കഴിഞ്ഞ ദിവസം നടന്ന മത്സരത്തിനിടെയായിരുന്നു അപകടം. മരണത്തിനിടെ നാച്ചോ ബാര്‍ബറ കുഴഞ്ഞ് വീഴുകയായിരുന്നു. ഉടന്‍ ഡോക്ടര്‍മാര്‍ എത്തി പരിശോധിച്ചെങ്കിലും ചലനമില്ലാതെ കിടക്കുകയായിരുന്നു. ആശുപത്രിയില്‍ എത്തിച്ചപ്പോഴെക്കും താരം മരിച്ചിരുന്നു.

ലാലീഗയിലെ എല്ലാ ക്ലബ്ബുകളും നാച്ചോ ബാര്‍ബറയുടെ മരണത്തില്‍ അനുശോചിച്ചു.

മത്സരം കാണുന്നതിന് രാജ്യത്തിന്റെ വിവിധ ഭാഗങ്ങളില്‍നിന്ന് സ്ത്രീകള്‍ റിയാദിലെത്തിയേക്കും. ജിദ്ദയിലും ദമാമിലും നടക്കുന്ന അടുത്ത രണ്ടു മത്സരങ്ങളിലും സ്ത്രീകള്‍ക്ക് സ്‌റ്റേഡിയത്തിലേക്ക് പ്രവേശനം അനുവദിക്കും. വനിതകള്‍ക്ക് ഡ്രൈവിങ് ലൈസന്‍സ് അനുവദിച്ചും സിനിമ തിയേറ്ററുകള്‍ക്ക് പ്രവര്‍ത്തനാനുമതി നല്‍കിയും വന്‍ പരിഷ്‌കരണങ്ങള്‍ക്കാണ് മുഹമ്മദ് ബിന്‍ സല്‍മാന്‍ തുടക്കമിട്ടിരിക്കുന്നത്.

തുടര്‍ച്ചയായി മൂന്നാം തവണ അഖിലേന്ത്യാ ഫുട്‌ബോള്‍ ഫെഡറേഷന്‍ തലവനായി പട്ടേല്‍ തെരഞ്ഞെടുക്കപ്പെട്ടത് കഴിഞ്ഞ ഡിസംബറിലാണ്. നാല് വര്‍ഷത്തേക്കായിരുന്നു തെരഞ്ഞെടുപ്പ്. ജസ്റ്റിസ് എസ്.രവീന്ദ്ര ഭട്ട്, നജ്മി വാസിരി എന്നിവരടങ്ങുന്ന ഡിവിഷന്‍ ബെഞ്ചിന്റേതാണ് വിധി. അഖിലേന്ത്യാ ഫുട്‌ബോള്‍ ഫെഡറേഷന്റെ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ മുന്‍ മുഖ്യ തെരഞ്ഞെടുപ്പ് കമ്മീഷണര്‍ എസ്.വൈ ഖുറൈഷിയെ കോടതി നിയോഗിക്കുകയും ചെയ്തു. മഹാരാഷ്ട്രക്കാരനായ പട്ടേല്‍ ഇന്ത്യന്‍ ഫുട്‌ബോള്‍ ഫെഡറേഷനെ നയിക്കാന്‍ തുടങ്ങിയിട്ട് കാലങ്ങളായി. പ്രിയരജ്ഞന്‍ ദാസ് മുന്‍ഷി സ്ഥാനമൊഴിഞ്ഞ ശേഷമാണ് പട്ടേലിനെ തെരഞ്ഞെടുത്തത്. കാര്യമായ എതിര്‍പ്പില്ലാതെയാണ് കഴിഞ്ഞ പത്ത് വര്‍ഷവും അദ്ദേഹം ഭരണം നടത്തിയത്.

