നിര്‍മ്മാണം നടക്കുന്ന ഈ ഭാഗത്ത് ഉണ്ടായ അപകടത്തില്‍ നിന്ന് യാത്രക്കാര്‍ തലനാരിഴക്കാണ് രക്ഷപ്പെട്ടത്. നിര്‍മ്മാണത്തിലെ ഗൗരവമായ പിഴവുകള്‍ കൊണ്ടാണ് റോഡ് തകര്‍ന്നതെന്നാണ് മനസ്സിലാക്കുന്നതെന്ന് എംപി മന്ത്രിയോട് പറഞ്ഞു. ഇത്തരത്തില്‍ സംഭവങ്ങള്‍ ആവര്‍ത്തിക്കുന്നുണ്ടെങ്കിലും ദേശീയപാത അതോറിറ്റി അതിനെ ഗൗരവത്തോടെ കാണുന്നില്ല.

ദേശീയ പാത 66 ന്റെ നിര്‍മ്മാണത്തെ കുറിച്ച് ക്രമക്കേടും അപാകതയും ഉണ്ടായെന്ന പരാതിയെക്കുറിച്ചു അന്വേഷിക്കാന്‍ വിദഗ്ധ സംഘത്തെ നിയോഗിക്കണമെന്ന് എം.പി ആവശ്യപ്പെട്ടു.

കാസര്‍കോട് മുതല്‍ തിരുവനന്തപുരം വരെയുള്ള പാതയില്‍ ഇത്തരത്തിലുള്ള അപകടങ്ങള്‍ പതിവായിരികയാണെന്നും ഇത് സംസ്ഥാനമാകെയുള്ള പ്രശ്‌നമാണെന്നും അദ്ദേഹം വ്യക്തമാക്കി.

കേരളത്തിന്റെ ഭൂപ്രകൃതിയും കാലാവസ്ഥയും പരിഗണിച്ചുള്ള നിര്‍മ്മാണം ആവശ്യമാണെന്നും, മണ്‍സൂണ്‍ കാലത്ത് വിള്ളലുകളും തകരാറുകളും പതിവാകുന്നതായും എം.പി ചൂണ്ടിക്കാട്ടി.

ഇത്തരം പ്രശ്‌നങ്ങള്‍ ജനപ്രതിനിധികള്‍ ഉള്‍പ്പെടെ അധികൃതരുടെ ശ്രദ്ധയില്‍ കൊണ്ടുവന്നാലും ആവശ്യമായ നടപടികള്‍ സ്വീകരിക്കാതെ അവ അവഗണിക്കുകയാണ് പതിവ്.

നിര്‍മ്മാണത്തില്‍ പാകപ്പിഴ ഉണ്ടെങ്കില്‍ കൃത്യമായ പരിശോധന നടത്തി ഉത്തരവാദികളായ കരാര്‍ കമ്പനിക്കെതിരെ തിരെ നടപടി സ്വീകരിക്കണമെന്നും മന്ത്രിയോട് എംപി ആവശ്യപ്പെട്ടു.
ഭാവിയില്‍ ഇത്തരം അപകടങ്ങള്‍ ആവര്‍ത്തിക്കാതിരിക്കാനും, ജനങ്ങളുടെ സുരക്ഷ ഉറപ്പാക്കുന്നതിനും കര്‍ശന നടപടികള്‍ സ്വീകരിക്കണമെന്നും എം.പി ആവശ്യപ്പെട്ടു. കരാര്‍ കമ്പനിക്കെതിരെ കര്‍ശന നടപടി സ്വീകരിക്കുമെന്ന് മന്ത്രി എംപിയെ അറിയിച്ചു.

മോദി സര്‍ക്കാരിനെതിരെ എന്ന് തോന്നിക്കുന്ന നിരവധി പരാമര്‍ശങ്ങള്‍ ഗഡ്കരിയുടെ ഭാഗത്തുനിന്ന് വന്നിരുന്നു. ഇതിന് പിന്നാലെയാണ് ഗഡ്കരിയുടെ ധൈര്യത്തെ ചോദ്യം ചെയ്യുന്ന ട്വീറ്റുമായി രാഹുല്‍ ഗാന്ധി രംഗത്ത് വന്നത്.

