fujaira – Chandrika Daily

ഫുജൈറയില്‍ നേരിയ ഭൂചലനം; നാശ നഷ്ടങ്ങളില്ല

webdesk17 — Sat, 23 Aug 2025 09:11:31 +0000

റിക്ടര്‍ സ്‌കെയിലില്‍ 3.3 തീവ്രത രേഖപ്പെടുത്തിയ ഭൂചലനം ഫുജൈറയിലുണ്ടായതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ഇന്ന് യുഎഇ സമയം (വെള്ളിയാഴ്ച) ഉച്ചയ്ക്ക് 12:35 ന് സഫാദ് ഫുജൈറ പ്രദേശത്താണ് ഭൂചലനം അനുഭവപ്പെട്ടത്. എവിടെയും നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല.

ഫുജൈറ-കണ്ണൂര്‍ സര്‍വീസ് ആരംഭിച്ച് ഇന്‍ഡിഗോ; മെയ് 15 മുതല്‍

webdesk17 — Fri, 11 Apr 2025 17:36:55 +0000

ഫുജൈറയില്‍നിന്ന് കണ്ണൂരിലേക്ക് നേരിട്ട് പ്രതിദിന സര്‍വീസ് ആരംഭിച്ച് ഇന്‍ഡിഗോ. യുഎഇയില്‍ ഇന്‍ഡിഗോയുടെ അഞ്ചാമത്തെ ഡസ്റ്റിനേഷനാണ് ഫുജൈറ. യാത്രക്കാര്‍ക്ക് അടുത്ത എമിറേറ്റുകളില്‍ നിന്ന് സൗജന്യ ബസ് സര്‍വീസും ഒരുക്കിയിട്ടുണ്ട്.

ഇന്‍ഡിഗോയുടെ കണ്ണൂരിലേക്കുള്ള പ്രതിദിന വിമാന സര്‍വീസ് മെയ് 15 മുതല്‍ ആരംഭിക്കും. തൊട്ടടുത്ത ദിവസം മുംബൈയിലേക്കുള്ള സര്‍വീസിനും തുടക്കമാകും. 8899 രൂപ മുതലാണ് നിരക്ക്. അതേസമയം ദുബൈ, ഷാര്‍ജ, അജ്മാന്‍ എമിറേറ്റുകളില്‍ നിന്ന് ബുക്ക് ചെയ്യുന്ന യാത്രക്കാര്‍ക്ക് ഫുജൈറയിലേക്ക് സൗജന്യ ബസ് സര്‍വീസ് സേവനവും എയര്‍ലൈന്‍സ് വാഗ്ദാനം ചെയ്യുന്നു.

പുതിയ സര്‍വീസ്, പ്രകൃതി മനോഹരമായ ഫുജൈറയിലേക്ക് കൂടുതല്‍ വിദേശ ടൂറിസ്റ്റുകളെ ആകര്‍ഷിക്കാന്‍ സഹായിക്കുമെന്ന് ഇന്‍ഡിഗോ ഗ്ലോബല്‍ സെയില്‍സ് മേധാവി വിനയ് മല്‍ഹോത്ര പറഞ്ഞു.

മുസ്ലിം ലീഗ് കാസറഗോഡ് ജില്ല ഉപാധ്യക്ഷൻ കെ.ഇ.എ ബക്കർ സാഹിബിന് കൽബ കെ.എം.സി.സി സ്വീകരണം നൽകി

