ganesh kumar – Chandrika Daily https://www.chandrikadaily.com Tue, 08 Jul 2025 05:52:32 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg ganesh kumar – Chandrika Daily https://www.chandrikadaily.com 32 32 ദേശീയ പണിമുടക്കില്‍ പങ്കെടുക്കരുതെന്ന് ഗതാഗത മന്ത്രി; നിര്‍ദേശം തള്ളി കെഎസ്ആര്‍ടിസി യൂണിയനുകള്‍ https://www.chandrikadaily.com/transport-minister-not-to-participate-in-national-strike-ksrtc-unions-rejected-the-proposal.html https://www.chandrikadaily.com/transport-minister-not-to-participate-in-national-strike-ksrtc-unions-rejected-the-proposal.html#respond Tue, 08 Jul 2025 05:52:32 +0000 https://www.chandrikadaily.com/?p=347001 ദേശീയ പണിമുടക്കില്‍ പങ്കെടുക്കരുതെന്ന ഗതാഗത മന്ത്രിയുടെ നിര്‍ദേശം തള്ളി കെഎസ്ആര്‍ടിസി യൂണിയനുകള്‍. നാളത്തെ പണിമുടക്കില്‍ പങ്കെടുക്കുമെന്ന് സിഐടിയു, ടിഡിഎഫ് യൂണിയനുകള്‍ അറിയിച്ചു.

രണ്ടാഴ്ചയ്ക്കുമുമ്പ് നോട്ടീസ് നല്‍കിയിട്ടുണ്ടെന്നും സംഘടനകള്‍ വ്യക്തമാക്കി. നേരത്തെ പണിമുടക്ക് ദിവസം കെഎസ്ആര്‍ടിസി സര്‍വീസ് നടത്തുമെന്ന് മന്ത്രി ഗണേഷ് കുമാര്‍ പറഞ്ഞിരുന്നു.

അതേസമയം സംസ്ഥാനത്ത് ഇന്ന് സ്വകാര്യ ബസ് സമരം തുടരുകയാണ്. വിദ്യാര്‍ത്ഥി കണ്‍സഷന്‍ വര്‍ധിപ്പിക്കണമെന്നതടക്കം ആവശ്യപ്പെട്ടാണ് സൂചനാ പണിമുടക്ക്. അനുകൂല തീരുമാനം ഇല്ലെങ്കില്‍ 22 മുതല്‍ അനിശ്ചിതകാല സമരത്തിലേക്ക് നീങ്ങുമെന്നാണ് ബസുടമകളുടെ മുന്നറിയിപ്പ്.

]]> https://www.chandrikadaily.com/transport-minister-not-to-participate-in-national-strike-ksrtc-unions-rejected-the-proposal.html/feed 0 ഓട്ടോറിക്ഷകളില്‍ മീറ്ററിട്ടില്ലെങ്കില്‍ പണം നല്‍കേണ്ടതില്ല എന്ന സ്റ്റിക്കര്‍ പതിക്കാനുള്ള ഉത്തരവ് പിന്‍വലിക്കും; ഗതാഗത വകുപ്പ് https://www.chandrikadaily.com/the-order-to-put-stickers-on-auto-rickshaws-that-do-not-have-meters-to-pay-will-be-withdrawn-department-of-transport.html https://www.chandrikadaily.com/the-order-to-put-stickers-on-auto-rickshaws-that-do-not-have-meters-to-pay-will-be-withdrawn-department-of-transport.html#respond Mon, 10 Mar 2025 13:45:11 +0000 https://www.chandrikadaily.com/?p=333388 ഓട്ടോറിക്ഷകളില്‍ മീറ്ററിട്ടില്ലെങ്കില്‍ പണം നല്‍കേണ്ടതില്ല എന്ന സ്റ്റിക്കര്‍ പതിക്കാനുള്ള ഉത്തരവ് പിന്‍വലിക്കുമെന്ന് ഗതാഗത വകുപ്പ്. ഓട്ടോ തൊഴിലാളി യൂണിയന്‍ ഗതാഗത മന്ത്രി കെ.ബി ഗണേഷ് കുമാറുമായി ഇന്ന് നടത്തിയ ചര്‍ച്ചയിലാണ് തീരുമാനം.

