://www.chandrikadaily.com/?p=317268 തിരുവനന്തപുരം: ഏത് പനിയും പകര്‍ച്ചപ്പനിയാകാന്‍ സാധ്യതയുള്ളതിനാല്‍ പനിക്ക് സ്വയം ചികിത്സ തേടരുതെന്ന് മന്ത്രി വീണ ജോര്‍ജ്. സംസ്ഥാനത്ത് ഇടവിട്ടുള്ള മഴ തുടരുന്ന സാഹചര്യത്തില്‍ ഡെങ്കിപ്പനി, എലിപ്പനി എന്നിവയ്‌ക്കെതിരെ ജാഗ്രത പാലിക്കണം. പ്രാരംഭ ഘട്ടത്തില്‍ ചികിത്സിക്കാത്തത് കൊണ്ടാണ് എലിപ്പനി മരണങ്ങള്‍ പലപ്പോഴും ഉണ്ടാകുന്നത്.

എലിപ്പനി സാധ്യതയുള്ളവര്‍ക്ക് പ്രോട്ടോകോള്‍ അനുസരിച്ചുള്ള ചികിത്സ സര്‍ക്കാര്‍, സ്വകാര്യ ആശുപത്രികള്‍ ഉറപ്പാക്കണം. മലിന ജലത്തിലിറങ്ങിയവരില്‍ ഡോക്‌സിസൈക്ലിന്‍ കഴിക്കാത്തവരില്‍ മരണനിരക്ക് കൂടുതലാണെന്നാണ് കണക്കുകള്‍ സൂചിപ്പിക്കുന്നത്. അതിനാല്‍ മലിന ജലത്തിലിറങ്ങിയവര്‍ നിര്‍ബന്ധമായും ആരോഗ്യ പ്രവര്‍ത്തകരുടെ നിര്‍ദേശാനുസരണം എലിപ്പനി പ്രതിരോധ ഗുളിക കഴിക്കണം.

കൈകാലുകളില്‍ മുറിവുകളുള്ളവര്‍ മലിനജലവുമായി സമ്പര്‍ക്കം വരാതെ നോക്കുകയോ, വ്യക്തിഗത സുരക്ഷാ മാര്‍ഗങ്ങള്‍ സ്വീകരിക്കുകയോ ചെയ്യണം. കൊതുകിന്റെ ഉറവിട നശീകരണം പ്രത്യേകം ശ്രദ്ധിക്കാനും മന്ത്രി നിര്‍ദേശം നല്‍കി.

]]> https://www.chandrikadaily.com/dont-self-medicate-for-fever-health-minister.html/feed 0 കോഴിക്കോട് വിദ്യാര്‍ത്ഥിനി പനി ബാധിച്ച് മരിച്ചു https://www.chandrikadaily.com/kozhikode-student-died-of-fever.html https://www.chandrikadaily.com/kozhikode-student-died-of-fever.html#respond Sat, 17 Aug 2024 06:17:58 +0000 https://www.chandrikadaily.com/?p=306508 പത്താം ക്ലാസ് വിദ്യാര്‍ത്ഥിനി പനി ബാധിച്ച് മരിച്ചു. ചാത്തമംഗലം എരിമല സ്വദേശി പാര്‍വതി (15) ആണ് മരിച്ചത്. പനി ബാധിച്ചതിനെത്തുടര്‍ന്ന് കോഴിക്കോട് മെഡിക്കല്‍ കോളജില്‍ ചികിത്സയിലായിരുന്നു.

അതേ സമയം സംസ്ഥാനത്ത് പകര്‍ച്ചപ്പനി വ്യാപിക്കുന്ന പശ്ചാത്തലത്തില്‍ സ്വയം ചികിത്സ അരുതെന്നും ഡോക്ടറുടെ നിര്‍ദ്ദേശങ്ങള്‍ പാലിക്കണമെന്നും ആരോഗ്യവകുപ്പിന്റെ നിര്‍ദേശമുണ്ട്. സംസ്ഥാനത്ത് പകര്‍ച്ചപ്പനി ബാധിച്ച് നിരവധിപ്പേരാണ് ആശുപത്രികളില്‍ ചികിത്സ തേടുന്നത്.

]]> https://www.chandrikadaily.com/kozhikode-student-died-of-fever.html/feed 0 തിരുവനന്തപുരത്ത് ഒരാൾക്ക് മസ്തിഷ്കജ്വരം സ്ഥിരീകരിച്ചു; കുളത്തിൽ ഇറങ്ങിയ 4 പേർക്ക് കടുത്ത പനി https://www.chandrikadaily.com/one-person-diagnosed-with-encephalitis-in-thiruvananthapuram-4-people-who-got-into-the-pool-have-high-fever.html https://www.chandrikadaily.com/one-person-diagnosed-with-encephalitis-in-thiruvananthapuram-4-people-who-got-into-the-pool-have-high-fever.html#respond Mon, 05 Aug 2024 05:47:17 +0000 https://www.chandrikadaily.com/?p=304667 കുളത്തിൽ കുളിച്ച ശേഷം മസ്തിഷ്ക ജ്വരം ബാധിച്ചു യുവാവു മരിച്ചതിനു പിന്നാലെ ഇതേ കുളത്തിൽ ഇറങ്ങിയവരിൽ 4 പേർക്കു കൂടി കടുത്ത പനി. മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്ന ഇവരിൽ ഒരാൾക്കു മസ്തിഷ്കജ്വരം സ്ഥിരീകരിച്ചതായി ആശുപത്രി അധികൃതർ അറിയിച്ചു. ആരോഗ്യവകുപ്പ് വെള്ളത്തിന്റെ സാംപിൾ ശേഖരിച്ചു പരിശോധനയ്ക്കു അയച്ചു.

പ്ലാവറത്തലയിൽ അനീഷ്(26), പൂതംകോട് സ്വദേശി അച്ചു(25), പൂതംകോടിനു സമീപം ഹരീഷ് (27),ബോധിനഗർ ധനുഷ് (26) എന്നിവരാണു മെഡിക്കൽ കോളജ് ആശുപത്രിയിൽ ചികിത്സയിലുള്ളത്. ഇവരിൽ അനീഷിനാണ് അമീബിക് മസ്തിഷ്ക ജ്വരം സ്ഥിരീകരിച്ചത്. മറ്റുള്ളവർക്കും സമാന ലക്ഷണങ്ങളുള്ളതായിട്ടാണ് വിവരം.

 

]]> https://www.chandrikadaily.com/one-person-diagnosed-with-encephalitis-in-thiruvananthapuram-4-people-who-got-into-the-pool-have-high-fever.html/feed 0