webdesk14 — Thu, 08 Feb 2024 06:32:42 +0000

ഫുജൈറ: മുസ്ലിം ലീഗ് കാസറഗോഡ് ജില്ല കമ്മിറ്റി നിർമ്മിക്കുന്ന “മുസ്ലിം ലീഗ് ജില്ല ആസ്ഥാന മന്ദിരത്തിന്റെ പ്രചരണാർത്ഥം യു എ യിൽ എത്തിയ മുസ്ലിം ലീഗ് കാസറഗോഡ് ജില്ല ഉപാധ്യക്ഷൻ കെ ഇ എ ബക്കർ സാഹിബിന് കൽബ കെഎംസിസി സ്വീകരണം നൽകി. യോഗത്തിൽ അബു താഹിർ ഫൈസി പ്രാർത്ഥന നടത്തി. ഫുജൈറ കെഎംസിസി സംസ്ഥാന ട്രഷറർ സി കെ അബൂബക്കര്‍ സാഹിബിന്റെ അധ്യക്ഷതയിൽ നടന്ന യോഗം ഫുജൈറ കെഎംസിസി സ്റ്റേറ്റ് വൈസ് -പ്രസിഡന്റ് ഇബ്രാഹിം ആലംപാടി ഉൽഘാടനം ചെയ്തു . ജില്ല ആസ്ഥാന മന്ദിരത്തിന്റെ പ്രാധാന്യവും ഫണ്ട് ക്യാമ്പയിൻ വിജയിപ്പിക്കേണ്ടതിനെ കുറിച്ചും കെ ഇ എ ബക്കർ സാഹിബ് വിശദീകരിച്ചു. യോഗത്തിൽ കാസറഗോഡ് ജില്ല കെഎംസിസി ക്ക്‌ വേണ്ടിയും കൽബ കെ.എം.സിക്കു വേണ്ടിയും നേതാക്കൾ കെ ഇ എ ബക്കർ സാഹിബിനെ ഷാളണിയിച്ചു സ്വീകരിച്ചു. ആസ്ഥാനമന്ദിരത്തിനായുള്ള ഫുജൈറ കെ.എം.സി.സി. കാസറഗോഡ് ജില്ലാ ഫണ്ട് കൽബ കെ.എം.സി.സി. ഉപദേശകസമിതിയംഗവും പ്രമുഖ വ്യവസായിയുമായ ശരീഫ് ഗ്ലാസ് കോ ബയാർ ഉത്ഘാടനം ചെയ്തു.

ഷാർജ കെഎംസിസി സ്റ്റേറ്റ് സെക്രട്ടറി ഫൈസൽ അഷ്ഫാഖ് മുഖ്യപ്രഭാഷണം നടത്തി. ഫുജൈറ കെഎംസിസി കാസറഗോട് ജില്ല പ്രസിഡന്റ് അയ്യൂബ്‌ കല്ലങ്കൈ ,ഫുജൈറ കെഎംസിസി കാസറഗോഡ് ജില്ല ട്രഷറർ സാജിദ് ക്യാപ്റ്റൈൻ മറൈൻ, ഫുജൈറ കെഎംസിസി കൊല്ലം ജില്ല പ്രസിഡന്റ് നൗഷാദ് കരിക്കോട്, ഫുജൈറ കെഎംസിസി കാസറഗോഡ് ജില്ല ആക്ടിങ് സെക്രട്ടറി അൻസാരി കോല്ലമ്പാടി , ഫുജൈറ കെഎംസിസി കാസറഗോഡ് ജില്ല വൈസ് – പ്രസിഡന്റ്മാരായ റൗഫ് കാസി എരിയപ്പാടി , റിയാസ് ചെങ്കള, തുടങ്ങിയവർ സംസാരിച്ചു. നസീർ ചന്തേര , ഖലീൽ ബായാർ, സി എ ശാഫി പള്ളിക്കര ദുബൈ, ബഷീര്‍ തെക്കിൽ തുടങ്ങിയ ജില്ലാ കമ്മറ്റി നേതാക്കളും പ്രവത്തകരും സംബന്ധിച്ചു.

കൽബ കെഎംസിസി ആക്ടിങ് പ്രസിഡന്റ് അൻവർ സലീം സ്വാഗതവും ട്രഷറർ ജമാൽ കൽബ നന്ദിയും പറഞ്ഞു. ബഷീർ തെക്കിലിൻ്റെ നേതൃത്വത്തിൽ ഗാനാലാപനവും നടന്നു.

ഫുജൈറ ജനസംഖ്യയില്‍ വര്‍ധനവ് രേഖപ്പെടുത്തി

webdesk14 — Tue, 23 May 2023 11:23:43 +0000

ഫുജൈറ: ഫുജൈറ എമിറേറ്റില്‍ 2022ലെ കണക്കനുസരിച്ചു ജനസംഖ്യ 316,790 ആയി ഉയര്‍ന്നു. 2021ല്‍ 302,418 ആയിരുന്നു. ജനസംഖ്യയില്‍ ഒരുവര്‍ഷംകൊണ്ട് 14,372 പേരുടെ വര്‍ധനവാണുണ്ടായതെന്ന് കണക്കുകള്‍ വ്യക്തമാക്കുന്നു.

അതേസമയം ഫുജൈറയില്‍ കഴിഞ്ഞ വര്‍ഷം 2711 ജനനമാണ് റിപ്പോര്‍ട്ട് ചെയ്യപ്പെട്ടിട്ടുള്ളത്. 571 വിവാഹമാണ് ഈ കാലയളവില്‍ നടന്നത്. വിദേശികളുടെ എണ്ണത്തിലുണ്ടായ വര്‍ധനവാണ് ജനസംഖ്യയില്‍ കാര്യമായ മാറ്റം കാണിക്കുന്നത്.