വിനയായത് ജനപ്രതിനിധി പദവി

പ്രഫുല്‍ പട്ടേലിന് തിരിച്ചടിയായത് ദേശീയ സ്‌പോര്‍ട്‌സ് നയത്തിലെ വിഖ്യാതമായ നിര്‍ദ്ദേശങ്ങള്‍. മന്ത്രിമാരോ, പാര്‍ലമെന്റ് അംഗങ്ങള്‍ ഉള്‍പ്പെടെയുള്ള ജനപ്രതിനിധികളോ, ഉന്നത ഉദ്യോഗസ്ഥരോ ഒരു കായിക സംഘനയുടെയും തലപ്പത്ത് വരരുതെന്ന് ദേശീയ സ്‌പോര്‍ട്‌സ് നയത്തിന്റെ കരടില്‍ വ്യക്തമാക്കുന്നുണ്ട്. കായിക താരങ്ങള്‍ക്കും കായിക ഭരണാധികാരികള്‍ക്കും കായിക ഭരണത്തില്‍ വ്യക്തമായ അധികാരം നല്‍കുന്ന തരത്തിലായിരിക്കണം കായിക സംഘടനകളുടെ പ്രവര്‍ത്തനമെന്നും കരടില്‍ നിര്‍ദ്ദേശമുണ്ട്. മഹാരാഷ്ട്രയില്‍ നിന്നുമുള്ള പാര്‍ലമെന്റ് അംഗമാണ് എന്‍.സി.പി നേതാവായ പട്ടേല്‍. പാര്‍ലമെന്റ് അംഗമായ ഒരാള്‍ ഉന്നത ഫുട്‌ബോള്‍ പദവിയില്‍ ഇരിക്കുന്നതിനെതിരെ നല്‍കിയ പരാതിയിലാണ് കോടതി ഇടപ്പെട്ടത്. ഇന്ത്യന്‍ ക്രിക്കറ്റ് ഭരണം സുതാര്യമാക്കാന്‍ സുപ്രീം കോടതി നിയോഗിച്ച ജസ്റ്റിസ് ലോധ കമ്മിറ്റിയുടെ നിര്‍ദ്ദേശങ്ങളുടെ പാതയിലാണ് സ്‌പോര്‍ട്‌സ് നയം വരുന്നത്. ലോധ കമ്മിറ്റി ശിപാര്‍ശകളില്‍ പ്രധാനം മന്ത്രിമാര്‍, മറ്റ് ഭരണാധികാരികള്‍ എന്നിവര്‍ക്ക് കായിക ഭരണ നേതൃത്വത്തില്‍ സ്ഥാനമില്ല എന്നതാണ്.

കളിയും അതിനിടെ ഉണ്ടായ ദുരന്തവും ടെലിവിഷനിലൂടെ ജനങ്ങള്‍ തത്സമയം കാണുകയും ചെയ്തു. ടീമിന്റെ ഇതിഹാസ താരമായാണ് ഖൊയ്‌രുള്‍ കണക്കാക്കപ്പെടുന്നത്. ഇടിയുടെ ആഘാതത്തില്‍ ഗ്രൗണ്ടില്‍ വേദന കൊണ്ട് പിടിഞ്ഞു വീണ ഖൊയ്‌രുളിനെ ഉടനെ സമീപത്തെ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. ആസ്പത്രിയില്‍ എത്തിയതിനുശേഷമാണ് മരിച്ചത്.

Goalkeeper Choirul Huda ended up dying from this collision. How in the world does that happen?? Looked harmless. RIP https://t.co/M117MGY5ay

— KFC (@KFCBarstool) October 15, 2017

മത്സരത്തിന്റെ ഒന്നാം പകുതിയിലാണ് അപകടമുണ്ടായത്. ഹാഫ് ടൈം വിസില്‍ വരാന്‍ നിമിഷങ്ങള്‍ മാത്രം ബാക്കിയുള്ളപ്പോള്‍ ഒരു ആക്രമണത്തിനിടെ പന്ത് കൈപ്പിടിയിലൊതുക്കാന്‍ മുന്നോട്ടു കയറിയ ഖൊയ്‌രുളും പന്ത് ക്ലിയര്‍ ചെയ്യാന്‍ സ്‌ട്രൈക്കര്‍ക്കൊപ്പം ഓടിയ റോഡ്രിഗസസും കൂട്ടിയിടിക്കുകയായിരുന്നു. റോഡ്രിഗസിന്റെ മുട്ട് ഖൊയ്‌രുളിന്റെ പിന്‍കഴുത്തില്‍ ഇടിക്കുകയായിരുന്നു.

