കോഴിക്കോട്: വേള്‍ഡ് കപ്പ് ഫുട്‌ബോളിനോടനുബന്ധിച്ച് ‘ലഹരി ഔട്ട് വണ്‍ മില്യണ്‍ ഗോള്‍’ എന്ന പേരില്‍ സംസ്ഥാന വ്യാപകമായി ഫുട്‌ബോള്‍ ഷൂട്ടൗട്ട് സംഘടിപ്പിക്കുമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും ജനറല്‍ സെക്രട്ടറി പി. കെ ഫിറോസും പറഞ്ഞു. നവംബര്‍ 16-19 തിയ്യതികളില്‍ സംസ്ഥാന തലം മുതല്‍ യൂനിറ്റ് തലം വരെയാണ് ഷൂട്ടൗട്ട് സംഘടിപ്പിക്കുക.

സംസ്ഥാന തല ഉദ്ഘാടനം 16ന് മലപ്പുറത്ത് നടക്കും. വിവിധ ഘടകങ്ങളില്‍ മേല്‍ പറഞ്ഞ തിയ്യതികളില്‍ ഏതെങ്കിലുമൊരു ദിവസമാവും ഷൂട്ടൗട്ട് സംഘടിപ്പിക്കുക. വിജയികള്‍ക്ക് ആകര്‍ഷകമായ സമ്മാനങ്ങള്‍ നല്‍കും. ദേശീയ സംസ്ഥാന ഫുട്‌ബോള്‍, മറ്റ് കായിക താരങ്ങള്‍, രാഷ്ട്രീയ സാംസ്‌കാരിക രംഗത്തുള്ളവര്‍ ഷൂട്ട് ഔട്ടില്‍ പങ്കാളികളാകും. ലഹരിക്കെതിരെയുള്ള ഷൂട്ടൗട്ട് ക്യാമ്പയിന്‍ വിജയിപ്പിക്കാന്‍ നേതാക്കള്‍ ആഹ്വാനം ചെയ്തു.

47, 53 മിനുട്ടുകളിലായിരുന്നു സെനഗല്‍ താരം മാനെയുടെ ഗോളുകള്‍. 87-ാം മിനുട്ടില്‍ സലായ്ക്ക് പകരക്കാരനായി എത്തിയ സ്റ്ററിഡിജ് ലിവര്‍പൂളിന്റെ ഗോള്‍ പട്ടിക പൂര്‍ത്തിയാക്കി. ലിവര്‍പൂളിന്റെ പുതിയ താരങ്ങളായ ബ്രസീല്‍ ഗോള്‍കീപ്പര്‍ ആലിസണ്‍, സ്വിസ്സ് താരം ഹെര്‍ദാന്‍ ഷാഖിരി എന്നിവരും മത്സരത്തിനിറങ്ങി. സാദിയോ മാനെയെ പിന്‍ വലിച്ചാണ് കോച്ച് ക്ലോപ്പ് ഷാഖിരിയെ ഇറക്കിയത്. അതേസമയം പരിക്കിന്റെ പിടിയിലായ ഫാബിഞ്ഞോ കളിച്ചില്ല.

കഴിഞ്ഞദിവസം ആദ്യ മത്സരത്തില്‍ മുന്‍ചാമ്പ്യന്‍മാരായ ചെല്‍സി ഹഡര്‍ഫീല്‍ഡ് ടൗണിനേയും മാഞ്ചസ്റ്റര്‍ യുണൈഡ് ലെസിസ്റ്ററിനേയും തോല്‍പ്പിച്ചിരുന്നു.

