പരാമര്‍ശങ്ങള്‍ ഒന്നും ശ്രദ്ധയില്‍ പെട്ടിട്ടില്ല. മാധവിക്കുട്ടിയോടുള്ള സ്‌നേഹവും ആമി ആകാനുള്ള ആഗ്രഹവും കമലിലുള്ള വിശ്വാസവും മാത്രമാണ് സിനിമയിലേക്ക് തന്നെ നയിച്ചതെന്നും മഞ്ജു കൂട്ടിച്ചേര്‍ത്തു. കോഴിക്കോട് നടക്കുന്ന ‘ലിറ്ററേച്ചര്‍ ഫെസ്റ്റിവല്ലില്‍’ സംസാരിക്കുകയായിരുന്നു അവര്‍. ‘ആമിയും മലയാള ജീവചരിത്ര സിനിമകളും’ എന്ന സെഷനിലാണ് കമല്‍ ഉള്‍പ്പെടെയുള്ള ആമിയുടെ പിന്നണിപ്രവര്‍ത്തകര്‍ പ്രതികരണം നടത്തിയത്.

അതേസമയം, ആമിയുടെ ഡബ്ബിംഗിനോട് ഉയര്‍ന്നുവന്ന വിവാദങ്ങളോട് കമല്‍ പ്രതികരിച്ചിരുന്നു. ആമി സിനിമ മിമിക്രിയല്ലെന്ന് കമല്‍ പറഞ്ഞു. വിദ്യാ ബാലനായിരുന്നെങ്കില്‍ സിനിമ വിജയിക്കില്ലായിരുന്നുവെന്നും കമല്‍ കൂട്ടിച്ചേര്‍ത്തു. നെഗറ്റീവ് റിവ്യൂകള്‍ അപ്രത്യക്ഷമാക്കുന്നതില്‍ തനിക്ക് ഉത്തരവാദിത്തമില്ല. ആമിയുടെ നിര്‍മാതാവിന് സിനിമയുടെ നെഗറ്റീവ് റിവ്യൂവിനെതിരെ പരാതിപ്പെടാന്‍ അവകാശമുണ്ട്. നിര്‍മാതാവിനെ സംബന്ധിച്ച് ഇത് കലാസൃഷ്ടിയില്ല, മറിച്ച് ഉത്പന്നമാണ്. അതു വില്‍ക്കാനാണ് അയാള്‍ ശ്രമിക്കുന്നത്. സിനിമ റിലീസ് ചെയ്ത കഴിഞ്ഞാല്‍ അതില്‍ സംവിധായകനു പോലും അവകാശമില്ല. പൂര്‍ണ്ണമായി അത് നിര്‍മാതാവിന്റെ സ്വത്താണ്. ‘റീല്‍ ആന്‍ഡ് റിയല്‍’ സിനിമ നെഗറ്റീവ് റിവ്യൂ നീക്കം ചെയ്യാന്‍ ആവശ്യപ്പെട്ടാല്‍ അതിനെതിരെ പറയാന്‍ എനിക്ക് അവകാശമില്ലെന്നും കമല്‍ പറഞ്ഞിരുന്നു. നെഗറ്റീവ് റിവ്യൂകള്‍ നീക്കം ചെയ്യുന്നുവെന്ന പരാമര്‍ശത്തോടായിരുന്നു കമലിന്റെ ഈ പ്രതികരണം.

‘ആമിയുടെ നിര്‍മാതാവിന് സിനിമയുടെ നെഗറ്റീവ് റിവ്യൂവിനെതിരെ പരാതിപ്പെടാന്‍ അവകാശമുണ്ട്. നിര്‍മാതാവിനെ സംബന്ധിച്ച് ഇത് കലാസൃഷ്ടിയില്ല, മറിച്ച് ഉത്പന്നമാണ്. അതു വില്‍ക്കാനാണ് അയാള്‍ ശ്രമിക്കുന്നത്. സിനിമ റിലീസ് ചെയ്ത കഴിഞ്ഞാല്‍ അതില്‍ സംവിധായകനു പോലും അവകാശമില്ല. പൂര്‍ണ്ണമായി അത് നിര്‍മാതാവിന്റെ സ്വത്താണ്. ‘റീല്‍ ആന്‍ഡ് റിയല്‍’ സിനിമ നെഗറ്റീവ് റിവ്യൂ നീക്കം ചെയ്യാന്‍ ആവശ്യപ്പെട്ടാല്‍ അതിനെതിരെ പറയാന്‍ എനിക്ക് അവകാശമില്ലെന്നും കമല്‍ പറഞ്ഞതായി പ്രമുഖ ഓണ്‍ലൈന്‍ വെബ്‌സൈറ്റ് റിപ്പോര്‍ട്ട് ചെയ്യുന്നു. ആമി സിനിമ മിമിക്രിയല്ലെന്നും വിദ്യാബാലനായിരുന്നെങ്കില്‍ സിനിമ വിജയിക്കില്ലായിരുന്നുവെന്നും കമല്‍ പ്രതികരിച്ചു.