ഖൊയ്‌രുള്‍ ആസ്പത്രിയില്‍ മരിച്ചത് അറിയാതെ സുരാജയ സ്റ്റേഡിയത്തില്‍ തുടര്‍ന്ന മത്സരത്തില്‍ ഖൊയ്‌രുളിന്റെ ടീമായ പെര്‍സെല മടക്കമില്ലാത്ത രണ്ട് ഗോളിന് വിജയിച്ചു.

ഫോബ്‌സ് മാസികയുടെ കണക്കനുസരിച്ച് ലോകത്തെ ഏറ്റവും കൂടുതല്‍ പ്രതിഫലം വാങ്ങുന്ന കായിക താരമായ 32കാരന്‍ റൊണാള്‍ഡോ 110.83 കോടി രൂപ നികുതി വെട്ടിപ്പ് നടത്തിയെന്നാണ് ആരോപണം. മാഡ്രിഡിലെ പൊസുവേലോ ഡി അലാര്‍കന്‍ കോടതിയിലാണ് കേസ്. കഴിഞ്ഞ വര്‍ഷം ബാഴ്‌സലോണയുടെ അര്‍ജന്റീനിയന്‍ താരം മെസ്സിയെ സമാന കേസില്‍ കുറ്റക്കാരനാണെന്ന് കണ്ടെത്തിയിരുന്നു. എന്നാല്‍ തുക താരതമ്യേന ചെറുതായിരുന്നു.

2010ല്‍ കമ്പനി ഘടനയുണ്ടാക്കി നികുതി അടക്കുന്നതില്‍ നിന്നും റൊണാള്‍ഡോ വെട്ടിപ്പ് നടത്തിയതായി മാഡ്രിഡ് പബ്ലിക് പ്രോസിക്യൂട്ടര്‍ ആരോപിച്ചിരുന്നു. ബ്രിട്ടീഷ് വിര്‍ജിന്‍ ദ്വീപുകളിലും അയര്‍ലന്‍ഡിലും പാവ കമ്പനികള്‍ ഉപയോഗിച്ചു കൊണ്ട് നികുതി അടവില്‍ നിന്നും റൊണാള്‍ഡോ രക്ഷപ്പെടാന്‍ ശ്രമിച്ചതായും അദ്ദേഹം ആരോപിച്ചു. ഇതിനു പുറമെ 2011-2014 സീസണില്‍ സ്‌പെയിനുമായി ബന്ധപ്പെട്ട് 324.2 കോടി രൂപ സമ്പാദിച്ചപ്പോള്‍ 86.7 കോടി രൂപമാത്രമാണ് വെളിപ്പെടുത്തിയതെന്നും പബ്ലിക് പ്രോസിക്യൂട്ടര്‍ പറയുന്നു.

ഇതിനു പുറമെ 2015-2020 വരെ തന്റെ പേരും വ്യക്തിപരമായ മറ്റു നേട്ടങ്ങളും സ്പാനിഷ് കമ്പനിക്ക് നല്‍കിയ വകയില്‍ ലഭിച്ച 324 കോടി രൂപ റൊണാള്‍ഡോ വെളിപ്പെടുത്തിയിട്ടില്ലെന്നും നികുതി വകുപ്പ് പറയുന്നു. അതേ സമയം താന്‍ യാതൊരു അപാകതയും കാണിച്ചിട്ടില്ലെന്നാണ് റൊണാള്‍ഡോയുടെ വാദം. വിവാദങ്ങളെ തുടര്‍ന്ന് റൊണാള്‍ഡോ റയല്‍ വിടുമെന്ന് അഭ്യൂഹമുണ്ടായിരുന്നെങ്കിലും ക്ലബ്ബില്‍ തുടരുമെന്ന് അദ്ദേഹം വ്യക്തമാക്കുകയായിരുന്നു. കഴിഞ്ഞ വര്‍ഷം നികുതി വെട്ടിപ്പില്‍ ലയണല്‍ മെസിക്ക് 21 മാസത്തെ ജയില്‍ വാസവും 15.75 കോടി രൂപ പിഴയും വിധിച്ചിരുന്നു. എന്നാല്‍ പിന്നീട് ജയില്‍ വാസം ഒഴിവാക്കാനായി ഒരു ദിവസത്തിന് 400 യൂറോ എന്ന തോതില്‍ പിഴ ഈടാക്കാന്‍ തീരുമാനിക്കുകയായിരുന്നു.