സ്റ്റിക്കര്‍ പതിപ്പിക്കുന്നതിലെ പ്രായോഗിക ബുദ്ധിമുട്ടുകള്‍ സംയുക്ത ഓട്ടോറിക്ഷാ തൊഴിലാളി യൂണിയന്‍ നേതാക്കള്‍ മന്ത്രിയെ അറിയിച്ചു. ഇതിന് പിന്നാലെയാണ് ഉത്തരവ് താല്‍ക്കാലികമായി പിന്‍വലിക്കാന്‍ തീരുമാനമായത്. ഇക്കാര്യം നാളെ ഗതാഗത മന്ത്രി കെ.ബി ഗണേഷ് കുമാര്‍ നിയമസഭയെ അറിയിക്കും. ഇതിന് പിന്നാലെ ഓട്ടോ തൊഴിലാളികളുടെ പണിമുടക്കും പിന്‍വലിക്കും.

മാര്‍ച്ച് ഒന്ന് മുതലാണ് ഓട്ടോറിക്ഷയില്‍ മീറ്റര്‍ പ്രവര്‍ത്തിപ്പിച്ചില്ലെങ്കില്‍ സൗജന്യ യാത്ര എന്ന സ്റ്റിക്കര്‍ പതിപ്പിക്കണമെന്ന ഉത്തരവ് മോട്ടോര്‍ വാഹന വകുപ്പ് നടപ്പാക്കിയിരുന്നത്. എന്നാല്‍, ഭൂരിപക്ഷ ഓട്ടോകളും ഈ നടപടി സ്വീകരിച്ചിരുന്നില്ല. മീറ്റര്‍ ഇട്ട് തന്നെയാണ് ഓട്ടോ ഓടിക്കുന്നതെന്നും ഇത്തരത്തില്‍ അടിച്ചേല്‍പ്പിക്കുന്ന നടപടികള്‍ അംഗീകരിക്കില്ലെന്നായിരുന്നു ഓട്ടോ തൊഴിലാളി യൂണിയന്റെ നിലപാട്.

 

 

]]> https://www.chandrikadaily.com/the-order-to-put-stickers-on-auto-rickshaws-that-do-not-have-meters-to-pay-will-be-withdrawn-department-of-transport.html/feed 0 മന്ത്രിയുടെ ധാര്‍ഷ്ട്യം തൊഴിലാളികളോട്; ‘സമരം ചെയ്താല്‍ ശമ്പളം കിട്ടുമെന്ന് കരുതേണ്ട’ ഗണേഷ് കുമാര്‍ https://www.chandrikadaily.com/the-arrogance-of-the-minister-to-the-workers-dont-think-that-you-will-get-paid-if-you-struggle-ganesh-kumar.html https://www.chandrikadaily.com/the-arrogance-of-the-minister-to-the-workers-dont-think-that-you-will-get-paid-if-you-struggle-ganesh-kumar.html#respond Tue, 04 Feb 2025 05:00:53 +0000 https://www.chandrikadaily.com/?p=328571 കെഎസ്ആര്‍ടിസി തൊഴിലാളികളുടെ 24 മണിക്കൂര്‍ പണിമുടക്ക് തീരുമാനത്തിനെതിരെ ഗതാഗതമന്ത്രി കെ.ബി. ഗണേഷ് കുമാര്‍ ശക്തമായ പ്രതികരണവുമായി രംഗത്ത്. ശമ്പള വിതരണം ഉള്‍പ്പെടെ വിവിധ ആവശ്യങ്ങള്‍ ഉന്നയിച്ച് നടത്തുന്ന സമരം അനാവശ്യമാണ് എന്നും, പണിമുടക്കിയാലും ശമ്പളം ലഭിക്കില്ലെന്നുമുള്ള മന്ത്രിയുടെ ധാര്‍ഷ് ട്യത്തിനു മുന്നില്‍ തൊഴിലാളികള്‍ വലയുകയാണ്. കേരള സംസ്ഥാന റോഡ് ട്രാന്‍സ്‌പോര്‍ട്ട് കോര്‍പ്പറേഷന്‍ (കെഎസ്ആര്‍ടിസി) തൊഴിലാളികളുടെ ശമ്പളം ആദ്യ തീയതിയില്‍ നല്‍കുമെന്ന സര്‍ക്കാരിന്റെ ഉറപ്പ് പാലിക്കാതെ വന്നപ്പോഴാണ് തൊഴിലാളികള്‍ക്ക് സമരത്തിന് ഇറങ്ങേണ്ടി വന്നത്.

