പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോയെയയും ഈജിപ്തിന്റെ മുഹമ്മദ് സലായെയും പിന്തള്ളിയാണു മോഡ്രിച്ചിന്റെ പുരസ്‌കാര നേട്ടം. മികച്ച വനിതാ താരമായി ബ്രസീലിന്റെ മാര്‍ത്ത തെരഞ്ഞെടുക്കപ്പെട്ടു. ബ്രസീലിനായും ഓര്‍ലാന്‍ഡോ പ്രൈഡിനായും പുറത്തെടുത്ത പ്രകടനമാണ് മാര്‍ത്തയുടെ മികവ്. ഈജിപ്ഷ്യന്‍ താരം മുഹമ്മദ് സലായ്ക്കാണ് മികച്ച ഗോള്‍ നേടിയതിനുള്ള പുരസ്‌കാരം. മികച്ച ഗോള്‍ കീപ്പറായി ബെല്‍ജിയത്തിന്റെ തിബോ കാര്‍ട്ടോ തെരഞ്ഞെടുക്കപ്പെട്ടു.

#FIFAFootballAwards Voting Breakdown

How close was it? See how the votes ranked for the top ten in #TheBest FIFA Men’s Player, Women’s Player, Men’s Coach and Women’s Coach.

https://t.co/EtuZXMSLZp pic.twitter.com/SayENU5Jaj

— #TheBest (@FIFAcom) September 24, 2018

ഫ്രാന്‍സിന് 2018 ലോകകപ്പ് നേടിക്കൊടുത്ത ദിദിയെ ദഷാം മികച്ച പരിശീലകനുള്ള പുരസ്‌കാരം കരസ്ഥമാക്കി. ഫ്രാന്‍സിന്റെ തന്നെ റെയ്‌നോള്‍ഡ് പെഡ്രോസ് ആണ് മികച്ച വനിതാ ടീം പരിശീലകനുള്ള പുരസ്‌കാരം നേടിയത്. പെറു ആരാധകര്‍ക്കാണ് ഏറ്റവും മികച്ച ഫാന്‍സിനുള്ള പുരസ്‌കാരം. ജര്‍മന്‍ താരം ലെനാര്‍ട്ട് തൈയ്ക്ക് ഫെയര്‍പ്ലെ പുരസ്‌കാരം ലഭിച്ചു.

എന്നാല്‍ മനോഹരമായ ടീം ഗെയിമിലൂടെ പത്ത് മിനിറ്റിനുള്ളില്‍ ക്രൊയേഷ്യ ഗോള്‍ മടക്കി. ഇവാന്‍ പെരിസിച്ച് ആണ് ക്രൊയേഷ്യയുടെ ഗോള്‍ നേടിയത്. പക്ഷെ ക്രൊയേഷ്യയുടെ ആഘോഷത്തിന് മിനിറ്റുകളുടെ ആയുസ് മാത്രമേ ഉണ്ടായിരുന്നുള്ളൂ. 39-ാം മിനിറ്റില്‍ പെനാറ്റിയിലൂടെ അന്റോണിയോ ഗ്രിസ്മാന്‍ ഫ്രാന്‍സിന്റെ രണ്ടാം ഗോള്‍ നേടി.പെരിസിച്ച് പന്ത് കൈ കൊണ്ട് തട്ടിയതിനാണ് വാറിന്റെ സഹായത്തോടെ ഫ്രാന്‍സിന് പെനാല്‍റ്റി ലഭിച്ചത്.

59-ാം മിനിറ്റില്‍ പോള്‍ പോഗ്‌ബെയാണ് ഫ്രാന്‍സിന്റെ മൂന്നാമത്തെ ഗോള്‍ നേടിയത്. തന്റെ പ്രതിഭ വിളിച്ചോതുന്ന ഷോട്ടിലൂടെയായിരുന്നു പോഗ്‌ബെയുടെ ഗോള്‍. 65-ാം മിനിറ്റില്‍ കൗമാര താരം എംബാപ്പെയുടെ വകയായിരുന്നു ഫ്രാന്‍സിന്റെ നാലാമത്തെ ഗോള്‍. 69-ാം മിനിറ്റില്‍ ഫ്രഞ്ച് ഗോളി ഹ്യൂഗോ ലോറിസ് നേടിയ ഗോളിലൂടെ ക്രൊയേഷ്യ മത്സരത്തിലേക്ക് തിരിച്ചെത്തിയെന്നെ തോന്നിച്ചെങ്കിലും ക്രോട്ടുകളുടെ മുന്നേറ്റങ്ങളെല്ലാം ഫ്രഞ്ച് മുന്നേറ്റത്തില്‍ തട്ടിത്തകര്‍ന്നു. ഫ്രാന്‍സ് രണ്ട് പതിറ്റാണ്ടുകള്‍ക്ക് ശേഷം വീണ്ടും ലോക ഫുട്‌ബോളിന്റെ നെറുകയിലേക്ക് നടന്നു കയറി.

എന്നാല്‍ നാളെ ലോകകപ്പിന്റെ ഫൈനല്‍ പോരാട്ടത്തിലെ രസം മറ്റൊന്നിലാണ് എത്തിയിരിക്കുന്നത്. അര്‍ജന്റീനയെ ഗ്രൂപ്പ് ഘട്ടത്തില്‍ തോല്‍പ്പിച്ച ക്രൊയേഷ്യയും തുടര്‍ന്ന് പ്രീകോര്‍ട്ടറില്‍ മെസി ടീമിനെ നാട്ടിലേക്കയച്ച ഫ്രാന്‍സും അന്തിമ പോരാട്ടത്തില്‍ അങ്കം വെട്ടുമ്പോള്‍ കളി നിയന്ത്രിക്കുന്നത് പ്രധാന റഫറി സാക്ഷാല്‍ അര്‍ജന്റീനക്കാരനാണ് എന്നതാണ് ആ ഹരം. നാല്‍പത്തി മൂന്നുകാരനായ നെസ്റ്റര്‍ പിറ്റാനയാണ് ഫൈനല്‍ മത്സരത്തിന് വിസിലൂതാന്‍ എത്തുക.