നീണ്ട 22 വര്‍ഷത്തെ കരിയറില്‍ ഒരു ബാര്‍സ താരമെന്ന നിലയില്‍ ഞാന്‍ അഭിമാനിക്കുന്നു. ലോകത്തെ ഏറ്റവും മികച്ച ടീമാണ്് ഇത്. എന്റെ ജീവിതത്തിലെ ഏറ്റവും ബുദ്ധിമുട്ടേറിയ ദിവസമാണിത്. ജീവിതത്തിലെ ഭൂരിപക്ഷം നിമഷങ്ങളും ഞാന്‍ ചെലവഴിച്ചത് ഇവിടെയാണ്. അതുകൊണ്ട് തന്നെ വിടപറയുമ്പോള്‍ ദു:ഖം അടക്കാനാവുന്നില്ല. ആരാധകര്‍ക്കും ക്ലബിനും സഹതാരങ്ങള്‍ക്കും നന്ദി. കളി ജീവിതത്തില്‍ ഒരിക്കല്‍ പോലും ബാര്‍സക്കെതിരെ കളിക്കില്ലയെന്ന് ഞാന്‍ നേരത്തെ വ്യക്തമാക്കിയതാണ് അതുകൊണ്ടു തന്നെ കളിക്കാരനെന്ന നിലയില്‍ യൂറോപ്പില്‍ തുടരില്ല. എന്നെ ഞാനാക്കിയത് ലാ ഡെസിമയും ബാര്‍സയുമാണ് എല്ലാത്തിനും നന്ദി-വിങ്ങിപ്പൊട്ടി മുപ്പതിമൂന്നുകാരന്‍ പറഞ്ഞു.

Andrés Iniesta: “This is my last season here” Your legacy is infinite. #infinit8Iniesta pic.twitter.com/2ZBQxjyVFv

— FC Barcelona (@FCBarcelona) April 27, 2018

22 വര്‍ഷത്തെ കരിയറില്‍ 16 വര്‍ഷവും ഇനിയെസ്റ്റ കളിച്ചത് ബാര്‍സ സീനിയര്‍ ടീമിനൊപ്പമായിരുന്നു. സീനിയര്‍ ടീമിനായി 699 മത്സരങ്ങള്‍ കളിച്ചതാരം ബാര്‍സയുടെ നാലു ചാമ്പ്യന്‍സ് ലീഗ,് മൂന്നു ഫിഫ ക്ലബ് ലോകപ്പ്,എട്ടു ലാലീഗയുള്‍പ്പെടെ 31 കിരീട നേട്ടങ്ങളില്‍ പങ്കാളിയായി.

ബാലണ്‍ ഡിയോര്‍ പുരസ്‌കാരം ഒഴികെ മറ്റെല്ലാ നേട്ടങ്ങളും താരത്തെ തേടിയെത്തിയിരുന്നു. ഇനിയെസ്റ്റയ്ക്ക് ബാലണ്‍ ഡിയോര്‍ നല്കാത്തതിന് സംഘാടകര്‍ കഴിഞ്ഞയാഴ്ച്ച അദേഹത്തോട് മാപ്പുപറഞ്ഞിരുന്നു. സ്‌പെയ്ന്‍ ദേശീയ ടീമിനൊപ്പം രണ്ടു യൂറോ കപ്പും ഒരു ലോകകപ്പും സ്വന്തമാക്കിയ താരം റഷ്യന്‍ ലോകകപ്പോടെ അന്താരാഷ്ട്ര തലത്തില്‍ നിന്നും വിരമിക്കും.

