ജിഎസ്ടി കുറവുകള്‍ക്ക് അഞ്ച് വര്‍ഷത്തേക്ക് സംസ്ഥാനങ്ങള്‍ക്ക് നഷ്ടപരിഹാരം നല്‍കുമെന്ന് പാര്‍ലമെന്റ് നിയമം പാസാക്കിയതാണ്. എന്നാല്‍ കുറവുകള്‍ പരിഹരിക്കുന്നതിന് സംസ്ഥാനങ്ങള്‍ കടം വാങ്ങണമെന്ന നയത്തിലൂടെയാണ് ഇപ്പോള്‍ കേന്ദ്രം കടന്നുപോകുന്നത്. കേന്ദ്രത്തിന്റെ തങ്ങളുടെ നിയമപരമായ ബാധ്യതകള്‍ ഉപേക്ഷിക്കുകയാണിവിടെ. ഇത് ദയനീയമാണ്! സംസ്ഥാനങ്ങള്‍ പല്ലും നഖവും ഉപയോഗിച്ച് എതിര്‍ക്കണം, ജയറാം രമേശ് ട്വീറ്റ് ചെയ്തു.

Parliament passed a law that Centre will compensate states for GST shortfalls for 5 years. Centre is now passing the buck to states telling them they should borrow to make up shortfalls. This is abdicating Centre's legal obligations. Pathetic! States should oppose tooth and nail.

— Jairam Ramesh (@Jairam_Ramesh) August 28, 2020

2020-21 സാമ്പത്തിക വര്‍ഷത്തേക്കുള്ള സംസ്ഥാന സര്‍ക്കാരുകളുടെ കുടിശ്ശിക അടയ്ക്കാന്‍ കേന്ദ്ര സര്‍ക്കാരിന് കഴിയില്ലെന്നാണ് കേന്ദ്രമന്ത്രി നിര്‍മല സീതാരാമന്‍ ഇന്നലെ പ്രഖ്യാപിച്ചത്. ഈ വര്‍ഷത്തെ നഷ്ടം നികത്താന്‍ റിസര്‍വ് ബാങ്കില്‍നിന്നു വായ്പ ലഭിക്കുന്നതിനു സൗകര്യമൊരുക്കാമെന്ന് ജിഎസ്ടി കൗണ്‍സിലില്‍ കേന്ദ്രസര്‍ക്കാര്‍ വ്യക്തമാക്കി. സംസ്ഥാനങ്ങളുടെ ജി.എസ്.ടി വരുമാനക്കുറവ് ഏകദേശം 2.35 ലക്ഷം കോടി രൂപയാണ്. ഈ വിടവ് നികത്താന്‍ റിസര്‍വ് ബാങ്കില്‍ നിന്ന് കടം വാങ്ങാന്‍ സംസ്ഥാനങ്ങളോട് പറയുന്നത് ദയനീയമെന്നാണ് ജയറാം രമേശ് പറയുന്നത്. ജി.എസ്.ടി കുടിശ്ശിക അടയ്ക്കുന്നതിനുള്ള ചുമതല നിറവേറ്റുന്നതിന് കേന്ദ്രസര്‍ക്കാര്‍ നിയമപരമായി ബാധ്യസ്ഥരാണെന്നും ജയറാം രമേശ് വ്യക്തമാക്കുന്നു.

കൊവിഡ് വരുന്നതിനുമുമ്പുതന്നെ ഇന്ത്യന്‍ സമ്പദ്വ്യവസ്ഥയെ സാമ്പത്തിക മാന്ദ്യത്തിലേക്ക് തള്ളിവിട്ട ശേഷം ഇപ്പോള്‍ കേന്ദ്രസര്‍ക്കാരിന്റെ ഉത്തരവാദിത്തം നിറവേറ്റാന്‍ കഴിയാത്തതിന് ‘ദൈവിക ഇടപെടല്‍’ എന്നുപറയുന്ന രീതിയാണ് ജിഎസ്ടി കൗണ്‍സിലില്‍ കേന്ദ്രമന്ത്രി നിര്‍മല സീതാരാമന്‍ സ്വീകരിച്ചത്.

