FIFA 2022 – Chandrika Daily

ക്വാര്‍ട്ടറിലെ കയ്യാങ്കളി; അര്‍ജന്റീനക്കും നെതര്‍ലന്‍ഡ്സിനും പിഴ ചുമത്തിയേക്കും

Test User — Mon, 12 Dec 2022 05:59:18 +0000

ദോഹ: അര്‍ജന്റീന- നെതര്‍ലന്‍ഡ്സ് ഫുട്ബോള്‍ ഫെഡറേഷനുകള്‍ക്കെതിരെ ഫിഫയുടെ അച്ചടക്ക നടപടിയുണ്ടാവാന്‍ സാധ്യത. ക്വാര്‍ട്ടറില്‍ ഇരുടീമുകളും പരുക്കന്‍ അടവുകള്‍ പുറത്തെടുത്തിരുന്നു. റഫറിക്ക് 17 കാര്‍ഡുകള്‍ പുറത്തെടുക്കേണ്ടിവന്നു. ലോകകപ്പില്‍ ഏറ്റവും കൂടുതല്‍ കാര്‍ഡുകള്‍ പുറത്തെടുത്ത മത്സരം കൂടിയായിരുന്നിത്. 30 ഫൗളുകളാണ് നെതര്‍ലന്‍ഡിസിന്റെ ഭാഗത്തുനിന്നുണ്ടായത്. അര്‍ജന്റീനയുടെ ഭാഗത്തു നിന്നും 18 ഫൗളുകളും ഉണ്ടായി. ഇതിനിടെ താരങ്ങള്‍ തമ്മില്‍ ഉന്തും തള്ളുമുണ്ടാവുകയും ചെയ്തു. മത്സരശേഷവും അത് തുടര്‍ന്നു.അഞ്ച് മഞ്ഞക്കാര്‍ഡുകളിലോ അതിന് മുകളിലോ അവസാനിക്കുന്ന മത്സരങ്ങളെ കുറിച്ച് സാധാരണ ഗതിയില്‍ ഫിഫ അന്വേഷിക്കാറുണ്ട്. അര്‍ജന്റീന- നെതര്‍ലന്‍ഡ്സ് മത്സരത്തില്‍ അച്ചടക്കലംഘനം നടന്നിട്ടുണ്ടെന്നാണ് ഫിഫയുടെ വിലയിരുത്തല്‍.

ഇതിനെ കുറിച്ച് അന്വേഷണം നടത്താനാണ് തീരുമാനം. രണ്ട് ഫുട്ബോള്‍ ഫെഡറേഷനും പിഴയിടുമെന്ന് ഫിഫ വൃത്തങ്ങളെ ഉദ്ദരിച്ച് ഇംഗ്ലീഷ് മാധ്യമങ്ങള്‍ റിപ്പോര്‍ട്ട് ചെയ്യുന്നു. എന്നാല്‍ ശിക്ഷാനടപടി എപ്പോള്‍ പ്രഖ്യാപിക്കുമെന്ന് വ്യക്തമായിട്ടില്ല. ലോകകപ്പ് അവസാനിക്കുന്നതിന് മുമ്പ് തീരുമാനമുണ്ടാവും. അര്‍ജന്റീനിയന്‍ താരം ലിയാന്‍ഡ്രോ പരഡേസ് നെതര്‍ലന്‍ഡ്സ് ഡഗ്ഔട്ടിലേക്ക് പന്ത് അടിച്ചുകയറ്റിയതിന് പിന്നാലെയാണ് കയ്യാങ്കളിക്ക് തുടക്കമായത്. ഡച്ച് താരങ്ങള്‍ പരഡേസിനെ പൊതിഞ്ഞു. ഇതിനിടെ വിര്‍ജില്‍ വാന്‍ ഡിക് ഒരു അര്‍ജന്റൈന്‍ താരത്തെ തള്ളി നിലത്തിടുകയും ചെയ്തിരുന്നു. അതേസമയം, അര്‍ജന്റീനയുടെ ക്യാപ്റ്റന്‍ ലിയോ മെസിക്കും അച്ചടക്ക നടപടി നേരിടേണ്ടി വരും.