ഇന്നലെ മുതലാണ് ആമിയെക്കുറിച്ചുള്ള നെഗറ്റീവ് റിവ്യൂകള്‍ അപ്രത്യക്ഷമായി തുടങ്ങിയത്. സംവിധായകന്‍ വിനോദ് മങ്കരയുടെ പോസ്റ്റാണ് ആദ്യം അപ്രത്യക്ഷമായത്. വിനോദിന്റെ ഫെയ്‌സ്ബുക്കില്‍ വിമര്‍ശിച്ചെഴുതിയ ആമിയുടെ നെഗറ്റീവ് റിവ്യൂവാണ് നീക്കം ചെയ്യപ്പെട്ടത്. ഏറെ വിവാദങ്ങള്‍ക്കിടയിലെത്തിയ ചിത്രം തിയ്യേറ്ററുകളില്‍ ഓടിക്കൊണ്ടിരിക്കുകയാണ്.

തുടക്കം മുതല്‍ അവസാനം വരെ ഇത്രയുമയധികം വിവാദങ്ങള്‍ കത്തിനിന്നൊരു മലയാള സിനിമ അടുത്തൊന്നുമുണ്ടാവില്ല. മലയാളത്തിന്റെ പ്രിയ എഴുത്തുകാരി കമലാസുരയ്യയുടെ ജീവിതകഥ പറയുന്ന ചിത്രം ‘ആമി’ എടുക്കാന്‍ തീരുമാനിച്ചപ്പോള്‍ സംവിധായകന്‍ കമല്‍ എല്ലാം ഉറപ്പിച്ചു തീരുമാനിച്ചാവും പുറപ്പെട്ടുണ്ടായിരിക്കുക. അങ്ങനെ കത്തിനിന്ന വിവാദങ്ങള്‍ക്കിടെ ആമിയെത്തി. മാധവിക്കുട്ടിയായും കമലാദാസായും സുരയ്യയായും മലയാളികളുടെ മനസ്സിനെ തൊട്ടറിഞ്ഞ ആമി വെള്ളിത്തിരയിലെത്തുമ്പോള്‍ കമല്‍ എന്ന സംവിധായകന്റെ ദയനീയ തോല്‍വിയാണ് പ്രേക്ഷകര്‍ക്ക് കാണാന്‍ കഴിയുന്നത്.