കള്ളപ്പണം ഇല്ലാതാക്കൽ, നികുതി അടയ്കാത്തവരെ പിടിച്ചുകെട്ടുക തുടങ്ങിയ ലക്ഷ്യത്തോടെ നടപ്പാക്കിയ നോട്ടുനിരോധനവും ജി.എസ്.ടിയും പൂര്‍ണ്ണപരാജയമാണെന്നാണ് കണക്കുകളെ ഉദ്ധരിച്ച് ഫിനാന്‍ഷ്യല്‍ എക്‌സ്പ്രസ് റിപ്പോര്‍ട്ട് ചെയ്തിരിക്കുന്നത്. ഇതു ചൂണ്ടിക്കാട്ടിയാണ് രാഹുലിൻെറ ട്വീറ്റ്.

Congress built the India growth story. Modi has used Demonetisation and the Gabbar Singh Tax to completely destroy it. He’s an incompetent man who listens to nobody.https://t.co/mAo8yWa1gV

— Rahul Gandhi (@RahulGandhi) January 5, 2019

നോട്ട് നിരോധനവും ജി.എസ്.ടിയും രാജ്യത്തെ സാമ്പത്തിക അരക്ഷിതാവസ്ഥയിലേക്കാണ് തള്ളിവിട്ടത്. ഇതോടെ തൊഴില്ലായ്മ വർദ്ധിക്കുകയും സാധാരണക്കാരനുമേൽ നികുതി ഭാരം കൂടുകയും ചെയ്തുവെന്ന് സാമ്പത്തിക വിദഗ്ധനായ ഗൗരവ് ആനന്ദിനെ ഉദ്ധരിച്ച് ലേഖനത്തില്‍ ചൂണ്ടിക്കാട്ടുന്നു. അതേസമയം യുപിഎ കാലത്തെ അഴിമതിക്കും സ്വജനപക്ഷപാതത്തിനും എതിരായ നിലപാടെടുത്ത തന്നെ കോണ്‍ഗ്രസ് ടാര്‍ജെറ്റ് ചെയ്യുകായണെന്നാരോപിച്ച് നരേന്ദ്ര മോദി രംഗത്തെത്തി. യുപിഎ സർക്കാർ രാജ്യത്തിന്റെ പ്രതിരോധ സേനയെ ദുര്‍ബലപ്പെടുത്തിയെന്നും എന്‍ഡിഎ രാജ്യ സുരക്ഷയ്ക്കാണ് പ്രഥമ പരിഗണന നല്‍കുന്നതെന്നും നരേന്ദ്ര മോദി പറഞ്ഞു.

ജി.എസ്.ടിക്ക് കീഴിലുള്ള 98 ശതമാനം ഉത്പന്നങ്ങളും സേവനങ്ങളും 18 ശതമാനം നികുതി നിരക്കിന് താഴേക്ക് കൊണ്ടുവരുമെന്ന പ്രഖ്യാപനം പ്രധാനമന്ത്രി നരേന്ദ്ര മോദി നടത്തിയിരുന്നു. ഇതിന്റെ ചുവടുപിടിച്ചാണ് ജി.എസ്.ടി കൗണ്‍സിലില്‍ വിഷയം പരിഗണിച്ചത്. ആഢംബര വസ്തുക്കള്‍ക്ക് നികുതി കുറക്കുന്നതിനോട് യോജിപ്പില്ലെന്ന നിലപാടാണ് കേരളമടക്കമുള്ള പല സംസ്ഥാനങ്ങളും സ്വീകരിച്ചിരുന്നത്. അതേസമയം സാധാരണക്കാര്‍ ഉപയോഗിക്കുന്ന വസ്തുക്കളുടെ നികുതി കുറക്കുന്നതിന് ഈ സംസ്ഥാനങ്ങള്‍ അനുകൂലിക്കുകയും ചെയ്തു.