നെതര്‍ലന്‍ഡ്സ് കോച്ച് ലൂയിസ് വാന്‍ ഗാലിനെതിരെ പ്രകോപനമായി പെരുമാറിയതിനായിരിക്കും നടപടി. മാത്രമല്ല, മത്സരത്തിന്റെ റഫറിയിംഗിനെ മെസി വിമര്‍ശിച്ചതും അന്വേഷണം പരിധിയില്‍ വരും.മത്സരശേഷവും വാക്കുതര്‍ക്കമുണ്ടായി. മത്സരം കഴിഞ്ഞ് മടങ്ങുമ്പോള്‍ മെസി നെതര്‍ലന്‍ഡ്‌സ് കോച്ച് ലൂയിസ് വാന്‍ ഗാലിന്റെ മുഖത്ത് നോക്കി സംസാരിക്കുകയും ചെയ്തിരുന്നു. മാത്രമല്ല, അഭിമുഖം നല്‍കുമ്പോള്‍ മെസിയുടെ മുഖത്തേക്ക് കണ്ണെടുക്കാതെ നോക്കിയ ഡച്ച് താരം വൗട്ടിനെ ‘ഫൂള്‍’ എന്ന് മെസി വിളിച്ചിരുന്നു. പെനാല്‍റ്റി ഷൂട്ടൗട്ടിന് ശേഷം പ്ലെയേര്‍സ് ടണലില്‍ വച്ച് മെസിയും വൗട്ടും തമ്മില്‍ വീണ്ടും പ്രശ്‌നങ്ങളുണ്ടായി. ഈ സംഭവങ്ങളെ പറ്റിയാണ് വൗട്ട് ഇപ്പോള്‍ തന്റെ ഭാഗം വിശദീകരിച്ചിരിക്കുന്നത്.

ഖത്തര്‍ ലോകകപ്പില്‍ ഇനി നാലിലങ്കം

Test User — Mon, 12 Dec 2022 04:55:41 +0000

ലോകകപ്പിന് അപ്രതീക്ഷിത സെമിഫൈനല്‍ ചിത്രം. രണ്ട് ദിവസത്തെ വിശ്രമ ദിനങ്ങള്‍ക്ക് ശേഷം ചൊവ്വാഴ്ച രാത്രി 12.30ന് ലുസൈല്‍ രാജ്യാന്തര സ്റ്റേഡിയത്തില്‍ അര്‍ജന്റീനയും ക്രൊയേഷ്യയും തമ്മില്‍ ഒന്നാം സെമി ഫൈനലിനിറങ്ങും. ബുധനാഴ്ച അല്‍ബൈത്ത് സ്റ്റേഡിയത്തിലാണ് രണ്ടാം സെമി ഫൈനല്‍. അട്ടിമറി രാജാക്കന്മാരായ മൊറോക്കോയും മുന്‍ ചാമ്പ്യന്മാരായ ഫ്രാന്‍സും തമ്മില്‍.

നവംബര്‍ 20 ന് തുടങ്ങിയ വിശ്വ ഫുട്ബോള്‍ മാമാങ്കം പരാതി രഹിതമായി സമാപനത്തിലേക്ക് പ്രവേശിക്കുമ്പോള്‍ ലോകത്തിന്റെ മുഴുവന്‍ പ്രശംസയും സ്വീകരിക്കുകയാണ് ഖത്തര്‍. 64 മല്‍സരങ്ങളില്‍ അറുപതും വിജയകരമായി പിന്നിട്ടിരിക്കുന്നു. കാണികളുടെ എണ്ണത്തില്‍, ടെലിവിഷന്‍ പ്രേക്ഷകരുടെ എണ്ണത്തില്‍, അതിവേഗ മല്‍സര സമയ ക്രമീകരണങ്ങളുടെ പേരില്‍.., ഖത്തര്‍ ചരിത്രമാവുകയാണ്. അറബ് ലോകം ആദ്യമായി ആതിഥേയത്വം വഹിക്കുന്ന ലോകകപ്പില്‍ ഒരു അറബ് രാജ്യം ആദ്യമായി ലോകകപ്പ് സെമി ഫൈനലില്‍ പ്രവേശിച്ചുവെന്നതും ഖത്തറിന് തിളക്കമാവുന്നു. കരുത്തരായ പോര്‍ച്ചുഗലിനെ തകര്‍ത്ത് വന്ന മൊറോക്കോ ആഫ്രിക്കന്‍ വന്‍കരക്കും അഭിമാനമാവുകയാണ്.