എന്നാല്‍ അതേസമയം, കെഎസ്ആര്‍ടിസിയെ സാമ്പത്തികമായി ദുസ്സഹസ്ഥാനത്തിലാക്കുകയാണ് സമരത്തിന്റെ ലക്ഷ്യമെന്ന് ആരോപിച്ച്, സമരം നടത്തുന്നത് ആ സ്ഥാപനത്തോടുള്ള വെറുപ്പിന്റെ പ്രകടമാണെന്നും മന്ത്രി കുറ്റപ്പെടുത്തി. സമരവുമായി മുന്നോട്ടുപോകാനുള്ള തീരുമാനത്തില്‍ ടിഡിഎഫ് ഉറച്ചുനില്‍ക്കുകയാണെങ്കില്‍, ശമ്പള വിതരണം, ഡ്രൈവര്‍മാരുടെ അലവന്‍സ്, ഡിഎ കുടിശിക എന്നിവ പരിഹരിക്കാനുള്ള കാര്യത്തില്‍ സര്‍ക്കാര്‍ കൈയ്യൊഴിയും എന്നും മന്ത്രി കുറ്റപ്പെടുത്തി.

സമരം ഒഴിവാക്കാന്‍ മാനേജ്മെന്റും സംഘടനാ നേതാക്കളും തമ്മിലുണ്ടായ ചര്‍ച്ച പരാജയപ്പെട്ടതോടെ, ഭൂരിഭാഗം ബസുകളും നാളെ നിരത്തിലിറങ്ങില്ലെന്നാണ് ടിഡിഎഫിന്റെ ആഹ്വാനം. പണിമുടക്ക് കണക്കിലെടുത്ത് യാത്രക്കാര്‍ മറ്റ് ഗതാഗത സൗകര്യങ്ങള്‍ തിരഞ്ഞെടുത്തു തുടങ്ങിക്കഴിഞ്ഞു. കെഎസ്ആര്‍ടിസി ബസുകള്‍ പതിവ് സര്‍വീസ് നിര്‍ത്തിവെച്ചാല്‍, നാളത്തെ യാത്രാ പ്രവണതയിലെ വ്യത്യാസം സംസ്ഥാനത്തെ ഗതാഗത രംഗത്ത് ഗണ്യമായ മാറ്റങ്ങള്‍ക്ക് കാരണമാകും.

കെഎസ്ആര്‍ടിസി ജീവനക്കാരുടെ പണിമുടക്കിനെതിരെ ഗതാഗതമന്ത്രി കെ.ബി. ഗണേഷ് കുമാര്‍ കടുത്ത നിലപാടാണ് എടുത്തിരിക്കുന്നത്. ജീവനക്കാരുടെ അവകാശങ്ങള്‍ കബളിപ്പിച്ച്, തെറ്റായ പ്രചാരണം നടത്തി, സമരത്തെ അപ്രസക്തമാക്കാനാണ് സര്‍ക്കാര്‍ ശ്രമം. എന്നാല്‍, കെഎസ്ആര്‍ടിസി തൊഴിലാളികള്‍ നേരിടുന്ന പ്രശ്‌നങ്ങള്‍ എത്രത്തോളം ഗുരുതരമാണെന്നും, അവര്‍ക്ക് ശമ്പളവും മറ്റു ആനുകൂല്യങ്ങളും ലഭിക്കുന്നതില്‍ എത്രത്തോളം അവഗണനയാണ് നിലനില്‍ക്കുന്നതെന്നും മനസ്സിലാക്കാന്‍ സര്‍ക്കാര്‍ ശ്രമിക്കുന്നുമില്ല.

കെഎസ്ആര്‍ടിസി ജീവനക്കാര്‍ മാസങ്ങള്‍ക്ക് മുമ്പ് ഉന്നയിച്ച ആവശ്യങ്ങള്‍ ഇതുവരെ പരിഹരിച്ചിട്ടില്ല. പ്രതിമാസ ശമ്പളം ആദ്യ തീയതിയില്‍ നല്‍കണമെന്ന് ആവശ്യമുന്നയിച്ചിട്ടും, ഇതുവരെ കൃത്യമായ തീരുമാനങ്ങളൊന്നും സര്‍ക്കാര്‍ കൈക്കൊണ്ടിട്ടില്ല. ദീര്‍ഘകാലമായി സര്‍ക്കാര്‍ ജീവനക്കാരോട് വാഗ്ദാനങ്ങള്‍ നല്‍കി തള്ളിവയ്ക്കുകയാണ്. അതേസമയം, മന്ത്രിമാരുടെയും ഉദ്യോഗസ്ഥരുടെയും ആഡംബര ചിലവുകളില്‍ ഒരു കുറവും വരുത്തുന്നില്ല. ടിഡിഎഫ് (Transport Democratic Federation) ഉള്‍പ്പെടെയുള്ള തൊഴിലാളി യൂണിയനുകള്‍ ശമ്പള വിതരണം, ഡിഎ കുടിശിക, ഡ്രൈവര്‍മാര്‍ക്കും കണ്ടക്ടര്‍മാര്‍ക്കും പ്രസക്തമായ അലവന്‍സ് എന്നിവ ആവശ്യപ്പെട്ടാണ് സമരത്തിലേക്ക് കടന്നത്. വ്യക്തമായ ശമ്പള വിതരണ ക്രമം ഇല്ലാത്തതിനാല്‍, തൊഴിലാളികള്‍ കടുത്ത സാമ്പത്തിക പ്രതിസന്ധിയിലായിരിക്കുകയാണ്.

