flipkart – Chandrika Daily

പാകിസ്താന്‍ പതാകയും മറ്റു അനുബന്ധ വസ്തുക്കളും വില്‍ക്കരുത്; ഇ-കൊമേഴ്സ് കമ്പനികള്‍ക്ക് നോട്ടീസ്

Lubna Sherin K P — Thu, 15 May 2025 11:09:39 +0000

പാകിസ്താന്‍ പതാകകളുടെയും മറ്റു അനുബന്ധ വസ്തുക്കളുടെയും വില്‍പ്പനയുമായി ബന്ധപ്പെട്ട് ആമസോണ്‍ ഇന്ത്യ, ഫ്‌ലിപ്കാര്‍ട്ട് എന്നിവയടക്കമുള്ള ഇ-കൊമേഴ്സ് കമ്പനികള്‍ക്ക് നോട്ടീസ്. കേന്ദ്ര ഉപഭോക്തൃ സംരക്ഷണ അതോറിറ്റി (സിസിപിഎ) എല്ലാ കമ്പനികള്‍ക്കും നോട്ടീസ് അയച്ചതായി ഉപഭോക്തൃ കാര്യ മന്ത്രി പ്രഹ്ലാദ് ജോഷി പറഞ്ഞു.

പാകിസ്താന്‍ പതാകകളുടെയും ഉല്‍പ്പന്നങ്ങളുടെയും വില്‍പ്പന അനുവദിക്കില്ലെന്ന് യുബുകൈ ഇന്ത്യ, എറ്റ്‌സി, ദി ഫ്‌ലാഗ് കമ്പനി, ദി ഫ്‌ലാഗ് കോര്‍പ്പറേഷന്‍ എന്നിവയ്ക്ക് നല്‍കിയ നോട്ടീസുകളില്‍ റെഗുലേറ്ററി ബോഡി അറിയിച്ചു. അത്തരം വസ്തുക്കള്‍ പ്ലാറ്റ്ഫോമുകളില്‍ നിന്ന് നീക്കം ചെയ്യാന്‍ കമ്പനികള്‍ക്ക് നിര്‍ദ്ദേശം നല്‍കിയതായും കേന്ദ്രമന്ത്രി വ്യക്തമാക്കി.

‘പാകിസ്താന്‍ പതാകകളുടെയും അനുബന്ധ ഉല്‍പ്പന്നങ്ങളുടെയും വില്‍പ്പനയുമായി ബന്ധപ്പെട്ട് @amazonIN, @Flipkart, @UbuyIndia, @Etsy, The Flag Company, The Flag Corporation എന്നിവയ്ക്ക് സിസിപിഎ നോട്ടീസ് അയച്ചിട്ടുണ്ട്. അത്തരം സംവേദനക്ഷമതയില്ലായ്മ അനുവദിക്കില്ല. അത്തരം എല്ലാ ഉള്ളടക്കങ്ങളും ഉടനടി നീക്കം ചെയ്യാനും ദേശീയ നിയമങ്ങള്‍ പാലിക്കാനും ഇ-കൊമേഴ്സ് പ്ലാറ്റ്ഫോമുകള്‍ക്ക് ഇതിനാല്‍ നിര്‍ദ്ദേശം നല്‍കുന്നു’ എക്സില്‍ പങ്കുവെച്ച പോസ്റ്റില്‍ കേന്ദ്രമന്ത്രി പറഞ്ഞു.

അതേസമയം ആമസോണ്‍ ഇന്ത്യ, ഫ്‌ലിപ്കാര്‍ട്ട് അടങ്ങിയ ഇ-കൊമേഴ്സ് സ്ഥാപനങ്ങള്‍ ഈ വിഷയത്തില്‍ ഇതുവരെ പ്രതികരിച്ചിട്ടില്ല.

ഇന്ത്യക്കാര്‍ നാല് ദിവസത്തിനിടെ ആമസോണിലും ഫില്പ്കാര്‍ട്ടിലുമായി പൊടി പൊടിച്ചത് 26,000 കോടി രൂപ

Test User — Wed, 21 Oct 2020 10:01:32 +0000

ഡല്‍ഹി : ഉത്സവ സീസണ്‍ വില്‍പ്പനയില്‍ വന്‍ നേട്ടം കൊയ്ത് ഫില്പ്കാര്‍ട്ടും ആമസോണും. വില്‍പ്പനയുടെ ആദ്യ നാല് ദിവസങ്ങളില്‍ ആമസോണ്‍, ഫ്‌ലിപ്കാര്‍ട്ട് വഴി നടന്നത് 3.5 ബില്യണ്‍ ഡോളറിന്റെ (ഏകദേശം 26,000 കോടി രൂപ) ഇടപാടുകളാണ്. കൊറോണ വൈറസ് കാരണം വിപണികളിലെല്ലാം വന്‍ പ്രതിസന്ധി നേരിടുന്നുണ്ടെങ്കിലും ഓണ്‍ലൈന്‍ കച്ചവടം പൊടി പൊടിക്കുകയാണ്.

ഉത്സവ സീസന്‍ വില്‍പ്പന അവസാനിക്കുമ്പോള്‍ രാജ്യത്തെ ഇ-കൊമേഴ്‌സ് വില്‍പ്പനയിലെ എല്ലാ റെക്കോര്‍ഡുകളും മറികടക്കുമെന്നാണ് കരുതുന്നത്. മുന്‍നിര ബ്രാന്‍ഡുകളായ സാംസങ്, ആപ്പിള്‍, ഷഓമി, വണ്‍പ്ലസ്, അസൂസ്, ലെനോവോ, എച്ച്പി, എല്‍ജി, വേള്‍പൂള്‍, ബജാജ് അപ്ലയന്‍സസ് എന്നിവര്‍ തങ്ങളുടെ രണ്ട് ദിവസത്തെ ഏറ്റവും വലിയ വില്‍പ്പനയ്ക്കാണ് സാക്ഷ്യം വഹിച്ചത്.