പുന്നയൂര്‍കുളത്തെ നാലപ്പാട്ട് തറവാട്ടിലെ ബാല്യകാലവും കൗമാരവുമാണ് സിനിമയില്‍ കൂടുതലും ചിത്രീകരിച്ചിരിക്കുന്നത്. കുട്ടിക്കാലത്തു തന്നെ കൊല്‍ക്കത്തയിലേക്ക് പറിച്ചു നടുന്ന ആമിയുടെ കൗമാരകാലവും പിന്നീട് വിവാഹജീവിതവും സിനിമയില്‍ പറയുന്നുണ്ട്. മേല്‍ജാതി കീഴ്ജാതി സാമൂഹികാവസ്ഥയെ ചെറുതായി തൊട്ടുകാണിച്ച് മുന്നോട്ടുപോകുന്ന സംവിധായകന് ആമിയെ യൗവ്വനകാലത്തില്‍ വരച്ചെടുക്കുമ്പോള്‍ കൈവിറക്കുന്നതാണ് വലിയ പോരായ്മ. ബാല്യവും കൗമാരവും ഭംഗിക്ക് അഭിനയിപ്പിച്ചു പ്രതിഫലിപ്പിക്കാന്‍ കൊച്ചു താരങ്ങള്‍ക്ക് കഴിഞ്ഞെങ്കിലും മഞ്ജുവാര്യര്‍ മാധവിക്കുട്ടിയായി എത്തിയപ്പോള്‍ അലോസരങ്ങളുടെ പെരുമഴയായിരുന്നു. വെച്ചുകെട്ടിയ വേഷവിധാനങ്ങളും ഭാഷയുടെ ഏച്ചുകെട്ടലുകളും എന്തിന് മാധവിക്കുട്ടിയുടെ ഉള്ളുതുറന്ന ചിരിപോലും പ്രേക്ഷകരെ അസ്വസ്ഥരാക്കി. ഒന്നിനു പിറകെ ഒന്നൊന്നായി വന്ന എല്ലാ രംഗങ്ങളിലും മഞ്ജുവിന് മാധവിക്കുട്ടിയാവാന്‍ കഴിഞ്ഞില്ലെന്നത് പ്രേക്ഷകര്‍ക്ക് നിരാശയാണ് നല്‍കിയത്. രാധാ-കൃഷ്ണ പ്രണയത്തെ കൂട്ടുപിടിച്ച് സാങ്കല്‍പ്പിക കഥാപാത്രമായി നടന്‍ ടൊവീനോ തോമസ് ആമിയിലുണ്ട്. ഇടക്കിടെ മഞ്ജുവിന്റെ നരേഷനൊപ്പം ടൊവീനോയും എത്തുന്നുണ്ട്. എന്നാല്‍ മെച്ചപ്പെട്ടതെന്തെങ്കിലും ടൊവീനോക്ക് ചെയ്യാന്‍ ചിത്രത്തിലില്ല എന്നതാണ് വാസ്തവം.

15-ാം വയസ്സില്‍ വിവാഹിതയാവുന്ന മാധവിക്കുട്ടിയുടെ ഭര്‍ത്താവായി വേഷമിടുന്നത് 35കാരനായ മുരളീഗോപിയാണ്. അഭിനയത്തില്‍ മുരളീഗോപിയുടെ മികവ് പ്രശംസനീയമാണ്. വിവാഹജീവിതത്തെക്കുറിച്ച് പറയുന്ന സിനിമയുടെ ആദ്യഭാഗം കൂടുതലും നീട്ടിവലിച്ചു കൊണ്ടുപോവുകയാണ് സംവിധായകന്‍. രണ്ടാം ഭാഗത്തില്‍ ഏറെ പ്രശസ്തയായ മാധവിക്കുട്ടി രാഷ്ട്രീയത്തില്‍ പ്രവേശിക്കുന്നതും അവരുടെ വിവാദമായ മതംമാറ്റവുമാണ് കാണിക്കുന്നത്. അക്ബര്‍ അലി എന്ന മുസ്‌ലിം യുവാവില്‍ ആകൃഷ്ടയാവുകയും ഇരുവരും പരസ്പരം അടുക്കുകയും ചെയ്യുന്നതാണ് ആമിയിലെ ശ്രദ്ധിക്കപ്പെടുന്ന മറ്റൊരു രംഗം. ഇസ്‌ലാം മതത്തില്‍ ആകൃഷ്ടയാവുന്ന മാധവിക്കുട്ടി മതം മാറുന്നതോടെ അവര്‍ക്കെതിരെ തീവ്ര ഹൈന്ദവ നിലപാടുകാര്‍ തിരിയുന്നത് കമലെന്ന സംവിധായകന്‍ വൃത്തിക്ക് കാണിക്കുന്നുണ്ട്. എന്നാല്‍ മതംമാറി മറുപക്ഷത്തെത്തുന്ന കമലാസുരയ്യയെ കാണിക്കുമ്പോള്‍ സംവിധായകന്‍ അതീവ ദുര്‍ബലയായ ഒരു സ്ത്രീയെയാണ് വരച്ചുകാണിക്കുന്നത്. ചില രംഗങ്ങളില്‍ മഞ്ജു കമലാസുരയ്യയെ കൈപിടിയിലൊതുക്കാന്‍ ശ്രമിക്കുന്നുണ്ടെന്നത് ആമിക്കൊരു മുതല്‍കൂട്ടാണെന്ന് വിലയിരുത്താം.