ഗഡ്കരി ജി നിങ്ങള്‍ക്ക് അഭിനന്ദനങ്ങള്‍. ബിജെപിയില്‍ ധൈര്യമുള്ള ഒരേ ഒരാള്‍ നിങ്ങളാണ്. റഫാല്‍ ഇടപാട്, കര്‍ഷക പ്രശ്നം, ഭരണഘടനാ സ്ഥാപനങ്ങള്‍ നേരിടുന്ന പ്രതിസന്ധി എന്നിവയേക്കുറിച്ചുകൂടി താങ്കള്‍ പ്രതികരിക്കുമെന്ന് പ്രതീക്ഷിക്കുന്നു, എന്നായിരുന്നു രാഹുല്‍ ഗാന്ധിയുടെ ട്വീറ്റ്.

Oops, Gadkari Ji.

Huge apology. I forgot the most important one….

JOBS! JOBS! JOBS! JOBS! https://t.co/SfOLiCUoyg

— Rahul Gandhi (@RahulGandhi) February 4, 2019

എന്നാല്‍ മോദി സര്‍ക്കാറിലെ ദേശീയ പൊതുമരാമത്ത് മന്ത്രികൂടിയായ ഗഡ്കരിയെ തികച്ചും ട്രോളുന്ന രീതിയില്‍ രാഹുല്‍ ഗാന്ധിയുടെ രണ്ടാമത്തെ ട്വീറ്റും ഉടനടി വന്നു. ‘ക്ഷമിക്കണം ഗഡ്കരി ജി, പ്രധാനപ്പെട്ട ഒരു കാര്യം പറയാന്‍ വിട്ടുപോയി..ഊപ്‌സ്… അതായത് തൊഴില്‍ തൊഴില്‍ തൊഴില്‍…’ രാഹുല്‍ ട്വീറ്റ് ചെയ്തു. രാജ്യത്തിന്റെ പ്രധാനപ്പെട്ട എല്ലാ തൊഴില്‍ മേഖലകളും കയ്യാളുന്ന ഗഡ്കരിയുടെ ഭരണ പരാജയവും തുറന്നുകാട്ടുന്നതായിരുന്നു രാഹുലിന്റെ ട്വീറ്റ്.

അതേസമയം കഴിഞ്ഞ ദിവസം സ്വന്തം വീട് നോക്കാന്‍ കഴിയാത്ത ഒരാള്‍ക്ക് രാജ്യത്തെ സംരക്ഷിക്കാന്‍ സാധിക്കില്ല എന്ന് ഗഡ്കരി പരാമര്‍ശിച്ചിരുന്നു. എ.ബി.വി.പി പ്രവര്‍ത്തകരുടെ സമ്മേളനത്തില്‍ വെച്ചാണ് ഗഡ്കരി ഇത്തരമൊരു പരാമര്‍ശം നടത്തിയത്. ഇത് പ്രധാനമന്ത്രി നരേന്ദ്ര മോദിയെ ഉന്നം വെച്ചുള്ളതാണെന്നാണ് പ്രതിപക്ഷ പാര്‍ട്ടികളുടെ വിമര്‍ശം.

Gadkari Ji, compliments! You are the only one in the BJP with some guts. Please also comment on:

1. The #RafaleScam & Anil Ambani
2. Farmers’ Distress
3. Destruction of Institutionshttps://t.co/x8BDj1Zloa

— Rahul Gandhi (@RahulGandhi) February 4, 2019

റിപ്പബ്ലിക് ദിന പരേഡ് നടക്കുന്നതിനിടെ രാഹുല്‍ ഗാന്ധിയും ഗഡ്കരിയും കാര്യമായ സംസാരം നടത്തുന്നത് ക്യാമറകളില്‍ പതിഞ്ഞിരുന്നു. ഇതിന് പിന്നാലെ ഗഡ്കരിയുടെ പല പരാമര്‍ശങ്ങളും വാര്‍ത്തകളാകുകയും ചെയ്തിരുന്നു.