2019 ഒക്ടോബറിലെ ആറ് ദിവസത്തെ സെയിലില്‍ ആമസോണിന്റെയും ഫ്‌ലിപ്കാര്‍ട്ടിന്റെയും വില്‍പ്പന 2.7 ബില്യണ്‍ ഡോളറിലെത്തിയിരുന്നു (ഏകദേശം 20,000 കോടി രൂപ). റെഡ്‌സീറിന്റെ കണക്കനുസരിച്ച് 2018 ലെ 2.1 ബില്യണ്‍ ഡോളറില്‍ നിന്ന് 30 ശതമാനം വര്‍ധനയാണ് ഇത് കാണിക്കുന്നത്. ഇക്കോമേഴ്‌സ് കമ്പനികള്‍, മുന്‍നിര ബ്രാന്‍ഡുകള്‍, സ്വതന്ത്ര അനലിസ്റ്റുകള്‍ എന്നിവരുടെ അഭിപ്രായത്തില്‍ കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷത്തെ ഉത്സവ വില്‍പ്പനയുടെ ഒരാഴ്ച കാലയളവില്‍ മൊത്തത്തിലുള്ള ഇകൊമേഴ്‌സ് വ്യവസായം വില്‍പ്പന 30-36 ശതമാനം വര്‍ധിക്കുമെന്നാണ്.

ഈ വര്‍ഷം ബ്രാന്‍ഡുകള്‍ ശരാശരി കുറഞ്ഞ കിഴിവുകള്‍ നല്‍കിയിട്ടും ആദ്യ നാല് ദിവസത്തെ വില്‍പ്പന കുതിച്ചുയര്‍ന്നു. ഉയര്‍ന്ന നിലവാരമുള്ള സ്മാര്‍ട് ഫോണുകള്‍, ഫാഷന്‍, ഫര്‍ണിച്ചര്‍ എന്നിവ പോലുള്ള വിഭാഗങ്ങളില്‍ പരമാവധി കിഴിവുകള്‍ നല്‍കുന്നുണ്ട്.

ചട്ടലംഘനം; ഫില്പ്കാര്‍ട്ടിനും ആമസോണിനും കേന്ദ്രത്തിന്റെ നോട്ടീസ്

Test User — Mon, 19 Oct 2020 18:03:29 +0000

ഡല്‍ഹി: ഭീമന്മാരായ ആമസോണ്‍, ഫ്‌ലിപ്കാര്‍ട്ട് എന്നിവയ്ക്ക് കേന്ദ്ര സര്‍ക്കാര്‍ നോട്ടീസ് അയച്ചു. ഉത്പന്നങ്ങളില്‍ ഏത് രാജ്യത്തില്‍നിന്നുള്ളതാണെന്ന് പ്രദര്‍ശിപ്പിക്കണമെന്ന ചട്ടം പാലിക്കാത്തതിനെ തുടര്‍ന്നാണ് നടപടി. ഒരുമാസം നീണ്ടുനില്‍ക്കുന്ന ഉത്സവകാല വിലക്കിഴിവ് വില്‍പന നടക്കുന്നതിനിടെയാണ് ഇകൊമേഴ്‌സ് കമ്പനികള്‍ക്ക് സര്‍ക്കാര്‍ നോട്ടീസ് അയച്ചത്. ഉത്പന്നം നിര്‍മിച്ച രാജ്യം പ്രദര്‍ശിപ്പിക്കാത്തത് എന്തുകൊണ്ടാണെന്ന് 15 ദിവസത്തിനുള്ളില്‍ വിശദീകരണമെന്ന് സര്‍ക്കാര്‍ നോട്ടീസില്‍ ആവശ്യപ്പെട്ടു.

ഇത് വ്യക്തമായ ചട്ടലംഘമാണെന്നും ആദ്യത്തെ ലംഘനത്തിന് 25,000 രൂപ വരെ പിഴ ഈടാക്കാമെന്നും ഉപഭോക്തൃ കാര്യ വകുപ്പ്, ഭക്ഷ്യ, പൊതുവിതരണ മന്ത്രാലയം അറിയിച്ചു. 2011ലെ ലീഗല്‍ മെട്രോളജി (പാക്കേജ് ചെയ്ത ചരക്കുകള്‍) ചട്ടപ്രകാരം ഡിജിറ്റല്‍ പ്ലാറ്റ്‌ഫോമുകളില്‍ ചില ഇകൊമേഴ്‌സ് സ്ഥാപനങ്ങള്‍ ഉത്പന്നങ്ങള്‍ ഏത് രാജ്യത്തില്‍നിന്നുള്ളതാണെന്ന ചട്ടം ലംഘിക്കുന്നതായി കണ്ടെത്തിയതായി നോട്ടീസില്‍ പറഞ്ഞു.

ഫ്‌ലിപ്കാര്‍ട്ട് ഇന്ത്യ െ്രെപവറ്റ് ലിമിറ്റഡിനും ആമസോണ്‍ ഡവലപ്‌മെന്റ് സെന്റര്‍ ഇന്ത്യ െ്രെപവറ്റ് ലിമിറ്റഡിനും അയച്ച നോട്ടീസുകള്‍ പ്രകാരം എല്ലാ നിര്‍ബന്ധിത പ്രഖ്യാപനങ്ങളും ഇകൊമേഴ്‌സ് ഇടപാടുകള്‍ക്ക് ഉപയോഗിക്കുന്ന ഡിജിറ്റല്‍, ഇലക്ട്രോണിക് നെറ്റ്‌വര്‍ക്കില്‍ പ്രദര്‍ശിപ്പിക്കേണ്ടതുണ്ടെന്ന് ഉറപ്പാക്കേണ്ടതുണ്ടെന്ന് ചൂണ്ടികാട്ടി.