ഈ ലോകകപ്പില്‍ തന്നെ നാല് മല്‍സരങ്ങള്‍ നിയന്ത്രിച്ചിട്ടുള്ള അദ്ദേഹത്തിന് സഹായികളായെത്തുന്നതും ഹെര്‍നാന്‍ മൈതാന്‍, ജുവാന്‍ പാബ്ലോ ബലേറ്റി എന്നീ അര്‍ജന്റീനക്കാരുമാണ്. സൗമ്യതയിലും കാര്‍ക്കശ്യകാരനായ പിറ്റാനയാണ് റഷ്യയും സഊദി അറേബ്യയും തമ്മിലുള്ള ഉദ്ഘാടന മല്‍സരത്തിന് വിസിലൂതിയത്്. ഗ്രൂപ്പ്് ഘട്ടത്തില്‍ മെക്‌സിക്കോ-സ്വീഡന്‍ പോരാട്ടവും പ്രീ ക്വാര്‍ട്ടറില്‍ ക്രൊയേഷ്യ-ഡെന്മാര്‍ക്ക്, ക്വാര്‍ട്ടറില്‍ ഫ്രാന്‍സ്- ഉറുഗ്വേ മല്‍സരവും നിയന്ത്രിച്ചു. ഇനിയിപ്പോള്‍ അവസാന മല്‍സരത്തിലും. നേരത്തെ 2014 ഫിഫാ വേള്‍ഡ് കപ്പിലും 2015 കോപ്പാ അമേരിക്കയില്‍ പിറ്റാന തന്റെ കഴിവ് തെളിയിച്ചിട്ടുണ്ട്.

അതേസമയം അര്‍ജന്റീന ഫൈനല്‍ ബെര്‍ത്ത്് നേടിയിരുന്നെങ്കില്‍ ഈ അവസരം അദ്ദേഹത്തിന് എന്തായാലും ലഭിക്കുമായിരുന്നില്ല. മെസ്സി നേരത്തെ പോയത് പിറ്റാനയുടെ ഭാഗ്യം.

ദോഹ: റഷ്യന്‍ ലോകകപ്പിന് നാളെ കൊടിയിറങ്ങുന്നതോടെ ഖത്തര്‍ ലോകകപ്പിനായുള്ള കാത്തിരിപ്പിനു തുടക്കമാകും. നാളെ ഫ്രാന്‍സ്- ക്രൊയേഷ്യ കലാശപ്പോരാട്ടത്തിനുശേഷം ലോകകപ്പിന്റെ ആതിഥ്യം ഔദ്യോഗികമായി ഖത്തര്‍ ഏറ്റുവാങ്ങും. റഷ്യന്‍ പ്രസിഡന്റ് വ്‌ളാഡിമിര്‍ പുടിനില്‍ നിന്നും അമീര്‍ ശൈഖ് തമീം ബിന്‍ ഹമദ് അല്‍താനി ദീപശിഖ സ്വീകരിക്കുമെന്ന് ക്രെംലിന്‍ വക്താവ് വ്യക്തമാക്കി. ഫിഫ പ്രസിഡന്റ് ജിയാനി ഇന്‍ഫന്റിനൊയ്‌ക്കൊപ്പം അമീറും റഷ്യന്‍ പ്രസിഡന്റും കലാശപ്പോരാട്ടം വീക്ഷിക്കും.

അതേസമയം 2022ലെ ഖത്തര്‍ ലോകകപ്പ് നവംബര്‍- ഡിസംബര്‍ മാസങ്ങളില്‍ തന്നെ നടക്കും. മുന്‍നിശ്ചയിച്ച തീയതികളില്‍ യാതൊരു മാറ്റവുമുണ്ടാകില്ലെന്ന് ഫിഫ പ്രഖ്യാപിച്ചു. റഷ്യന്‍ ലോകകപ്പിന്റെ സമാപനത്തോടനുബന്ധിച്ച് ഫിഫ പ്രസിഡന്റ് ജിയാനി ഇന്‍ഫന്റിനോ നടത്തിയ വാര്‍ത്താസമ്മേളനത്തിലാണ് ഖത്തര്‍ ലോകകപ്പിന്റെ തീയതി മാറ്റില്ലെന്ന് അസന്നിഗ്ദ്ധമായി പ്രഖ്യാപിച്ചത്. 2022 നവംബര്‍ 21നാണ് ഖത്തര്‍ ലോകകപ്പിന്റെ കിക്കോഫ്.
ഫൈനല്‍ ഡിസംബര്‍ 18ന് നടക്കും. 28 ദിവസം നീണ്ടുനില്‍ക്കുന്ന ക്രമത്തിലാണ് ഫിഫ തീയതി പ്രഖ്യാപിച്ചത്. ഫിക്‌സ്ചര്‍ പിന്നീട് പ്രഖ്യാപിക്കും. ഖത്തറിന്റെ ദേശീയദിനത്തിലാണ് ഫൈനല്‍ എന്നത് ഡിസംബര്‍ 18ലെ ആഘോഷ രാവിന്റെ മാറ്റുകൂട്ടും. തീയതി മാറ്റില്ലെന്ന് ഇതുസംബന്ധിച്ച് മാധ്യമപ്രവര്‍ത്തകരുടെ ചോദ്യങ്ങള്‍ക്ക് ഫിഫ പ്രസിഡന്റ് മറുപടി നല്‍കി. വിവിധ ഫുട്‌ബോള്‍ലീഗുകളെ ബാധിക്കാത്ത വിധത്തിലായിരിക്കും ലോകകപ്പ് ക്രമീകരിക്കുക. നവംബര്‍- ഡിസംബര്‍ മാസങ്ങളിലായിരിക്കും ലോകകപ്പെന്ന് യൂറോപ്യന്‍ലീഗിനെയും ലോകത്തെമ്പാടുമുള്ള മറ്റു ലീഗുകളെയും ഔദ്യോഗികമായി തന്നെ അറിയിച്ചിട്ടുണ്ട്. അവര്‍ അതിനനുസരിച്ച് മത്സരങ്ങള്‍ ക്രമീകരിക്കും. ഇക്കാര്യം നേരത്തെ തന്നെ തീരുമാനിച്ചതാണ്.