‘ഞാന്‍ ബി.ജെ.പിക്ക് വേണ്ടിയും രാജ്യത്തിനായും ജീവിതം മാറ്റിവെച്ച ഒരുപാട് പേരെ കണ്ടിട്ടുണ്ട്. ഞാനൊരിക്കല്‍ ഒരു പ്രവര്‍ത്തകനോട് എന്ത് ചെയ്യുന്നുവെന്നും വീട്ടില്‍ ആരൊക്കെയുണ്ടെന്നും ചോദിച്ചു. അദ്ദേഹം മറുപടി തന്നത് ലാഭമില്ലാത്തതിനാല്‍ കട അടച്ചു വീട്ടില്‍ ഭാര്യയും മകനുമുണ്ട് എന്നാണ്’.

ഞാന്‍ അദ്ദേഹത്തോട് പറഞ്ഞത് നിങ്ങള്‍ കുടുംബത്തെ മാന്യമായി നോക്കാനാണ്. അങ്ങനെ ഒരാള്‍ക്കെ രാജ്യത്തെ പുരോഗതിയിലേക്ക് നയിക്കാനാകുകയുള്ളുവെന്നും ഞാന്‍ അയാളെ ഓര്‍മപ്പെടുത്തി. ‘ആദ്യം കുടുംബത്തേയും മക്കളേയും നോക്കിയതിന് ശേഷം രാജ്യം നോക്കുക’ ഗഡ്കരി പറഞ്ഞു.

മോദി-അമിത് ഷാ കൂട്ടുകെട്ടിനെതിരെ ഗഡ്കരിയുടെ നേതൃത്വത്തില്‍ പടയൊരുക്കം നടക്കുന്നതായി വാര്‍ത്തകളുണ്ടായിരുന്നു. രാഷ്ട്രീയപ്രവര്‍ത്തകര്‍ നടപ്പാക്കാന്‍ കഴിയാത്ത വാഗ്ദാനങ്ങള്‍ നല്‍കരുതെന്ന ഗഡ്കരിയുടെ പ്രസ്താവന വിവാദമായിരുന്നു.

‘ബി.ജെ.പി അവരെപ്പറ്റി മാത്രമാണ് ചിന്തിക്കുന്നത്. അതുകൊണ്ട് ഞങ്ങളും ഞങ്ങളെപ്പറ്റി മാത്രം ചിന്തിക്കുന്നു. നിതിന്‍ ഗഡ്കരിയെ പ്രധാനമന്ത്രി സ്ഥാനാര്‍ത്ഥിയാക്കാമെങ്കില്‍ ഞങ്ങള്‍ അദ്ദേഹത്തെ പിന്തുണക്കാം.’ – റാവത്ത് ഒരു ടി.വി അഭിമുഖത്തില്‍ പറഞ്ഞു.

ആര്‍.എസ്.എസിന്റെ പിന്തുണയുള്ള ഗഡ്കരി പക്ഷവും അമിത് ഷായുടെ നേതൃത്വത്തിലുള്ള മോദി പക്ഷവും തമ്മിലുള്ള ശീതസമരം ബി.ജെ.പിയില്‍ ശക്തമാകുന്നതിനിടയിലാണ് ശിവസേനയുടെ നിലപാട്. നേരത്തെ, അമേരിക്കയില്‍ നടന്ന ലോക ഹിന്ദു സമ്മേളനത്തില്‍ ഗഡ്കരി പങ്കെടുക്കാതിരിക്കാന്‍ മോദി നടത്തിയ ‘കളികള്‍’ സംഘ് പരിവാറിനുള്ളില്‍ വിവാദമായിരുന്നു. അമേരിക്ക, കനഡ, ഇസ്രാഈല്‍ രാജ്യങ്ങള്‍ സന്ദര്‍ശിച്ച് നിക്ഷേപകരെ കാണാനുള്ള ഗഡ്കരിയുടെ പദ്ധതി അവസാന നിമിഷം റദ്ദാക്കിയത് മോദിയും അമിത് ഷായും ഇടപെട്ടാണെന്നായിരുന്നു റിപ്പോര്‍ട്ടുകള്‍.

