Finsberry – Chandrika Daily https://www.chandrikadaily.com Wed, 21 Jun 2017 05:04:11 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Finsberry – Chandrika Daily https://www.chandrikadaily.com 32 32 ഫിന്‍സ്‌ബെറി മസ്ജിദിനു നേരെ ആക്രമണം: പള്ളി ഇമാമിനോട് ക്ഷമ പറഞ്ഞ് ബ്രിട്ടീഷ് വനിത; വീഡിയോ വൈറല്‍ https://www.chandrikadaily.com/finsbury-park-mosque-lady-apologise.html https://www.chandrikadaily.com/finsbury-park-mosque-lady-apologise.html#respond Wed, 21 Jun 2017 05:04:11 +0000 http://www.chandrikadaily.com/?p=33060 ലണ്ടന്‍: ലണ്ടനിലെ ഫിന്‍സ്‌ബെറി പാര്‍ക്ക് മസ്ജിദിനു പുറത്ത് മുസ്‌ലിംകള്‍ക്കു നേരെയുണ്ടായ ഭീകരാക്രമണത്തില്‍ പള്ളി ഇമാമിനോട് ക്ഷമാപണം നടത്തി ബ്രിട്ടീഷ് വനിത.

ഇല്‍ഫോര്‍ഡ് സ്വദേശിയും അംഗപരിമിതയുമായ ജൂലി സിംപ്‌സണാണ് ആക്രമണത്തെ അപലപിച്ചും ക്ഷമാപണം നടത്തിയും ഇമാം മുഹമ്മദ് മഹ്മൂദിനെ കാണാനെത്തിയത്. തന്റെ മൊബിലിറ്റി സ്‌കോട്ടറില്‍ ഒറ്റക്കാണ് ജൂലി ഇല്‍ഫോര്‍ഡില്‍ നിന്ന് ഫിന്‍സ്‌ബെറിയിലെത്തിയത്.

ഭീകരാക്രണം നടത്തിയവര്‍ ബ്രിട്ടീഷ് ജനതയെ പ്രതിനിധീകരിക്കുന്നില്ലെന്നും വിശുദ്ധ റമസാന്‍ മാസത്തിലുണ്ടായ ആക്രമണത്തില്‍ താന്‍ ക്ഷമ ചോദിക്കുന്നതായും അവര്‍ പറഞ്ഞു.

ആക്രമണത്തിനിരയായവരുടെ കുടുംബത്തിന് നല്ലൊരു തുക ധനസഹായം കൂടി കൈമാറിയാണ് ജൂലി മടങ്ങിയത്. മതങ്ങള്‍ക്കതീതമായി മാനവികതയില്‍ വിശ്വസിക്കുന്നവര്‍ ഇന്നും അവശേഷിക്കുന്നുവെന്ന് ചൂണ്ടിക്കാട്ടിയ ജൂലിയുടെ വീഡിയോ ഇതിനകം സമൂഹമാധ്യമങ്ങളില്‍ ചര്‍ച്ചാവിഷയമായിട്ടുണ്ട്.
ജൂലിയുടെ വാക്കുകള്‍ ഇങ്ങനെ:
‘ ഞാന്‍ ഇവിടെ വരാന്‍ കാരണം, ഇവിടെ, ഈ പള്ളിക്കു പുറത്ത് ആക്രമണം നടത്തിയ ഭീകരര്‍ ഇംഗ്ലീഷുകാരെ പ്രതിനിധികരിക്കുന്നില്ലെന്ന് പറയാനാണ്. ക്ഷമാപണം നടത്താനാണ്. അവര്‍ ക്രിസ്ത്യാനികളല്ല, ദൈവം എന്നോട് പൊറുക്കട്ടെ, അവര്‍ മൃഗങ്ങളാണ്. അവര്‍ പന്നികളാണ്.