ബിഗ് ബില്യണ്‍ ഡേ; മോട്ടോറോള ഫോണുകള്‍ക്ക് 400 മുതല്‍ 40,000 രൂപ വരെ ഡിസ്‌കൗണ്ട്

chandrika — Fri, 09 Oct 2020 13:02:10 +0000

ഈ കോമേഴ്സ് വെബ്സൈറ്റ് ആയ ഫ്‌ലിപ്കാര്‍ട്ട് എല്ലാ വര്‍ഷവും നടത്താറുള്ള മെഗാ സെയ്ല്‍ ആയ ബിഗ് ബില്യണ്‍ ഡേയ്‌സില്‍ മോട്ടോറോള ഫോണുകള്‍ക്ക് വമ്പന്‍ ഡിസ്‌കൗണ്ട്. ലെനോവോയുടെ കീഴില്‍ പ്രവര്‍ത്തിക്കുന്ന അമേരിക്കന്‍ സ്മാര്‍ട്ട്‌ഫോണ്‍ ബ്രാന്‍ഡ് മോട്ടോറോള കഴിഞ്ഞ മാസങ്ങളിലായി പുറത്തിറക്കിയ നിരവധി ഫോണുകള്‍ക്കാണ് ആകര്‍ഷകമായ ഓഫറുമായി ഈ കോമേഴ്സ് ഭീമന്‍ ഫ്‌ലിപ്കാര്‍ട്ട് എത്തിയിരിക്കുന്നത്.

https://www.flipkart.com/motorola-one-fusion-moonlight

പോപ്പ്-അപ്പ് ക്യാമറയുമായി മോട്ടോറോളയുടെ സ്‌റ്റൈലിഷ് മിഡ്-സെഗ്മെന്റ് സ്മാര്‍ട്ട്‌ഫോണായ വണ്‍ ഫ്യൂഷന്‍ പ്ലസ് ജൂണ്‍ 16-നാണ് വില്പനക്കെത്തിയത്. ട്വലൈറ്റ് ബ്ലൂ, മൂണ്‍ലൈറ്റ് വൈറ്റ് എന്നിങ്ങനെ രണ്ട് നിറങ്ങളില്‍ വില്പനക്കെത്തിയിരിക്കുന്ന മോട്ടറോള വണ്‍ ഫ്യൂഷന്‍ പ്ലസ്സിന് Rs 16,999 രൂപയായിരുന്നു ലോഞ്ച് വില. എന്നാല്‍ കുറുഞ്ഞ വിലയിലുള്ള ഉഗ്രന്‍ ഫോണിന് ആവശ്യക്കാര്‍ ഏറിയതോടെ അധികം താമസമില്ലാതെ ഹാന്‍ഡ്സെറ്റിന്റെ വില 500 രൂപ മോട്ടോറോള കൂട്ടി. എന്നാലിപ്പോള്‍ ബിഗ് ബില്യണ്‍ ഡേ സെയില്‍ 1,500 രൂപ കുറവില്‍ 15,999 രൂപയ്ക്ക് വണ്‍ ഫ്യൂഷന്‍ പ്ലസ് നിങ്ങള്‍ക്ക് സ്വന്തമാക്കാം.

https://www.flipkart.com/motorola-e7-plus-misty-blue

കഴിഞ്ഞ മാസം മോട്ടറോള ലോഞ്ച് ചെയ്ത മോട്ടോ ഈ സീരീസിലെ E7 പ്ലസ്സിനും ഡിസ്‌കൗണ്ട് പ്രഖ്യാപിച്ചിട്ടുണ്ട്. 9,499 രൂപയുമായി എത്തിയ മോട്ടോ E7 പ്ലസ്സിന് ബിഗ് ബില്യണ്‍ ഡേ സെയ്ലില്‍ 8,999 രൂപ മാത്രമാവും വില.

https://www.flipkart.com/motorola-g9

ആഗസ്റ്റില്‍ വില്പനക്കെത്തിയ മോട്ടോറോളയുടെ ബജറ്റ് സ്മാര്‍ട്ട്‌ഫോണ്‍ ആയ മോട്ടോ ജി ശ്രേണിയിലെ ജി9 1,500 രൂപ ഡിസ്‌കൗണ്ടിലാണ് ഫ്‌ലിപ്കാര്‍ട്ടിലെത്തുന്നത്. ഒരു കാലത്ത് ട്രെന്റായി മോട്ടോ ജി മോഡലിന്റെ പിന്‍ഗാമിയാണ് മോട്ടോ ജി9. 11,499 രൂപ ലോഞ്ചിങ് വിലയിലെത്തിയ ഇപ്പോള്‍ അഞ്ചക്കം കടത്താതെ സ്വന്തമാക്കാം.

https://www.flipkart.com/motorola-edge

ഈ വര്‍ഷം മെയില്‍ വില്പനക്കെത്തിയ മോട്ടോറോള എഡ്ജ് ശ്രേണിയിലെ പ്രീമിയം മോഡല്‍ എഡ്ജ് പ്ലസ്സിനെ ബിഗ് ബില്യണ്‍ ഡേ സെയ്ലില്‍ 10,000 രൂപ ഡിസ്‌കൗണ്ടില്‍ സ്വന്തമാക്കാം. ലോഞ്ച് സമയം 74,999 രൂപ വിലയുണ്ടായിരുന്ന ഫോണിന് ഇപ്പോള്‍ 64,999 രൂപയാണ് വില. 6.7-ഇഞ്ച് ഫുള്‍ എച് ഡി + അമോലെഡ് HDR10 + ഡിസ്‌പ്ലേയാണ് എഡ്ജ് പ്ലസ്സിന്. ആന്‍ഡ്രോയിഡ് 10 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന എഡ്ജ് പ്ലസ്സിന് ഒക്ട-കോര്‍ സ്‌നാപ്ഡ്രാഗണ്‍ 865 പ്രൊസസര്‍, അഡ്രെനോ 650 GPU പ്രോസസ്സര്‍ ആണ്. 12 ജിബി റാമും 256 ജിബി UFS 3.0 സ്റ്റോറേജുമുള്ള ഹാന്‍ഡ്‌സെറ്റിന് 108-മെഗാപിക്‌സല്‍ റിയര്‍ ക്യാമറ, 16-മെഗാപിക്‌സല്‍ അള്‍ട്രാ-വൈഡ്-ആംഗിള്‍ ലെന്‍സ്, 8-മെഗാപിക്‌സല്‍ ടെലിഫോട്ടോ ലെന്‍സ് എന്നിവ ചേര്‍ന്ന ട്രിപ്പിള്‍ ക്യാമെറായാണ്.

