കോണ്‍ഗ്രസിന് വ്യക്തമായി ഭൂരിപക്ഷമുള്ള പല മണ്ഡലങ്ങളിലും ബി.ജെ.പി സ്ഥാനാര്‍ത്ഥികള്‍ വിജയിച്ചതില്‍ നിന്നും വ്യക്തമാണ് വോട്ടിങ് യന്ത്രത്തില്‍ ബി.ജെ.പി കൃത്രിമ കാണ്ടിയെന്നത്. വോട്ടിങ് യന്ത്രത്തില്‍ കൃത്രിമ നടത്തായി തെരഞ്ഞെടുപ്പ് കമ്മീഷന്‍ പരാതി നല്‍കും. വരാനിരിക്കുന്ന തെരഞ്ഞെടുപ്പുകള്‍ ബാലറ്റ് പേപ്പറില്‍ നടത്താന്‍ കമ്മീഷനെ പ്രേരിപ്പിക്കും- പരമേശ്വര പറഞ്ഞു.

Some of our leaders and I personally feel EVMs have been manipulated by BJP. Many Congress leaders lost at places even where Congress had a stronghold. We will complain to EC, we urge to move back to ballot papers: G. Parameshwara, #Karnataka Deputy CM pic.twitter.com/db44TvPq3J

— ANI (@ANI) May 24, 2018

താനൊരു ദളിതനായതുകൊണ്ടാണ് തനിക്ക് ഉപമുഖ്യമന്ത്രിയുടെ സ്ഥാനം കിട്ടിയതെന്ന് ഒരിക്കലും കരുതുന്നില്ല. ഒരു ദളിതന്‍ ആകാന്‍ തന്നെയാണ് എനിക്കിഷ്ടം എന്നും മാധ്യമങ്ങളുടെ ചോദ്യത്തിന് മറുപടിയായി അദ്ദേഹം പറഞ്ഞു. തെരഞ്ഞെടുപ്പ് മാറ്റിവെച്ച രാജരാജേശ്വരി നഗര്‍ മണ്ഡലത്തില്‍ കോണ്‍ഗ്രസ് സ്ഥാനാര്‍ഥികള്‍ക്ക് ജെ.ഡി-എസ് പിന്തുണ നല്‍കുമെന്നും അദ്ദേഹം പറഞ്ഞു.

കുറച്ചു ബി.ജെ.പി എം.എല്‍.എമാരും നേതാക്കളും കോണ്‍ഗ്രസില്‍ ചേരാന്‍ തയ്യാറായി നില്‍ക്കുകയാണെന്ന് ജി പരമേശ്വര പറഞ്ഞു. അവര്‍ ഞങ്ങളുമായി നിരന്തരം ആശയവിനിമയം നടത്തുന്നുണ്ട്. പക്ഷേ അവരെ മുഴുവന്‍ കോണ്‍ഗ്രസിന് ഉള്‍ക്കൊളളാനാകില്ല, കാരണം ഞങ്ങള്‍ക്ക് ഞങ്ങളുടെ നേതാക്കളെ മത്സരിപ്പിക്കാനുണ്ട്. അവരെ പാര്‍ട്ടിയിലെടുക്കുന്നതിന് മുമ്പ് ഞങ്ങള്‍ ആലോചിക്കുമെന്നും അദ്ദേഹം കൂട്ടിച്ചേര്‍ത്തു. 7 ജനദാതള്‍ സെക്യുലര്‍ വിമത നേതാക്കളേയും കോണ്‍ഗ്രസ്സില്‍ ഉള്‍പ്പെടുത്തുമെന്ന് അദ്ദേഹം കൂട്ടിച്ചേര്‍ത്തു.

സംസ്ഥാനത്ത് കോണ്‍ഗ്രസ് ഭരണം നിലനില്‍ക്കുമെന്നാണ് കോണ്‍ഗ്രസ് നേതൃത്വം കണക്കാക്കുന്നത്. ഭരണം നിലനിര്‍ത്താന്‍ കഴിഞ്ഞാല്‍ 2019-ലെ പാര്‍ലമെന്റ് തെരഞ്ഞെടുപ്പ് നേരിടാന്‍ കോണ്‍ഗ്രസിന് ആത്മവിശ്വാസം ലഭിക്കും.ഗുജറാത്തിലെ കോണ്‍ഗ്രസ്സിന്റെ മുന്നേറ്റവും കോണ്‍ഗ്രസ്സിന് ശക്തി പകരുന്നതാണ്.