കെഎസ്ആര്‍ടിസിയുടെ ഇപ്പോഴത്തെ സാമ്പത്തിക പ്രതിസന്ധിയ്ക്ക് ഉത്തരവാദി ഏറ്റെടുത്ത ഉത്തരവാദിത്വങ്ങള്‍ മറന്ന സര്‍ക്കാരാണ്. മുന്‍ സര്‍ക്കാര്‍ കാലത്ത് കൃത്യമായ ശമ്പളവിതരണവും പ്രോത്സാഹനവും ലഭിച്ചിരുന്നപ്പോള്‍, ഇപ്പോള്‍ അതൊന്നും പാലിക്കപ്പെടുന്നില്ല. എല്‍ഡിഎഫ് സര്‍ക്കാര്‍ വാഗ്ദാനങ്ങള്‍ നല്‍കിയെങ്കിലും, അതൊന്നും നടപ്പിലാക്കിയില്ല. മന്ത്രിയുടെ പ്രസ്താവനയില്‍ ശമ്പളം തിയതി അനുസരിച്ച് നല്‍കുമെന്ന് വ്യക്തമാക്കിയിട്ടുണ്ടെങ്കിലും, കഴിഞ്ഞ മാസം പോലും ജീവനക്കാര്‍ കാലതാമസം സഹിച്ചാണ് ശമ്പളം കൈപ്പറ്റിയത്.

ഇത് ആവര്‍ത്തിക്കുമെന്നു മാത്രം ഉറപ്പ്. അപ്പോള്‍ സമരം എന്തിനാണ്? ഒരിക്കല്‍ പോലും കൃത്യമായി ശമ്പള വിതരണം ഉറപ്പാക്കിയിട്ടില്ലാത്ത സര്‍ക്കാര്‍, സമരം ഒഴിവാക്കാനായി ജോലി ഭീഷണികള്‍ നടത്തുകയാണ്. തൊഴിലാളികള്‍ അവരുടെ അവകാശങ്ങള്‍ക്കായി നിലകൊള്ളുമ്പോള്‍ അതിനെതിരെ ഭീഷണികള്‍ ഉണ്ടാകുന്നത് ധാര്‍ഷ്ട്യമല്ലേ? ഒരു ജനാധിപത്യ രാജ്യത്ത് തൊഴിലാളികള്‍ക്ക് സമരം ചെയ്യാനുള്ള അവകാശം ഇല്ലേ? എല്ലാ മാസവും ശമ്പളം ലഭിക്കണമെന്ന ആവശ്യം നീതിസംഗതിയുള്ളതും, നിയമപ്രകാരം അംഗീകരിക്കപ്പെട്ടതുമാണ്.