വമ്പന്‍ ടീമുകളില്‍ അര്‍ജന്റീനയും ഫ്രാന്‍സും മുന്‍നിരയില്‍ തന്നെ. മെഗാ താരങ്ങളില്‍ ലിയോ മെസിയും കിലിയന്‍ എംബാപ്പേയും. അല്‍ബൈത്ത് സ്റ്റേഡിയത്തില്‍ നടന്ന അവസാന ക്വാര്‍ട്ടര്‍ ഫൈനലില്‍ തട്ടുതകര്‍പ്പന്‍ പ്രകടനം നടത്തിയാണ് ഫ്രാന്‍സ് ഇംഗ്ലണ്ടിനെ വീഴ്ത്തിയത്. പക്ഷേ ലോകം ചര്‍ച്ച ചെയ്ത ക്വാര്‍ട്ടര്‍ ഫൈനല്‍ യുദ്ധം മൊറോക്കോയും പോര്‍ച്ചുഗലും തമ്മില്‍ തുമാമ സ്റ്റേഡിയത്തില്‍ നടന്ന പോരാട്ടമായിരുന്നു. തുടക്കത്തില്‍ ക്രിസ്റ്റിയാനോ റൊണാള്‍ഡോ എന്ന വിശ്വ താരത്തെ പുറത്തിരുത്തി പോര്‍ച്ചുഗല്‍ നടത്തിയ കരുനീക്കം പാളിയപ്പോള്‍ ആ താരത്തോട് ടീം ചെയ്ത ചതിയില്‍ ഫുട്ബോള്‍ ലോകം ഒന്നടങ്കം വേദനിച്ചു. സാമൂഹ്യ മാധ്യമങ്ങളില്‍ ഉള്‍പ്പെടെ താരത്തോട് ചെയ്ത ക്രൂരതക്കെതിരെ വലിയ വിമര്‍ശനങ്ങളാണ് ഉയരുന്നത്.

ഇംഗ്ലണ്ടിനെ കടത്തിവെട്ടി ഫ്രഞ്ച് പടയോട്ടം; സെമിയില്‍ കടന്നത് 2-1ന്

Test User — Sun, 11 Dec 2022 02:19:56 +0000

ഇംഗ്ലണ്ടിനെതിരെ 2-1 വിജയവുമായി ഫ്രഞ്ച് സൈന്യം സെമിയില്‍ കടന്നു. മണിക്കൂര്‍ നീണ്ട പൊരിഞ്ഞ പോരാട്ടത്തില്‍ ഇരു ഭാഗത്തെ ഗോളിമാര്‍ക്കും നന്നായി വിയര്‍ക്കേണ്ടി വന്നു. ഒടുവില്‍ ഒന്നിനെതിരെ രണ്ടു ഗോള്‍ ജയവുമായ് ഫ്രാന്‍സ് സെമിയില്‍ കടക്കുകയായിരുന്നു.

സെമിയില്‍ ഫ്രാന്‍സ് ഏറ്റുമുട്ടാനിരിക്കുന്നത് മൊറോക്കോയുമായാണ്. ഫ്രാന്‍സിനായി ഗോള്‍ നേടിയത് ഷൂമേനിയും ജിറൂദുമായിരുന്നു. പെനാല്‍റ്റിയില്‍ ഇംഗ്ലണ്ടിന്റെ മാനം കാത്തത് ഹാരി കെയിനാണ്.

ജര്‍മനിക്ക് പിഴയിട്ട് ഫിഫ

Test User — Wed, 30 Nov 2022 10:00:44 +0000

ജര്‍മ്മന്‍ ടീമിന് 10000 സ്വിസ് ഫ്രാങ്ക് അതായത് ഇന്ത്യന്‍ തുക ഏകദേശം എട്ടര ലക്ഷത്തോളം രൂപ പിഴയിട്ട് ഫിഫ. സ്‌പെയിനിനെതിരായ മത്സരത്തിന് മുന്നോടിയായുള്ള വാര്‍ത്ത സമ്മേളനത്തിന് കളിക്കാരനെ അയക്കാതത്തിനാണ് ഫിഫയുടെ ശിക്ഷ നടപടി. പരിശീലനൊപ്പം ഏതെങ്കിലും ഒരു കളിക്കാരനും വാര്‍ത്താസമ്മേളനത്തില്‍ എത്തണമെന്നാണ് ചട്ടം. എന്നാല്‍ പരിശീലകന്‍ ഹാന്‍സ് ഫ്‌ലിക്ക് തനിച്ചാണ് എത്തിയത്. ഇതിനെതിരെയാണ് ഫിഫ പിഴ നിശ്ചയിച്ചത്.