നിങ്ങളുടെ ഈ വിശുദ്ധ മാസത്തില്‍ ഇത്തരമൊരു ആക്രമണം നടന്നതില്‍ അതിയായ ഖേദമുണ്ട്. അവര്‍ മുസ്‌ലിംകളാണെന്ന് പറയുന്നു. എന്നാല്‍ അവര്‍ മുസ്‌ലിംകളല്ല. അവര്‍ ക്രിസ്ത്യാനികളുമല്ല. അവര്‍ ഒന്നുമല്ല. ഖുര്‍ആനിലും ബൈബിളിലും സഹോദരങ്ങളെ സ്‌നേഹിക്കാനാണ് പഠിപ്പിക്കുന്നത്.

ആരെങ്കിലും സ്വന്തം സഹോദരങ്ങളെ വധിക്കുമോ? സുഹൃത്തേ, എന്നോട് ക്ഷമിക്കുക. ആക്രമണം നടന്നത് എന്നെ വല്ലാതെ അലട്ടുന്നു. ഇതെന്റെ ഹൃദയത്തെ ഭേദിക്കുന്നു.

അംഗപരിമിതയായിട്ടും ഇല്‍ഫോര്‍ഡില്‍ നിന്നും ഇത്രയും ദൂരം ഞാന്‍ വന്നത് നിങ്ങളെ കാണാനും ക്ഷമാപണം നടത്താനും വേണ്ടി മാത്രമാണ്.’
കണ്ണീര്‍ പൊഴിച്ച് അവര്‍ നടത്തിയ ക്ഷമാപണം തനിക്ക് ഹൃദയഭേദകമായിരുന്നുവെന്ന് ഇമാം മുഹമ്മദ് മഹ്മൂദ് പ്രതികരിച്ചു.

തന്നോട് മാപ്പു ചോദിക്കേണ്ട കാര്യമില്ലെന്നും നിരപരാധികള്‍ക്കു നേരെ ആക്രമണം നടത്തിയവര്‍ ബ്രിട്ടനെ പ്രതിനിധീകരിക്കുന്നുവെന്ന് തങ്ങള്‍ വിശ്വസിക്കുന്നില്ലെന്നും ഇമാം ജൂലിയോട് പറഞ്ഞു. ‘എന്നാല്‍ അവര്‍ ഭീകരരാണ്. ക്രിമിനലുകളും തീവ്രവാദികളുമാണ്, ഐ.എസ്.ഐ.എസിനെ പോലെ.

ഐ.എസ് മുസ്‌ലിംകളെ പ്രതിനിധീകരിക്കാത്തതു പോലെ ഇയാള്‍ ബ്രിട്ടനെ പ്രതിനിധീകരിക്കുന്നില്ല. ഞങ്ങളും ബ്രിട്ടന്റെ ഭാഗമാണ്’-ഇമാം പറഞ്ഞു.

ആക്രമണം നടന്നത് ഞായറാഴ്ച

ഞായറാഴ്ചയാണ് ഫിന്‍സ്‌ബെറി പാര്‍ക്കിലെ മസ്ജിദില്‍ നമസ്‌കാരം കഴിഞ്ഞിറങ്ങിയവര്‍ക്കു നേരെ വാന്‍ ഇടിച്ചു കയറ്റി ആക്രമണം നടത്തിയത്.

സംഭവത്തില്‍ ഒരാള്‍ കൊല്ലപ്പെടുകയും പത്തു പേര്‍ക്ക് പരിക്കേല്‍ക്കുകയും ചെയ്തിരുന്നു.

അക്രമിയെ സമീപത്തുള്ളവര്‍ കീഴടക്കി കയ്യേറ്റം ചെയ്യാന്‍ ശ്രമിച്ചിരുന്നു. എന്നാല്‍ പൊലീസ് വരുന്നതു വരെ ജനങ്ങള്‍ നിയമം കൈയിലെടുക്കാതിരിക്കാന്‍ ഇമാം പ്രതിയെ സംരക്ഷിച്ചത് ഇന്നലെ സമൂഹമാധ്യമങ്ങള്‍ ചര്‍ച്ച ചെയ്തിരുന്നു.