ഗതാഗത മന്ത്രിയുടെ പ്രതികരണം ഗൗരവമായി പരിശോധിക്കുമ്പോള്‍, സര്‍ക്കാരിന് കെഎസ്ആര്‍ടിസിയെ ഇങ്ങനെ ഒതുക്കി പിടിക്കാന്‍ ലക്ഷ്യമാണെന്നതില്‍ സംശയമില്ല. കെഎസ്ആര്‍ടിസി ബസുകളില്‍ ക്യാമറകള്‍ സ്ഥാപിച്ച് ഡ്രൈവര്‍മാരെയും കണ്ടക്ടര്‍മാരെയും നിരന്തരമായി നിയന്ത്രിക്കാന്‍ ശ്രമിക്കുന്നു. കൈകാണിച്ചാല്‍ ബസ് നിര്‍ത്തിയില്ലെങ്കില്‍, ഡ്രൈവര്‍മാരില്‍ നിന്ന് ടിക്കറ്റ് ചാര്‍ജ് ഈടാക്കും എന്നത് ഒരു അപരിസ്ഥിതികമായ നീക്കമാണ്. ഈ തീരുമാനങ്ങള്‍ തൊഴിലാളികള്‍ക്കു മേലുള്ള അധികാര ബാധ്യത മാത്രം വര്‍ദ്ധിപ്പിക്കുകയാണ്, പ്രശ്‌നങ്ങള്‍ പരിഹരിക്കാന്‍ സര്‍ക്കാരിന് താല്‍പര്യമില്ല. ഇപ്പോള്‍ 24 മണിക്കൂര്‍ സമരമായി നിശ്ചയിച്ചിരിക്കുന്ന പണിമുടക്ക്, സര്‍ക്കാരിന്റെ ദൃഢമായ നിലപാടുകള്‍ക്ക് മറുപടിയായി ഭാവിയില്‍ കൂടുതല്‍ സമരങ്ങള്‍ക്കും കാരണമാകാന്‍ സാധ്യതയുണ്ട്. ഇപ്പോള്‍ ജീവനക്കാര്‍ക്ക് പരിഹാരം ഇല്ലെങ്കില്‍, പ്രക്ഷോഭം ശക്തമാകുമെന്നതില്‍ സംശയമില്ല. സര്‍ക്കാരിന്റെ തെറ്റായ നയങ്ങള്‍ മൂലം കെഎസ്ആര്‍ടിസി തകരുമെങ്കില്‍, അതിന് ഉത്തരവാദിത്വം മന്ത്രിമാരുടെയും, ഭരണകൂടത്തിന്റെയും തലയിലായിരിക്കും. അധികാരത്തില്‍ ഇരുന്ന് പ്രചരണം നടത്തുന്നവരുടെ ഗൂഢാലോചനകളില്‍ വീഴാതെ തൊഴിലാളികളും പൊതുജനങ്ങളും ഒരുമിച്ചു കെഎസ്ആര്‍ടിസിയെ സംരക്ഷിക്കേണ്ട സമയം അതിക്രമിച്ചിരിക്കുന്നു.

]]> https://www.chandrikadaily.com/the-arrogance-of-the-minister-to-the-workers-dont-think-that-you-will-get-paid-if-you-struggle-ganesh-kumar.html/feed 0 ‘റോഡുകൾ നിർമിക്കുന്നത് ഗൂഗ്ൾ മാപ്പ് നോക്കി’; ദേശീയപാത അതോറിറ്റിക്കെതിരെ ഗണേഷ് കുമാർ https://www.chandrikadaily.com/roads-are-being-built-by-looking-at-google-maps-ganesh-kumar-against-the-national-highways-authority.html https://www.chandrikadaily.com/roads-are-being-built-by-looking-at-google-maps-ganesh-kumar-against-the-national-highways-authority.html#respond Fri, 13 Dec 2024 04:53:39 +0000 https://www.chandrikadaily.com/?p=321601 പാലക്കാട് കല്ലടിക്കോട് ലോ​റി​ക്ക​ടി​യി​ൽ​പെ​ട്ട് സ്കൂ​ൾ വി​ദ്യാ​ർ​ഥി​നി​ക​ൾ മ​രി​ച്ച പശ്ചാത്തലത്തിൽ ദേശീയപാത അതോറിറ്റിക്കെതിരെ രൂക്ഷ വിമർശനവുമായി ഗതാഗത മന്ത്രി കെ.ബി ഗണേഷ് കുമാർ. ദേശീയപാത അതോറിറ്റി റോഡുകൾ നിർമിക്കുന്നത് ഗൂഗ്ൾ മാപ്പ് നോക്കിയെന്ന് മന്ത്രി കുറ്റപ്പെടുത്തി.

ദേശീയപാതയിലെ അപാകത പരിഹരിക്കാൻ പൊതുമരാമത്ത് വകുപ്പുമായി ചേർന്ന് നടപടി സ്വീകരിക്കും. റോഡുകളിലെ ബ്ലൈൻഡ് സ്പോട്ടുകൾ കണ്ടെത്തുമെന്നും മന്ത്രി കെ.ബി ഗണേഷ് കുമാർ മാധ്യമങ്ങളോട് വ്യക്തമാക്കി.

പാ​ല​ക്കാ​ട് -കോ​ഴി​ക്കോ​ട് ദേ​ശീ​യ​പാ​ത​യി​ൽ ക​രി​മ്പ​ക്ക​ടു​ത്ത് പ​ന​യ​മ്പാ​ട​ത്ത് വ്യാ​ഴാ​ഴ്ച വൈ​കീ​ട്ട് 3.45 ഓ​ടെ​യാ​യി​രു​ന്നു അ​പ​ക​ടം. അ​മി​ത​വേ​ഗ​ത്തിലെ​ത്തി​യ നി​യ​ന്ത്ര​ണംവി​ട്ട് മ​റി​ഞ്ഞ ലോ​റി​ക്ക​ടി​യി​ൽ​പെ​ട്ട് നാ​ല് സ്കൂ​ൾ വി​ദ്യാ​ർ​ഥി​നി​ക​ളാണ് മ​രി​ച്ചത്. പ​രീ​ക്ഷ ക​ഴി​ഞ്ഞ് മ​ട​ങ്ങു​ക​യാ​യി​രു​ന്നു ക​രി​മ്പ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി​നി​കൾ.