നേരത്തെ ജപ്പാന്‍ എതിരായ മത്സരത്തിന് ഇറങ്ങും മുമ്പുള്ള ഫോട്ടോ സെഷനില്‍ വായ്മൂടി ജര്‍മന്‍ താരങ്ങള്‍ പ്രതിഷേധിച്ചിരുന്നു. എല്‍ ജി ബി ടി ക്യു സമൂഹത്തോടുള്ള ഖത്തറിന്റെ നിലപാടില്‍ പ്രതിഷേധിച്ച് വണ്‍ ലവ് എന്ന് രേഖപ്പെടുത്തിയ ആബന്‍ഡ് ധരിച്ച ലോകകപ്പില്‍ കളിക്കാനിറങ്ങുന്നത് വിലക്കിയ ഫിഫ നടപടിയിലുള്ള പ്രതിഷേധമായിരുന്നു ആ സംഭവം.

ചരിത്രം വഴിമാറും ; ജര്‍മനി-കോസ്റ്റാറിക്ക മത്സരം നിയന്ത്രിക്കാനെത്തുന്നത് മൂന്ന് വനിതകള്‍

Test User — Wed, 30 Nov 2022 07:58:44 +0000

ലോകകപ്പ് ഫുട്ബാള്‍ ചരിത്രത്തില്‍ ആദ്യമായി മൂന്ന് വനിതകള്‍ മത്സരം നിയന്ത്രിക്കാനെത്തുന്നു.
വ്യാഴാഴ്ച മൂന്ന് വനിതകള്‍ റഫറിയിംഗില്‍ പുരുഷന്മാരുടെ ചുമതല ഏറ്റെടുക്കും. ചരിത്രം കുറിക്കപ്പെടുന്നു. സ്റ്റെഫാനി ഫ്രാപ്പാര്‍ട്ടിനൊപ്പം സഹായികളായി ന്യൂസ ബാക്കും കാരെന്‍ ഡയസും മേല്‍നോട്ടം വഹിക്കും.’ മൂവരുടെയും ചിത്രങ്ങള്‍ക്കൊപ്പം ഫിഫ ട്വിറ്ററില്‍ കുറിച്ചു.

https://twitter.com/FIFAcom/status/1597670007735218176

ഒരു വനിത, പ്രധാന റഫറിയാകുന്നതും കളി നിയന്ത്രിക്കുന്ന നാല് പേരും വനിതകളാകുന്നതും ലോകകപ്പ് ടൂര്‍ണമെന്റുകളുടെ ചരിത്രത്തില്‍ തന്നെ ആദ്യമാണ്.

ബ്രസീലുകാരിയായ ന്യൂസ ബാക്ക്, മെക്‌സിക്കന്‍ റഫറി കാരെന്‍ ഡയസ് എന്നിവരാണ് അസിസ്റ്റന്റ് റഫറിമാര്‍. വ്യാഴാഴ്ച അല്‍ ബെയ്ത് സ്റ്റേഡിയത്തില്‍ അരങ്ങേറുന്ന ഗ്രൂപ്പ് ഇയിലെ ജര്‍മനി-കോസ്റ്റാറിക്ക നിര്‍ണായക പോരാട്ടമാണ് ഇവര്‍ നിയന്ത്രിക്കുക.

ഫിഫ ട്വിറ്ററിലൂടെയാണ് ഇക്കാര്യം അറിയിച്ചത്. മാര്‍ച്ചില്‍ നടന്ന ലോകകപ്പ് യോഗ്യതാ റൗണ്ടിലും യൂറോപ്പ ലീഗിലും 2019ല്‍ ചെല്‍സിയും ലിവര്‍പൂളും ഏറ്റുമുട്ടിയ യുവേഫ സൂപ്പര്‍ കപ്പ് ഫൈനലിലും സ്റ്റെഫാനി മത്സരം നിയന്ത്രിച്ചിരുന്നു. ഈ ലോകകപ്പില്‍ പോളണ്ട്-മോക്‌സിക്കോ മത്സരത്തില്‍ ഫോര്‍ത്ത് ഒഫീഷ്യലായിരുന്നു 38കാരി. നേരത്തെ ഫിഫ പുറത്തുവിട്ട 36 റഫറിമാരുടെ പട്ടികയില്‍ മൂന്ന് വനിതകള്‍ ഉള്‍പ്പെട്ടിരുന്നു. സ്റ്റെഫാനി ഫ്രപ്പാര്‍ട്ടിനെ കൂടാതെ ജപ്പാനില്‍ നിന്നുള്ള യോഷിമി യമഷിത, റുവാണ്ടയില്‍ നിന്നുള്ള സലിമ മുകന്‍സംഗ എന്നിവരാണ് പട്ടികയില്‍ ഉള്‍പ്പെട്ടവര്‍.