1971 കാലഘട്ടം മുതലിങ്ങോട്ട് മാധവിക്കുട്ടിയുടെ ജീവിത പശ്ചാത്തലം ദൃശ്യവല്‍ക്കരിക്കാന്‍ മധു നീലകണ്ഠന്റെ ക്യാമറ ശ്രമിച്ചിട്ടുണ്ട്. അതില്‍ കുറേയൊക്കെ വിജയിക്കുന്നുമുണ്ട്. ചിത്രത്തിലെ പശ്ചാത്തല സംഗീതവും ശ്രേയ ഘോഷാലിന്റെ ശബ്ദ മാധുര്യവും മാത്രമാണ് പ്രേക്ഷകരെ പിന്നേയും പിടിച്ചുനിര്‍ത്തുന്നത്. അവസാന നാളുകളില്‍ മൂന്നു ഭാഷകളറിയാവുന്ന, രണ്ടു ഭാഷകളിലെഴുതുന്ന മാധവിക്കുട്ടിയെ ഏറെ ദുര്‍ബലയായും, നിര്‍വികാരയായും കമല്‍ വരച്ചിടുമ്പോള്‍ സിനിമ കണ്ടിറങ്ങുന്നവര്‍ പറയുന്നതിത്ര മാത്രമാണ്, കമല്‍ ഒന്നു കൂടി ‘ എന്റെ കഥ’ വായിക്കണം.

ചിത്രം മതസ്പര്‍ദ്ദയുണ്ടാക്കുമെന്നാരോപിച്ച് ഇടപ്പള്ളി സ്വദേശി കെ.പി രാമചന്ദ്രനാണ് ഹൈക്കോടതിയെ സമീപിച്ചത്. കമല്‍ സംവിധാനം ചെയ്യുന്ന ചിത്രം തുടക്കം മുതലേ വിവാദങ്ങളില്‍ പെട്ടിരുന്നു. നടിയായി വിദ്യാബാലനെത്തുമെന്നും പിന്നീട് വിദ്യയുടെ പിന്‍മാറ്റവുമൊക്കെ ചര്‍ച്ചയായിരുന്നു. മഞ്ജുവാര്യര്‍ നായികയായി അഭിനയിച്ച് ചിത്രം പുറത്തിറങ്ങാനിരിക്കുമ്പോഴാണ് ഇപ്പോള്‍ റിലീസ് തടയണമെന്നും ആവശ്യം ഉയരുന്നത്. ഫെബ്രുവരി 9-നാണ് ആമി റിലീസ് ചെയ്യുന്നത്.

കേസ് എതിര്‍ കക്ഷികളായ സംവിധയകന്‍ കമല്‍, നിര്‍മാതാക്കള്‍ തുടങ്ങിയവര്‍ക്കും നോട്ടീസ് നല്‍കണമെന്നും കോടതി നിര്‍ദേശിച്ചു. സിനിമ നിരോധിക്കണം എന്നാവശ്യപ്പെട്ട് എഴുത്തുകാരിയായ മാധവിക്കുട്ടിയുടെ ജീവചരിത്രം ആസ്പദമാക്കിയുള്ള ചിത്രം സെന്‍സര്‍ ബോര്‍ഡിന്റെ സര്‍ട്ടിഫിക്കറ്റിന് സമര്‍പ്പിച്ചിരിക്കുകയാണ്. ജീവിതത്തിലെ പല സംഭവങ്ങളും ഒഴിവാക്കിയുള്ള ചിത്രീകരണമാണെന്നും സിനിമയുടെ പേരില്‍ യഥാര്‍ത്ഥ വസ്തുതകള്‍ മാറ്റിയെഴുതാന്‍ അവകാശമില്ലെന്നും ചൂണ്ടികാട്ടിയാണ് ഹര്‍ജി സമര്‍പ്പിച്ചത്. ചിത്രത്തിന്റെ കഥയും തിരക്കഥയും ബ്ലൂ പ്രിന്റും കോടതി പരിശോധിച്ച് മതവികാരം വ്രണപ്പെടുത്തുന്ന ഭാഗങ്ങളുണ്ടെങ്കില്‍ ഒഴിവാക്കണമെന്നും അതുവരെ നിരോധനം ഏര്‍പ്പെടുത്തണമെന്നുമാണ് ഉയര്‍ന്നുവന്ന ആവശ്യം.

