ഡൽഹി വിമാനത്താവളത്തിൽ ദൃശ്യപരിധി പൂജ്യം ആയതിനെ തുടർന്ന്, രാവിലെ പുറപ്പെടേണ്ട നിരവധി സർവീസുകൾ വൈകി. ഡൽഹിയിലേക്കുള്ള 26 ട്രെയിനുകളും വൈകിയാണ് സർവീസ് നടത്തുന്നത്.

രാജസ്ഥാൻ, ഉത്തർ പ്രദേശ്, പഞ്ചാബ് അടക്കമുള്ള സംസ്ഥാനങ്ങളിലെ 9 വിമാനത്താവളങ്ങളിലെ സർവീസുകളും മൂടൽ മഞ്ഞിൽ തടസ്സപ്പെട്ടു. നാളെയും. മറ്റന്നാളും ഡൽഹിയിൽ കേന്ദ്ര കാലാവസ്ഥാ നിരീക്ഷണ കേന്ദ്രം യെല്ലോ അലർട്ട് പ്രഖ്യാപിച്ചിട്ടുണ്ട്.

ഡല്‍ഹിയില്‍ വിവിധ ഇടങ്ങളില്‍ നേരിയ മഴയും ശീതക്കാറ്റും തുടരുകയാണ്. ഇന്നും മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഡല്‍ഹിയില്‍ പകല്‍ സമയത്തെ ഉയര്‍ന്ന താപനില 17 ഡിഗ്രിയിലേക്ക് താഴ്ന്നു. കുറഞ്ഞ താപനില 7 ഡിഗ്രിയാണ്.

ഇന്നലെ വൈകിട്ട് മഴ പെയ്തതോടെ തണുപ്പ് കടുത്തു. കടുത്ത മൂടല്‍മഞ്ഞ് റെയില്‍, റോഡ്, വിമാന ഗതാഗതത്തെ ബാധിച്ചിട്ടുണ്ട്. ശൈത്യം കനത്തതോടെ കാലാവസ്ഥാ വകുപ്പ് ഡല്‍ഹിയില്‍ ഓറഞ്ച് അലേര്‍ട്ട് പുറപ്പെടുവിച്ചു. വാരാണസി, ലഖ്നൗ, ആഗ്ര, പട്ന, ബറെയ്ലി എന്നീ വിമാനത്താവളങ്ങളിലും ദൃശ്യപരിധി പൂജ്യത്തിലേക്ക് താഴ്ന്നു. അതേ സമയം, വായു ഗുണനിലവാര സൂചികയും മോശം വിഭാഗത്തില്‍ തുടരുകയാണ്.

അപകടത്തെ തുടര്‍ന്ന് ദേശീയപാതയിലെ ഗതാഗതം തടസ്സപ്പെട്ടു. മൂടല്‍മഞ്ഞ് കാരണം റോഡ് വ്യക്തമായി കാണാന്‍ കഴിയുന്നുണ്ടായിരുന്നില്ല. ആദ്യം ഒരു ജീപ്പ് ട്രക്കിലിടിക്കുകയായിരുന്നു. പിന്നാലെ മുന്‍പിലും പിന്‍പിലുമുള്ള വാഹനങ്ങളും കൂട്ടിയിടിച്ചു. പരിക്കേറ്റവരെ ഏറെ കഷ്ടപ്പെട്ടാണ് പുറത്തെടുത്തത്. ഹരിയാന സര്‍ക്കാര്‍ മരിച്ചവരുടെ കുടുംബത്തിന് രണ്ട് ലക്ഷം രൂപയും പരിക്കേറ്റവര്‍ക്ക് ഒരു ലക്ഷം രൂപയും പ്രഖ്യാപിച്ചു. കര്‍ണാല്‍ ജില്ലയിലെ അന്തരീക്ഷ താപനില ഞായറാഴ്?ച പൂജ്യം ഡിഗ്രിയിലേക്ക് എത്തിയിരുന്നു. ഇതിന് പിന്നാലെയാണ് കനത്ത മൂടല്‍ മഞ്ഞും രൂപപ്പെട്ടത്.

