fifa ranking – Chandrika Daily

ഫിഫ റാങ്കിങ്; ഇന്ത്യക്ക് നിരാശ, പോര്‍ച്ചുഗലിന് മുന്നേറ്റം

Test User — Thu, 17 Sep 2020 18:17:38 +0000

സൂറിച്ച്: കോവിഡ് തീര്‍ത്ത പ്രതിസന്ധിയില്‍ നിന്ന് മൈതാനങ്ങള്‍ ഉണരുന്നതിനിടെ ഫിഫ റാങ്കിങ്ങും പുറത്തിറങ്ങി. ബെല്‍ജിയം ഒന്നാം സ്ഥാനം നിലനിര്‍ത്തിയപ്പോള്‍ പിന്നീടുള്ള സ്ഥാനങ്ങളിലെ ടീമുകളും മാറ്റമില്ലാതെ തുടരുകയാണ്. ഫ്രാന്‍സ് രണ്ടാം സ്ഥാനത്തും ബ്രസീല്‍ മൂന്നാമതും ഇംഗ്ലണ്ട് നാലാം സ്ഥാനത്തുമാണ്.

ബെല്‍ജിയത്തിന് 1773 പോയിന്റും ഫ്രാന്‍സിന് 1744 പോയിന്റുമാണുള്ളത്. ബ്രസീലിന്റെ അക്കൗണ്ടില്‍ 1712 പോയിന്റും ഇംഗ്ലണ്ടിന് 1664 പോയിന്റുമുണ്ട്. രണ്ട് സ്ഥാനങ്ങള്‍ മുന്നില്‍ കയറി പോര്‍ച്ചുഗല്‍ അഞ്ചാമതെത്തി. യൂറോ കപ്പ് ചാമ്പ്യന്‍മാരായ പോര്‍ച്ചുഗലിനെ നേഷന്‍സ് ലീഗിലെ പ്രകടനമാണ് തുണച്ചത്. 1653 പോയിന്റാണ് പോര്‍ച്ചുഗലിനുള്ളത്.

അതേസമയം പുതിയ റാങ്കിങ്ങില്‍ ഇന്ത്യക്ക് നിരാശയാണ് ഫലം. ഒരു സ്ഥാനം നഷ്ടമായ ഇന്ത്യ റാങ്കിങ്ങില്‍ 109ാം സ്ഥാനത്താണുള്ളത്. മത്സരങ്ങള്‍ ഒന്നും കളിക്കാത്തതാണ് ടീമിന്റെ റാങ്കിങ്ങിനെ ബാധിച്ചത്. 1187 പോയിന്റാണ് ഇന്ത്യക്കുള്ളത്.

ഫിഫ റാങ്കിങ്ങില്‍ ഇന്ത്യക്ക് വീണ്ടും തിരിച്ചടി

Test User — Fri, 26 Jul 2019 14:14:05 +0000

ഫിഫ റാങ്കിംഗില്‍ ഇന്ത്യക്ക് വീണ്ടും തിരിച്ചടി. പുതിയ റാങ്കിങ്ങില്‍ ഇന്ത്യ രണ്ട് സ്ഥാനം പുറകോട്ട് പോയി. 101ാം റാങ്കിലായിരുന്ന ഇന്ത്യ 103ാം റാങ്കിലാണിപ്പോള്‍. റാങ്കിംഗില്‍ ബെല്‍ജിയമാണ് ഒന്നാം സ്ഥാനത്ത്. കോപ്പ അമേരിക്ക നേട്ടത്തോടെ ബ്രസീല്‍ രണ്ടാം സ്ഥാനത്തേക്ക് ഉയര്‍ന്നപ്പോള്‍ ലോക ചാമ്പ്യന്മാരായ ഫ്രാന്‍സ് താഴേക്ക് വീണു

ഇന്തര്‍ കോണ്ടിനെന്റല്‍ കപ്പിലെ മോശം പ്രകടനമാണ് ഇന്ത്യക്ക് തിരിച്ചടിയായത്. 1214 റാങ്കിങ്ങ് പോയിന്റസുമായി ഇന്ത്യ ഏഷ്യന്‍ രാജ്യങ്ങളില്‍ 18ാം സ്ഥാനത്താണ്. ഏഷ്യന്‍ രാജ്യങ്ങളില്‍ മുന്നില്‍ ഇറാനാണ്, റാങ്കിങ്ങില്‍ 23ാം സ്ഥാനത്താണ് ഇറാന്‍. ജപ്പാന്‍ 33ാം സ്ഥാനത്തും കൊറിയ 37ാം സ്ഥാനത്തും, ഓസ്‌ട്രേലിയ 46ാം സ്ഥാനത്തുമാണ്.

കോപ്പ അമേരിക്കയുടെ സെമിയില്‍ ബ്രസീസിനോട് പരാജയപ്പെട്ട് പുറത്തായെങ്കിലും അര്‍ജന്റീന ആദ്യ പത്തിലെത്തി. കൊളംബിയായാണ് പട്ടികയില്‍ നേട്ടമുണ്ടാക്കിയ മറ്റൊരു രാജ്യം. അഞ്ച് സ്ഥാനങ്ങള്‍ മെച്ചപ്പെടുത്തി കൊളംബിയ എട്ടാം സ്ഥാനത്തെത്തി.