അതില്‍ യാതൊരു മാറ്റവുമുണ്ടാകില്ലെന്ന് ഇന്‍ഫന്റിനോ അറിയിച്ചു. ഖത്തര്‍ ലോകകപ്പില്‍ ടീമുകളുടെ എണ്ണം ഉയര്‍ത്തുന്ന കാര്യത്തില്‍ തീരുമാനമെടുത്തിട്ടില്ല. നിലവില്‍ 32 ടീമുകള്‍ പങ്കെടുക്കുന്ന ലോകകപ്പായാണ് വിഭാവനം ചെയ്തിരിക്കുന്നത്. ടീമുകളുടെ എണ്ണം 48 ആയി വര്‍ധിപ്പിക്കണമെങ്കില്‍ ആദ്യം ഖത്തറുമായി ചര്‍ച്ച ചെയ്യണം. ഇക്കാര്യത്തില്‍ തീരുമാനമൊന്നുമുണ്ടായിട്ടില്ലെന്നും സാധ്യതകളെല്ലാം പരിശോധിക്കുമെന്നും അദ്ദേഹം പറഞ്ഞു. യൂറോപ്യന്‍ പ്രീമിയര്‍ ലീഗ് നിര്‍ത്തിവച്ചായിരിക്കും 2022ലെ ലോകകപ്പ് നടക്കുന്നത്. 2019 മുതല്‍ 2024 വരെയുള്ള രാജ്യാന്തര മത്സരകലണ്ടര്‍ പരിശോധിച്ചശേഷമാണ് തീയതിയില്‍ ഫിഫ നേരത്തെ തീരുമാനമെടുത്തത്. ലോകകപ്പില്‍ പങ്കെടുക്കുന്ന 32 രാജ്യങ്ങളുടെയും കളിക്കാരെ നവംബര്‍ പതിന്നാലിന് മുമ്പ് അവരവരുടെ രാജ്യങ്ങള്‍ക്ക് വിട്ടുനല്‍കാന്‍ ബന്ധപ്പെട്ട ക്ലബ്ബുകള്‍ തയാറാകണമെന്ന് ഫിഫ നിര്‍ദേശിച്ചിട്ടുണ്ട്. 2022 ഒക്ടോബറില്‍ കോണ്ടിനെന്റല്‍ ചാമ്പ്യന്‍ഷിപ്പുകള്‍ക്കോ സൗഹൃദ മത്സരങ്ങള്‍ക്കോ തീയതി നിശ്ചയിക്കരുതെന്നും ഫിഫ നിര്‍ദേശിച്ചിട്ടുണ്ട്. ഡിസംബര്‍ ഒന്നിന് ലോകകപ്പിലെ ഗ്രൂപ്പ് മത്സരങ്ങള്‍ അവസാനിക്കും. ലോകകപ്പ് ഫൈനലിന് പിന്നാലെ ഡിസംബര്‍ 26 യൂറോപ്യന്‍ പ്രീമിയര്‍ ലീഗ് പുനരാരംഭിക്കും.
സാധാരണയേക്കാള്‍ ഏറ്റവും നീളം കുറഞ്ഞ ലോകകപ്പ് കൂടിയാകും ഖത്തര്‍ ലോകകപ്പ്.

മോസ്‌കോയിലെ മജ്‌ലിസ് ഖത്തര്‍ ഫിഫ ജനറല്‍ സെക്രട്ടറി ഫാത്തിമ സമൂറ സന്ദര്‍ശിക്കുന്നു