ചിത്രത്തില്‍ ആമിയായി അഭിനയിക്കാന്‍ ആദ്യം തീരുമാനിച്ചിരുന്നത് ബോളിവുഡ് നടി വിദ്യബാലനെയായിരുന്നു. എന്നാല്‍ വിദ്യയുടെ പിന്‍മാറ്റവും മഞ്ജുവാര്യറുടെ കടന്നുവരവും ചിത്രത്തെ കൂടുതല്‍ വിവാദങ്ങളിലേക്കെത്തിച്ചു. ചിത്രത്തിന്റെ ട്രെയിലര്‍ പുറത്തിറങ്ങി റിലീസ് ആവാനിരിക്കുന്നതിനിടെയാണ് ഇപ്പോള്‍ നിരോധിക്കണമെന്നാവശ്യപ്പെട്ടുള്ള ഹര്‍ജി.

‘മാധവിക്കുട്ടിയുടെ എഴുത്തുകളെക്കുറിച്ച് ഒരുപാട് കേട്ടിട്ടുണ്ട്. അവരെക്കുറിച്ച് കൂടുതലായൊന്നും അറിയാത്ത ഞാന്‍ മാധവിക്കുട്ടിയുടെ എഴുത്തുകള്‍ വായിക്കാന്‍ തുടങ്ങിയിരുന്നു. സുഹൃത്തുക്കളോടും ബന്ധുക്കളോടും മാധവിക്കുട്ടിയെ കുറിച്ച് സംസാരിച്ചിരുന്നു. അവരെ വ്യക്തിപരമായും എഴുത്തുകാരിയെന്ന നിലയിലും താന്‍ കൂടുതലായും അറിയുകയും ചെയ്തു. എന്നാല്‍ അതില്‍ നിന്നും വ്യത്യസ്ഥമായിരുന്നു കമലിന്റെ ആമി. ഈ സാഹചര്യത്തില്‍ കമലിനെ കുറ്റപ്പെടുത്താതെ ഞാന്‍ പിന്‍മാറുകയായിരുന്നു’; വിദ്യാബാലന്‍ പറഞ്ഞു. ചിത്രത്തിന്റെ പ്രാരംഭ നടപടികള്‍ മുന്നോട്ടുപോയ സാഹചര്യത്തിലാണ് വിദ്യാബാലന്‍ ആമിയില്‍ നിന്ന് പിന്‍മാറുന്നതായി കമലിന് വിവരം ലഭിച്ചത്. പിന്നീട് ആമിയായി മഞ്ജുവാര്യറെത്തുകയായിരുന്നു.

വിദ്യാബാലന്‍ ചിത്രത്തില്‍ നിന്നും പിന്‍മാറിയത് നന്നായെന്നും അവരായിരുന്നെങ്കില്‍ ചിത്രത്തില്‍ ലൈംഗികത കടന്നുവരുമെന്നും കമല്‍ അടുത്തിടെ പറഞ്ഞത് വിവാദമായിരുന്നു. കമല്‍ പ്രതികരണം അര്‍ഹിക്കുന്നില്ലെന്നായിരുന്നു ഇതിനെതിരെ വിദ്യയുടെ പ്രതികരണം വന്നത്. ഏറെ വിവാദങ്ങള്‍ക്കിടെ ചിത്രത്തിന്റെ ട്രെയിലറും പുറത്തിറങ്ങിയിരുന്നു. അതേസമയം, വിവാദങ്ങള്‍ കത്തിനില്‍ക്കുമ്പോഴും ഏറെ പ്രതീക്ഷയോടെയാണ് മലയാള സിനിമാസ്വാദകര്‍ ആമി കാത്തിരിക്കുന്നത്.

