കാരുണ്യ പദ്ധതി ഉള്‍പ്പെടെ പാവപ്പെട്ട രോഗികളുടെ ആശ്രയമായ പല പദ്ധതികളും എല്‍.ഡി.എഫ് സര്‍ക്കാര്‍ നേരത്തെ നിര്‍ത്തലാക്കിയിരുന്നു. ഇതിനു തൊട്ടുപിന്നാലെയാണ് ഇപ്പോള്‍ കുട്ടികളുടെ ചികിത്സയും നിര്‍ത്തുന്നത്. അഡ്മിറ്റ് ചെയ്യുന്നത് മുതല്‍ ഡിസ്ചാര്‍ജ്ജ് വരെ എല്ലാ ചികിത്സയും സൗജന്യമായി നല്‍കിയിരുന്ന ആശ്വാസ പദ്ധതിയാണ് അവസാനിച്ചത്. വലിയ ചെലവു വരുന്ന ചികിത്സകളാണ് ഇവിടെ ലഭിച്ചിരുന്നത്. ദേശീയാരോഗ്യ മിഷനുമായി ബന്ധപ്പെട്ടാണ് പദ്ധതി നടപ്പാക്കിയിരുന്നത്. ഫണ്ട് ഇല്ലെന്ന ഒറ്റക്കാരണം പറഞ്ഞാണ് ഇപ്പോള്‍ ഈ ക്രൂരത കാട്ടിയിരിക്കുന്നത്.