നവംബര്‍- ഡിസംബര്‍ മാസങ്ങളില്‍ ലോകകപ്പ് നടത്തുകയെന്നത് അസാധാരണവും ചരിത്രപരവുമായ തീരുമാനമാണ്. ദേശീയ ദിനത്തില്‍ ഫൈനല്‍ നടക്കുന്നത് ഖത്തറിന്റെ സംബന്ധിച്ചിടത്തോളം ഇരട്ടിമധുരമാണ്. ലോകകപ്പിന്റെ ചരിത്രത്തിലാദ്യമായിട്ടാണ് ശൈത്യകാലത്ത് ലോകകപ്പ് നടക്കുന്നത്. നിരവധി ചര്‍ച്ചകള്‍ക്കും ചര്‍ച്ചകള്‍ക്കും കൂടിയാലോചനകള്‍ക്കും വിലയിരുത്തലുകള്‍ക്കുംശേഷമാണ് തീയതി സംബന്ധിച്ച് അന്തിമ തീരുമാനമുണ്ടാകുന്നത്. സാധാരണഗതിയില്‍ ജൂണ്‍-ജൂലൈ മാസങ്ങളിലാണ് ലോകകപ്പ് നടക്കാറുള്ളത്. അതില്‍ നിന്നും വ്യത്യസ്തമായി ഖത്തറിലെ കാലാവസ്ഥ കണക്കിലെടുത്താണ് ലോകകപ്പ് വര്‍ഷാവസാനത്തേക്ക് മാറ്റാന്‍ ഫിഫ തീരുമാനിച്ചിരിക്കുന്നത്.
ഏതു സാഹചര്യത്തിലും മത്സരങ്ങള്‍ നടത്താന്‍ സന്നദ്ധമാണെന്നാണ് ഇക്കാര്യത്തില്‍ ഖത്തര്‍ തുടക്കംമുതല്‍ നിലപാട് എടുത്തിരുന്നു. 2022ല്‍ ഖത്തറില്‍ നടക്കുന്ന ഫിഫ ലോകകപ്പിനായുള്ള ഒരുക്കങ്ങള്‍ ദ്രുതഗതിയില്‍ പുരോഗമിക്കുന്നു. ലോകകപ്പ് സംഘാടകരായ സുപ്രീംകമ്മിറ്റി ഫോര്‍ ഡെലിവറി ആന്റ് ലെഗസിയാണ് ഇതിനു നേതൃത്വം നല്‍കുന്നത്.

അടിസ്ഥാനസൗകര്യവികസനപദ്ധതികളെല്ലാം മികച്ച രീതിയില്‍ പോകുന്നു. എട്ടു സ്‌റ്റേഡിയങ്ങളുടെ നിര്‍മാണപ്രവര്‍ത്തികളാണ് ഇപ്പോള്‍ വിവിധ ഘട്ടങ്ങളിലായി നടക്കുന്നത്.
20,000 കോടി ഡോളറാണ് ലോകകപ്പിനായി രാജ്യം ചെലവഴിക്കുന്നത്. സ്റ്റേഡിയങ്ങളുടെ നിര്‍മാണത്തിനു പുറമെ റോഡുകള്‍, പുതിയ വിമാനത്താവളം, ആസ്പത്രികള്‍ തുടങ്ങിയ അടിസ്ഥാന സൗകര്യ വികസന പദ്ധതികളും ഉള്‍പ്പെടുന്നുണ്ട്.
മിഡില്‍ഈസ്റ്റില്‍ ഇതാദ്യമായാണ് ലോകകപ്പ് നടക്കുന്നതെന്ന സവിശേഷതയുണ്ട്. മധ്യപൂര്‍വ മേഖലയുടേയും അറബ് ലോകത്തിന്റെയും ഖത്തറിന്റേയും പൈതൃകം പ്രതിഫലിപ്പിക്കുന്നതും അത്യാധുനിക സൗകര്യങ്ങളുള്ളതുനായിരിക്കും സ്റ്റേഡിയങ്ങളെല്ലാം.

റാകിറ്റിച്ചും ലൂക്കാ മോദ്രിച്ചും നയിക്കുന്ന മധ്യനിരയെ ലക്ഷ്യം വെച്ചുകൊണ്ട് ഇംഗ്ലണ്ടിന് പ്രത്യേക പദ്ധതികളുണ്ടായിരുന്നതിനാല്‍ ആദ്യപകുതിയില്‍ ഇരുവര്‍ക്കും കാര്യമായ പ്രകടനം കാഴ്ചവെക്കാനായില്ല. എന്നാല്‍, ടീമിന്റെ നിര്‍ണായകമായ സമനില ഗോളിന് ചരടുവലിച്ചത് റാകിറ്റിച്ചും ഗോളടിക്കാന്‍ പാകത്തില്‍ പെരിസിച്ചിന് ക്രോസ് നല്‍കിയത് വിര്‍സാല്‍കോയുമാണ്.
മോദ്രിച്ചിനെ ഇംഗ്ലീഷ് മധ്യനിര പൂട്ടിയതിനാല്‍ മൈതാനത്തിന്റെ ഇടതുഭാഗത്തു കൂടിയാണ് ക്രൊയേഷ്യ ആക്രമണം നയിച്ചിരുന്നത്. ഈ ഭാഗത്താണ് റാകിറ്റിച്ച് നിലയുറപ്പിച്ചിരുന്നതും. എന്നാല്‍, ഇതുവഴിയുള്ള ആക്രമണങ്ങളുടെ മുനയൊടിക്കും വിധമായിരുന്നു ഇംഗ്ലണ്ടിന്റെ പ്രതിരോധ വിന്യാസം. ഇടതുവശത്തുനിന്ന് ബോക്‌സിലേക്ക് ക്രൊയേഷ്യന്‍ താരങ്ങള്‍ നല്‍കിയ ക്രോസുകളൊക്കെ ഇംഗ്ലണ്ടുകാര്‍ തുടര്‍ച്ചയായി വിഫലമാക്കി.

അതിനിടെയാണ് 65-ാം മിനുട്ടില്‍ റാകിറ്റിച്ച് വ്യത്യസ്തമായ രീതിയില്‍ ചിന്തിച്ചത്. ബോക്‌സിനു മധ്യത്തിലായി പന്തുകിട്ടിയ താരം ഇടതുവശത്തേക്കോ മുന്നിലേക്കോ നല്‍കുന്നതിനു പകരം പന്ത് വലതുഭാഗത്ത് ത്രോലൈനിന് സമീപം നില്‍ക്കുകയായിരുന്ന വിര്‍സാല്‍കോക്ക് നല്‍കി.