Watch video:

]]> https://www.chandrikadaily.com/finsbury-park-mosque-lady-apologise.html/feed 0 മുസ്ലിംകളെ മോശമായി ചിത്രീകരിക്കുന്നവര്‍ക്കെതിരെ ഹാരി പോര്‍ട്ടര്‍ എഴുത്തുകാരി ജെ.കെ റൗളിങ് https://www.chandrikadaily.com/jk-rowling-reacts-against-white-extremism.html https://www.chandrikadaily.com/jk-rowling-reacts-against-white-extremism.html#respond Tue, 20 Jun 2017 08:59:39 +0000 http://www.chandrikadaily.com/?p=32929 പാശ്ചാത്യ ലോകത്ത് മുസ്ലിംകള്‍ക്കെതിരെ വ്യാപകമായി നടക്കുന്ന വലതുപക്ഷ പ്രചരണങ്ങള്‍ക്കെതിരെ വിശ്വപ്രസിദ്ധമായ ഹാരി പോര്‍ട്ടര്‍ നോവല്‍ പരമ്പര എഴുതിയ ജെ.കെ റൗളിങ്. ‘മുസ്ലിംകളെ മനുഷ്യരല്ലാതായി കാണുകയും അവരെപ്പറ്റി മുന്‍ധാരണകള്‍ വെച്ചു പുലര്‍ത്തുകയും ചെയ്യുന്നവര്‍ക്ക്, മതേതരമൂല്യങ്ങള്‍ സൂക്ഷിക്കുന്ന പാശ്ചാത്യരെ പിശാചുക്കളായി കാണുന്ന ഇസ്ലാമിസ്റ്റുകളേക്കാള്‍ ധാര്‍മികത ഇല്ല’ എന്ന് അവര്‍ ട്വിറ്ററില്‍ കുറിച്ചു. ബ്രിട്ടനിലെ ഫിന്‍സ്ബറി പാര്‍ക്കില്‍ തറാവീഹ് കഴിഞ്ഞ് മടങ്ങുകയായിരുന്നവര്‍ക്കു നേരെ വാന്‍ ഇടിച്ചുകയറ്റി സംഭവത്തെപ്പറ്റിയുള്ള പ്രതികരണത്തിലാണ് അവര്‍ ഇക്കാര്യം ട്വീറ്റ് ചെയ്തത്.

ഫിന്‍സ്ബറിയില്‍ അക്രമിയെ കീഴ്‌പ്പെടുത്തുകയും ആള്‍ക്കൂട്ടത്തില്‍ നിന്ന് രക്ഷിച്ച് പോലീസിന് കൈമാറുകയും ചെയ്ത ഇമാമിനെ അനുമോദിച്ചു കൊണ്ടുള്ള പോസ്റ്റുകളും ജെ.കെ റൗളിങ് റിട്വീറ്റ് ചെയ്തു. മുസ്ലിംകള്‍ക്കു നേരെ ആക്രമണം നടത്തിയ വെള്ളക്കാരനില്‍ തീവ്രചിന്താഗതി വളര്‍ത്തിയ ബ്രിട്ടനിലെ വലതുപക്ഷ രാഷ്ട്രീയത്തെയും അവര്‍ കുറ്റപ്പെടുത്തി. ഇസ്ലാമിസ്റ്റുകളും മുസ്ലിം വിരുദ്ധ ഭീകരവാദികളും ഒരേ വിശ്വാസമാണ് പങ്കിടുന്നതെന്നും അവര്‍ പറഞ്ഞു.