അതേസമയം ഏതെല്ലാം വസ്തുക്കളുടെ നികുതിയാണ് ജി.എസ്.ടി കൗണ്‍സില്‍ കുറച്ചതെന്നത് സംബന്ധിച്ച വിവരങ്ങള്‍ പുറത്തുവന്നിട്ടില്ല.
അവശ്യസാധനങ്ങള്‍ക്കാണ് നികുതിയിളവ് അനുവദിച്ചിരിക്കുന്നതെന്നാണ് സൂചന. അതേസമയം ജി.എസ്.ടി നിരക്ക് കുറിച്ച വിഷയത്തില്‍ പ്രതികരണവുമായി കോണ്‍ഗ്രസ് രംഗത്തെത്തി. പൊതു തെരഞ്ഞെടുപ്പ് അടുത്തിരിക്കെ ജി.എസ്.ടി കുറയ്ക്കുന്നത് രാഷ്ട്രീയ നേട്ടത്തിന് വേണ്ടിയാണെന്ന് കോണ്‍ഗ്രസ് ആരോപിച്ചു. കേന്ദ്ര സര്‍ക്കാറിന്റെ ജനദ്രോഹ നടപടിയായ ജി.എസ്.ടി ബില്ലിനെതിരെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി നേരത്തെ ശക്തമായ നിലപാടുകള്‍ എടുത്തിരുന്നു. “ഗബ്ബര്‍ സിങ് ടാക്‌സ്” എന്നായിരുന്നു രാഹുലിന്റെ കടുത്ത വിമര്‍ശനം. “ഗ്രാന്റ് സ്റ്റുപ്പിഡ് തോട്ട്” എന്ന വിമര്‍ശവുമായി കഴിഞ്ഞ ദിവസവും രാഹുല്‍ രംഗത്തെത്തിയിരുന്നു. ജനവിരുദ്ധ നയങ്ങള്‍ മാറ്റാതെ പ്രധാനമന്ത്രിയെ ഉറങ്ങാന്‍ വിടില്ലെന്നും രാഹുല്‍ വെല്ലുവിളിയുയുര്‍ത്തി.

അതേസമയം എല്ലാ സംസ്ഥാനങ്ങളുടെയും അഭിപ്രായം തേടിയ ശേഷമാവും കുറക്കുന്നത് സംബന്ധിച്ച തീരുമാനമെടുക്കുകയെന്ന് ജിഎസ്ടി കൗണ്‍സില്‍ പങ്കെടുത്ത സംസ്ഥാന ധനമന്ത്രി തോമസ് ഐസക് പറഞ്ഞു.

BJP is in politics for the welfare of 10-15 big industrialists. We are in politics for the welfare of crores of Indians: Congress President @RahulGandhi #JanaAashirwadaYatre pic.twitter.com/nGhh7lrIge

— Congress (@INCIndia) April 7, 2018

നിലവില്‍ മുഴുവന്‍ ബാങ്കിങ് സമ്പ്രദായവും, മുഴുവന്‍ സര്‍ക്കാര്‍ മെഷിനറിയും 10-20 വരെ വന്‍കിട വ്യവസായികളെ മാത്രം ശ്രദ്ധ ഊന്നിയാണെന്നും രാഹുല്‍ കുറ്റപ്പെടുത്തി.

യുവജനങ്ങള്‍ക്കിടയില്‍ ഏതു സര്‍ക്കാറിനു വിശ്വാസമുണ്ടാക്കാനാവുക പുതിയ ജോലികള്‍ സൃഷ്ടിക്കുന്നതിലൂടെയാണെന്നും ഇക്കാര്യത്തില്‍ ചൈനയോടാണ് മത്സരിക്കേണ്ടതെന്നും രാഹുല്‍ പറഞ്ഞു. വരും വര്‍ഷങ്ങളില്‍ ഇക്കാര്യത്തില്‍ ചെറുകിട, ഇടത്തരം സംരഭകര്‍ക്ക് നിര്‍ണായക പങ്ക് വഹിക്കാനാവുമെന്നും രാഹുല്‍ പറഞ്ഞു.

സംസ്ഥാനത്തെ വിവിധ വിഭാഗങ്ങളുടെ ആവലാധികള്‍ മനസിലാക്കുന്നതിനും ഇത് പ്രകടന പത്രികയില്‍ ഉള്‍പ്പെടുത്തുന്നതിനുമായി സംസ്ഥാനത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി കെ.സി വേണുഗോപാലിനെ ചുമതലപ്പെടുത്തിയതായും അദ്ദേഹം അറിയിച്ചു. 30 ജില്ലകള്‍ക്കും പ്രത്യേക പ്രകടന പത്രിക തയാറാക്കാനാണ് കോണ്‍ഗ്രസ് ലക്ഷ്യമിടുന്നത്.