ഉച്ചതിരിഞ്ഞ് 3.05ന് കളിക്കാരുമായി വിസ്താര എയര്‍വേയ്‌സ് വിമാനത്താവളത്തില്‍ പറന്നിറങ്ങി. യാത്ര രേഖയിലെ പിശകുകാരണം ടീമിലെ ഗോള്‍കീപ്പര്‍മാരിലൊരാളായ അജ്മല്‍ മറ്റൊരു വിമാനത്തിലാണ് പിന്നീട് കൊച്ചിയിലെത്തിയത്. നാലോടെ താരങ്ങളെല്ലാം വിമാനത്താവളത്തിന് പുറത്തേക്കിറങ്ങി. പരിശീലകന്‍ സതീവന്‍ ബാലനും ട്രോഫിയേന്തി നായകന്‍ രാഹുല്‍ വി.രാജും ആദ്യമേ എത്തിയപ്പോള്‍ മുതല്‍ നിലയ്ക്കാത്ത കരഘോഷങ്ങളും ആര്‍പ്പുവിളികളുമുയര്‍ന്നു. ആരവങ്ങള്‍ക്ക് ആവേശമേറ്റി ചെണ്ടവിളികളും ടീമിന് അഭിവാദ്യമര്‍പ്പിച്ചുള്ള മുദ്രാവാക്യ വിളികളും മുഴങ്ങി. ഒഴുകിയെത്തിയ ആരാധകര്‍ക്കു നടുവിലൂടെ ടീം അംഗങ്ങള്‍ ഓരോരുത്തരായി നടന്നെത്തി. മന്ത്രി കെ.ടി. ജലീല്‍, എം.എല്‍.എമാരായ അന്‍വര്‍ സാദത്ത്, ഹൈബി ഈഡന്‍, പി.ടി തോമസ്, റോജി എം ജോണ്‍, ജില്ലാ കളക്ടര്‍ മുഹമ്മദ് വൈ. സഫീറുള്ള, കെ.എഫ്.എ പ്രസിഡന്റ് കെ.എം.ഐ മേത്തര്‍ തുടങ്ങിയവര്‍ ടീമംഗങ്ങളെ സ്വീകരിക്കാനെത്തി. തുടര്‍ന്നു പ്രത്യേകം തയ്യാറാക്കിയ ബസില്‍ ടീമംഗങ്ങള്‍ കേരള ഫുട്‌ബോള്‍ അസോസിയേഷന്റെ സ്വീകരണത്തിനായി കലൂര്‍ സ്‌റ്റേഡിയത്തിലേക്ക് പോയി. സ്‌റ്റേഡിയത്തിലെത്തിയ ടീമിനെ നാസിക് ഡോളിന്റെ അകമ്പടിയോടൊയാണ് ആരാധകര്‍ വരവേറ്റത്. തുടര്‍ന്ന് മൈതാനത്തേക്കിറങ്ങിയ താരങ്ങള്‍ പരസ്പരം ചിത്രങ്ങള്‍ പകര്‍ത്തിയും ട്രോഫി എടുത്തുയര്‍ത്തിയും മുത്തമിട്ടും വിജയത്തിന്റെ മധുരം ആവോളം ആസ്വദിച്ചു.

കേരളം ഇതിന് മുമ്പ് സന്തോഷ് ട്രോഫി ഫൈനല്‍ കളിച്ചപ്പോള്‍ വേദിയൊരുക്കിയത് കൊച്ചി സ്റ്റേഡിയമായിരുന്നു. അന്ന് പെനാല്‍റ്റി ഷൂട്ടൗട്ടില്‍ സര്‍വീസസിനോട് കേരളം തോല്‍ക്കുകയായിരുന്നു. പല താരങ്ങളുടെയും കുടുംബങ്ങളും സുഹൃത്തുക്കളും സ്വീകരണ ചടങ്ങിന് എത്തിയിരുന്നു. താരങ്ങളുടെ സെല്‍ഫികള്‍ പകര്‍ത്താനും നിരവധി പേരെത്തി. ടീമംഗങ്ങളില്‍ ഒരാളായ അനുരാഗിന് ടീമിന്റെ സ്‌പോണ്‍സര്‍ കൂടിയായ ഐ.സി.എല്‍ ഫിന്‍കോര്‍പ്പ് വീട് നിര്‍മിച്ചു നല്‍കുമെന്നുള്ള പ്രഖ്യാപനം താരങ്ങള്‍ കയ്യടികളോടെയാണു വരവേറ്റത്. സ്വീകരണത്തിന് ശേഷം പരിശീലകരും താരങ്ങളും ടൂര്‍ണമെന്റ് അനുഭവങ്ങള്‍ സദസുമായി പങ്കുവച്ചു. ടൂര്‍ണമെന്റിന് മുമ്പ് പരിശീലകന്റെ നേതൃത്വത്തില്‍ നടത്തിയ ചിട്ടയായ പരിശീലനമാണ് വിജയത്തിന്റെ രഹസ്യമെന്ന് നായകന്‍ രാഹുല്‍ വി രാജ് പ്രതികരിച്ചു. നാടിന് വേണ്ടി കിരീടം നേടാനായത് ജീവിതത്തിലെ ഏറ്റവും അവിസ്മരണീയമായ നിമിഷങ്ങളാണ്. 14 വര്‍ഷങ്ങള്‍ക്ക് ശേഷം സന്തോഷ് ട്രോഫി കേരളത്തിന്റെ മണ്ണിലെത്തിക്കാന്‍ സാധിച്ചതില്‍ അഭിമാനമുണ്ട്. കൂട്ടായ്മയുടെ വിജയമാണിതെന്നും രാഹുല്‍ പറഞ്ഞു. ടീം നേടിയത് മഹത്തായ വിജയമാണെന്നായിരുന്നു കോച്ച് സതീവന്‍ ബാലന്റെ പ്രതികരണം.