പാ​ല​ക്കാ​ട് നിന്നും മ​ണ്ണാ​ർ​ക്കാ​ട്ടേക്ക് സി​മ​ൻ​റ് ക​യ​റ്റി പോ​കു​ന്ന ച​ര​ക്ക് ലോ​റി​യാ​ണ് മു​ന്നി​ൽ പോ​കു​ക​യാ​യി​രു​ന്ന മ​റ്റൊ​രു ലോ​റി​യി​ലി​ടി​ച്ച ശേ​ഷം റോ​ഡ​രി​കി​ലൂ​ടെ നീ​ങ്ങി മ​ര​ത്തി​ലി​ടി​ച്ച് മ​റി​ഞ്ഞ​ത്. വാ​ഹ​ന​ങ്ങ​ൾ​ക്ക​ടി​യി​ൽ​പ്പെ​ട്ടാ​ണ് കു​ട്ടി​ക​ളു​ടെ മ​ര​ണം. ക്രെ​യി​ൻ എ​ത്തി​ച്ച് ലോ​റി ഉ​യ​ർ​ത്തി​യാ​ണ് ഇ​വ​രെ പു​റ​ത്തെ​ടു​ത്ത​ത്.

]]> https://www.chandrikadaily.com/roads-are-being-built-by-looking-at-google-maps-ganesh-kumar-against-the-national-highways-authority.html/feed 0 എഡിഎമ്മിന്റെ മരണം; പി പി ദിവ്യയുടെ ഭാഗത്താണ് തെറ്റെന്ന് ജനത്തിനും പൊലീസിനും മനസിലായി: കെ ബി ഗണേഷ് കുമാര്‍ https://www.chandrikadaily.com/death-of-adm-the-people-and-the-police-realized-that-pp-divya-was-at-fault-kb-ganesh-kumar.html https://www.chandrikadaily.com/death-of-adm-the-people-and-the-police-realized-that-pp-divya-was-at-fault-kb-ganesh-kumar.html#respond Sun, 03 Nov 2024 06:38:39 +0000 https://www.chandrikadaily.com/?p=315943 എഡിഎം നവീന്‍ ബാബു മരിച്ച സംഭവത്തില്‍ പി പി ദിവ്യയ്‌ക്കെതിരെ മന്ത്രി കെ ബി ഗണേഷ് കുമാര്‍. താന്‍ ഇരയോടൊപ്പമാണെന്നും പി പി ദിവ്യയുടെ ഭാഗത്താണ് തെറ്റെന്ന് ജനത്തിനും പൊലീസിനും മനസിലായെന്നും ഗണേഷ് കുമാര്‍ പറഞ്ഞു.

കണ്ണൂര്‍ കളക്ടര്‍ അരുണ്‍ കെ വിജയന്‍ കുറ്റം ചെയ്തിട്ടുണ്ടെങ്കില്‍ നടപടി ഉണ്ടാകുമെന്നും അന്വേഷണത്തില്‍ വിട്ട് വീഴ്ച ഉണ്ടാകുമെന്ന് ആരും കരുതേണ്ടെന്നും എഡിഎമ്മിന്റെ മരണത്തില്‍ നിഷ്പക്ഷ അന്വേഷണം നടത്തുമെന്നും അദ്ദേഹം വ്യക്തമാക്കി.

നവീന്‍ ബാബു കൈക്കൂലി വാങ്ങിയതിന് തെളിവില്ലെന്ന് വ്യക്തമാക്കുന്ന റവന്യൂ വകുപ്പിന്റെ റിപ്പോര്‍ട്ട് മുഖ്യമന്ത്രിക്ക് കഴിഞ്ഞ ദിവസം കൈമാറിയിരുന്നെന്നും മന്ത്രി പറഞ്ഞു.

യാത്രയയപ്പ് ചടങ്ങിനിടെ പി പി ദിവ്യ നടത്തിയ ആരോപണങ്ങള്‍ക്ക് പിന്നാലെയാണ് നവീന്‍ ബാബുവിനെ താമസസ്ഥലത്ത് മരിച്ച നിലയില്‍ കണ്ടെത്തിയത്.

