FOOTBALL FANS – Chandrika Daily

അര്‍ജന്റീന ഒരുങ്ങി മെസ്സിയുടെ അവസാന ഔദ്യോഗിക മത്സരത്തിന് വേദിയൊരുക്കാന്‍

webdesk17 — Fri, 22 Aug 2025 05:53:50 +0000

കഴിഞ്ഞ ഇരുപത് വര്‍ഷത്തിനിടയിലെ ഏറ്റവും വികാരഭരിതമായ നിമിഷത്തിന് അരങ്ങൊരുങ്ങുകയാണ് അര്‍ജന്റീന. സാമ്പത്തികവും സാമൂഹികവുമായ പ്രതിസന്ധികള്‍ക്കിടെ ഫുട്‌ബോളിലൂടെ രാജ്യത്തെ ഉയിര്‍ത്തെഴുന്നേല്‍പ്പിച്ച ‘മിഷിഹ’ തന്റെ ദൗത്യം പൂര്‍ത്തിയാക്കി നാട്ടുകാര്‍ക്കാരോട് വിടപറയാന്‍ ഒരുങ്ങുമ്പോള്‍, രാജ്യം മുഴുവനും കണ്ണീരോടെ നന്ദി പറയുകയാണ്.

2026 ലോകകപ്പിലേക്ക് യാത്ര തുടരുന്നുവെങ്കിലും, അര്‍ജന്റീന മണ്ണില്‍ ലയണല്‍ മെസ്സിയുടെ അവസാന ഔദ്യോഗിക മത്സരം അടുത്തെത്തി. സെപ്റ്റംബര്‍ 4-ന് വെനിസ്വേലയെ നേരിടുന്ന ലോകകപ്പ് യോഗ്യതാ മത്സരം തന്നെയാണ് അര്‍ജന്റീനയില്‍ മെസ്സിയെ കാണാനുള്ള അവസാന ഔദ്യോഗിക അവസരം.

ലോകകപ്പ് വരെ മെസ്സി ടീമിനൊപ്പം തുടരുമെന്നുറപ്പാണ്. എന്നാല്‍, യോഗ്യതാ മത്സരങ്ങള്‍ക്ക് ശേഷം അടുത്ത ഔദ്യോഗിക മത്സരം 2026 മാര്‍ച്ചിലാണ്. അതിനുമുമ്പ് സൗഹൃദ മത്സരങ്ങള്‍ നടക്കുമെങ്കിലും, അവ ഔദ്യോഗിക വേദികളല്ല.

ബ്യൂണസ് അയേഴ്‌സിലെ മോണുമെന്റല്‍ സ്റ്റേഡിയത്തിലാണ് അര്‍ജന്റീനയും വെനിസ്വേലയും ഏറ്റുമുട്ടുന്നത്. സെപ്റ്റംബര്‍ 9-ന് എക്വഡോറിനെതിരായ മത്സരത്തിനുശേഷം, അടുത്ത ഔദ്യോഗിക പോരാട്ടം യൂറോപ്യന്‍ ചാമ്പ്യന്മാരായ സ്‌പെയിനെതിരായ ‘ഫൈനലിസിമ’ ആയിരിക്കും അത് ഒരു നിഷ്പക്ഷ വേദിയില്‍. പിന്നെ, അമേരിക്ക, മെക്‌സിക്കോ, കാനഡ എന്നിവിടങ്ങളിലായി ലോകകപ്പും.

അതിനാല്‍ വെനിസ്വേലയെതിരായ മത്സരം വെറും യോഗ്യതാ റൗണ്ട് മാത്രമല്ല; അര്‍ജന്റീനക്കാര്‍ക്ക് അവരുടെ ഇതിഹാസനായകനോട് ഹൃദയത്തോടു ചേര്‍ന്ന് ‘താങ്ക് യൂ’ പറയാനുള്ള വേള കൂടിയാണ് അത്.

2022 ലോകകപ്പ് ട്രോഫിയും, രണ്ട് കോപ അമേരിക്ക കിരീടങ്ങളും ഉള്‍പ്പെടെ കഴിഞ്ഞ രണ്ട് പതിറ്റാണ്ടിനിടയില്‍ രാജ്യത്തെയും ഫുട്‌ബോളിനെയും പുനരുജ്ജീവിപ്പിച്ച താരത്തിന്, രാജ്യം മുഴുവനും കടപ്പാടോടെ നന്ദി അറിയിക്കുകയാണ്.

നിലവില്‍, ലോകകപ്പ് തെക്കേ അമേരിക്കന്‍ യോഗ്യതാ റൗണ്ടില്‍ 18ല്‍ 16 മത്സരങ്ങള്‍ പൂര്‍ത്തിയായപ്പോള്‍, 11 ജയം, 3 തോല്‍വി, 2 സമനിലആകെ 35 പോയിന്റ് നേടി ഒന്നാം സ്ഥാനത്താണ് അര്‍ജന്റീന.