അര്‍ജന്റീനയുടെ കഴിഞ്ഞ രണ്ടു രാജ്യാന്തര മത്സരങ്ങളില്‍ പരിക്കിനെ തുടര്‍ന്ന് നായകന്‍ ലയണല്‍ മെസ്സിക്ക് കളിക്കാനായിരുന്നില്ല. ആദ്യ മത്സരത്തില്‍ ഇറ്റലിയോട് എതിരില്ലാത്ത രണ്ടു ഗോളിന് ജയിച്ചിരുന്നെങ്കിലും ഇന്നലെ സ്‌പെയ്‌നെതിരെ ദയനീയ തോല്‍വി ഏറ്റുവാങ്ങുകയായിരുന്നു. ഡീഗോ കോസ്റ്റയിലൂടെ മുന്നിലെത്തിയ സ്‌പെയ്ന്‍ ഇസ്‌കോയുടെ ഹാട്രിക് മികവില്‍ ഒന്നിനെതിരെ ആറു ഗോളുകള്‍ക്ക് തുരത്തുകയായിരുന്നു മുന്‍ലോകകപ്പ് ജേതാക്കളെ. മാഞ്ചസ്റ്റര്‍ സിറ്റി താരം ഒറ്റമെന്‍ഡിയുടെ വകയായിരുന്നു അര്‍ജന്റീനയുടെ ഏകഗോള്‍. കളി ഗ്യാലറിയില്‍ നിന്നും വീക്ഷിച്ച മെസ്സി ആറാമത്തെ ഗോളും വഴങ്ങിയതോടെ ഡ്രസ്സിങ് റൂമിലേക്ക് മടങ്ങി.

മെസ്സിയെ പോലെ ഒരു കളിക്കാരന്‍ ഒരു വിമര്‍ശനവും അര്‍ഹിക്കുന്നില്ല. അര്‍ജന്റീന കാര്‍ മെസ്സിയെ ലഭിച്ചതില്‍ ദൈവത്തോട് നന്ദി പറയണം. അദ്ദേഹത്തെ വിലകുറച്ചാണ് നിങ്ങള്‍ കാണുന്നത്. മെസ്സി ഇതിനും എത്രയോ വലുത് അര്‍ഹിക്കുന്നു. ദേശീയ കുപ്പായത്തില്‍ മെസ്സിക്ക് തിളങ്ങാനാവുന്നില്ല എന്നു പറയുന്നത് വസ്തുതകള്‍ക്ക് എതിരാണ്. മെസ്സിയില്ലാത്ത അര്‍ജന്റീന എന്താണെന്ന് ഞങ്ങള്‍ക്കെതിരായ മത്സരത്തില്‍ നിങ്ങള്‍ എല്ലാവരും കണ്ടതല്ലെ. ഡീഗോ കോസ്റ്റ മാധ്യമങ്ങളോട് പ്രതികരിച്ചു.

സ്പാനിഷ് ക്ലബ് ബാര്‍സലോണക്കായി മിന്നും പ്രകടനങ്ങളും ട്രോഫികളും നേടുമ്പോഴും ദേശീയകുപ്പായത്തില്‍ മെസ്സി തിളങ്ങുന്നില്ല എന്ന വിമര്‍ശനം നിരന്തരം മെസ്സി നേരിടാറുണ്ട്. കഴിഞ്ഞ ലോകകപ്പിലും രണ്ടു വട്ടം കോപ്പ അമേരിക്കയിലും അര്‍ജന്റീനയെ ഫൈനലില്‍ എത്തിക്കാന്‍ സാധിച്ചെങ്കിലും ദേശീയ കുപ്പായത്തില്‍ ആദ്യ കിരീടമെന്ന മെസ്സിയുടെ സ്വപ്‌നം നീളുകയാണ്.

