തന്റെ മണ്ഡലത്തിലെ വികസന പ്രവര്‍ത്തനങ്ങള്‍ക്കായി കഠിനമായി പ്രവര്‍ത്തിച്ച വ്യക്തിയായിരുന്നു അദ്ദേഹമെന്നും ഇത്തരത്തില്‍ ഒരു ജനപ്രതിനിധിയുടെ കഠിനപ്രയത്‌നവും അതിനുവേണ്ടിയുള്ള അര്‍പ്പണബോധവും മമ്മുണ്ണി ഹാജിയില്‍ നിന്ന് പഠിക്കണം എന്ന് തോന്നിപ്പിക്കുന്ന രീതിയിലായിരുന്നു അദ്ദേഹത്തിന്റെ അക്കാലത്തെ പ്രവര്‍ത്തനങ്ങളെന്നും സമദാനി പറഞ്ഞു. മുസ്ലിം ലീഗിന്റെയും യു.ഡി.എഫിന്റെയും സമുന്നതരായ നേതാക്കള്‍ക്കെല്ലാം അദ്ദേഹത്തോട് വലിയ ഇഷ്ടവും അടുപ്പുമായിരുന്നു. ഗുരുവായൂര്‍ തെരഞ്ഞെടുപ്പില്‍ കെ.കരുണാകരനും പി.കെ കുഞ്ഞാലിക്കുട്ടി സാഹിബും ഏറെ സുപ്രധാനമായ ഉത്തരവാദിത്തങ്ങള്‍ പലതും മമ്മുണ്ണി ഹാജിയെയായിരുന്നു ഏല്‍പ്പിച്ചിരുന്നത്.

രോഗബാധിതനായ ശേഷവും പലപ്പോഴും അദ്ദേഹത്തെ കാണാന്‍ പോയിരുന്നപ്പോള്‍ ശാരീരികമായ അവശതയിലും അല്പസ്വല്പം മറവി വന്ന സന്ദര്‍ഭങ്ങളില്‍ പോലും അദ്ദേഹം തന്നെ തിരിച്ചറിയുകയും എന്റെ സന്ദര്‍ശനത്തില്‍ ഉള്ളുണര്‍ന്ന് സന്തോഷിക്കുകയും ചെയ്തതും മറക്കാന്‍ കഴിയാത്ത അനുഭവങ്ങളാണെന്നും നാടിനും ജനങ്ങള്‍ക്കും പാര്‍ട്ടിക്കും വേണ്ടി മമ്മുണ്ണി ഹാജി ചെയ്ത സേവനങ്ങള്‍ എക്കാലത്തും ഓര്‍ക്കപ്പെടുമെന്നും ഡോ. എം.പി. അബ്ദുസ്സമദ് സമദാനി എം.പി സമൂഹമാധ്യമത്തില്‍ കുറിച്ചു.

മക്കള്‍: വൈ ഷാജഹാന്‍ (ഫാത്തിമ മെമ്മോറിയല്‍ എഡ്യൂക്കേഷണല്‍ ട്രസ്റ്റ് ചെയര്‍മാന്‍), വൈ നൗഷാദ് (മുസ്‌ലിം ലീഗ് ജില്ലാ പ്രസിഡന്റ്, ഫാത്തിമ മെമ്മേറിയല്‍ എഡ്യൂക്കേഷണല്‍ ട്രസ്റ്റ് സെക്രട്ടറി), അഡ്വ.വൈ അന്‍സാര്‍ (ഫാത്തിമ മെമ്മേറിയല്‍ എഡ്യൂക്കേഷണല്‍ ട്രസ്റ്റ് ട്രഷറര്‍), വൈ ഹാഷിം ( ഫാത്തിമ മെമ്മേറിയല്‍ എഡ്യൂക്കേഷണല്‍ ട്രസ്റ്റ് വൈസ് ചെയര്‍മാന്‍), നൂര്‍ജഹാന്‍, മുംതാസ്, റസിയ (മൂവരും ഫാത്തിമ മെമ്മേറിയല്‍ എഡ്യൂക്കേഷണല്‍ ട്രസ്റ്റ് ഡയറക്ടര്‍മാര്‍)

മരുമക്കള്‍: സുജ ഷാജഹാന്‍, ഡോ.നൗഫല്‍ (ബെന്‍സിഗര്‍, കൊല്ലം), സജീന നൗഷാദ്, ഷറഫുദീന്‍ (കാഷ്യൂ എക്‌സ്‌പോര്‍ട്ടര്‍), സീനു അന്‍സാര്‍, ഡോ.നസ്മല്‍ (ദുബൈ), പ്രൊഫ.മുനീറ ഹാഷിം.

പതിമൂന്ന്കാരിയെ പീഡിപ്പിച്ച കേസില്‍നിന്ന് പ്രതിയെ ഒഴിവാക്കിയെന്ന ആരോപണം സാധൂകരിക്കുന്ന വിവരങ്ങളാണ് ബാലകൃഷ്ണന്‍ ഹാജരാക്കിയത്. യഥാര്‍ഥ പ്രതിയെന്ന് ആരോപണമുള്ള വ്യവസായിയുടെ സ്ഥാനത്ത് പൊലീസ് പ്രതിചേര്‍ത്ത വേങ്ങര സ്വദേശി മുഹമ്മദ് മുസ്തഫ, അതിജീവിതയ്ക്ക് നിയമസഹായം നല്‍കിയ അന്വേഷി മുന്‍ പ്രവര്‍ത്തക ശാന്ത, പിന്നീട് സംരക്ഷണം നല്‍കിയ സാമൂഹിക പ്രവര്‍ത്തക പി.ഇ.ഉഷ എന്നിവരുടെ വെളിപ്പെടുത്തലുകളുടെ വിശദാംശങ്ങള്‍ ഹാജരാക്കിയതായി ബാലകൃഷ്ണന്‍ പറഞ്ഞു. ജോര്‍ജ് എം തോമസും ആരോപണ വിധേയനായ വ്യവസായി സിദ്ദിഖ് പുറായിലും തമ്മിലുള്ള ബന്ധം തെളിയിക്കുന്ന രേഖകളും വടകര റൂറല്‍ എ.എസ്.പിയ്ക്ക് കൈമാറി.

ജില്ലാ സെക്രട്ടറിയേറ്റ് അംഗമായ ജോര്‍ജ് എം തോമസിനെ സിപിഎം സസ്‌പെന്‍ഡ് ചെയ്തതോടെയാണ് പ്രതിയെ രക്ഷപെടുത്താന്‍ ജോര്‍ജ് ഇടപെട്ടെന്ന വിവരം പുറത്തറിയുന്നത്. ഇതിനുപിന്നാലെ ജൂലൈ ഇരുപതിനാണ് ബാലകൃഷ്ണന്‍ അന്വേഷണമാവശ്യപ്പെട്ട് ഡിജിപിക്ക് പരാതി നല്‍കിയത്. ഒരാഴ്ച കഴിഞ്ഞ് ബാലകൃഷ്ണന്റെ മൊഴിയെടുത്ത പൊലീസ് തെളിവുകള്‍ ഹാജരാക്കാന്‍ ആവശ്യപ്പെടുകയായിരുന്നു. എന്നാല്‍ പരാതിയില്‍ ഇതുവരെ പൊലീസ് കേസെടുത്തിട്ടില്ല.