അതിനിടെ, പാര്‍ലമെന്റ് തെരഞ്ഞെടുപ്പിനു മുമ്പ് ബി.ജെ.പിയുമായുള്ള പ്രശ്‌നങ്ങള്‍ ചര്‍ച്ച ചെയ്തു പരിഹരിക്കണമെന്ന് ശിവസേനാ നേതാക്കള്‍ പാര്‍ട്ടി തലവന്‍ ഉദ്ധവ് താക്കറെയോട് ആവശ്യപ്പെട്ടതായും റിപ്പോര്‍ട്ടുകളുണ്ട്. എന്നാല്‍, ബി.ജെ.പിക്കു വഴങ്ങില്ലെന്നും വേണമെങ്കില്‍ ഒറ്റക്ക് തെരഞ്ഞെടുപ്പിനെ നേരിടാനുള്ള ധൈര്യം പാര്‍ട്ടിക്കുണ്ടെന്നുമാണ് ഉദ്ധവ് ഇതിനോട് പ്രതികരിച്ചത്.

കേന്ദ്ര സര്‍ക്കാറിന്റെ വിവിധ പദ്ധതികള്‍ക്ക് നിക്ഷേപകരെ തേടുന്നതിനു വേണ്ടിയാണ് അമേരിക്കയിലും കനഡയിലും ഇസ്രാഈലിലും ഗഡ്കരി സന്ദര്‍ശനം നടത്താന്‍ തീരുമാനിച്ചത്. ഇതിന്റെ ഭാഗമായി അവിടങ്ങളിലെ ഗവണ്‍മെന്റ് – സ്വകാര്യ പ്രതിനിധികളെ ചര്‍ച്ചക്കു ക്ഷണിക്കുകയും സമയം നിശ്ചയിക്കുകയും ചെയ്തിരുന്നു. അമേരിക്കയിലെ ചിക്കാഗോയില്‍ ഈ മാസം 7, 8, 9 തിയ്യതികളില്‍ നടക്കുന്ന വേള്‍ഡ് ഹിന്ദു കോണ്‍ഗ്രസിലും ഗഡ്കരി പങ്കെടുക്കേണ്ടതായിരുന്നു. എന്നാല്‍, ബി.ജെ.പിയുടെ ദേശീയ എക്‌സിക്യൂട്ടീവ് യോഗവും നീതി ആയോഗ് യോഗവുമുള്ളതിനാല്‍ ഗഡ്കരി യാത്ര മാറ്റിവെക്കുന്നുവെന്ന് അദ്ദേഹത്തിന് ഓഫീസ് അവസാന നിമിഷം അറിയിക്കുകയായിരുന്നു.

ഗഡ്കരി വേള്‍ഡ് ഹിന്ദു കോണ്‍ഗ്രസില്‍ പങ്കെടുക്കുന്നത് തടയാനുള്ള മോദി-ഷാ കൂട്ടുകെട്ടിന്റെ ചരടുവലിയാണ് ഇതെന്ന് സംഘ് പരിവാര്‍ വൃത്തങ്ങളെ ഉദ്ധരിച്ച് ദി വയറിന്റെ സ്വാതി ചതുര്‍വേദി റിപ്പോര്‍ട്ട് ചെയ്യുന്നു.

