‘മമ്മൂട്ടി പറഞ്ഞ കാര്യത്തില്‍ പൂര്‍ണ തൃപ്തി ഉണ്ടെന്ന് എനിക്ക് പറയാന്‍ സാധിക്കില്ല. പക്ഷെ, അദ്ദേഹം സംസാരിച്ചതില്‍ എനിക്ക് സന്തോഷമുണ്ട്. ഞാന്‍ മെസേജ് അയച്ചപ്പോള്‍ അദ്ദേഹം പറഞ്ഞത് ഇതൊക്കെ എനിക്ക് ശീലമായെന്നാണ്. അപ്പോള്‍ അത് മറ്റൊരു സംഭവമായിരുന്നു. പിന്നീട് അത് എന്നെക്കുറിച്ചോ അദ്ദേഹത്തെക്കുറിച്ചോ അല്ല എന്നുള്ള ലെവലിലേക്ക് കാര്യങ്ങള്‍ മാറി’. അത് എല്ലാവരെക്കുറിച്ചുമായി’ പാര്‍വതി പറഞ്ഞു.

കസബ വിവാദത്തിന് ശേഷം പ്രതികരണങ്ങളില്‍ മിതത്വം പാലിക്കാന്‍ പലരും ഉപദേശിച്ചു. തനിക്കെതിരെ സിനിമയില്‍ ലോബിയുണ്ടാവുമെന്ന് പറഞ്ഞു. എന്നാല്‍ സിനിമയില്‍ അവസരങ്ങള്‍ നഷ്ടമാകുമെന്ന് പേടിച്ച് മിണ്ടാതിരിക്കാനാവില്ല. 12 വര്‍ഷമായി സിനിമയാണ് തന്റെ ലോകം. സ്വന്തം നിലയ്ക്ക് വന്ന്, കഠിനാധ്വാനവും മനോധൈര്യവും കൊണ്ട് നിലനില്‍ക്കുന്നു. പ്രതികരിച്ചതിന്റെ പേരില്‍ അവസരങ്ങള്‍ നഷ്ടപ്പെട്ടാല്‍ അവസരങ്ങളുണ്ടാക്കാന്‍ ശ്രമിക്കും. തടസ്സങ്ങളുണ്ടായേക്കും. എന്നാലും എവിടെയും പോകില്ലെന്നും പാര്‍വതി വ്യക്തമാക്കി.

സ്ത്രീവിരുദ്ധതയെ താന്‍ ഇനിയും എതിര്‍ക്കുമെന്നും മറ്റാര്‍ക്കെങ്കിലും വേണ്ടി സ്വന്തം അഭിപ്രായങ്ങള്‍ മൂടി വെയ്ക്കുക എന്നതിനോട് യോജിക്കാന്‍ സാധിക്കില്ലെന്നും പാര്‍വതി പറയുന്നുണ്ട്. പ്രേക്ഷകരോട് തനിക്കുള്ളത് നേരായ തുറന്ന ബന്ധമാണ്. ജോലിയില്‍ ഗുണനിലവാരം ഉറപ്പുവരുത്തുക എന്നതാണ് തന്റെ ഉത്തരവാദിത്തം. അല്ലാതെ തന്റെ അഭിപ്രായ സ്വാതന്ത്ര്യത്തെ പ്രേക്ഷകരുമായുള്ള ബന്ധം ബാധിക്കില്ല. തന്റെ കഥാപാത്രങ്ങളെ ഇഷ്ടപ്പെട്ടാല്‍ പ്രേക്ഷകര്‍ പിന്തുണയ്ക്കുന്നു. അതിനവരോട് നന്ദിയുണ്ട്. അല്ലാതെ വ്യക്തിയെന്ന നിലയില്‍ അവര്‍ തന്നെ ഇഷ്ടപ്പെടണമെന്നോ പ്രകീര്‍ത്തിക്കണമെന്നോ ആഘോഷിക്കണമെന്നോ ആഗ്രഹിക്കുന്നില്ലെന്നും പാര്‍വതി വ്യക്തമാക്കി.

തനിക്ക് മലയാളം അറിയില്ല. മലയാളി സുഹൃത്തുക്കളാണ് ചിത്രത്തിലെ വിമര്‍ശനങ്ങളെക്കുറിച്ച് അറിയിച്ചതെന്ന് നടി പറഞ്ഞു. രംഗം സ്ത്രീവിരുദ്ധമാണോ അല്ലയോ എന്നതല്ല പ്രശ്‌നം. ഇതൊക്കെ സമൂഹത്തില്‍ നടക്കുന്നതാണ്. കസബയിലെ ആ കഥാപാത്രം അത്തരത്തിലുള്ള ഒരാളാണ്. എല്ലാ മനുഷ്യര്‍ക്കും ഉള്ളതു പോലെ ഒരുപാട് ദുസ്സ്വഭാവങ്ങള്‍ രാജന്‍ സക്കറിയക്കമുണ്ട്. അതു മനസ്സിലാക്കി കണ്ടാല്‍ ആ സിനിമക്കോ രംഗത്തിനോ ഒരു കുഴപ്പവുമില്ലെന്ന് ജ്യോതിഷാ പറഞ്ഞു. രംഗങ്ങള്‍ സ്ത്രീവിരുദ്ധമാണെന്ന് ഒരിക്കലും തോന്നിയില്ല. എത്രയോ ബോളിവുഡ് സിനിമകളില്‍ അത്തരത്തിലുള്ള സീനുകള്‍ ഉണ്ട്. വിവാദമുണ്ടാക്കുന്നവര്‍ ഇതൊന്നും കാണുന്നില്ലേ? നല്ലതുമാത്രം കാണിക്കുന്നതല്ല സിനിമ. നല്ലതും ചീത്തതും സിനിമയില്‍ വരും. അതിനെ സഹിഷ്ണുതയോടെ കാണണമെന്നും നടി കൂട്ടിച്ചേര്‍ത്തു.

കസബയിലെ രംഗങ്ങള്‍ക്കെതിരെ വിമര്‍ശനവുമായി നടി പാര്‍വ്വതിയാണ് രംഗത്തെത്തിയത്. രാജ്യാന്തര ചലച്ചിത്രമേളയുടെ ഓപ്പണ്‍ ഫോറത്തിലാണ് വിമര്‍ശനമുന്നയിച്ചത്. തുടര്‍ന്ന് പാര്‍വ്വതിക്കുനേരെ സൈബര്‍ ആക്രമണവും ഉണ്ടായിരുന്നു. സംഭവത്തില്‍ പ്രതികരണവുമായി നടന്‍ മമ്മുട്ടിയും രംഗത്തെത്തി.