ഹരിയാനക്ക് പുറമെ ഡല്‍ഹി, പഞ്ചാബ്, ഉത്തര്‍ പ്രദേശ്, രാജ്സ്ഥാന്‍ എന്നീ സംസ്ഥാനങ്ങളിലും കനത്ത മൂടല്‍മഞ്ഞ് ജനജീവിതത്തെ ബാധിച്ചിട്ടുണ്ട്. 500 മീറ്റര്‍ ദൂരത്തോളം വരെ കാഴ്ച മങ്ങിയ രീതിയിലാണ് മഞ്ഞ് രൂപപ്പെടുന്നത്. രണ്ട് ദിവസങ്ങള്‍ക്ക് മുമ്പ് പഞ്ചാബിലെ രാജ്പുരയിലും വാഹനങ്ങള്‍ കൂട്ടിയിടിച്ചിരുന്നു. ഏകദേശം 20 വാഹനങ്ങളാണ് അന്ന് അപകടത്തില്‍പ്പെട്ടത്. ഇതോടെ ദേശീയപാത 44ല്‍ ഒരു മണിക്കൂര്‍ ഗതാഗത തടസവും നേരിട്ടു.

ദോഹ: ഖത്തറില്‍ ഇന്നും ശക്തമായ പൊടിക്കാറ്റ് തുടരുമെന്ന് കാലാവസ്ഥാ കേന്ദ്രം അറിയിച്ചു. ഏപ്രില്‍ മൂന്ന് വരെ പൊടിക്കാറ്റിന് സാധ്യതയുണ്ടെന്നും ജാഗ്രത പാലിക്കണമെന്നും നിര്‍ദേശമുണ്ട്. വടക്ക് പടിഞ്ഞാറാന്‍ കാറ്റ് ഖത്തറില്‍ ശക്തമായി വീശുന്നുണ്ടെന്നും ഈ പ്രതിഭാസം മൂന്നാം തിയതിവരെ തുടരാനാണ് സാധ്യതെന്നും കാലാവസ്ഥാ കേന്ദ്രം അറിയിക്കുന്നു. വെള്ളിയാഴ്ച രാത്രി കനത്ത പൊടിക്കാറ്റാണ് രാജ്യത്ത് അനുഭവപ്പെട്ടത്. ഖത്തറിലാകമാനം മൂടിക്കെട്ടിയ സാഹചര്യമാണ് ഇതുമുലം സൃഷ്ടിക്കപ്പെട്ടത്. ശക്തമായ കാറ്റും ഉയര്‍ന്ന തിരയും ഉണ്ടാവാനിടയുള്ളതില്‍ ഈ ദിവസങ്ങളില്‍ കടലില്‍ പോകുന്നത് ഒഴിവാക്കണമെന്നും മുന്നറിയിപ്പുണ്ട്. പൊടിയോട് കൂടിയ കാറ്റുവീശുന്നത് കാരണം വാഹനങ്ങള്‍ ഓടിക്കുന്നവര്‍ ജാഗ്രത പാലിക്കണമെന്നും കാഴ്ചക്കുറവ് അനുഭവപ്പെടുമെന്നും മന്ത്രാലയം അറിയിച്ചു. കാലാവസ്ഥ സംബന്ധിച്ച പുതിയ വിവരങ്ങല്‍ തങ്ങളുടെ സോഷ്യല്‍ മീഡിയ അക്കൗണ്ടുകള്‍ വഴി ലഭിക്കുമെന്നും കേന്ദ്രം അറിയിച്ചു. നിലവില്‍ രാജ്യത്ത് സംജാതമായിരിക്കുന്ന കാലാവസ്ഥാ മാറ്റത്തെ നേരിടാന്‍ അരോഗ്യ മന്ത്രാലയവുമായി ചേര്‍ന്ന് പൊതു ജനങ്ങള്‍ക്ക് ഏതാനും നിര്‍ദേശങ്ങള്‍ മന്ത്രാലയം പുറപ്പെടുവിച്ചിട്ടുണ്ട്.