ആര്‍.എസ്.എസ്സുമായി ഗഡ്കരി അടുത്ത ബന്ധം സൂക്ഷിക്കുന്നത് നരേന്ദ്ര മോദിക്ക് ഇഷ്ടമല്ല എന്ന കാര്യം സംഘ് വൃത്തങ്ങളില്‍ രഹസ്യമല്ല. തനിക്കു പകരക്കാരനായി പ്രധാനമന്ത്രിപദത്തിലേക്ക് ഗഡ്കരിയെ ആര്‍.എസ്.എസ് ഉയര്‍ത്തിക്കാട്ടുമോ എന്ന് മോദി ഭയപ്പെടുന്നു. 2019-ല്‍ ബി.ജെ.പിക്ക് കേവലഭൂരിപക്ഷം നേടിക്കൊടുക്കുക എന്നത് അമിത് ഷായുടെയും മോദിയുടെയും ചുമതലയാണെന്ന് സംഘ് പരിവാര്‍ വൃത്തങ്ങളില്‍ സംസാരമുണ്ട്. അതില്‍ പരാജയപ്പെടുകയാണെങ്കില്‍ ഇരുവരെയും മാറ്റാനും ഗഡ്കരിയെ ഉയര്‍ത്തിക്കാട്ടാനും ആര്‍.എസ്.എസ് രംഗത്തിറങ്ങും.

ആര്‍.എസ്.എസ് തലവന്‍ മോഹന്‍ ഭഗവത് പങ്കെടുക്കുന്ന ചിക്കാഗോയിലെ സമ്മേളനത്തില്‍ ഗഡ്കരി പങ്കെടുത്താല്‍ അത് അദ്ദേഹത്തിന്റെ പ്രതിച്ഛായ വര്‍ധിപ്പിക്കുമെന്നാണ് മോദി-ഷാ കൂട്ടുകെട്ടിന്റെ ഭയം. 2013-ല്‍ മോദിക്ക് പ്രധാനമന്ത്രി സ്ഥാനാര്‍ത്ഥിത്വത്തിലേക്കുള്ള വഴി തുറന്നത് വിദേശത്തുള്ള ഹിന്ദുത്വ അനുകൂലികളുടെ അകമഴിഞ്ഞ പിന്തുണയായിരുന്നു.

ആര്‍.എസ്.എസ്സിന്റെ സമീപകാലത്തെ ചില നയപരിപാടികളില്‍ അമിത് ഷാക്കും മോദിക്കും കടുത്ത അതൃപ്തിയുണ്ടെന്ന് ബി.ജെ.പി വൃത്തങ്ങള്‍ പറയുന്നു. ‘കോണ്‍ഗ്രസ് മുക്ത് ഭാരത്’ എന്ന ബി.ജെ.പി മുദ്രാവാക്യത്തെ ചോദ്യം ചെയ്യുന്ന വിധത്തിലാണ് മുന്‍ കോണ്‍ഗ്രസ് നേതാവും മുന്‍ രാഷ്ട്രപതിയുമായ പ്രണബ് മുഖര്‍ജിയെ ആര്‍.എസ്.എസ് അവരുടെ വാര്‍ഷിക സമ്മേളനത്തില്‍ പങ്കെടുക്കാന്‍ ക്ഷണിച്ചത്. ഈ മാസം അവസാനം ഡല്‍ഹിയില്‍ നടക്കുന്ന മോഹന്‍ ഭഗവതിന്റെ പ്രഭാഷണ പരമ്പരയില്‍ പങ്കെടുക്കാന്‍ കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധിക്ക് ക്ഷണമുണ്ടാകുമെന്ന സൂചന ശക്തമാണ്. രാഹുലിനും കോണ്‍ഗ്രസിനുമെതിരെ ശക്തമായ ആക്രമണം അഴിച്ചുവിടുന്ന ബി.ജെ.പി നേതൃത്വം ആര്‍.എസ്.എസ്സിന്റെ ഈ പ്രതിച്ഛായാ നീക്കത്തെ അസ്വസ്ഥതയോടെയാണ് നോക്കിക്കാണുന്നത്.