ഇങ്ങനെയിരിക്കെ വീണ്ടും പാടശേഖരം മണ്ണിട്ട് നികത്തുന്നതോടെ മഴവെള്ള ഭീഷണിയിലാണ് സമീപവീട്ടുകാര്‍. ഭരണ-ഉദ്യോഗസ്വാധീനം കൊണ്ട് പാടശേഖരം മണ്ണിട്ട് നികത്തി പാര്‍ട്ടിഓഫീസ് പണിയാനുള്ള സി.പി.എം നീക്കത്തിനെതിരെ സമീപവാസികളും കര്‍ഷകരും നാട്ടുകാരും ശക്തമായ പ്രതിഷേധത്തിലാണ്. പാടശേഖരം മണ്ണിട്ട് നികത്തി തണ്ണീര്‍തടം തകര്‍ക്കുന്ന നടപടിക്കെതിരെ പഞ്ചായത്ത് മുസ്‌ലിംലീഗും യൂത്ത്‌ലീഗും ശക്തമായ പ്രതിഷേധം ബന്ധപ്പെട്ട റവന്യൂ അധികാരികളെ അറിയിച്ചു.

പാടം നികത്തുന്നതിനെതിരെയും നെല്‍കൃഷി സംരക്ഷിക്കുന്നതിനും വേണ്ടി പ്രക്ഷോഭത്തിനിറങ്ങുമെന്ന് കഴിഞ്ഞദിവസം തൃശൂരില്‍ സമാപിച്ച സി.പി.എം അനുകൂല കര്‍ഷകതൊഴിലാളി സമ്മേളനം മുന്നറിയിപ്പ് നല്‍കിയപ്പോഴാണ് പാര്‍ട്ടിക്കാരുടെ ഈ പരിസ്ഥിതിധ്വംസനം.