69 പേരുടെ അസിസ്റ്റന്റ് റഫറിമാരുടെ പട്ടികയിലും മൂന്ന് വനിതകളുണ്ട്. ലോകകപ്പിനായുള്ള 69 അസിസ്റ്റന്റ് റഫറിമാരുടെ പട്ടികയില്‍ ബ്രസീലിന്റെ ന്യൂസ ബാക്ക്, മെക്‌സിക്കോയുടെ കാരെന്‍ ഡയസ് മദീന, അമേരിക്കയുടെ കാതറിന്‍ നെസ്ബിറ്റ് എന്നിവരും ഉള്‍പ്പെടുന്നു.

ചന്ദ്രിക ലോകകപ്പ് ഫുട്‌ബോള്‍ -2022 ഫിക്‌സ്ചര്‍

Chandrika Web — Mon, 21 Nov 2022 14:01:27 +0000

ചന്ദ്രിക
ലോകകപ്പ് ഫുട്‌ബോള്‍ ഫിക്‌സ്ചര്‍

………………………………….

ഇന്ത്യന്‍സമയം

നവംബര്‍ 20

ഖത്തര്‍- ഇക്വഡോര്‍

രാത്രി 9.30 മുതല്‍

നവംബര്‍ 21 തിങ്കള്‍

ഇംഗ്ലണ്ട് – ഇറാന്‍

വൈകിട്ട് 6:30 മുതല്‍

സെനഗല്‍ -നെതര്‍ലാന്‍ഡ്‌സ്

രാത്രി 9:30

യു.എസ്.എ – വെയ്ല്‍സ്

രാത്രി 12:30 .