https://www.flipkart.com/motorola-razr

അതേസമയം, മറ്റു ഫോണ്‍കമ്പനികളെ വരെ ഞെട്ടിച്ച് കോവിഡ് കാലത്ത് പുറത്തിറങ്ങിയ ഫോണ്‍ഡബില്‍ മൊബൈല്‍ മോട്ടോ റേസര്‍ 5ജി എത്തിയതോടെ മുന്‍ തലമുറ ഫോണ്‍ ആയ മോട്ടോറോള റേസര്‍ (2019) ഇപ്പോള്‍ 40,000 രൂപ ഡിസ്‌കൗണ്ടിലാണ് വില്‍പനക്കെത്തുന്നത്. ഈ വര്‍ഷം മാര്‍ച്ചില്‍ Rs 1,24,999 രൂപ വിലയിലാണ് മോട്ടോറോള റേസര്‍ (2019) വില്‍പനക്കെത്തിയിരുന്നത്. എന്നാല്‍ ബിഗ് ബില്യണ്‍ ഡേയില്‍ 84,999 രൂപയാണ് ഫോണ്‍ ഫ്‌ലിപ്കാര്‍ട്ടില്‍ ലിസ്റ്റ് ചെയ്തിരിക്കുന്നത്. മടക്കിവയ്ക്കാവുന്ന ഡിസ്പ്ലേയാണ് റേസറിന്റെ ഹൈലൈറ്റ്. പ്രധാന ഡിസ്പ്ലേയ്ക്ക് 6.2 ഇഞ്ചാണ് വലിപ്പം. ഫോണ്‍ മടക്കി വെച്ചിരിക്കുന്ന സമയത്ത് ഉപയോക്താവിന് 2.7 ഇഞ്ചുള്ള സെക്കണ്ടറി ഡിസ്പ്ലേ ഉപയോഗിക്കാം.

ഈ വര്‍ഷത്തെ ബിഗ് ബില്യണ്‍ ഡേയ്‌സ് സെയ്ല്‍ ഈ മാസം 16-ന് ആരംഭിക്കും എന്ന് ഫ്‌ലിപ്കാര്‍ട്ട് വ്യക്തമാക്കി. ആറ് ദിവസം നീണ്ടുനില്‍ക്കുന്ന ബിഗ് ബില്യണ്‍ ഡേയ്‌സ് 21 സമാപിക്കും.

ഉപയോക്താക്കളെ ഞെട്ടിക്കാന്‍ ബിഗ് ബില്യണ്‍ ഡേയ്‌സുമായി ഫ്‌ലിപ്കാര്‍ട്ട്

Test User — Sun, 04 Oct 2020 06:45:56 +0000

ഈ കോമേഴ്‌സ് വെബ്‌സൈറ്റ് ആയ ഫ്‌ലിപ്കാര്‍ട്ട് എല്ലാ വര്‍ഷവും നടത്താറുള്ള മെഗാ സെയില്‍ ആയ ബിഗ് ബില്യണ്‍ ഡേയ്‌സ് ഈ മാസം 16ന് ആരംഭിക്കും. ആറ് ദിവസം നീണ്ടുനില്‍ക്കുന്ന ബിഗ് ബില്യണ്‍ ഡേയ്‌സ് 21 സമാപിക്കും.

മൊബൈലുകള്‍, ടിവികള്‍, മറ്റുള്ള ഗൃഹോപകരണ വസ്തുക്കള്‍, ഇലക്ട്രോണിക്‌സ് ഉത്പന്നങ്ങള്‍, അക്‌സെസ്സറികള്‍, തുടങ്ങിയ ഫ്‌ലിപ്കാര്‍ട്ട് ലിസ്റ്റ് ചെയ്തിരിക്കുന്ന പല ഉത്പന്നങ്ങള്‍ക്കും ബിഗ് ബില്യണ്‍ ഡേയ്‌സ് സെയ്‌ലില്‍ വമ്പന്‍ വിലക്കിഴിവുണ്ടാകും എന്ന് ഫ്‌ലിപ്കാര്‍ട്ട് പത്രക്കുറിപ്പില്‍ വ്യക്തമാക്കി.

എസ്ബിഐ കാര്‍ഡ് ഉപയോഗിച്ച് ഫ്‌ലിപ്കാര്‍ട്ട് ബിഗ് ബില്യണ്‍ ഡേയ്‌സ് സെയ്‌ലില്‍ ഉത്പന്നങ്ങള്‍ വാങ്ങുന്നവര്‍ക്ക് 10 ശതമാനം ക്യാഷ്ബാക്ക് ലഭിക്കും. എസ്ബിഐ കാര്‍ഡ് ഉപഭോക്താക്കള്‍ കൂടാതെ, ബജാജ് ഫിന്‍സെര്‍വ് ഇഎംഐ കാര്‍ഡുകള്‍, മറ്റ് പ്രമുഖ ബാങ്ക് ക്രെഡിറ്റ്, ഡെബിറ്റ് കാര്‍ഡുകള്‍ ഉപയോഗിച്ച് സാധനങ്ങള്‍ വാങ്ങുന്നവര്‍ക്കും ക്യാഷ്ബാക്കുണ്ട്. പണമടയ്ക്കുന്നതിന് പേടിഎം വാലറ്റ്, പേടിഎം യുപിഐ എന്നിവ ഉപയോഗിക്കുന്ന ഉപഭോക്താക്കള്‍ക്കും ക്യാഷ്ബാക്ക് ലഭിക്കും.

ഫ്‌ലിപ്കാര്‍ട്ട് പ്ലസ് ഉപഭോക്താക്കള്‍ക്ക് ഒക്ടോബര്‍ 15ന് തന്നെ ബിഗ് ബില്യണ്‍ ഡേ സെയ്‌ലിലെ മികച്ച ഡീലുകളും ഓഫറുകളും മുന്‍കൂട്ടി ബുക്ക് ചെയ്യാനുള്ള അവസരമുണ്ട്.