ഫിഫ റാങ്കിങ് ഇന്ത്യക്ക് തിരിച്ചടി; ജര്‍മ്മനി ഒന്നാമത്

chandrika — Thu, 14 Sep 2017 17:45:43 +0000

സൂറിച്ച്: ഫിഫ ലോക ഫുട്‌ബോള്‍ റാങ്കിങില്‍ ഇന്ത്യക്ക് തിരിച്ചടി. 97-ാം റാങ്കില്‍ നിന്നും 10 സ്ഥാനം നഷ്ടപ്പെട്ട് 107-ാമതായാണ് പുതിയ റാങ്കിങില്‍ ഇന്ത്യയുടെ സ്ഥാനം. ആഗസ്റ്റില്‍ 97-ാം സ്ഥാനത്തായിരുന്ന ഇന്ത്യ പിന്നീട് രണ്ട് മത്സരങ്ങള്‍ ജയിക്കുകയും ഒരു മത്സരത്തില്‍ സമനില പാലിക്കുകയും ചെയ്തിരുന്നു. ത്രിരാഷ്ട്ര ടൂര്‍ണമെന്റില്‍ മൗറീഷ്യസിനെ തോല്‍പിക്കുകയും സെന്റ് കിറ്റ്്‌സ് ആന്റ് നെവിസുമായി സമനില പാലിക്കുകയും ചെയ്ത ഇന്ത്യ എ.എഫ്.സി യോഗ്യത റൗണ്ടില്‍ മക്കാവുവിനെ തോല്‍പിക്കുകയും ചെയ്തിരുന്നു. മെയിന് ശേഷം ഇതാദ്യമായാണ് ഇന്ത്യ 100ല്‍ നിന്നും പിന്നാക്കം പോവുന്നത്.

NEW #FIFARANKING

& into top 5⃣
@SeleccionPeru, @NorthernIreland & Syria reach all-time highs
ℹ️https://t.co/WBTgrGqed1 pic.twitter.com/xIumGLw90N

— FIFA.com (@FIFAcom) September 14, 2017

അതേ സമയം ലോകകപ്പ് യോഗ്യത റൗണ്ടില്‍ ചെക് റിപ്പബ്ലിക്കിനെ 2-1നും നോര്‍വേയെ 6-0നും തോല്‍പിച്ച ജര്‍മ്മനി ബ്രസീലിനെ പിന്തള്ളി ഒന്നാം സ്ഥാനത്തേക്ക് ഉയര്‍ന്നു. കൊളംബിയയുമായി സമനില പാലിച്ചതാണ് ബ്രസീലിന് തിരിച്ചടിയായത്. യൂറോപ്യന്‍ ചാമ്പ്യന്‍മാരായ പോര്‍ച്ചുഗല്‍ മൂന്നു സ്ഥാനം മെച്ചപ്പെടുത്തി മൂന്നാം സ്ഥാനത്തെത്തി. ലോകകപ്പ് യോഗ്യത പോലും തുലാസിലായ അര്‍ജന്റീന പുതിയ പട്ടികയില്‍ ഒരു സ്ഥാനം താഴേക്കിറങ്ങി നാലാം സ്ഥാനത്താണ്. ബെല്‍ജിയം നാലു സ്ഥാനം മെച്ചപ്പെടുത്തി അഞ്ചാം സ്ഥാനത്തെത്തി. ഏഷ്യന്‍ ലോകകപ്പ് പ്ലേ ഓഫ് യോഗ്യത നേടിയ സിറിയ 75-ാം റാങ്കിലേക്ക് കുതിച്ചു. റാങ്കിങില്‍ വന്‍ നേട്ടമുണ്ടാക്കിയ മറ്റു ടീമുകള്‍ പെറു (12-ാം സ്ഥാനം), വടക്കന്‍ അയര്‍ലന്‍ഡ് (20), ലക്‌സംബര്‍ഗ് (101). ഇറാന്‍ (25), ജപ്പാന്‍ (40), ഓസ്‌ട്രേലിയ (50) എന്നീ ടീമുകള്‍ മാത്രമാണ് ഏഷ്യയില്‍ നിന്നും ആദ്യ 50ല്‍ ഇടം നേടിയത്. ഒക്ടോബര്‍ 16നാണ് ഫിഫയുടെ അടുത്ത റാങ്ക് പട്ടിക ഇനി പുറത്തു വരിക. നിലവില്‍ ആദ്യ പത്തു സ്ഥാനങ്ങളിലുള്ള ടീമുകള്‍ ഇവയാണ്. 1 ജര്‍മ്മനി, 2. ബ്രസീല്‍, 3. പോര്‍ച്ചുഗല്‍, 5. ബല്‍ജിയം, 6. പോളണ്ട്, 7. സ്വിറ്റ്‌സര്‍ലന്‍ഡ്, 8. ഫ്രാന്‍സ്, 9. ചിലി, 10. കൊളംബിയ.