പരിശീലനത്തിനിടെ നെയ്മറെ പിന്നില്‍ നിന്ന് നെല്‍സണ്‍ സെമദോ ടാക്ക്ള്‍ ചെയ്തതാണ് താരത്തെ ചൊടിപ്പിച്ചത്. ഇന്ന് മയാമിയില്‍ പ്രീസീസണ്‍ ടൂറിലുള്ള ബാഴ്‌സലോണ ടീമിന്റെ ട്രെയിനിങ്ങില്‍ ഉണ്ടായ കയ്യാംകളിയാണ് ഇപ്പോള്‍ ചര്‍ച്ചാ വിഷയമായിരിക്കുന്നത്.

The aftermath of Neymar's exchange with Nelson Semedo. Watch the full video here https://t.co/hBuMoGrmaX pic.twitter.com/bJK9itOSWd

— MailOnline Sport (@MailSport) July 28, 2017

നെയ്മര്‍ പ്രതികരിച്ചതോടെ ഇരുവരും തമ്മില്‍ കയ്യാങ്കളിയായി. സഹതാരങ്ങള്‍ ഇടപെട്ട് നെയ്മറെ മാറ്റുകയായിരുന്നു. മാറ്റിയിട്ടും സെമദോക്ക് നേരെ വീണ്ടും നെയ്മര്‍ തിരിയുന്നുണ്ട്. പിന്നാലെ അദ്ദേഹം കളം വിടുകയും ചെയ്തു. കളത്തില്‍ നിന്ന് പുറത്ത്‌പോകുമ്പോഴും താരത്തിന്റെ ചൂടന്‍ പെരുമാറ്റം കാണാമായിരുന്നു. റെക്കോര്‍ഡ് തുകയ്ക്കാണ് നെയ്മര്‍ പി.എസ്.ജിയിലേക്ക് പോവുന്നതെന്ന വാര്‍ത്തകള്‍ പ്രചരിക്കുന്നതിന് പിന്നാലെയാണ് പുതിയ താരവുമായുള്ള അടിപിടിയും പുറത്ത് വരുന്നത്.

ടീം മേറ്റ് നെല്‍സണ്‍ സെമേഡോയുമായി ഏറ്റുമുട്ടിയ നെയ്മറിനെ ടീം അംഗങ്ങള്‍ പിടിച്ചു മാറ്റുക ആയിരുന്നു. സോഷ്യല്‍ മീഡിയയില്‍ വൈറലായി മാറിയ വീഡിയോയില്‍ നെയ്മറും സെമേഡോയും ഏറ്റുമുട്ടുന്നതും സഹതാരങ്ങള്‍ ഇരുകളിക്കാരേയും പിടിച്ചുമാറ്റുന്നതും വ്യക്തമാകുന്നുണ്ട്. ഏറ്റുമുട്ടലിനു ശേഷം ട്രെയിങ് ക്യാമ്പ് വിട്ട നെയ്മര്‍ തന്റെ രോഷം ഗ്രൗണ്ട് വിട്ടു പോകുമ്പോള്‍ ഫുട്‌ബോള്‍ കിക്ക് ചെയ്ത് അകറ്റിയാണ് കാണിച്ചത്.