‘മുമ്പൊരിക്കലും കണ്ടിട്ടില്ലാത്ത വിധം ബ്രാന്‍ഡുകളുടെ ശേഖരം, കണ്ണഞ്ചിപ്പിക്കുന്ന ഒഫറുകള്‍ എന്നിവയാണ് ബിഗ് ബില്യണ്‍ ഡെയ്‌സില്‍ ഒരുക്കിയിരിക്കുന്നത്. ബിഗ് ബില്യണ്‍ ഡെയ്‌സില്‍ പ്രതീക്ഷിക്കുന്ന വമ്പിച്ച തിരക്ക് കണക്കിലെടുത്ത് 850 ലധികം നഗരങ്ങളിലെ ഉപഭോക്താക്കള്‍ക്ക് ഡെലിവറി നടത്താന്‍ ഇ-റീട്ടെയിലറെ സഹായിക്കുന്ന 50,000 ലധികം കിരാന സ്‌റ്റോറുകള്‍ പുതുതായി തങ്ങളുടെ കിരാന ഓണ്‍ബോര്‍ഡിംഗ് പ്രോഗ്രാമില്‍ ചേര്‍ത്ത് ശൃംഖല വിപുലീകരിച്ചിട്ടുണ്ട് എന്നും ഫ്‌ലിപ്കാര്‍ട്ട് പറഞ്ഞു.

ഇന്നുവരെ നല്‍കാത്ത വിലക്കുറവില്‍ ഉല്‍പന്നങ്ങള്‍; വമ്പന്‍ വില്‍പന മേളയുമായി ആമസോണും ഫഌപ്കാര്‍ട്ടും

web desk 1 — Tue, 29 Sep 2020 03:56:51 +0000

മുംബൈ: പ്രമുഖ ഓണ്‍ലൈന്‍ പര്‍ച്ചേഴ്‌സ് സ്ഥാപനങ്ങളായ ആമസോണും ഫഌപ്കാര്‍ട്ടും ഷോപ്പിങ് മേള ആരംഭിച്ചു. ആമസോണ്‍ ദി ഗ്രേറ്റ് ഇന്ത്യന്‍ സെയിലും ഫ്ഌപ്കാര്‍ട്ട് ദി ബിഗ് ബില്യണ്‍ ഡേ സെയിലുമാണ് ആരംഭിച്ചിരിക്കുന്നത്. ഷോപ്പിങ് മേള വഴി ഉല്‍പന്നങ്ങള്‍ ഏറ്റവും കുറഞ്ഞ വിലയില്‍ ഉപഭോക്താക്കള്‍ക്ക് ലഭ്യമാവുമെന്ന് ആമസോണും ഫഌപ്കാര്‍ട്ടും വ്യക്തമാക്കുന്നു. കോവിഡിന്റെ പശ്ചാതലത്തില്‍ ഇത് ഉപഭോക്താക്കള്‍ക്ക് ആശ്വാസമാകും.

ടിവി, സ്മാര്‍ട്ട് ഫോണ്‍ വീട്ടുപകരണങ്ങള്‍ എന്നിവയെല്ലാം ഏറ്റവും കുറഞ്ഞ വിലയില്‍ ലഭിക്കും. മുന്‍പൊരിക്കലും ലഭ്യമാകാതിരുന്ന അത്ര താഴ്ന്ന വിലയില്‍ ഉല്‍പന്നങ്ങള്‍ ഇത്തവണത്തെ ദി ഗ്രേറ്റ് ഇന്ത്യന്‍ സെയിലില്‍ ലഭിക്കുമെന്ന് ആമസോണ്‍ അറിയിച്ചു. എച്ഡിഎഫ്‌സി ബാങ്കിന്റെ ഡെബിറ്റ്, ക്രെഡിറ്റ് കാര്‍ഡ് ഉപയോക്താക്കള്‍ക്ക് 10 ശതമാനം കിഴിവും പ്രഖ്യാപിച്ചിട്ടുണ്ട്. ഉപകരണങ്ങള്‍ എക്‌സ്‌ചേഞ്ചു ചെയ്യുക വഴി 13,000 രൂപ വരെ കിഴിവു നല്‍കുമെന്നും ആമസോണ്‍ വ്യക്തമാക്കി.

ഫഌപ്കാര്‍ട്ടും വളരെ കുറഞ്ഞ വിലയില്‍ ദി ബിഗ് ബില്യണ്‍ ഡേ സെയിലിലൂടെ ഉല്‍പന്നങ്ങള്‍ നല്‍കുമെന്ന് അറിയിച്ചിട്ടുണ്ട്. എസ്ബിഐ ഡെബിറ്റ്, ക്രെഡിറ്റ് കാര്‍ഡ് ഉടമകള്‍ക്കായിരിക്കും ഫഌപ്കാര്‍ട്ട് 10 ശതമാനം കിഴിവ് നല്‍കുക. പേടിഎം ഉപയോഗിച്ചുള്ള പര്‍ച്ചേസിങ്ങിനും ഇളവുകള്‍ നല്‍കും. സ്മാര്‍ട്ട് ഫോണുകള്‍ ഇന്നുവരെ നല്‍കിയിട്ടുള്ളതില്‍ വച്ചേറ്റവും താഴ്ന്ന വിലയില്‍ ഉപഭോക്താക്കള്‍ക്ക് നല്‍കുമെന്നും ഫഌപ്കാര്‍ട്ട് പറയുന്നു.

ക്യാഷ് ഓണ്‍ ഡെലിവറി നിയമവിരുദ്ധമെന്ന് റിസര്‍വ് ബാങ്ക്

ചന്ദ്രിക വെബ് ഡെസ്‌ക്‌ — Wed, 25 Jul 2018 07:18:45 +0000

ന്യൂഡല്‍ഹി: സാധനം എത്തിച്ചുകൊടുത്തതിന് ശേഷം പണം വാങ്ങുന്ന ക്യാഷ് ഓണ്‍ ഡെലിവറി സംവിധാനം നിയമവിരുദ്ധമാണെന്ന് ആര്‍.ബി.ഐ. വിവരാവകാശ നിയമപ്രകാരം ലഭിച്ച ചോദ്യത്തിന് നല്‍കിയ മറുപടിയിലാണ് ആര്‍.ബി.ഐ ഇക്കാര്യം വ്യക്തമാക്കിയത്.

ഫ്‌ളിപ്കാര്‍ട്ട്‌, ആമസോണ്‍ തുടങ്ങിയ മുന്‍നിര ഇ കൊമേഴ്‌സ് സ്ഥാപനങ്ങളെല്ലാം കാഷ് ഓണ്‍ ഡെലിവറി സംവിധാനത്തിലൂടെ വില്‍പന നടത്തുന്നുണ്ട്. ഇത് അനധികൃത കച്ചവടമാണെന്നാണ് ആര്‍.ബി.ഐ പറഞ്ഞിരിക്കുന്നത്.