അതുവരെ ഇവാന്‍ പെരിസിച്ചിനെ നോട്ടമിട്ടിരുന്ന ഇംഗ്ലണ്ട് ഡിഫന്റര്‍മാരുടെ ശ്രദ്ധ അതോടെ അങ്ങോട്ടു തിരിഞ്ഞു. സമയം കളയാതെ വിര്‍സാല്‍കോ ബോക്‌സിലേക്കു ക്രോസ് നല്‍കിയപ്പോള്‍ സ്വതന്ത്രനായി ഓടിക്കയറാനും പന്ത് വലയിലേക്ക് തട്ടാനും പെരിസിച്ചിനു കഴിഞ്ഞു. പെരിസിച്ചിന്റെ ഫിനിഷിങിനൊപ്പം റാകിറ്റിച്ചിന്റെ ബുദ്ധിയും വിര്‍സാല്‍കോയുടെ കൃത്യതയും സമ്മേളിച്ച ആ ഗോള്‍ മത്സരഗതി ക്രൊയേഷ്യക്ക് അനുകൂലമാക്കി. എക്‌സ്ട്രാ ടൈമില്‍ വിര്‍സാല്‍ക്കോ ജോണ്‍ സ്‌റ്റോണ്‍സിന്റെ ഹെഡ്ഡര്‍ ഗോള്‍ലൈനില്‍ നിന്ന് ക്ലിയര്‍ ചെയ്യുകയും ചെയ്തു.

ഗോള്‍കീപ്പര്‍ സുബാസിച്ചും പരിക്കിന്റെ പിടിയിലായിരുന്നെങ്കിലും മത്സരത്തിന്റെ തലേന്ന് അദ്ദേഹം ആരോഗ്യം പ്രഖ്യാപിച്ചിരുന്നു. എന്നാല്‍ റാകിറ്റിച്ചിന്റെയും വിര്‍സാല്‍കോയുടെയും കാര്യത്തില്‍ അതായിരുന്നില്ല സ്ഥിതി. നിര്‍ണായക ഘട്ടത്തില്‍ സന്നദ്ധത കാണിച്ച ഇരുവരും ടീമിന്റെ കന്നി ഫൈനലിലേക്കുള്ള യാത്രയില്‍ സുപ്രധാന പങ്കുവഹിച്ചു.

1998 ഫുട്‌ബോള്‍ ലോകകപ്പില്‍ ഫ്രാന്‍സ് ജേതാക്കളായപ്പോള്‍ കപ്പില്‍ ചുംബിക്കുന്ന തിയറി ഹെന്റി

നാളെ ലോകകപ്പില്‍ ആദ്യ സെമി ഫൈനലില്‍ ഫ്രാന്‍സും ബെല്‍ജിയവും മുഖാമുഖം വരുമ്പോള്‍ ബെല്‍ജിയത്തിന്റെ മുന്‍നിരക്കാര്‍ക്ക്് തന്റെ രാജ്യത്തിന്റെ പോസ്റ്റിലേക്ക് ഗോളടിക്കാനുളള പാഠങ്ങള്‍ അഭ്യസിപ്പിക്കുകയാണ് ഫ്രാന്‍സിന്റെ ഈ പഴയ ലോകകപ്പ് ഹീറോ തിയറി ഹെന്‍ട്രി.
ലോകകപ്പിന് തൊട്ട് മുമ്പാണ് ഹെന്‍ട്രി സ്‌പെഷ്യല്‍ ഡയരക്ടറായി ടീമിനൊപ്പം ചേര്‍ന്നത്. അദ്ദേഹത്തിന്റെ ശിഷ്യന്മാരാവട്ടെ ഗോളുകള്‍ അടിച്ച് കൂട്ടുകയും ചെയ്യുന്നു. ബ്രസീല്‍ വലയിലും നിക്ഷേപിച്ചു രണ്ട് ഗോള്‍…

ഫ്രാന്‍സിന്റെ പ്രതിരോധനിരക്കാരെ കബളിപ്പിക്കാനുളള തന്ത്രങ്ങള്‍ മറ്റാരേക്കാളും ഹെന്‍ട്രിക്കറിയാം. അതിനാല്‍ നാളത്തെ മല്‍സരം ശരിക്കും ഫ്രാന്‍സും -ഫ്രാന്‍സും തമ്മിലാവുകയാണ്. പക്ഷേ ടെന്‍ഷനടിക്കുന്നില്ല ഹെന്‍ട്രി. ഇത് പ്രൊഫഷണല്‍ ജോലിയാണ്. അത് ചെയ്യുന്നു എന്ന് മാത്രം.|