നേരത്തേ താരത്തിന്റെ പരാതിയില്‍ ബാര്‍സക്ക് അനുകൂല നിലപാടാണ് ഫിഫ കൈക്കൊണ്ടതെന്ന് വാര്‍ത്തകളുണ്ടായിരുന്നെങ്കിലും അതിന് ഔദ്യോഗിക സ്ഥിരീകരണം ഇപ്പോഴാണ് വരുന്നത്. ഫിഫയുടെ ഔദ്യോഗിക നേതൃത്വം വിശകലനം ചെയ്തതു പ്രകാരം താരത്തിന്റെ കേസില്‍ തുടരന്വേഷണം നിര്‍ത്തിവച്ചതായും കേസ് ക്ലോസ് ചെയ്തതായും ഫിഫ ഔദ്യോഗിക്കുറിപ്പില്‍ അറിയിച്ചു. അതേസമയം പ്രസ്തുത വിഷയത്തില്‍ കോടതിയില്‍ നിലനില്‍ക്കുന്ന കേസ് തുടരും.

കോടതിയില്‍ നിലനില്ക്കുന്ന കേസില്‍ നെയ്മര്‍ക്കു മറുപണി നല്‍കാന്‍ ബാര്‍്‌സയും ഒരുങ്ങിയിട്ടുണ്ട്. നെയ്മറുടെ കേസിന് തിരിച്ച് കേസു കൊടുത്ത ബാര്‍സലോണ കരാറിലെ നിയമങ്ങള്‍ നെയ്മര്‍ പാലിച്ചില്ലെന്നു കാണിച്ച് എഴുപത്തിയഞ്ചു ദശലക്ഷം യൂറോയാണ് ആവശ്യപ്പെട്ടിരിക്കുന്നത്. ഈ കേസും കോടതിയുടെ പരിഗണനയിലാണ്.

അതേസമയം പി.എസ്.ജി വിട്ട് നെയ്മര്‍ അടുത്ത സീസണില്‍ ബാര്‍സയുടെ ബന്ധവൈരികളായ റയല്‍ മാഡ്രിഡിലേക്ക് ചേക്കേറുമെന്ന ശക്തമായ അഭ്യൂഹങ്ങള്‍ക്കിടെയാണ് ബാര്‍സക്കെതിരായ കേസില്‍ ഫിഫ താരത്തെ കൈയൊഴിയുന്നത്.

ഇന്ത്യന്‍ ഫുട്‌ബോളിലെ പ്രമുഖ ലീഗുകളായ ഐ.എസ്.എല്ലിലേയും ഐ.ലീഗിലേയും ക്ലബുകളെ അണി നിരത്തി തുടങ്ങുന്ന പുതിയ ടൂര്‍ണമെന്റായ സൂപ്പര്‍ കപ്പിന് രൂപരേഖയായി. 16 ടീമുകള്‍ അണി നിരക്കുന്ന ലീഗില്‍ ഐ.എസ്.എല്‍ -ഐ ലീഗ് എന്നീ ലീഗുകളില്‍
ആദ്യ ആറു സ്ഥാനങ്ങളില്‍ ഫിനീഷ് ചെയ്യുന്ന ടീമുകള്‍ സൂപ്പര്‍ കപ്പിന് നേരിട്ട് യോഗ്യത നേടും. ബാക്കി നാലു സ്ഥാനങ്ങള്‍ക്കായി ഇരു ലീഗുകളിലെയും അവസാന സ്ഥാനത്തുള്ള ടീമുകള്‍ തമ്മില്‍ പ്ലോ ഓഫിലൂടെ യോഗ്യത നേടേണ്ടിവരും.