പെയ്‌മെന്റ് ആന്‍ഡ് സെറ്റില്‍മെന്റ് സിസ്റ്റം ആക്ട് 2007 പ്രകാരം ഫ്‌ളിപ്കാര്‍ട്ട്‌, ആമസോണ്‍ പൊലുള്ള ഇ കൊമേഴ്‌സ് സ്ഥാപനങ്ങള്‍ക്ക് കാഷ് ഓണ്‍ ഡെലിവറി സംവിധാനത്തിലൂടെ കച്ചവടം നടത്താന്‍ അനുമതിയില്ലെന്നാണ് ആര്‍.ബി.ഐ വ്യക്തമാക്കിയത്.

ഫ്‌ളിപ്കാര്‍ട്ടില്‍ ഓര്‍ഡര്‍ ചെയ്തത് ഹെഡ്‌ഫോണിന്, കിട്ടിയത് എണ്ണ ബോട്ടില്‍; പരാതിപ്പെടാന്‍ വിളിച്ചപ്പോള്‍ ബി.ജെ.പി അംഗത്വം

ചന്ദ്രിക വെബ് ഡെസ്‌ക്‌ — Tue, 26 Jun 2018 16:13:47 +0000

കോഴിക്കോട്/കൊല്‍ക്കത്ത: ഓണ്‍ലൈന്‍ വിപണന ശൃംഘലയായ ഫഌപ്കാര്‍ട്ടില്‍ ഹെഡ്‌ഫോണ്‍ ഓര്‍ഡര്‍ ചെയ്ത ഉപഭോക്താവിന് ലഭിച്ചത് എണ്ണക്കുപ്പി. പരാതി പറയാനായി കസ്റ്റമര്‍ കെയറില്‍ വിളിച്ചപ്പോള്‍ ബി. ജെ. പിയുടെ അംഗത്വവും.
ഫുട്‌ബോള്‍ ആരാധകനായ യുവാവ് രണ്ട് സെറ്റ് ഹെഡ്‌ഫോണ്‍ ഫഌപ്കാര്‍ട്ടിലൂടെ ഓര്‍ഡര്‍ ചെയ്തു. എന്നാല്‍ ഹെഡ്‌ഫോണിന് പകരം കിട്ടിയതാവട്ടെ ഒരു ബോട്ടില്‍ എണ്ണ. ഇതേപ്പറ്റി പരാതി പറയാന്‍ ഇയാള്‍ ഫഌപ്കാര്‍ട്ടിന്റെ കൊറിയര്‍ കവറില്‍ രേഖപ്പെടുത്തിയ നമ്പറിലേക്ക് വിളിച്ചു. ഏതാനും സമയം ഫോണ്‍ റിംഗ് ചെയ്ത് ശേഷം കോള്‍ ഡിസ്‌കണക്റ്റായി. തുടര്‍ന്ന് ‘ബിജെപിയിലേക്ക് താങ്കള്‍ക്ക് സ്വാഗതം’ എന്ന സന്ദേശമാണ് ലഭിച്ചത്. തുടര്‍ന്ന് യുവാവ് തന്റെ സുഹൃത്തുക്കള്‍ക്ക് നമ്പര്‍ നല്‍കിയപ്പോഴും ബി.ജെ.പി അംഗത്വ സന്ദേശം ലഭിച്ചു. ഈ വാര്‍ത്തയുടെ നിജസ്ഥിയറിയാന്‍ മാധ്യമ പ്രവര്‍ത്തകര്‍ ഇതേ നമ്പറില്‍ വിളിച്ചപ്പോഴും സമാനമായിരുന്നു മറുപടി.
കുടുംബത്തെയും കൂട്ടുകാരെയും ബി.ജെ.പിയിലേക്ക് അംഗത്വമെടുക്കാന്‍ പ്രോത്സാഹിപ്പിക്കൂ എന്ന ഉപദേശവും സന്ദേശത്തിലുണ്ടായിരുന്നു. പേരും വിലാസവും ഇമെയില്‍ ഐഡിയും വോട്ടര്‍ ഐഡിയും മറ്റൊരു നമ്പരിലേക്ക് അയക്കാനും സന്ദേശത്തില്‍ പറയുന്നു. ഈ സന്ദേശം ലഭിച്ച ഉടനെ വീണ്ടും ഫഌപ്കാര്‍ട്ട് നമ്പരിലേക്ക് വിളിച്ചപ്പോഴും ഇതുതന്നെയായിരുന്നു അനുഭവം.
പിന്നീട് ഫഌപ് കാര്‍ട്ടിന്റെ യഥാര്‍ത്ഥ കസ്റ്റമര്‍ കെയര്‍ നമ്പറില്‍ വിളിച്ച് പരാതിപ്പെട്ട ഉപഭോക്താവിന് ഫഌപ് കാര്‍ട്ട് ഹെഡ്‌ഫോ ണ്‍ അയച്ചു നല്‍കുകയും ചെയ്തു.
കസ്റ്റമെയര്‍ കെയര്‍ നമ്പറിലേക്ക് വിളിച്ചാല്‍ ബി.ജെ.പി അംഗത്വം കിട്ടുന്നുവെന്ന വാര്‍ത്ത സ്ഥിതീകരിക്കാന്‍ ഈ നമ്പറിലേക്ക് വിളിച്ച മാധ്യമ പ്രവര്‍ത്തകര്‍ക്കും ബി.ജെ.പി അംഗത്വം ലഭിച്ചതായുള്ള സന്ദേശമാണ് ലഭിച്ചത്. ഉടമസ്ഥന്റെ അനുമതിയില്ലാതെ വ്യാജമായി മെമ്പര്‍ഷിപ്പ് പെരുപ്പിച്ച് കാണിക്കാനുള്ള ബി.ജെ.പി-കോര്‍പ്പറേറ്റ് കൂട്ടുക്കെട്ടുകളുടെ തന്ത്രമാണിതെന്നാണ് സൂചന. അതേ സമയം കൊറിയര്‍ ബോക്‌സിനു പുറത്ത് തങ്ങളുടെ അംഗത്വ നമ്പര്‍ വന്നത് എങ്ങിനെയെന്ന് അറിയില്ലെന്നാണ് ബി.ജെ.പി ബംഗാള്‍ ഘടകം പറയുന്നത്.
തങ്ങള്‍ മുമ്പ് കസ്റ്റമര്‍ കെയര്‍ നമ്പറായി ഉപയോഗിച്ചിരുന്ന നമ്പറായിരുന്നു ഇതെന്നും പിന്നീട് ഉപേക്ഷിച്ചതായും ഫഌപ്കാര്‍ട്ട് പറയുന്നു. ആറ് മാസമായി ഉപയോഗത്തിലില്ലാത്തതിനാല്‍ മറ്റാര്‍ക്കെങ്കിലും നല്‍കിയതാകാമെന്നുമാണ് കമ്പനി പറയുന്നത്.