ആമിയില്‍ വിദ്യ ബാലനെയായിരുന്നു തുടക്കത്തില്‍ നിശ്ചയിച്ചിരുന്നത്. എന്നാല്‍ ചിത്രീകരണം തുടങ്ങാന്‍ വെറും അഞ്ച് ദിവസം മാത്രം ബാക്കി നില്‍ക്കെ വിദ്യ ചിത്രത്തില്‍ നിന്ന് പിന്‍മാറി. തുടര്‍ന്ന് മഞ്ജു വാര്യരാണ് മാധവിക്കുട്ടിയായി അഭിനയിച്ചത്. ആമിയില്‍ വിദ്യ അഭിനയിക്കുകയാണെങ്കില്‍ കുറച്ചൊക്കെ ലൈംഗികത കടന്നുവരുമായിരുന്നുവെന്ന കമലിന്റെ പരാമര്‍ശം വിവാദമായിരുന്നു. കമലിനെതിരെ ശക്തമായ വിമര്‍ശനങ്ങളാണ് ഉയര്‍ന്നുവന്നത്. അതിന് വിശദീകരണം നല്‍കുകയാണ് കമല്‍.

‘വത്യസ്തമായ രണ്ട് സാഹചര്യങ്ങളില്‍ പറഞ്ഞ കാര്യങ്ങള്‍ ഒരുമിച്ച് നല്‍കിയപ്പോള്‍ എല്ലാം വളച്ചൊടിക്കപ്പെട്ടതാണത്. ഒന്ന് മാധവിക്കുട്ടിയുടെ ലൈംഗികതയെ സംബന്ധിച്ചായിരുന്നു. മറ്റൊന്നു ഒരു എഴുത്തുകാരി എന്ന നിലയില്‍ മാധവിക്കുട്ടിയുടെ നിഷ്‌കളങ്കതയെ സംബന്ധിച്ചായിരുന്നു. ഈ രണ്ട് പരാമര്‍ശങ്ങള്‍ ഒരുമിച്ച് വന്നപ്പോള്‍ മാധവിക്കുട്ടിയെ ഒരു ഗ്രാമീണ പെണ്‍കുട്ടിയായി ചിത്രീകരിച്ചു വെച്ചിരിക്കുകയാണെന്ന് പലരും വ്യാഖ്യാനിച്ചു. സത്യത്തില്‍ ഞാന്‍ ഉദ്ദേശിച്ചത് അതല്ല.

ഒരു സംവിധായകന്‍ എന്ന നിലയില്‍ ഞാന്‍ പറഞ്ഞത് ഇങ്ങനെയായിരുന്നു. സില്‍ക്ക് സ്മിതയുടെ ജീവിതത്തെ ആസ്പദമാക്കി ഡേര്‍ട്ടി പിക്ചര്‍ എന്ന സിനിമയില്‍ അഭിനയിച്ച വിദ്യ ആയിരുന്നെങ്കില്‍ കാമാതുരമായ രംഗങ്ങള്‍ ചിത്രീകരിക്കാന്‍ എനിക്ക് കൂടുതല്‍ സ്വാതന്ത്ര്യം ലഭിക്കുമായിരുന്നു. പക്ഷേ മഞ്ജുവിനുള്ളത് വ്യത്യസ്തമായ പ്രതിച്ഛായയാണ്. അതുകൊണ്ട് അത്തരം രംഗങ്ങള്‍ ചിത്രീകരിക്കുമ്പോള്‍ എനിക്ക് പരിമിതികളുണ്ടായിരുന്നു. എന്നാല്‍ കണ്ണെഴുതി പൊട്ടുംതൊട്ട് എന്ന ചിത്രത്തില്‍ ഒരു പരിധിവരെ മഞ്ജു അത്തരം ചെറിയ രംഗങ്ങള്‍ ചെയ്തിട്ടുണ്ട്. അതും വൈകാരികത ഒട്ടും ചോര്‍ന്നു പോകാതെ.

വിദ്യ ആമിയില്‍ നിന്ന് ഇറങ്ങിപ്പോയത് തുടക്കത്തില്‍ വെല്ലുവിളിയായി. ഈ ചിത്രവുമായി ബന്ധപ്പെട്ട് വിവാദങ്ങള്‍ പലതും എന്റെ അറിവോട് കൂടിയല്ല. എന്തുകൊണ്ട് ആമി വേണ്ടെന്ന് വച്ചുതിനുള്ള കാരണം വിദ്യ എപ്പോഴെങ്കിലും പറയുമായിരിക്കും’ കമല്‍ കൂട്ടിച്ചേര്‍ത്തു. ചിത്രത്തിന്റെ ട്രെയിലര്‍ കഴിഞ്ഞ ദിവസം പുറത്തുവന്നിരുന്നു.