]]> https://www.chandrikadaily.com/death-of-adm-the-people-and-the-police-realized-that-pp-divya-was-at-fault-kb-ganesh-kumar.html/feed 0 ‘വാഹനങ്ങളില്‍ കൂളിങ് ഫിലിം ഒട്ടിക്കാം; തടഞ്ഞ് നിര്‍ത്തി വലിച്ചുകീറുന്നത് അവസാനിപ്പിക്കണം’- മന്ത്രി കെ.ബി ഗണേഷ് കുമാര്‍ https://www.chandrikadaily.com/cooling-film-can-be-stuck-on-vehicles-we-should-stop-and-stop-tearing-it-down-minister-kb-ganesh-kumar.html https://www.chandrikadaily.com/cooling-film-can-be-stuck-on-vehicles-we-should-stop-and-stop-tearing-it-down-minister-kb-ganesh-kumar.html#respond Tue, 08 Oct 2024 11:09:30 +0000 https://www.chandrikadaily.com/?p=312552 വാഹനങ്ങളില്‍ നിയമപരമായ രീതിയില്‍ കൂളിങ് ഫിലിം ഒട്ടിക്കാമെന്ന് ഗതാഗതവകുപ്പ് മന്ത്രി കെ.ബി ഗണേഷ് കുമാര്‍. വാഹനങ്ങളില്‍ കൂളിങ് ഫിലിം ഒട്ടിച്ചതിന്റെ പേരില്‍ വാഹനം തടഞ്ഞ് ഫിലിം വലിച്ചുകീറുന്ന അവസ്ഥകള്‍ ഉണ്ടായിട്ടുണ്ടന്നെും ഈ രീതി മോട്ടോര്‍ വാഹന വകുപ്പിലെയും എന്‍ഫോഴ്‌സ്‌മെന്റിലെയും പൊലീസ് ഉദ്യോഗസ്ഥര്‍ അവസാനിപ്പിക്കണമെന്നും മന്ത്രി പറഞ്ഞു. കൂളിങ് ഫിലിം ഒട്ടിക്കാന്‍ അനുവാദം നല്‍കിയ ഹൈക്കോടതി വിധി ഉദ്യോഗസ്ഥര്‍ പാലിക്കണമെന്നും അദ്ദേഹം കൂട്ടിച്ചേര്‍ത്തു.

വാഹനങ്ങളുടെ ഫ്രണ്ട് ഗ്ലാസില്‍ 70% കാണാവുന്ന രീതിയിലും സൈഡ് ഗ്ലാസുകളില്‍ 50% കാണാവുന്ന രീതിയിലും കൂളിങ് ഫിലിം ഉപയോഗിക്കാമെന്നാണ് കോടതി ഉത്തരവ്. വാഹനത്തിലിരിക്കുന്നവരെ കാണാന്‍ കഴിയാത്ത രീതിയില്‍ കൂളിങ് ഫിലിം ഉപയോഗിച്ചിട്ടുണ്ടെങ്കിലും വലിച്ചു കീറുന്ന പ്രവണത ഒഴിവാക്കണമെന്നും ഗണേഷ് കുമാര്‍ പറഞ്ഞു. അമിത അളവില്‍ കൂളിങ് ഫിലിം വെച്ചവര്‍ക്ക് ചലാന്‍ നല്‍കുകയോ പിഴ ചുമത്തുകയോ ചെയ്യാമെന്നും മന്ത്രി പറഞ്ഞു.

റോഡുകളില്‍ വണ്ടി പിടിച്ചു നിര്‍ത്തി കൂളിങ് പേപ്പര്‍ വലിച്ചു കീറുന്നത് അവരെ അപമാനിക്കുന്നതിന് തുല്യമാണെന്നും അദ്ദേഹം കൂട്ടിച്ചേര്‍ത്തു. ഗര്‍ഭിണികള്‍, കുട്ടികള്‍, കാന്‍സര്‍ രോഗികള്‍, പ്രായമായവര്‍ തുടങ്ങിയവര്‍ക്ക് ചൂട് സഹിക്കുന്നതില്‍ പരിമിതിയുണ്ടെന്നും ഗണേഷ് കുമാര്‍ പറഞ്ഞു.