വാള്‍മാര്‍ട്ടിന്റെ ഫ്‌ളിപ്കാര്‍ട്ട് ഏറ്റെടുക്കല്‍; ഒറ്റരാത്രി കൊണ്ട് കോടിപതികളായി ഫ്‌ളിപ്കാര്‍ട്ട് ജീവനക്കാര്‍

chandrika — Fri, 11 May 2018 08:27:44 +0000

ന്യൂഡല്‍ഹി: ഓണ്‍ലൈന്‍ വ്യാപാര സ്ഥാപനമായ ഫ്‌ളിപ്കാര്‍ട്ടിനെ ഏറ്റെടുക്കാനുള്ള ലോകത്തിലെ ഏറ്റവും വലിയ ചില്ലറ വ്യാപാര ശൃംഖലയായ വാള്‍മാര്‍ട്ടിന്റെ തീരുമാനത്തില്‍ ലോട്ടറിയടിച്ചത് ഫ്‌ളിപ്കാര്‍ട്ടിലെ നിരവധി ജീവനക്കാര്‍ക്ക്. ഒരു രാത്രി ഇരുട്ടി വെളുത്തപ്പോഴേക്കും സാധാരണ തൊഴിലാളിയില്‍നിന്ന് കോടിപതികള്‍ ആയി മാറിയതിന്റെ ത്രില്ലിലാണ് പലരും.
ഏറ്റെടുക്കലിന്റെ ഭാഗമായി ഫ്‌ളിപ്കാര്‍ട്ടിന്റെ ഓഹരികള്‍ കൈവശംവെച്ചവരില്‍നിന്ന് വാള്‍മാര്‍ട്ട് ഇവ കൂടിയ വിലക്ക് വാങ്ങിയിരുന്നു. ഇത്തരത്തില്‍ ഓഹരി കൈവശം വെച്ചിരുന്നവരില്‍ പലരും ഫ്‌ളിപ്കാര്‍ട്ടിലെ തന്നെ ജീവനക്കാരാണ്. 10,000 ജീവനക്കാരാണ് ഫ്‌ളിപ് കാര്‍ട്ടിലുള്ളത്. ഇതില്‍ നേരത്തെ ഫ്‌ളിപ്കാര്‍ട്ടില്‍ ജോലി നോക്കുകയോ നിലവില്‍ ജോലി ചെയ്തു കൊണ്ടിരിക്കുകയോ ചെയ്യുന്ന 3,000 ത്തോളം പേര്‍ കമ്പനിയുടെ ഓഹരി ഉടമകള്‍ കൂടിയാണ്. ഇവര്‍ക്കാണ് കോര്‍പ്പറേറ്റ് ഇടപാടില്‍ ഭാഗ്യം സിദ്ധിച്ചത്. ഡല്‍ഹി ഐ. ഐ.ടിയില്‍ സഹപ്രവര്‍ത്തകരായിരുന്ന ബിന്നി ബന്‍സാലും സച്ചിന്‍ ബന്‍സാലും ചേര്‍ന്ന് 11വര്‍ഷം മുമ്പാണ് ഫ്‌ളിപ്കാര്‍ട്ടിന് തുടക്കം കുറിച്ചത്. അന്താരാഷ്ട്ര തലത്തില്‍തന്നെ ശ്രദ്ധേയമായ ഓണ്‍ലൈന്‍ വ്യാപാര ശൃംഖലയായി കമ്പനി വളര്‍ന്നതോടെ ഓഹരികള്‍ വിപണിയിലിറക്കി. നൂറു ശതമാനം ബൈബാക് ഗ്യാരണ്ടിയോടെയായിരുന്നു ഓഹരി വില്‍പ്പന.
ഓഹരികള്‍ വാങ്ങിക്കൂട്ടിയവരില്‍ പലരും കമ്പനിയിലെ തന്നെ തൊഴിലാളികളായിരുന്നു. കോര്‍പ്പറേറ്റ് ചര്‍ച്ചകള്‍ക്കൊടുവില്‍ ഫ്‌ളിപ് കാര്‍ട്ടിനെ ഏറ്റെടുക്കാന്‍ വാള്‍മാര്‍ട്ട് തീരുമാനിച്ചതോടെയാണ് ഇവരുടെ ശുക്രദശ തെളിഞ്ഞത്. ധാരണ പ്രകാരം ഫ്‌ളിപ്കാര്‍ട്ടിന്റെ 77 ശതമാനം ഓഹരികളാണ് വാള്‍മാര്‍ട്ട് സ്വന്തമാക്കിയത്. ശേഷിച്ച 23 ശതമാനം കമ്പനി സ്ഥാപകനായ ബിന്നി ബന്‍സാലിന്റെ കൈവശം തന്നെയായിരിക്കും. സഹസ്ഥാപകനായ സച്ചിന്‍ ബന്‍സാലിന് ഓഹരി പങ്കാളിത്തം നഷ്ടമാവുകയും ചെയ്തു. തുടര്‍ന്നങ്ങോട്ട് ഒരു സ്ഥാപകന്‍ മാത്രം കൂടെ മതി എന്ന് വാള്‍മാര്‍ട്ട് കര്‍ശന നിലപാടെടുത്തതാണ് സച്ചിന്‍ ബന്‍സാലിന് തിരിച്ചടിയായത്.
വാള്‍മാര്‍ട്ടുമായുള്ള ചര്‍ച്ചകള്‍ക്ക് അവസാന നിമിഷം വരെ ചുക്കാന്‍ പിടിച്ച സച്ചിന്‍ ബന്‍സാല്‍ ഒടുവില്‍ ഒരാഴ്ച മുമ്പ് നിരാശയോടെ കളംവിടുകയായിരുന്നു. അതേസമയം കോ ര്‍പ്പറേറ്റ് ഏറ്റെടുക്കല്‍ മറ്റു പല ജീവനക്കാര്‍ക്കും നേട്ടമാണ് നല്‍കിയത്. ഇടപാടിന്റെ ഭാഗമായി ഫ്‌ളിപ് കാര്‍ട്ടിന്റെ ഒരു ഓഹരിക്ക് 150 ഡോളര്‍ ആണ് (10,000 രൂപ) വാള്‍മാര്‍ട്ട് വില നിശ്ചയിച്ചത്. ആയിരക്കണക്കിന് ഓഹരികള്‍ കൈവശം വെച്ച ജീവനക്കാര്‍ ഇതോടെ ലോട്ടറിയടിച്ച ത്രില്ലിലായി. ഫ്‌ളിപ്കാര്‍ട്ടിന്റെ മൊബൈല്‍ വാലറ്റ് പെയ്‌മെന്റ് വിഭാഗമായ ഫോണ്‍പിയുടെ സ്ഥാപകനും സി.ഇ.ഒയുമായ ഷമീര്‍ നിഗം, മുന്‍ ചീഫ് ടെക്‌നോളജി ഓഫീസര്‍ അമോദ് മാളവ്യ, മുന്‍ ഓപ്പറേഷന്‍ പ്രസിഡണ്ട് സുജീത് കുമാര്‍ തുടങ്ങി അനേകം പേര്‍ ഇത്തരത്തില്‍ നേട്ടമുണ്ടാക്കിയവരുണ്ട്.
അപ്രതീക്ഷിതമായി കോടികള്‍ കൈവന്നതോടെ പലരും ആഢംബര ഫ്‌ളാറ്റുകളും കാറുകളും സ്വന്തമാക്കി ജീവിതം അടിച്ചുപൊളിക്കാന്‍ തുടങ്ങിയെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. ഡല്‍ഹി ഉള്‍പ്പെടെയുള്ള നഗരങ്ങളില്‍ റിയല്‍ എസ്റ്റേറ്റ് മേഖലയിലും മറ്റും നിക്ഷേപം നടത്തുന്ന മറ്റു ചിലരുമുണ്ട്. 2000 കോടി ഡോളറാണ്(1.34 ലക്ഷം കോടി രൂപ) കോര്‍പ്പറേറ്റ് ഇടപാടിന്റെ ഭാഗമായി ഫ്‌ളിപ്കാര്‍ട്ടിന് മൊത്തം വിലയിട്ടിരിക്കുന്നത്. ഇതില്‍ 1600 കോടി ഡോളറിന്റെ ഓഹരി പങ്കാളിത്തമാണ് വാള്‍മാര്‍ട്ട് സ്വന്തമാക്കിയത്.

