ശ​മ്പ​ള പ​രി​ഷ്ക​ര​ണം ആ​വ​ശ്യ​പ്പെ​ട്ട് മി​ൽ​മ മാ​നേ​ജ്മെ​ന്‍റി​ന് നോ​ട്ടീ​സ് ന​ൽ​കി ര​ണ്ടാ​ഴ്ച ക​ഴി​ഞ്ഞി​ട്ടും ഡ​യ​റ​ക്ട​ർ ബോ​ർ​ഡ് ച​ർ​ച്ച​യ്ക്ക് വി​ളി​ച്ചി​ല്ലെ​ന്ന് ട്രേ​ഡ് യൂ​ണി​യ​ൻ നേതാ​ക്ക​ൾ പ​റ​ഞ്ഞു. ഐ​എ​ൻ​ടി​യു​സി നേ​താ​വ് ചന്ദ്രശേഖ​ര​ൻ, എ​ഐ​ടി​യു​സി നേ​താ​വ് അ​ഡ്വ. മോഹൻദാ​സ്, സി​ഐ​ടി​യു നേ​താ​വ് എ​ബി സാ​ബു എന്നിവർ വാര്‍ത്താ സമ്മേളനത്തില്‍ പ​ങ്കെ​ടു​ത്തു. കഴിഞ്ഞ മാസവും മിൽമയിൽ ഒരു വിഭാഗം തൊഴിലാളികൾ സമരം നടത്തിയിരുന്നു. തൊഴിലാളി യൂണിയനുകളുമായി നടത്തിയ ചര്‍ച്ചയെ തുടര്‍ന്നാണ് അന്ന് സമരം ഒത്തുതീര്‍ന്നത്.

അതേസമയം മില്‍മ ജീവനക്കാർ അനിശ്ചിതകാല പണിമുടക്ക് പ്രഖ്യാപിച്ച സാഹചര്യത്തിൽ സര്‍ക്കാര്‍ ചര്‍ച്ചക്ക് വിളിച്ചു. തിങ്കളാഴ്ച ലേബര്‍ കമ്മീഷണര്‍ യൂണിയനുകളുമായി ചര്‍ച്ച നടത്തും.

ഡല്‍ഹിക്കായി കഗീസോ റബാഡ മൂന്നും ആന്റിച് നോര്‍ജെ രണ്ടും വിക്കറ്റുകള്‍ വീതം വീഴ്ത്തി. എന്നാല്‍ അവേഷ് ഖാന് മെച്ചപ്പെട്ട പ്രകടനം പുറത്തെടുക്കാനായില്ല എന്നതാണ് ഡല്‍ഹിയിലെ ഒരു പോരായ്മ. ഇവരുടെ പന്തില്‍ ചെന്നൈ ബാറ്റ്‌സ്മാന്മാര്‍ റണ്‍സെടുക്കാന്‍ വിയര്‍ത്തു. ഹാഫ് ഡുപ്ലെസി മാത്രമാണ് ചെന്നൈ നിരയില്‍ (43 റണ്‍സ്) ഭേദപ്പെട്ട പ്രകടനം കാഴ്ച വച്ചത്.

അഞ്ചാം ഓവറില്‍ ഷെയിന്‍ വാട്‌സണ്‍ അക്‌സര്‍ പട്ടേലിന്റെ പന്തില്‍ ഹെട്‌മെയറിനു പിടി നല്‍കി മടങ്ങിയതോടെ ചെന്നൈക്ക് ആദ്യ വിക്കറ്റ് നഷ്ടം. ക്രീസില്‍ ഏറെ ബുദ്ധിമുട്ടിയ മുരളി വിജയ് (10) പവര്‍ പ്ലേയുടെ അവസാന പന്തില്‍ നോര്‍ജെയുടെ കൈകളില്‍ അവസാനിക്കുമ്പോള്‍ സ്‌കോബോര്‍ഡില്‍ വെറും 34 റണ്‍സ് മാത്രമായിരുന്നു ഉണ്ടായിരുന്നത്. ഋതുരാജ് ഗെയ്ക്‌വാദ് (5) റണ്ണൗട്ടായി.

