2 മണി മുതല്‍ വാഹന നിയന്ത്രണം ഏര്‍പ്പെടുത്തും. 80000 പേര്‍ക്ക് വെളി ഗ്രൗണ്ടിന്‍ നില്‍ക്കാന്‍ കഴിയുമെന്ന് പൊലീസ് വിലയിരുത്തിയിട്ടുണ്ട്. അതില്‍ കൂടുതല്‍ ആളുകള്‍ വന്നാല്‍ ഫോര്‍ട്ട് കൊച്ചിയിലേക്ക് പ്രവേശിക്കുന്നതിനായി നിയന്ത്രണം ഏര്‍പ്പെടുത്തും. 12 മണിക്ക് ശേഷം 50 ബസുകള്‍ക്ക് പ്രത്യേക പെര്‍മിറ്റ് നല്‍കും. മെട്രോ സര്‍വീസ് പുലര്‍ച്ചെ 2 മണി വരെ ഉണ്ടാകും. വാട്ടര്‍ മെട്രോ വൈപ്പിന്‍ ഹൈക്കോടതി സര്‍വ്വീസ് നടത്തും. ബാറുകള്‍ രാത്രി 11 മണിക്ക് അടയ്ക്കണമെന്ന് നിര്‍ദേശം നല്‍കി.

സിസിടിവി ക്യാമറകള്‍ സ്ഥാപിച്ച് സുരക്ഷ ഉറപ്പാക്കുമെന്ന് സിറ്റി പൊലീസ് കമ്മിഷണര്‍ അറിയിച്ചു. അതേസമയം ഫോര്‍ട്ട് കൊച്ചിയിലെ പരിപാടി കഴിഞ്ഞ് മടങ്ങുന്നവര്‍ മദ്യപിച്ചിട്ടുണ്ടോ എന്ന് പരിശോധിക്കാനായി 12 മണിക്ക് ശേഷം വിവിധയിടങ്ങളില്‍ പരിശോധന നടത്താനാണ് തീരുമാനം. പൊലീസിന്റെ പ്രത്യേക സ്‌ക്വാഡകളെ ഇതിനായി നിയോഗിക്കും.

കൃത്യമായ സുരക്ഷാ അകലം പാലിക്കാന്‍ ഹൈക്കോടതി നിര്‍ദേശം നല്‍കിയിട്ടുണ്ട്. പാപ്പാഞ്ഞിയുടെ അരികില്‍ നിന്ന് 70 അടി അകലത്തില്‍ സുരക്ഷാ ബാരിക്കേഡ് നിര്‍മ്മിക്കണമെന്നും കോടതി നിര്‍ദേശിച്ചു. വെളി മൈതാനത്ത് 50 അടി ഉയരത്തില്‍ ഗാലാ ഡി ഫോര്‍ട്ടുകൊച്ചി നിര്‍മ്മിക്കുന്ന പപ്പാഞ്ഞിയുടെ നിര്‍മ്മാണം തടഞ്ഞു കൊണ്ടാണ് പൊലീസ് സംഘാടകര്‍ക്ക് നോട്ടീസ് നല്‍കിയിരുന്നത്. സുരക്ഷാ കാരണങ്ങള്‍ ചൂണ്ടി കാട്ടി പപ്പാഞ്ഞി പൊളിച്ചുമാറ്റാനായിരുന്നു ആവശ്യം. കൊച്ചി കാര്‍ണിവലിന്റെ ഭാഗമായി സുരക്ഷ ഒരുക്കുന്നത് ചൂണ്ടിക്കാട്ടിയാണ് നോട്ടീസ് നല്‍കിയത്.

ഫോര്‍ട്ട് കൊച്ചി പരേഡ് ഗ്രൗണ്ടിലാണ് കാര്‍ണിവലിനോടനുബന്ധിച്ച് പ്രശസ്തമായ ഈ ചടങ്ങ് നടക്കുന്നത്. പരേഡ് ഗ്രൗണ്ടില്‍ നിന്നും രണ്ട് കിലോമീറ്റര്‍ അകലെ വെളി ഗ്രൗണ്ടിലാണ് ഗാലാ ഡി ക്ലബ്ബ് തങ്ങളുടെ പാപ്പാഞ്ഞിയെ ഒരുക്കിയത്.

രണ്ട് മെട്രോ ബോട്ടുകളും തമ്മില്‍ കൂട്ടിയിടിച്ചതിനിടെ എമര്‍ജന്‍സി അലാറം മുഴങ്ങി. തൊട്ടുപിന്നാലെ മെട്രോയുടെ എമര്‍ജന്‍സി ഡോര്‍ തനിയെ തുറന്നു. ഇതോടെ യാത്രക്കാര്‍ പരിഭ്രാന്തരായി. എന്നാല്‍ ജീവനക്കാര്‍ ഇടപെട്ടതോടെ ആശങ്ക ഒഴിഞ്ഞു.