പൊലീസ് ഉദ്യോഗസ്ഥരോടു ഫുട്ബോള്‍ ആരാധകരുടെ ക്രൂരത; കലൂര്‍ സ്റ്റേഡിയം ജങ്ഷനില്‍ ഗതാഗത തടസമുണ്ടാക്കിയതു ചോദ്യം ചെയ്ത പൊലീസുകാരെ ക്രൂരമായി മര്‍ദിച്ചു

Test User — Mon, 19 Dec 2022 08:45:39 +0000

കൊച്ചി: നഗരത്തില്‍ പൊലീസ് ഉദ്യോഗസ്ഥരോടു ഫുട്ബോള്‍ ആരാധകരുടെ ക്രൂരത. കലൂര്‍ സ്റ്റേഡിയം ജങ്ഷനില്‍ ഗതാഗത തടസമുണ്ടാക്കിയതു ചോദ്യം ചെയ്തതിന് പൊലീസുകാരെ ക്രൂരമായി മര്‍ദിച്ചു.അക്രമികള്‍ ഉദ്യോഗസ്ഥരെ മര്‍ദിക്കുകയും കാലില്‍ പിടിച്ചു വലിച്ചിഴയ്ക്കുകയും ചെയ്യുന്നതിന്റെ ദൃശ്യങ്ങള്‍ പുറത്തു വന്നു.

എറണാകുളം നോര്‍ത്ത് സ്റ്റേഷനിലെ സിപിഒമാരായ ലിപിന്‍രാജ്, വിപിന്‍ എന്നിവര്‍ക്കാണ് മര്‍ദനമേറ്റത്. ഇരുവരെയും ആശുപത്രിയില്‍ പ്രവേശിപ്പിച്ചു. ഇന്നലെ രാത്രി 11.30നാണ് സംഭവം.

കളി വലിയ സ്ക്രീനില്‍ കണ്ട ശേഷം ആളുകള്‍ പിരിഞ്ഞു പോകുമ്ബോഴാണ് ആക്രമണം ഉണ്ടാകുന്നത്. സംഭവത്തില്‍ രണ്ടു പേരെ അറസ്റ്റു ചെയ്തിട്ടുണ്ട്. ബാക്കിയുള്ളവര്‍ക്കായി അന്വേഷണം പുരോഗമിക്കുുന്നുണ്ട്.

സഊദിയുടെ ജഴ്‌സിയണിഞ്ഞ് ആഘോഷിക്കുന്ന അര്‍ജന്റീന ആരാധകന്റെ വിഡിയോ വൈറല്‍

Test User — Wed, 23 Nov 2022 07:57:04 +0000

ദോഹ- സഊദി ടീമിന്റെ ജഴ്‌സിയണിഞ്ഞ് ആഘോഷിക്കുന്ന അര്‍ജന്റീന ആരാധകന്റെ വിഡിയോ സമൂഹ മാധ്യമങ്ങളില്‍ വൈറലാകുന്നു. മത്സരം അവസാനിക്കുന്നതിന് തൊട്ടു മൂമ്പാണ് അര്‍ജന്റീന ആരാധകന്‍ ജഴ്‌സി മാറ്റി സഊദിയുടെ ജഴ്‌സിയണിഞ്ഞ് ആഘോഷത്തില്‍ പങ്കുചേരുന്നത്. വീഡിയോ ഇതിനകം ലക്ഷക്കണക്കിന് ആള്‍ക്കാര്‍ കണ്ടു.

pic.twitter.com/xACQx92Zj6

— Out Of Context Football (@nocontextfooty) November 22, 2022

ഓടുന്ന ബസിന്റെ ചില്ല് തലകൊണ്ട് അടിച്ച് തകര്‍ത്ത് യുവാവിന്റെ പരാക്രമം

Test User — Wed, 09 Nov 2022 16:04:08 +0000

ഓടുന്ന ബസിന്റെ ചില്ല് തലകൊണ്ട് അടിച്ച് തകര്‍ത്തു യുവാവ്. ദേശീയ പാതയില്‍ മലപ്പുറം പെരിന്തല്‍മണ്ണ ജൂബിലി ജംക്ഷനിലാണ് യുവാവിന്റെ തലകൊണ്ടുള്ള അക്രമണം നടന്നത്. ഇടിയുടെ ആഘാതത്തില്‍ യുവാവ് പിന്നിലേക്ക് തെറിച്ചുവീണു. പിന്നാലെ ഡ്രൈവറുടെ സീറ്റില്‍ കയറിയിരുന്നു. മാനസികാസ്വാസ്ഥ്യം കാണിച്ച യുവാവിനെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു. യുവാവ് ബ്രസീല്‍ ആരാധകനാണെന്നും ബസിന് അര്‍ജന്റീനയുടെ നിറമായത് കൊണ്ടാണ് ഹെഡ് ചെയ്‌തെന്ന് നാട്ടുകാര്‍ പറഞ്ഞു.