മാര്‍ച്ച് 12 മുതല്‍ 31 വരെ നടക്കുന്ന യോഗ്യതാ മത്സരങ്ങളോടെയാണ് സൂപ്പര്‍ കപ്പ് ആരംഭിക്കുക. അതിന് ശേഷം മാര്‍ച്ച് 31 മുതല്‍ ഏപ്രില്‍ 22 വരെ ഫൈനല്‍ റൗണ്ടും നടക്കും.എ ഐ എഫ് എഫ് ആസ്ഥാനമായ ഡല്‍ഹി ഫുട്‌ബോള്‍ ഹൗസില്‍ നടന്ന മീറ്റീംഗിലാണ് ഇക്കാര്യം തീരുമാനമായത്. നിലവില്‍ കട്ടക്കിലോ കൊച്ചിയിലോ ആയി മത്സരം നടത്താനാണ് തീരുമാനമായിട്ടുള്ളത്. ഇക്കാര്യത്തില്‍ കൂടുതല്‍ നിരീക്ഷണങ്ങള്‍ക്ക് ശേഷം ഫുട്‌ബോള്‍ ഫെഡറേഷന്‍ അന്തിമതീരുമാനമെടുക്കും.

അതേസമയം ടൂര്‍ണമെന്റിന്റെ ഘടനക്കെതിരെ പല ക്ലബുകളും രംഗത്തെത്തി. നോക്കൗട്ട് രീതിയിലുള്ള ടൂര്‍ണമെന്റ് ക്ലബുകള്‍ക്ക് അധിക ബാധ്യത മാത്രമാകും സമ്മാനിക്കുകയെന്നാണ് ഐലീഗ് ക്ലബായ മോഹന്‍ ബഗാന്‍ അഭിപ്രായപ്പെട്ടത്. നിലവിലെ സൂചനകളനുസരിച്ച് മിക്ക ഐ-ലീഗ് ഐ.എസ്.എല്‍ ക്ലബുകളും കളിക്കാരുമായി കരാറിലെത്തിയിരിക്കുന്നത് മാര്‍ച്ച് പകുതി വരെയാണ്. ഇതിനുശേഷമാണ് സൂപ്പര്‍ കപ്പിലെ നോക്കൗട്ട് മത്സരങ്ങള്‍. നോക്കൗട്ട് റൗണ്ടായതിനാല്‍ വെറും ഒരു മത്സരം മാത്രമാണ് ടീമുകള്‍ക്ക് കളിക്കാമെന്ന് ഉറപ്പുള്ളത്. ഇതിനായി കളിക്കാരുമായി രണ്ടു മാസത്തെ അധിക കരാറില്‍ ഏര്‍പ്പെടേണ്ടിവരും. വലിയ സാമ്പത്തിത ശേഷിയില്ലാത്ത ക്ലബുകളെ സംബന്ധിച്ചിടത്തോളം ലക്ഷങ്ങള്‍ മുടക്കി താരങ്ങളുമായി കരാര്‍ പുതുക്കുകയെന്നത് അധിക ബാധ്യതയാണ്. കൂടാതെ ഐ.പി.എല്‍ ക്രിക്കറ്റ് ടൂര്‍ണമെന്റും ഈ സമയത്തു തന്നെ നടക്കുന്നതിനാല്‍ ടൂര്‍ണമെന്റിന്റെ എത്രത്തോളം വിജയകരമാവുമെന്നതും ആശങ്കയിലാഴ്ത്തുന്നുണ്ട്.

മാഡ്രിഡ്: ഇതിഹാസ ഫുട്‌ബോള്‍ താരം സിനദിന്‍ സിദാന്റെ മകന്‍ എന്‍സോ ഫെര്‍ണാണ്ടസ് പുതിയ ക്ലബിലേക്ക്. കഴിഞ്ഞ ട്രാന്‍ഫറില്‍ റയല്‍ മാഡ്രിഡ് വിട്ട് അലാവസില്‍ ചേക്കേറിയ എന്‍സോ അവസരങ്ങള്‍ കുറഞ്ഞതോടെയാണ് പുതിയ മേച്ചില്‍ പുറങ്ങള്‍ തേടിയത്. സ്വിസ് ക്ലബ് ലൗസാനെയാണ് എന്‍സോയെ സ്വന്തമാക്കിയത്.