1998 ല്‍ സ്വന്തം നാട്ടില്‍ നടന്ന ലോകകപ്പില്‍ സിദാന്‍ എന്ന മധ്യനിരക്കാരന്റെ മൊട്ടത്തലയില്‍ നിന്ന് പിറന്ന രണ്ട് സൂപ്പര്‍ ഹെഡ്ഡറുകള്‍. ബ്രസീല്‍ പ്രതിരോധം തളര്‍ന്ന ആ കാഴ്ച്ച പാരീസിലെ ലോകകപ്പ് വേദിയിലിരുന്ന് കണ്ടപ്പോള്‍ യുവതാരമായ മൈക്കല്‍ സില്‍വസ്റ്റര്‍ ഒന്നുറപ്പിച്ചു. തനിക്കും രാജ്യത്തിനായി ലോകകപ്പ് കളിക്കണം.
ആ ഉറച്ച അഭിലാഷത്തില്‍ അടുത്ത ലോകകപ്പില്‍ മൈക്കല്‍ സിദാന്റെ സഹതാരമായി 2002 ലെ ലോകകപ്പില്‍ കളിച്ചു. ടീമിന് നിര്‍ഭാഗ്യത്തിന്റെ ലോകകപ്പായതിനാല്‍ ആദ്യ റൗണ്ടില്‍ തന്നെ പുറത്തായി. പക്ഷേ ഇംഗ്ലീഷ് പ്രീമിയര്‍ ലീഗിലെ ചാമ്പ്യന്‍ ക്ലബായ മാഞ്ചസ്റ്റര്‍ യുനൈറ്റഡിന്റെ പിന്‍നിരയിലേക്ക് മൈക്കല്‍ ക്ഷണിക്കപ്പെട്ടപ്പോള്‍ ഒരു ഫ്രഞ്ച് ഡിഫന്‍ഡര്‍ക്ക്് ലഭിക്കുന്ന വലിയ അംഗീകാരമായി അത്. അഞ്ച് തവണ യുനൈറ്റഡ് പ്രീമിയര്‍ ലീഗ് കിരീടം സ്വന്തമാക്കിയപ്പോള്‍ അലക്‌സ് ഫെര്‍ഗൂസന്റെ ചാമ്പ്യന്‍ സംഘത്തിലുണ്ടായിരുന്നു മൈക്കല്‍.
ക്രിസ്റ്റ്യാനോ റൊണാള്‍ഡോയെല്ലാം ഉദിച്ചുയരുന്ന സമയമായിരുന്നു അത്. 2006 ലെ ലോകകപ്പില്‍ ടീമിന്റെ കര്‍മ ഭടനായി മൈക്കല്‍. ഫൈനല്‍ വരെ കളിച്ചു ഫ്രാന്‍സ്. സംഭവബഹുലമായ ആ ഫൈനല്‍ രാത്രിയില്‍ സിദാന്‍ ചുവപ്പില്‍ പുറത്താവുന്നതും, പിന്നീട് ഷൂട്ടൗട്ടില്‍ ടീമിന് പിഴക്കുന്നതും കണ്ട മൈക്കല്‍ യൂറോപ്പിലെ പ്രമുഖ പ്രതിരോധക്കാരനായി വാണു. ഒടുവില്‍ കരിയറിന്റെ അവസാനത്തില്‍ അദ്ദേഹം ഇന്ത്യയിലുമെത്തി. ഇന്ത്യന്‍ സൂപ്പര്‍ ലീഗ് ഫുട്‌ബോളില്‍ ചെന്നൈയിന്‍ എഫ്.സിക്കായി ഒരു സീസണില്‍ പന്ത് തട്ടി. ഇപ്പോള്‍ കളി വിശകലനം ചെയ്യുന്നതില്‍ ഒന്നാമനാണ്. ഇവിടെ ലോകകപ്പിനുണ്ട്. തന്റെ സ്വന്തം ടീം ലോകകപ്പിന്റെ സെമിയിലെത്തി നില്‍ക്കുമ്പോള്‍ മൈക്കല്‍ ചന്ദ്രികക്ക് അനുവദിച്ച പ്രത്യേക അഭിമുഖത്തില്‍ നിന്ന്….

? കപ്പടിക്കുമോ ഫ്രാന്‍സ്….
+ സംശയമില്ലാതെ ഞാന്‍ പറയാം-നിലവിലെ ഫോമില്‍ ലോകകപ്പില്‍ മുത്തമിടാന്‍ യോഗ്യരാണ് ഫ്രാന്‍സ്. നല്ല താരങ്ങള്‍, നല്ല ഗെയിം. പരിശീലകനായ ദെഷാംപ്‌സ് വ്യക്തമായി കളിക്കാരെ ചൂഷണം ചെയ്യുന്നു. 98 ലെ അതേ ടീമിനെ പോലെയാണ് എനിക്ക് തോന്നുന്നത്. ഗോള്‍ക്കീപ്പര്‍ ലോറിസ് ശക്തനും അനുഭവമ്പന്നനുമാണ്. റാഫേല്‍ വരാനെ നയിക്കുന്ന ഡിഫന്‍സ് ഭദ്രമാണ്. മധ്യനിരയില്‍ പോള്‍ പോഗ്ബയും കാന്റെയുമെല്ലാം ലോകോത്തരക്കാര്‍. മുന്‍നിരയിലാണ് എന്റെ കാര്യമായ പ്രതീക്ഷകള്‍
? ബെല്‍ജിയം ബ്രസീലിനെ മറിച്ചിട്ടവരാണ്
ച്ച നല്ല ടീമാണ് ബെല്‍ജിയം. അവരുടെ ചില കളികള്‍ ഞാന്‍ നേരില്‍ കണ്ടിരുന്നു. ഹെന്‍ട്രിയുടെ സേവനവും അവര്‍ക്കുണ്ട്. അതിവേഗതയില്‍ കളിക്കുന്നവരാണ് ലുക്കാക്കുവും സംഘവും. ആ വേഗതയെ പിടിച്ചുകെട്ടാനുള്ള പ്രതിരോധ കരുത്ത് ഫ്രാന്‍സിനുണ്ട്. അതായിരിക്കും മാറ്റം. ദെഷാംപ്‌സ് ഈ കാര്യത്തില്‍ ജാഗ്രത പുലര്‍ത്തും. കെവിന്‍ ഡിബ്രുയ്‌നെ പോലുളളവര്‍ ഏത് സമയത്തും അപകടകാരികളാണ്. അദ്ദേഹമാണ് ലുക്കാക്കുവിനെ പോലുള്ളവര്‍ക്ക്് നിരന്തരം പന്ത് നല്‍കുന്നത്. ഏദന്‍ ഹസാര്‍ഡിനെ നന്നായി അറിയാം. കഠിനാദ്ധ്വാനിയാണ് അയാള്‍. ഈ മൂന്ന് പേരുമാണ് ബെല്‍ജിയത്തിന്റെ ചിറകുകള്‍. ഇത് മനസ്സിലാക്കിയുള്ള ഗെയിമിനെ പ്ലാന്‍ ചെയ്യം. ബ്രസീലിനെതിരായ മല്‍സരത്തില്‍ മൂന്ന് പേര്‍ക്കും കൂടുതല്‍ സ്വാതന്ത്ര്യം ലഭിച്ചുവെന്നാണ് എനിക്ക്് തോന്നിയത്. അത് പാടില്ല. അവരെ മാര്‍ക്ക്് ചെയ്യണം.