ഫ്‌ളിപ്കാര്‍ട്ടിന്റെ 77 ശതമാനം ഓഹരികള്‍ വാള്‍മാര്‍ട്ട് ഏറ്റെടുത്തു; മറിഞ്ഞത് 1600 കോടി

ചന്ദ്രിക വെബ് ഡെസ്‌ക്‌ — Wed, 09 May 2018 15:10:37 +0000

മുംബൈ: ഓണ്‍ലൈന്‍ വ്യാപാര മേഖലയിലെ ഇന്ത്യന്‍ കമ്പനിയായ ഫഌപ്കാര്‍ട്ടിന്റെ 77 ശതമാനം ഓഹരികള്‍ അമേരിക്കന്‍ റിട്ടെയ്‌ലര്‍ ഭീമന്‍മാരായ വാള്‍മാര്‍ട്ട് ഏറ്റെടുത്തു. ഏകദേശം 1600 കോടി ഡോളറിനാണ് ഓഹരി വാങ്ങിയത്. ഇത്രയും വലിയ തുകക്ക് ഒരു ഇന്ത്യന്‍ കമ്പനിയെ ഏറ്റെടുക്കുന്നത് ആദ്യമായാണ്. ഫഌപ്കാര്‍ട്ടിനെ ഏറ്റെടുത്ത വിവരം വാള്‍മാര്‍ട്ട് പ്രസ്താവനയിലൂടെ സ്ഥിരീകരിച്ചു.

നിലവില്‍ ജപ്പാനിലെ സോഫ്റ്റ് ബാങ്ക് ആയിരുന്നു ഫഌപ്കാര്‍ട്ടിലെ വലിയ നിക്ഷേപകര്‍. ബെംഗളൂരു ആസ്ഥാനമായ കമ്പനിയുടെ 23 ശതമാനം ഓഹരികളാണ് സോഫ്റ്റ് ബാങ്കിന്റെ കൈവശമുണ്ടായിരുന്നത്. കമ്പനിയുടെ സ്ഥാപകരായ സച്ചിന്‍ ബന്‍സാലും ബിന്നി ബന്‍സാലും ഇതോടെ കമ്പനിയില്‍ നിന്ന് പുറത്തായി. ആമസോണില്‍ നിന്ന് രാജിവെച്ചാണ് ഇരുവരും ഫഌപ്കാര്‍ട്ട് തുടങ്ങിയത്.

വാള്‍മാര്‍ട്ടിന്റെ ചരിത്രത്തിലെ ഏറ്റവും വലിയ ഏറ്റെടുക്കലായാണ് ബിസിനസ് ലോകം ഇതിനെ വിശേഷിപ്പിക്കുന്നത്. ഇ കൊമേഴ്‌സ് രംഗത്തെ ഏറ്റവും വലിയ ഏറ്റെടുക്കലും ഇത് തന്നെയാണ്. ആഗോള വ്യവസായ ഭീമന്‍മാരായ ആമസോണും വാള്‍മാര്‍ട്ടും തമ്മിലുള്ള മത്സരമാണ് ഇനി ഇന്ത്യന്‍ ബിസിനസ് ലോകം കാണാനിരിക്കുന്നത്.