]]> https://www.chandrikadaily.com/jk-rowling-reacts-against-white-extremism.html/feed 0 ‘അയാളെ തൊടരുത്…’ ലണ്ടന്‍ ഭീകരാക്രമണ പ്രതിയെ പോലീസെത്തും വരെ സംരക്ഷിച്ചത് പള്ളി ഇമാം https://www.chandrikadaily.com/imams-bravery-saved-life-of-finsberry-attacker.html https://www.chandrikadaily.com/imams-bravery-saved-life-of-finsberry-attacker.html#respond Mon, 19 Jun 2017 10:51:59 +0000 http://www.chandrikadaily.com/?p=32770 ലണ്ടന്‍: ലണ്ടനിലെ ഫിന്‍സ്ബറി പാര്‍ക്ക് മസ്ജിദില്‍ നിന്ന് തറാവീഹ് കഴിഞ്ഞ് മടങ്ങുകയായിരുന്നവര്‍ക്കു നേരെ വാഹനം ഇടിച്ചുകയറ്റിയ ഭീകരവാദിയെ പോലീസ് എത്തുന്നതുവരെ സംരക്ഷിച്ചത് പള്ളിയിലെ ഇമാം. ‘ഞാന്‍ എല്ലാ മുസ്ലിംകളെയും കൊല്ലാന്‍ പോവുകയാണ്’ എന്നാക്രോശിച്ച് കത്തിവീശിയ 48-കാരനായ വെള്ളക്കാരനെ സമീപത്തുള്ളവര്‍ കീഴ്‌പ്പെടുത്തിയിരുന്നു. സമീപപ്രദേശത്തെ മറ്റൊരു പള്ളിയിലെ ഇമാമായ മുഹമ്മദ് മഹ്മൂദിന്റെ സമയോജിത ഇടപെടലാണ് അക്രമിയുടെ ജീവന്‍ രക്ഷിച്ചതെന്ന് ബ്രിട്ടീഷ് മാധ്യമങ്ങള്‍ റിപ്പോര്‍ട്ട് ചെയ്തു. ക്രുദ്ധരായ ആള്‍ക്കൂട്ടത്തോട് അക്രമിയെ തൊടരുതെന്ന് ആജ്ഞാപിച്ച ഇമാം, ആള്‍ക്കൂട്ടത്തെ സമാധാനിപ്പിക്കുകയും പോലീസെത്തുന്നതു വരെ അയാളെ സംരക്ഷിക്കുകയും ചെയ്തു. ഇമാമിന്റെ നടപടിയെ ‘മുസ്ലിം വെല്‍ഫെയര്‍ ഹൗസ്’ അനുമോദിച്ചു.

അതേസമയം, പോലീസ് അറസ്റ്റ് ചെയ്ത് വാനില്‍ കയറ്റിയ അക്രമി പുറത്തുള്ളവര്‍ക്കു നേരെ ഫ്‌ളയിംഗ് കിസ്സ് നല്‍കുകയും ‘എനിക്ക് എല്ലാ മുസ്ലിംകളെയും കൊല്ലണം; എന്റെ ജോലി ഞാന്‍ ചെയ്തു’ എന്ന് വിളിച്ചുകൂവുകയും ചെയ്തതായി ദൃക്‌സാക്ഷികള്‍ പറയുന്നു. ആക്രമണം ഭീകരപ്രവൃത്തിയാണെന്ന് ബ്രിട്ടീഷ് പ്രധാനമന്ത്രി തെരേസ മേ പ്രഖ്യാപിച്ചു.

തിങ്കളാഴ്ച പുലര്‍ച്ചെ 12.20 ന് ഫിന്‍സ്‌ബെറിയിലുണ്ടായ ആക്രമണത്തില്‍ ഒരാള്‍ മരിക്കുകയും 10 പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. തറാവീഹ് കഴിഞ്ഞ് പുറത്തിറങ്ങിയ ഉടനെ കുഴഞ്ഞുവീണ വൃദ്ധനെ സഹായിക്കുന്നവര്‍ക്കു നേരെയാണ് അക്രമി വാഹനം ഇടിച്ചുകയറ്റിയത്. ഇയാള്‍ക്കൊപ്പം രണ്ടുപേര്‍ കൂടി ഉണ്ടായിരുന്നതായും ഇവരുടെ കൈകളില്‍ കത്തികള്‍ ഉണ്ടായിരുന്നതായും മൊഴികളുണ്ട്. അതേസമയം, അക്രമിക്കൊപ്പമുണ്ടായിരുന്ന രണ്ടുപേരെ പിടികൂടിയിട്ടില്ല. നേരത്തെ കുഴഞ്ഞുവീണ ആള്‍ തന്നെയാണോ മരിച്ചത് എന്ന കാര്യം വ്യക്തമല്ല.

]]> https://www.chandrikadaily.com/imams-bravery-saved-life-of-finsberry-attacker.html/feed 0