നേരത്തെ റയല്‍ മാഡ്രിഡില്‍ പിതാവ് സിനദിന്‍ സിദാന്‍ പരിശീലക സ്ഥാനത്തിരിക്കുമ്പോഴായിരുന്നു എന്‍സോയെ അലാവസിന് നല്‍കിയത്. എന്നാല്‍ കഴിഞ്ഞ ആറു മാസത്തിനിടെ അലാവസില്‍ വെറു നാലുകളികളില്‍ നിന്നായി വെറും 155 മിനുട്ട് മാത്രമാണ് കളിക്കാന്‍ അവസരം ലഭിച്ചത്. ഇതാണ് ക്ലബ് വിടാന്‍ മധ്യനിര താരത്തെ പ്രരിപ്പിച്ചത്.

സിദാന്റെ നാലു മക്കളില്‍ മൂത്തവനാണ് എന്‍സോ. ഗോള്‍ കീപ്പാറായ ലൂക്ക സിദാനാണ് രണ്ടാമന്‍. സിദാന്റെ മക്കളില്‍ ഏറ്റവും കഴിവുള്ള മകനായാണ് ലൂക്കയെ വിലയിരുത്തുന്നത്.നിലവില്‍ റയല്‍ മാഡ്രിഡ് ബി ടീമിന്റെ നമ്പര്‍ വണ്‍ ചോയിസ് കീപ്പറാണ് ലൂക്ക. 15 വയസ്സുള്ള തിയോ സിദാനും 12 വയസ്സുള്ള എലിയസ് സിദാന്‍ ഫെര്‍ണാണ്ടസുമാണ് മറ്റു രണ്ടു കുട്ടികള്‍.  ഇരുവരും റയല്‍ മാഡ്രിഡിന്റെ ജൂനിയര്‍ അക്കാദമിയിലാണ്.

ലോകക്ലബ് ഫുട്‌ബോളിലെ ഏറ്റവും ഗ്ലാമര്‍ പോരാട്ടമായ എല്‍ക്ലാസിക്കോയുടെ കിക്കോഫിന് ഇനി മിനുട്ടകള്‍ മാത്രം ബാക്കി. നിലവിലെ ചാമ്പ്യന്‍മാരായ റയല്‍ മാഡ്രിഡിന്റെ തട്ടകമായ സാന്റിയാഗോ  ബെര്‍ണബ്യൂവില്‍ ഇന്ത്യന്‍ സമയം വൈകീട്ട് 5.30നാണ് കിക്കോഫ്. മത്സരത്തിന്റെ ലൈവ് സംപ്രേക്ഷണം ഇന്ത്യന്‍ ഫുട്‌ബോള്‍ പ്രേമികള്‍ക്ക് ടെന്‍ സ്‌പോര്‍ട്‌സ് ചാനലുകളില്‍ കാണാം. സ്‌പെയ്‌നിലെ ബന്ധവൈരികളായ റയല്‍-ബാര്‍സ വശിയേറിയ മത്സരത്തില്‍ തീപ്പാറുമെന്ന പ്രതീക്ഷയലാണ് ലോകമെമ്പാടുമുള്ള ഫുട്‌ബോള്‍ ആരാധകര്‍.