നവംബര്‍ 22 ചൊവ്വ

അര്‍ജന്റീന – സൗദി അറേബ്യ

വൈകിട്ട് 3:30 മുതല്‍

ഡെന്മാര്‍ക്ക് – ടുണീഷ്യ

വൈകിട്ട് 6:30 മുതല്‍

മെക്‌സിക്കോ – പോളണ്ട്

രാത്രി 9:30 മുതല്‍

ഫ്രാന്‍സ് -ഓസ്‌ട്രേലിയ

രാത്രി 12:30 മുതല്‍

നവംബര്‍ 23 ബുധന്‍

മൊറോക്കോ – ക്രൊയേഷ്യ

വൈകിട്ട് 3:30 മുതല്‍

ജര്‍മ്മനി ഢ െജപ്പാന്‍

വൈകിട്ട് 6:30 മുതല്‍

സ്‌പെയ്ന്‍ – കോസ്റ്റാറിക്ക

രാത്രി 9:30 മുതല്‍

ബെല്‍ജിയം – കാനഡ

രാത്രി 12:30 മുതല്‍

നവംബര്‍ 24 വ്യാഴം

സ്വിറ്റ്‌സര്‍ലാന്‍ഡ് -കാമറൂണ്‍

വൈകിട്ട് 3:30 മുതല്‍

ഉറുഗ്വേ – ദക്ഷിണകൊറിയ

വൈകിട്ട് 6:30 മുതല്‍

പോര്‍ച്ചുഗല്‍ ഢ െഘാന

രാത്രി 9:30 മുതല്‍

ബ്രസീല്‍ – സെര്‍ബിയ

രാത്രി 12:30 മുതല്‍

നവംബര്‍ 25 വെള്ളി

വെയ്ല്‍സ് – ഇറാന്‍

വൈകിട്ട് 3:30 മുതല്‍

ഖത്തര്‍ – സെനഗള്‍

വൈകിട്ട് 6:30 മുതല്‍

നെതര്‍ലാന്‍ഡ്‌സ് – ഇക്വഡോര്‍

രാത്രി 9:30 മുതല്‍

ഇംഗ്ലണ്ട് -യു.എസ്.എ

രാത്രി 12:30 മുതല്‍

നവംബര്‍ 26 ശനി

ടുണീഷ്യ – ഓസ്‌ട്രേലിയ

വൈകിട്ട് 3:30 മുതല്‍

പോളണ്ട് – സൗദി അറേബ്യ

വൈകിട്ട് 6:30 മുതല്‍

ഫ്രാന്‍സ് -ഡെന്മാര്‍ക്ക്

രാത്രി 9:30 മുതല്‍

അര്‍ജന്റീന – മെക്‌സിക്കോ

രാത്രി 12:30 മുതല്‍

നവംബര്‍ 27 ഞായര്‍

ജപ്പാന്‍- കോസ്റ്റാറിക്ക

വൈകിട്ട് 3:30 മുതല്‍

ബെല്‍ജിയം – മൊറോക്കോ

വൈകിട്ട് 6:30 മുതല്‍

ക്രൊയേഷ്യ -കാനഡ

രാത്രി 9:30 മുതല്‍

സ്‌പെയ്ന്‍ – ജര്‍മ്മനി

രാത്രി 12:30 മുതല്‍

നവംബര്‍ 28 തിങ്കള്‍

സെര്‍ബിയ -കാമറൂണ്‍

വൈകിട്ട് 3:30 മുതല്‍

ദക്ഷിണകൊറിയ- ഘാന

വൈകിട്ട് 6:30 മുതല്‍

പോര്‍ച്ചുഗല്‍ – ഉറുഗ്വേ

രാത്രി 12:30 മുതല്‍

നവംബര്‍ 29 ചൊവ്വ

ഇക്വഡോര്‍ – സെനഗള്‍

രാത്രി 8:30 മുതല്‍

നെതര്‍ലാന്‍ഡ്‌സ് – ഖത്തര്‍

രാത്രി 8:30 മുതല്‍

ഇറാന്‍ – യു.എസ്.എ

രാത്രി 12:30 മുതല്‍

വെയ്ല്‍സ് – ഇംഗ്ലണ്ട്

രാത്രി 12:30 മുതല്‍

നവംബര്‍ 30 ബുധന്‍

ഫ്രാന്‍സ് – ടുണീഷ്യ

രാത്രി 8:30 മുതല്‍

ഓസ്‌ട്രേലിയ – ഡെന്മാര്‍ക്ക്

രാത്രി 8:30 മുതല്‍

പോളണ്ട് – അര്‍ജന്റീന

രാത്രി 12:30 മുതല്‍

സൗദി – മെക്‌സിക്കോ

രാത്രി 12:30 മുതല്‍

ഡിസംബര്‍ 1 വ്യാഴം

ക്രൊയേഷ്യ -ബെല്‍ജിയം

രാത്രി 8:30 മുതല്‍

കാനഡ – മൊറോക്കോ

രാത്രി 8:30 മുതല്‍

ജപ്പാന്‍ – സ്‌പെയ്ന്‍

രാത്രി 12:30 മുതല്‍

കോസ്റ്റാറിക്ക -ജര്‍മ്മനി

രാത്രി 12:30 മുതല്‍

ഡിസംബര്‍ 2 വെള്ളി

ദക്ഷിണകൊറിയ -പോര്‍ച്ചുഗല്‍

രാത്രി 8:30 മുതല്‍

ഘാന – ഉറുഗ്വേ

രാത്രി 8:30 മുതല്‍

സെര്‍ബിയ – സ്വിറ്റ്‌സര്‍ലാന്‍ഡ്

രാത്രി 12:30 മുതല്‍

കാമറൂണ്‍ – ബ്രസീല്‍

രാത്രി 12:30 മുതല്‍

പ്രീക്വാര്‍ട്ടര്‍ ഫൈനലുകള്‍

ഡിസംബര്‍ 3 മുതല്‍ 7 വരെ

ക്വാര്‍ട്ടര്‍ ഫൈനലുകള്‍

ഡിസംബര്‍ 9 മുതല്‍ 10

സെമി ഫൈനലുകള്‍

ഡിസംബര്‍ 13 മുതല്‍ 14 വരെ

ലൂസേഴ്‌സ് ഫൈനല്‍

ഡിസംബര്‍ 17ന്

ഫൈനല്‍

ഡിസംബര്‍ 18 രാത്രി 8:30ന്