? കിലിയന്‍ എംബാപ്പെയുടെ വരവ്
ച്ച ശക്തനായ മുന്‍നിരക്കാരനാണ് എംബാപ്പെ. വേഗതയും കൗശലവുമാണ് അവന്റെ പ്രത്യേകതകള്‍. പ്രായത്തിന്റെ വലിയ ആനുകൂല്യം. പന്ത് കാലില്‍ കിട്ടിയാല്‍ തുളച്ച്് കയറും. ഏത് ഡിഫന്‍സിനെയും വേഗതയില്‍ തോല്‍പ്പിക്കാനാവും. അര്‍ജന്റീനക്കെതിരായ മല്‍സരത്തില്‍ എംബാപ്പെയുടെ വേഗതയാണ് ഫ്രാന്‍സിന് അനുകൂലമായത്. പക്ഷേ കഴിഞ്ഞ മല്‍സരത്തില്‍ അനാവശ്യമായി കാര്‍ഡ് വാങ്ങിയിട്ടുണ്ട്. ഈ മല്‍സരത്തിലും കാര്‍ഡ് കണ്ടാല്‍ അത് വലിയ ആഘാതവുമാവും. സ്വന്തം ശൈലിയില്‍ കളിച്ചാല്‍ മതി. അനാവശ്യ ബഹളത്തിന് പോവേണ്ടതില്ല
? പോഗ്ബ, കാന്റൈ-ഫ്രഞ്ച് മധ്യനിരക്ക്് എത്ര മാര്‍ക്കിടും
ച്ചലോക ഫുട്‌ബോളിലെ ഏറ്റവും മികച്ച മധ്യനിരക്കാരില്‍ ഒരാളാണ് പോഗ്‌ബെ. കഴിഞ്ഞ ലോകകപ്പില്‍ നമ്മളത് കണ്ടതാണ്. കാന്റെയുടെ കരുത്ത് പറയാനില്ല. ഈ രണ്ട് പേരും മുന്‍നിരക്കാര്‍ക്് സമ്മാനിക്കുന്ന അവസരങ്ങളാണ് ഈ ലോകകപ്പില്‍ ടീമിന്റെ ശക്തി. ഓസ്‌ട്രേലിയ, പെറു എന്നിവര്‍ക്കെതിരായ മല്‍സരത്തില്‍ മധ്യനിരക്കാര്‍ ശരാശരിക്കാരായിരുന്നു. പക്ഷേ നോക്കൗട്ട്് മുതല്‍ അവര്‍ ശക്തരായി വന്നു. അര്‍ജന്റീനക്കെതിരെയാണ് പോഗ്ബ ഗംഭീരമായി കളിച്ചത്. ബെല്‍ജിയത്തിന്റെ മുന്‍നിരക്കാരെ തടയാനും തന്റെ മുന്‍നിരക്കാര്‍ക്ക് പന്ത് എത്തിക്കാനും പോഗ്ബക്ക് കഴിയണം.

? ഗ്രീസ്മാന്‍…
ച്ച ഉറുഗ്വേക്കെതിരായ മല്‍സരത്തില്‍ ഗ്രീസ്മാന്‍ പായിച്ച ലോംഗ് റേഞ്ചറിലുണ്ട് അദ്ദേഹത്തിന്റെ ക്ലാസ്. ഒരു ഗോള്‍ക്കീപ്പര്‍ക്കും ലഭിക്കാത്ത പന്ത്. കൃത്യമായ ആങ്കിളില്‍ ഓട്ടത്തിലെ ഷോട്ട്. ഇത് ലോകോത്തര താരങ്ങള്‍ക്ക്് മാത്രമേ കഴിയൂ. അത്‌ലറ്റികോ മാഡ്രിഡിന് വേണ്ടി അടിച്ച് കൂട്ടൂന്ന ഗോളുകള്‍ പോലെയല്ല ലോകകപ്പിലെ ഗോളുകള്‍. പ്രതിയോഗികള്‍ എപ്പോഴും ശക്തരായിരിക്കും. ഉറുഗ്വേ ഡിഫന്‍സ് ലോകോത്തരമാണ്. അവരെ നിസ്സഹയരാക്കി സ്‌കോര്‍ ചെയ്യാന്‍ കഴിയുമെങ്കില്‍ ബെല്‍ജിയത്തിന്റെ ഡിഫന്‍സിനെ കിറീമുറിക്കാന്‍ ഗ്രീസ്മാനാവും.