ഫിഫ ക്ലബ് ലോകകിരീടം ചൂടിയാണ് റയല്‍ എല്‍ ക്ലാസിക്കോയ്ക്ക് ഒരുങ്ങുന്നത്. പരിക്കിന്റെ പിടിലായി കഴിഞ്ഞ ദിവസങ്ങളില്‍ പരിശീലനങ്ങളില്‍ നിന്നു വിട്ടുനിന്ന നിലവിലെ ലോകഫുട്‌ബോളര്‍ ക്രിസ്റ്റിയാനോ റൊണാള്‍ഡോ റയല്‍ നിരയില്‍ തിരിച്ചെത്തുന്നത് റയലിന് ആശ്വാസമാണ്. ചാമ്പ്യന്‍സ് ലീഗിലും മറ്റു ടൂര്‍ണമെന്റുകളിലും യഥേഷ്ടം ഗോളടിക്കുന്ന പോര്‍ച്ചുഗീസ് താരം ക്രിസ്റ്റിയാനോയുടെ ലാലിലെ പ്രകടനം ഈ സീസണില്‍ പിന്നോട്ടുപോയത് ടീമിന്റെ പ്രകടനത്തെ കാര്യമായി ബാധിച്ചിട്ടുണ്ട്. ബാര്‍സക്കെരിരെ ഗോളടിച്ച് ലീഗിലെ മോശം ഫോമിന് അറുത്തിവരു്ത്താനാവും താരത്തിന്റെ ശ്രമം. വെല്‍സ് താരം ഗാരെത് ബെയ്ല്‍ ആദ്യ ഇലവനില്‍ മടങ്ങി വരുന്നതും റയല്‍ ക്യാമ്പിന് ആത്മവിശ്വാസം നല്‍കുന്നുണ്ട്. ബെയ്ല്‍ ആദ്യ ഇലനില്‍ കളിക്കുകയാണെങ്കില്‍ പരിശീലകന്‍ സിദ്ദാന്‍ ക്രിസ്റ്റ്യാനോ-ബെന്‍സീമ-ബെയ്ല്‍ സഖ്യത്തെയാവും ആക്രമണത്തിന്റെ ചുമതലയേല്‍പ്പിക്കുക. സീസണിന്റെ തുടക്കത്തില്‍ സ്പാനിഷ് സൂപ്പര്‍കപ്പില്‍ ബാര്‍സയുമായി കൊമ്പുകോര്‍ത്തപ്പോള്‍ ഇരുപാദങ്ങളിലായി 5-1ന്റെ ജയം റയലിനൊപ്പമായിരുന്നു.

കഴിഞ്ഞ സീസണില്‍ റയലിനു അടിയറവുവെച്ച ലീഗ് കിരീടം തിരിച്ചെടുക്കാന്‍ ഒരുങ്ങിയാവും പരിശീലകന്‍ ഏര്‍ണസ്‌റ്റോ വാല്‍വെര്‍ദേ കിഴീല്‍ സൂപ്പര്‍താരം ലയണല്‍ മെസ്സിയും സംഘവും ഇന്ന് സാന്റിയാഗോയിലിറങ്ങുക. ലീഗില്‍ അപരാജിത കുതിപ്പു തുടരുന്ന ബാര്‍സക്ക് റയലുമായി ഇപ്പോള്‍ 11 പോയന്റിന്റെ വ്യക്തമായ ലീഡാണുള്ളത്. ഇന്നത്തെ മത്സരം ജയിച്ചാല്‍ കിരീടം തിരിച്ചു പിടിക്കാന്‍ ഒരുപടി കൂടി കൂടുതല്‍ അടുക്കാനാകും ബാര്‍സയുടെ ശ്രമം. അതേസമയം പരിക്കു കാരണം നായകന്‍ ഇനിയേസ്റ്റയുടെ സേവനം ബാര്‍സ ലഭിക്കാത്തത് ടീമിന് തിരിച്ചടിയാവും. മുന്നേറ്റ നിരയില്‍ മെസ്സിക്കും ലൂയിസ് സുവാരസിനൊപ്പം നെയ്യമറിനു പകരമായി ടീമിലെത്തിച്ച ബ്രസീലിയന്‍ താരം പൗളീഞ്ഞോയായിരിക്കും പന്തു തട്ടുക. ലീഗില്‍ മൂവരുംകൂടി 29 ഗോളുകളാണ് അടിച്ചുകൂടിയത്. 14 ഗോളുമായി ലീഗില്‍ ടോപ്‌സ്‌കോററായ ലയണല്‍ മെസ്സിയുടെ പ്രകടനത്തെ തന്നെയാവും ബാര്‍സ ഇന്നു കൂടുതല്‍ ആശ്രയിക്കുക. ലീഗില്‍ അവസാനമായി ഇരുവരും റയലിന്റെ തട്ടകത്തില്‍ ഏറ്റുമുട്ടിയപ്പോള്‍ മെസ്സിയുടെ ഇഞ്ചുറി ടൈം ഗോളില്‍ ബാര്‍സ 3-2ന് ജയം സ്വന്തമാക്കുകയായിരുന്നു.