നാലാം വിക്കറ്റില്‍ ഫാഫ് ഡുപ്ലെസിയും കേദാര്‍ ജാദവും ഒത്തുചേര്‍ന്നു. ഇരുവരും ചേര്‍ന്ന് 54 റണ്‍സിന്റെ മികച്ച കൂട്ടുകെട്ടുണ്ടാക്കി. 16ആം ഓവറില്‍ ആന്റിച് നോര്‍ജെയാണ് ഈ കൂട്ടുകെട്ട് പൊളിച്ചത്. നോര്‍ജെ ജാദവിനെ (26) വിക്കറ്റിനു മുന്നില്‍ കുരുക്കി. ഇതിനിടെ അവേഷ് ഖാന്റെ ഓവറുകളില്‍ ഹെട്‌മെയറും നോര്‍ജെയും ഓരോ തവണ വീതം ഡുപ്ലെസിയുടെ ക്യാച്ച് പാഴാക്കി. റബാഡയുടെ ഓവറില്‍ വീണ്ടും ഹെട്‌മെയര്‍ ഡുപ്ലെസിയെ കൈവിട്ടു. ആ ഓവറില്‍ തന്നെ ഡുപ്ലെസി ഋഷഭ് പന്തിന്റെ കൈകളില്‍ അവസാനിച്ചു. 43 റണ്‍സെടുത്തതിനു ശേഷമാണ് താരം പവലിയനിലേക്ക് മടങ്ങിയത്.

1959ലെ വിപ്ലവത്തിനുശേഷം ക്യൂബയുടെ ഭരണം കാസ്‌ട്രോ കുടുംബത്തിന്റെ കൈയിലായിരുന്നു. ഫിദല്‍ കാസ്‌ട്രോ രോഗബാധിതനായതിനെ തുടര്‍ന്ന് 2006ലാണ് സഹോദരന്‍ റൗള്‍ കാസ്‌ട്രോ അധികാരമേറ്റെടുത്തത്. 2008ല്‍ അധികാരം പൂര്‍ണമായും റൗളിന്റെ കൈകളിലെത്തി.

സ്വേച്ഛാധിപതി ഫുള്‍ജെന്‍ഷ്യോ ബാറ്റിസ്റ്റയെ പുറത്താക്കിയ ശേഷം കാസ്‌ട്രോ കുടുംബത്തില്‍ പെടാത്ത രണ്ടുപേര്‍ ഇടക്കാലത്ത് അധികാരത്തിന്റെ തലപ്പത്ത് എത്തിയിരുന്നു.
എന്നാല്‍ ഫിദല്‍ കാസ്‌ട്രോയുടെ മേല്‍നോട്ടത്തിലായിരുന്നു അപ്പോഴും കാര്യങ്ങള്‍. പ്രസിഡന്റ് പദം ഒഴിയുമെങ്കിലും ക്യൂബന്‍ പോളിറ്റ് ബ്യൂറോയുടെ തലപ്പത്ത് 2021 വരെ റൗള്‍ തുടരും.

പ്രസിഡന്റ് മിഗ്വേലിന് പഴയ വിപ്ലവ പാരമ്പര്യമൊന്നുമില്ല. സാമ്പത്തിക മേഖലയില്‍ വന്‍ പരിഷ്‌കരണങ്ങള്‍ക്ക് തുടക്കം കുറിച്ചിരിക്കുന്ന ക്യൂബയില്‍ മിഗ്വേലിന്റെ വരവ് രാഷ്ട്രീയമായ പുതിയ വഴിത്തിരിവുകള്‍ക്ക് കാരണമാകുമെന്നാണ് പ്രതീക്ഷ. റൗളിന്റെ നേതൃത്വത്തില്‍ സാമ്പത്തിക മേഖലയില്‍ സ്വകാര്യവത്കരത്തിന് വാതില്‍ തുറന്നുകൊടുത്തിരുന്നു. ക്യൂബയില്‍ ഇപ്പോള്‍ ആറു ലക്ഷത്തിലേറെ സ്വകാര്യ സംരംഭകരുണ്ട്. സെല്‍ഫോണുകളും കമ്പ്യൂട്ടറുകളും ചുരുക്കം പേരുടെ കൈകളില്‍ ഒതുങ്ങിയിരുന്ന കാലത്തില്‍നിന്ന് വ്യത്യസ്തമായി ഇന്ന് അരക്കോടിയിലേറെ പേരുടെ കൈകളില്‍ മൊബൈല്‍ ഫോണ്‍ എത്തിക്കഴിഞ്ഞു. കൂടാതെ അമേരിക്കയുമായി വ്യാപാര, നയതന്ത്ര ബന്ധം പുനസ്ഥാപിക്കുകയും ചെയ്തു.