പാര്‍ട്ടി കര്‍ണാടകക്കു വേണ്ടിയുള്ള പ്രകടന പത്രികയാണ് തയാറാക്കുന്നതെന്നും കോണ്‍ഗ്രസ് പ്രകടന പത്രികയല്ലെന്നും വ്യവസായികളുമായുള്ള കൂടിക്കാഴ്ചയില്‍ രാഹുല്‍ പറഞ്ഞു.

Lakhs of people have gathered to hear Congress President Shri @RahulGandhi in Bengaluru at the finale of #JanaAashirwadaYatre in Palace Grounds. pic.twitter.com/DNmfqmhXMU

— Karnataka Congress (@INCKarnataka) April 8, 2018

മോദി ഭരണത്തില്‍ ഇന്ത്യയുടെ സാമ്പത്തിക രംഗം തകര്‍ച്ച നേരിട്ടതോടെ ജി.ഡി.പി(ഗ്രോസ് ഡൊമസ്റ്റ് പ്രൊഡക്ട്)ക്ക് പുതിയ പരിഹാസ വ്യാഖ്യാനവുമായാണ് രാഹുല്‍ ഗാന്ധി രംഗത്തെത്തിയത്.

FM Jaitley’s genius combines with Mr Modi’s Gross Divisive Politics (GDP) to give India:

New Investments: 13 year
Bank credit Growth: 63 year
Job creation: 8 year
Agriculture GVA growth: 1.7%
Fiscal Deficit: 8 year
Stalled Projects https://t.co/bZdPnREYiE

— Office of RG (@OfficeOfRG) January 6, 2018

മോദിയുടേത് മൊത്ത ഭിന്നിപ്പിക്കല്‍ രാഷ്ട്രീയ(ഗ്രോസ് ഡിവൈസീവ് പൊളിക്ടിക്‌സ്)മാണെന്നാണ് പരിഹാസവുമായാണ് രാഹുല്‍ രംഗത്തെത്തിയത്. ട്വിറ്ററിലൂടെയായിരുന്നു രാഹുലിന്റെ വിമര്‍ശനം. നേരത്തെ ജിഎസ്ടിക്കെതിരെ ഗബ്ബര്‍ സിങ് ടാക്‌സ് എന്ന രാഹുലിന്റെ പരിഹാസം വന്‍ പ്രചാരം നേടിയിരുന്നു.

2017-18 ലെ രാജ്യത്തിന്റെ സാമ്പത്തിക വളര്‍ച്ചാ നിരക്ക് 2016-17 ലേതിനെക്കാള്‍ കുറവായിരിക്കുമെന്ന സെന്‍ട്രല്‍ സ്റ്റാറ്റിസ്റ്റിക്കല്‍ ഓഫീസിന്റെ (സി.എസ്.ഒ) സൂചന പുറത്തുവന്നതിനു പിന്നാലെയാണ് വിമര്‍ശനവുമായി രാഹുല്‍ രംഗത്തെത്തിയിരിക്കുന്നത്.

സാമ്പത്തിക മേഖലയിലെ നിരാശാജനകമായ പ്രകടനത്തിന് ധനമന്ത്രി അരുണ്‍ ജെയ്റ്റിലിയെയും പ്രധാനമന്ത്രി നരേന്ദ്രമോദിയെയും കുറിക്കുകൊളളുന്ന വാചകങ്ങളില്‍ പരിഹസിക്കുന്നതാണ് രാഹുലിന്റെ ട്വീറ്റ്. ധനമന്ത്രിയുടെ പ്രതിഭയും മിസ്റ്റര്‍ മോദിയുടെ മൊത്ത ഭിന്നിപ്പിക്കല്‍ രാഷ്ട്രീയവും(ജി.ഡിയപി) ചേര്‍ന്ന് ഇന്ത്യക്ക് നല്‍കിയത് എന്തെന്ന് വ്യക്തമാക്കിയാണ് രാഹുലിന്റെ ട്വീറ്റ്.