മാത്യു കോവീച്ചിന്റെ ഷോട്ട് ഗോള്‍ക്കീപ്പറുടെ കരങ്ങളിലേക്ക്. സ്‌ക്കോട്ട് മക്ടോമിനി പന്തടിച്ചത് ആകാശത്തേക്ക്. ഓസ്‌ക്കാര്‍ റോഡ്രിഗസിന്റെ ഷോട്ട് വാരകള്‍ പുറത്ത്. വിക്റ്റര്‍ ലിന്‍ഡലിന്റെ ഷോട്ടും പുറത്ത്. തിയോ ഹെര്‍ണാണ്ടസ് എന്ന റയല്‍ യുവതാരത്തിനും പിഴച്ചു. ഡെയിലെ ബ്ലെന്‍ഡ് എന്ന അനുഭവസമ്പന്നന്റെ കാര്യത്തിലും നോ രക്ഷ. അനുഭവക്കരുത്തില്‍ റയലിന്റെ വിലാസമായ കാസിമിറോക്കും പിഴച്ചു. രണ്ടേ രണ്ട് ഷോട്ട് മാത്രമാണ് ലക്ഷ്യത്തിലെത്തിയത്. ഹെന്‍ട്രി മിത്രായന്റെയും ലൂയിസ് കുസാദയുടെയും.

ഈ നേട്ടത്തില്‍ മാഞ്ചസ്റ്റര്‍ യുനൈറ്റഡ് മല്‍സരം നേടി.സൈനുദ്ദീന്‍ സിദാന്റെ സംഘം യൂറോപ്പിലെ ചാമ്പ്യന്മാരാണ്. കൃസ്റ്റിയാനോ റൊണാള്‍ഡോ ഒഴികെ ബാക്കിയെല്ലാ സൂപ്പര്‍ താരങ്ങളും കളിക്കെത്തിയിരുന്നു. പക്ഷേ സീസണിലെ ആദ്യ സൂപ്പര്‍ പോരാട്ടത്തില്‍ വന്‍കരാ ചാമ്പ്യന്മാര്‍ക്കൊത്ത പ്രകടനത്തിന് പകരം ശരാശരി മികവ് മാത്രമാണ് റയലിന് പുറത്തെടുക്കാന്‍ കഴിഞ്ഞത്. ജെസി ലിന്‍ഗാര്‍ഡിന്റെ ഗോളില്‍ മാഞ്ചസ്റ്ററാണ് ലീഡ് നേടിയത്. എന്നാല്‍ തിയോ ഹെര്‍ണാണ്ടസിനെ ബോക്‌സില്‍ ഫൗള്‍ ചെയ്തതിന് ലഭിച്ച പെനാല്‍ട്ടി ഷോട്ട് കാസിമിറോ ലക്ഷ്യത്തിലെത്തിച്ചപ്പോള്‍ മല്‍സരം 1-1 ല്‍. തുടര്‍ന്നായിരുന്നു ഷൂട്ടൗട്ട്. അവിടെയാണ് റയലിന്റെ സൂപ്പര്‍ താരങ്ങള്‍ ദയനീയമായത്.

എല്ലാ ഷോട്ടുകളും അവര്‍ തുലച്ചപ്പോള്‍ തലയില്‍ കൈ വെക്കാന്‍ മാത്രമായിരുന്നു കോച്ച് സിദാന്റെ വിധി. റയല്‍ ഇത്തവണ സ്വന്തം ക്യാമ്പിലേക്ക് ലക്ഷ്യമിട്ട ഗോള്‍ക്കീപ്പറായ ഡേവിഡ് ഡി ഗിയയായിരുന്നു പെനാല്‍ട്ടി വേളയില്‍ മാഞ്ചസ്റ്ററിന്റെ വല കാത്തത്. കോവിച്ചിന്റെയും ഒസ്‌ക്കാറിന്റെയും ഷോട്ടുകള്‍ തടഞ്ഞ് തന്റെ കരുത്തും അദ്ദേഹം പ്രകടിപ്പിച്ചു. റയല്‍ വല കാത്തത് അവരുടെ അനുഭവസമ്പന്നനായ കോസ്റ്റാറിക്കന്‍ ഗോള്‍ക്കീപ്പര്‍ കൈലര്‍ നവാസായിരുന്നു. പക്ഷേ ഒരു ഷോട്ട് പോലും തടയാന്‍ നവാസിനായില്ല.

