64ാം മിനിറ്റിലാണ് സോക്കറൂസ് എതിരാളിയുടെ വല കുലുക്കിയിട്ടത്. ഗോളി ഷി മൈക്കല്‍ ഒരു നിമിഷം സ്തംഭിച്ചു നിന്നു. ഗോള്‍ വീണതോടെ പ്രതിരോധം പൊളിച്ച് ഓടിക്കയറാന്‍ ഡെന്മാര്‍ക്ക് ശ്രമിച്ചെങ്കിലും ഫലമൊന്നും നേടാനായില്ല. പ്രത്യാഘാതം മണത്ത കംഗാരുക്കള്‍ പോസ്റ്റിനു മുന്നില്‍ കോട്ട കെട്ടിനിന്നു. കളിയുടെ സിംഹഭാഗവും പന്ത് കൈവശം വെച്ചിട്ടും ലക്ഷ്യത്തിലേക്ക് കൂടുതല്‍ ഷോട്ടുതിര്‍ത്തിട്ടും ഗോളൊന്നും നേടാതെയാണ് ഡാനിഷുകാര്‍ മത്സരം പൂര്‍ത്തിയാക്കിയത്.