ബ്രസീല്‍-അര്‍ജന്റീന ഫാന്‍സ് യുദ്ധം; കളമശ്ശേരിയില്‍ യുവാവിന്റെ കല്ല്യാണം മുടങ്ങി

chandrika — Thu, 21 Jun 2018 07:33:53 +0000

കളമശ്ശേരി: കേരളത്തില്‍ ഏറ്റവും കൂടുതല്‍ ഫുട്‌ബോള്‍ ആരാധകരുള്ള ടീമാണ് ബ്രസീലും അര്‍ജന്റീനയും. പന്ത് റഷ്യയിലാണ് തട്ടുന്നതെങ്കിലും ആവേശത്തിനും ഫാന്‍സ് ഫൈറ്റിനും കേരളത്തില്‍ ഒരു കുറവുമില്ല. ലോകകപ്പിന് മുമ്പേ കേരളത്തിലെ മിക്ക റോഡിന്റെയും ഇരുവശവും ഇരു ടീമികളുടേയും ആരാധകര്‍ തങ്ങളുടെ പ്രിയ താരങ്ങളുടെയും ടീമിന്‍െയും കട്ടൗട്ടുകള്‍ സ്ഥാപിച്ചാണ് ശക്തികാണിച്ചത്. റഷ്യന്‍ ലോകകപ്പിന് കിക്കോഫ് കഴിഞ്ഞതോടെ ഫാന്‍സ് യുദ്ധം പതിന്മടങ്ങ് ശക്തിപ്രാപിക്കുകയും ചെയ്തു.

കളമശ്ശേരിയില്‍ ബ്രസീല്‍-അര്‍ജന്റീന ആരാധകര്‍ തമ്മില്‍ കൊമ്പുകോര്‍ത്തപ്പോള്‍ ഒരു യുവാവിന്റെ വിവാഹമാണ് മുടങ്ങിയത്. കഴിഞ്ഞ ദിവസം നടന്ന ലോകകപ്പ് മത്സരം പാര്‍ട്ടി ഓഫീസിന്റെ മുന്നിലെ ബിഗ് സ്‌ക്രീനില്‍ കളി ആസ്വദിക്കുന്നതിനിടയിലാണ് ബ്രസീല്‍, അര്‍ജന്റീന ഫാന്‍സുകാര്‍ തമ്മിലടിച്ചത്. സിപിഐ-സിപിഎം പ്രവര്‍ത്തകര്‍ക്കിടയിലായിരുന്നു ഫാന്‍സ്പോര് നടന്നതെന്നാണ് റിപ്പോര്‍ട്ട്.

പാര്‍ട്ടി ഓഫീസിന് തൊട്ടടുത്തുള്ള യുവാവിന്റെ വീട്ടില്‍ വിവാഹം ഉറപ്പിക്കാന്‍ വധുവിന്റെ ബന്ധുക്കള്‍ എത്തിയ സമയത്തായിരുന്നു ഫാന്‍സുകള്‍ തമ്മിലടിച്ചത്. അമ്പതിലധികം യുവാക്കള്‍ തമ്മിലടിക്കുന്ന കഴ്ചകണ്ടാണ് വധുവിന്റെ വീട്ടുകാര്‍ എത്തിയത്.
ഇതുകണ്ടതും വണ്ടിയില്‍ നിന്നിറങ്ങാന്‍ പോലും ധൈര്യപ്പെടാതെ മുളവുകാടുനിന്നെത്തിയ പെണ്‍വീട്ടുകാര്‍ ചെക്കന്റെ വീട്ടുകാരെ ഒന്നും അറിയിക്കാതെ വന്ന വഴി തന്നെ മടങ്ങി. വീടിനുള്ളിലായിരുന്നതിനാല്‍ യുവാവും വീട്ടുകാരും ഇതൊന്നും അറിഞ്ഞതുമില്ല. അടിപിടി കണ്ട് അങ്കലാപ്പിലായ വധുവിന്റെ വീട്ടുകാര്‍ കല്യാണാലോചന തുടരണോ വേണ്ടയോ എന്ന ആശങ്കയിലാണിപ്പോള്‍.

അതേസമയം അടിപിടിക്കിടെ പരിക്കേറ്റവരെ മഞ്ഞുമ്മല്‍ ആശുപത്രിയില്‍ എത്തിച്ചിട്ടും അവിടേയും ബ്രസീല്‍ അര്‍ജന്റീന യുദ്ധം തുടരുകയായിരുന്നു.