പുതിയ സീസണില്‍ ബ്ലാസ്റ്റേഴ്‌സിലെത്തുന്ന ആദ്യ വിദേശ താരമാണ് ഹ്യൂം. സ്‌ട്രൈക്കറായി ഒരു മികച്ച വിദേശ താരത്തെ കാത്തിരുന്ന ആരാധകര്‍ക്ക് മാനേജ്‌മെന്റിന്റെ സര്‍പ്രൈസ് സമ്മാനമായി ഹ്യൂമിന്റെ തിരിച്ചു വരവ്. അമര്‍ തൊമര്‍ കൊല്‍ക്കത്തയും പൂനെ സിറ്റിയും ഹ്യൂമിനായി കരുക്കള്‍ നീക്കിയിരുന്നുവെങ്കിലും കേരളത്തിലെ ആരാധകരുമായുള്ള ആത്മബന്ധം ഹ്യൂമിനെ ബ്ലാസ്റ്റേഴ്‌സിലേക്ക് തന്നെ തിരികെ എത്തിച്ചു.

ആദ്യ സീസണില്‍ ബ്ലാസ്റ്റേഴ്‌സിനായി മിന്നുന്ന പ്രകടനം നടത്തിയ ഹ്യൂമിന് മലയാളികള്‍ ഹ്യൂമേട്ടന്‍ എന്ന സ്‌നേഹ വിശേഷണം ചാര്‍ത്തി നല്‍കിയിരുന്നു. പിന്നീട് രണ്ടു സീസണുകളിലും ഹ്യൂം കൊല്‍ക്കത്തക്കായി ബൂട്ടുകെട്ടി. ഹ്യൂമിനെ തിരിച്ചു കൊണ്ടു വരണമെന്ന് കഴിഞ്ഞ സീസണില്‍ ആരാധകര്‍ മുറവിളി കൂട്ടിയിരുന്നുവെങ്കിലും മാനേജ്‌മെന്റ് ചെവികൊണ്ടിരുന്നില്ല, ടീമിന്റെ പുതിയ സി.ഇ.ഒ ആയി വരുണ്‍ ത്രിപുരാനേനി ചുമതലയേറ്റതു മുതല്‍ തുടങ്ങിയ മാറ്റങ്ങള്‍ ഹ്യൂമിന്റെ തിരിച്ചു വരവിന് കാരണമായി.

കഴിഞ്ഞ ദിവസം നടന്ന പ്ലയര്‍ ഡ്രാഫ്റ്റ്‌സില്‍ ഒരു ഇന്ത്യന്‍ സ്‌ട്രൈക്കറെ മാത്രം തെരഞ്ഞെടുത്തത് വഴി ശക്തനായ വിദേശ സ്‌ട്രൈക്കറെ ടീമിലെത്തിക്കുമെന്ന സൂചനകള്‍ ബ്ലാസ്റ്റേഴ്‌സ് മാനേജ്‌മെന്റ് ആരാധകര്‍ക്ക് നല്‍കിയിരുന്നു. പ്രതിരോധ നിരയും മധ്യനിരയും സന്തുലിതമായ ടീമിലേക്ക് കളം നിറഞ്ഞ് കളിക്കുന്ന ഹ്യൂമിന്റെ തിരിച്ചു വരവ് ടീമിനെ കൂടുതല്‍ കരുത്തുറ്റതാക്കും. ഹ്യൂമിനെ തിരികെ എത്തിച്ചതില്‍ സമൂഹ മാധ്യമങ്ങളില്‍ മാനേജ്‌മെന്റിന് ആരാധകരുടെ നന്ദി പ്രവാഹമാണ്. സി.കെ വിനീത്, ജാക്കിചന്ദ് സിങ്, അരാത്ത ഇസുമി എന്നിവര്‍ക്കൊപ്പം ഇയാന്‍ ഹ്യൂം ഗോള്‍ വേട്ടക്ക് നേതൃത്വം നല്‍കുന്നത് കാണാന്‍ കാത്തിരിക്കുകയാണെന്ന് ആരാധകര്‍ പറയുന്നു.