? ഫൈനല്‍ പ്രതിയോഗികള്‍
ച്ച ഇംഗ്ലണ്ട് സുന്ദരമായി കളിക്കുന്നു. അവരാവാനാണ് സാധ്യത. നല്ല യുവനിരയാണ് ഇംഗ്ലീഷ് കരുത്ത്. ഹാരി കെയിന്‍ നല്ല ഫോമില്‍ കളിക്കുന്നുവെന്ന് മാത്രമല്ല ടീമിനെ നയിക്കുന്നു. സൗത്ത് ഗെയ്റ്റിലെ താരത്തെ എനിക്കറിയാം. ഇപ്പോള്‍ അദ്ദേഹം മികച്ച പരിശീലകനുമായിരിക്കുന്നു. ഞാന്‍ പ്രതീക്ഷിക്കുന്നത് ഫ്രാന്‍സ് -ഇംഗ്ലണ്ട് ഫൈനലാണ്.

?താങ്കള്‍ ഇന്ത്യന്‍ ലീഗില്‍ കളിച്ചിട്ടുണ്ട്… അനുഭവങ്ങള്‍
ച്ച ഒരു സീസണിലാണ് ഞാന്‍ കളിച്ചത്. നല്ല അനുഭവങ്ങള്‍. പക്ഷേ ലോക നിലവാരത്തിലേക്ക് ഇന്ത്യന്‍ ഫുട്‌ബോള്‍ വരണമെങ്കില്‍ അടിസ്ഥാനപരമായി മാറ്റങ്ങള്‍ വേണം. നല്ല മൈതാനങ്ങളും അനുബന്ധ സൗകര്യങ്ങളും വേണം. നല്ല അക്കാദമികള്‍ ഇന്ത്യയിലില്ല. അത് നിര്‍ബന്ധമാണ്. ചെറിയ പ്രായത്തില്‍ തന്നെ കുട്ടികളെ കണ്ടെത്തണം. അവര്‍ക്ക്് ശാസ്ത്രിയമായ പരിശീലനം നല്‍കണം. കളിക്കാനുള്ള അവസരമൊരുക്കണം. അങ്ങനെ വരുമ്പോള്‍ ഇന്ത്യയിലെ ഫുട്‌ബോള്‍ പ്രതിഭകളെ ഉപയോഗപ്പെടുത്തി രാജ്യാന്തരതലത്തില്‍ ഉയരങ്ങളിലെത്താനാവും.

ഇംഗ്ലണ്ടും-സ്വീഡനും മുഖാമുഖം വന്നതോടെ അടുത്ത സുഹൃത്തായ ബക്കാമുമായി രസകരമായ വെല്ലുവിളിയുമായി ഇബ്രാഹിമോവിച്ചാണ് ആദ്യം എത്തിയത്. ഇംഗ്ലണ്ടും സ്വീഡനും തമ്മിലുള്ള ക്വാട്ടര്‍ ഫൈനലില്‍ സ്വീഡന്‍ വിജയിച്ചാല്‍ സ്വീഡിഷ് ഫര്‍ണിച്ചര്‍ ശൃംഖലയായ ഐ.കെ.ഇ.എയില്‍ നിന്ന് ആവശ്യപ്പെടുന്നത് വാങ്ങി നല്‍കണമെന്നായിരുന്നു ബെക്കാമിനോടുള്ള അദ്ദേഹത്തിന്റെ വെല്ലുവിളി.

Yo @davidbeckham if @England wins I buy you dinner where ever you want in the world, but if Sweden wins you buy me what ever I want from @IKEASverige ok? pic.twitter.com/9z9xx89JjS

— Zlatan Ibrahimović (@Ibra_official) July 6, 2018

ഇംഗ്ലണ്ട് വിജയിച്ചാല്‍ ലോകത്ത് എവിടെ നിന്നും ഡിന്നര്‍ വാങ്ങി നല്‍കാം എന്ന ഓഫറും ഭക്ഷണപ്രിയന്‍ കൂടിയായ ബെക്കാമിന് ഇബ്രാഹിമോവിച്ച് നല്‍കി.

എന്നാല്‍ ഇബ്രാഹിമോവിച്ചിന്റെ വെല്ലുവിളി സ്വീകരിച്ച ബക്കാം വമ്പന്‍ വെല്ലുവിളിയുമായി തിരിച്ചടിച്ചാണ് രംഗത്തെത്തിയത്. ഇന്ന് രാത്രി ഇംഗ്ലണ്ട്-സ്വീഡന്‍ മത്സരം നടക്കുമ്പോള്‍ ഫുട്‌ബോള്‍ ലോകം ഉറ്റുനോകുന്ന ബെറ്റ് നടന്നത് ട്വിറ്ററിലൂടെയാണ്. ഇബ്രാഹിമോവിച്ചിന്റെ ആവശ്യം സമ്മതിച്ച ബെക്കാം മത്സരത്തില്‍ ഇംഗ്ലണ്ടാണ് വിജയിക്കുന്നതെങ്കില്‍ വെബ്ലിയില്‍ ഇംഗ്ലണ്ടിന്റെ ജേഴ്സിയണിഞ്ഞ് വന്ന് ഇബ്രാഹിമോവിച്ച് മത്സരം കാണണമെന്ന മറുപടിയാണ് ബെക്കാം ട്വീറ്റ് ചെയ്തത്.

The terms of the deal have been set #SWEENG pic.twitter.com/9bJ3D5nHWv

— LA Galaxy (@LAGalaxy) July 6, 2018

Yo @Ibra_official. When Sweden wins and you bring @davidbeckham we will treat you with köttbullar and lingonberry. Hope medium size is okay? https://t.co/NbZgISdDFK

— IKEA Sverige (@IKEASverige) July 6, 2018

ശനിയാഴ്ച രാത്രി 7.30-ന് സമാറയിലാണ് ഇംഗ്ലണ്ടും സ്വീഡനും തമ്മിലുള്ള മൂന്നാം ക്വാര്‍ട്ടര്‍ഫൈനല്‍.