മൂന്നു സീസണുകളിലായി ഐ.എസ്.എലിലെ ടോപ് സ്‌കോററാണ് മുപ്പത്തിമൂന്നുകാരനായ ഹ്യൂം. ലീഗിന്റെ മൂന്നു പതിപ്പുകളിലായി ഹ്യൂമിന്റെ ബൂട്ടില്‍ നിന്ന് വലയിലെത്തിയത് 23 ഗോളുകള്‍. ആദ്യ സീസണില്‍ അഞ്ചു ഗോളുകള്‍ നേടി ബ്ലാസ്റ്റേഴ്‌സിന്റെ ടോപ് സ്‌കോററും ലീഗിലെ മികച്ച താരവും ഹ്യൂമായിരുന്നു. തുടര്‍ന്നുള്ള രണ്ടു സീസണുകളില്‍ കൊല്‍ക്കത്തക്കായി നേടിയ 18 ഗോളുകള്‍ അവരുടെ കിരീട നേട്ടത്തിലടക്കം നിര്‍ണായ പങ്കു വഹിച്ചു. രണ്ടാം സീസണില്‍ ഫിറ്റെസ്റ്റ് പ്ലയര്‍ അവാര്‍ഡ് സ്വന്തമാക്കിയ ഹ്യൂം കഴിഞ്ഞ രണ്ടു സീസണുകളില്‍ ഗോള്‍ഡന്‍ ബൂട്ട് റണ്ണര്‍ അപ് പുരസ്‌കാരവും നേടി. അതേസമയം, 2014ലും കഴിഞ്ഞ സീസണിലും കേരളത്തിന്റെ കുന്തമുനയായിരുന്നു ഫ്രഞ്ച് താരം സെഡ്രിക് ഹെങ്ബര്‍ട്ടും ഇത്തവണ ബ്ലാസ്റ്റേഴ്‌സില്‍ തന്നെ കളിക്കുമെന്ന് സൂചനയുണ്ട്.

കാലില്‍ കിട്ടിയ പന്ത് ഗുവാന്‍സു നിരയിലെ രണ്ടു താരങ്ങള്‍ക്ക് നേരെ മനപൂര്‍വം നിറയൊഴിച്ച് ഓസ്‌കര്‍ വീര്യം കാട്ടുകയായിരുന്നു. എന്നാല്‍ ഇത് വരാനിരിക്കുന്ന പൊരിഞ്ഞയടിയുടെ തുടക്കം മാത്രമായിരുന്നു. ഓസ്‌കറിന്റെ അടിയില്‍ പ്രകോപിതരായ ഗുവാന്‍സു താരങ്ങള്‍ മുന്‍ ചെല്‍സി താരത്തെ മൈതാനത്ത് തള്ളിവീഴ്ത്തി. ഇതോടെ ഇരുടീമുകളുടെയും താരങ്ങള്‍ തമ്മില്‍ കൊമ്പുകോര്‍ത്തു. മൈതാനത്തുണ്ടായിരുന്ന താരങ്ങള്‍ക്ക് പുറമെ കൂട്ടയടിയില്‍ സബ്സ്റ്റിറ്റിയൂട്ടുകളും പരിശീലകരും കളത്തിലിറങ്ങി. ഏതായാലും താരപ്രഭയുമായി ചൈനീസ് ക്ലബ്ബിലെത്തി ചീത്തപ്പേര് സമ്പാദിച്ചിരിക്കുകയാണ് ഓസ്‌കര്‍. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്.

കഴിഞ്ഞ ജനുവരിയിലാണ് ബ്രസീലിയന്‍ യുവതാരം ഓസ്‌കര്‍, പ്രീമിയര്‍ ലീഗിലെ വമ്പന്‍മാരായ ചെല്‍സിയില്‍ നിന്നു ചൈനീസ് ക്ലബ്ബായ ഷാന്‍ഹായ് എസ്‌ഐപിജി ക്ലബ്ബിലെത്തുന്നത്. 60 ദശലക്ഷം യൂറോ എറിഞ്ഞായിരുന്നു അറ്റാക്കിങ് മിഡ്ഫീല്‍ഡറായ ഓസ്‌കറിനെ ഷാന്‍ഹായ് ക്ലബ്ബ് സ്വന്തം പാളയത്തിലെത്തിച്ചത്.

വീഡിയോ