 

]]> https://www.chandrikadaily.com/cooling-film-can-be-stuck-on-vehicles-we-should-stop-and-stop-tearing-it-down-minister-kb-ganesh-kumar.html/feed 0 15 വര്‍ഷം കഴിഞ്ഞ വാഹനങ്ങളേ ഓടിക്കാന്‍ കഴിയില്ല, പിന്നെയാണ് 22 വര്‍ഷമായത് ;സി.ഐ.ടി.യുവിനെ പരിഹസിച്ച് ഗണേഷ് കുമാര്‍ https://www.chandrikadaily.com/15-years-old-vehicles-cant-be-driven-its-only-been-22-years-ganesh-kumar-mocks-citu.html https://www.chandrikadaily.com/15-years-old-vehicles-cant-be-driven-its-only-been-22-years-ganesh-kumar-mocks-citu.html#respond Thu, 27 Jun 2024 13:06:00 +0000 https://www.chandrikadaily.com/?p=301165 ഡ്രൈവിങ് ടെസ്റ്റ് വാഹനങ്ങളുടെ കാലപരിധി 22 വര്‍ഷമാക്കിയ നടപടിയില്‍ സി.ഐ.ടി.യുവിനെ പരിഹസിച്ച് മന്ത്രി ഗണേഷ് കുമാര്‍. ’15 വര്‍ഷം കഴിഞ്ഞ വാഹനങ്ങളേ ഓടിക്കാന്‍ കഴിയില്ല പിന്നെയാണ് ഡ്രൈവിംഗ് സ്‌കൂള്‍ വാഹനം ”ജനാധിപത്യം അല്ലേ അതുകൊണ്ട് അംഗീകരിച്ചു’ മന്ത്രി പറഞ്ഞു.

ഹൈക്കോടതി ഇത് അംഗീകരിക്കുമോ എന്ന സംശയമുണ്ടെന്നും ഹൈക്കോടതിയില്‍ നിന്ന് എന്ത് തീരുമാനം വന്നാലും അത് ശിരസ്സാവഹിക്കുമെന്നും മന്ത്രി പറഞ്ഞു.

ഡ്രൈവിംഗ് സ്‌കൂള്‍ വാഹനങ്ങളുടെ കാലപരിധി 18ല്‍നിന്ന് 22 വര്‍ഷമായി ഉയര്‍ത്തണമെന്ന് ആവശ്യപ്പെട്ട് 15 ദിവസമായി സി.ഐ.ടി.യു സെക്രട്ടറിയേറ്റിന് മുന്നില്‍ സമരത്തിലായിരുന്നു. ഇതിനു പിന്നാലെയാണ് സര്‍ക്കാര്‍ ടെസ്റ്റ് പരിഷ്‌ക്കരണത്തില്‍ വീണ്ടും മാറ്റം വരുത്തിയത്.

3000 അപേക്ഷകളില്‍ കൂടുതല്‍ കെട്ടിക്കിടക്കുന്നയിടങ്ങളില്‍ 40 ടെസ്റ്റുകള്‍ അധികമായി നടത്താനും ഡ്രൈവിംഗ് ഇന്‍സ്ട്രക്ടര്‍ ഗ്രൗണ്ടില്‍ ഹാജരാവുന്നതില്‍ ഇളവുകള്‍ നല്‍കാനും നേരത്തേ തീരുമാനമായിരുന്നു. ഗതാഗത കമ്മീഷണറാണ് പുതിയ ഉത്തരവ് പുറത്തിറക്കിയത്.

]]> https://www.chandrikadaily.com/15-years-old-vehicles-cant-be-driven-its-only-been-22-years-ganesh-kumar-mocks-citu.html/feed 0 കെ.എസ്​.ആർ.ടി.സി മന്ത്രിയുടെ ഉറപ്പ്​ പാഴായി; മാസം പകുതിയായിട്ടും ശമ്പളമില്ല https://www.chandrikadaily.com/ksrtc-ministers-assurance-wasted-no-salary-even-in-the-middle-of-the-month.html https://www.chandrikadaily.com/ksrtc-ministers-assurance-wasted-no-salary-even-in-the-middle-of-the-month.html#respond Thu, 14 Mar 2024 16:57:47 +0000 https://www.chandrikadaily.com/?p=292922 കെ.​എ​സ്.​ആ​ർ.​ടി.​സി ജീ​വ​ന​ക്കാ​ർ​ക്ക്​ മാ​സം ഒ​ന്നി​നു​ത​ന്നെ ശ​മ്പ​ളം ന​ൽ​കാ​ൻ ശ്ര​മി​ക്കു​മെ​ന്ന പു​തി​യ ഗ​താ​ഗ​ത മ​ന്ത്രി ഗ​ണേ​ഷ്​ കു​മാ​റി​ന്‍റെ ഉ​റ​പ്പും ന​ട​പ്പാ​യി​ല്ല. സാ​ധാ​ര​ണ ര​ണ്ടു ഗ​ഡു​വാ​യാ​ണ്​ ശ​മ്പ​ള​വി​ത​ര​ണം. ഇ​ക്കു​റി മ​ന്ത്രി പ​റ​ഞ്ഞ​തു​​പോ​ലെ ഒ​ന്നാം തി​യ​തി പൂ​ർ​ണ ശ​മ്പ​ള വി​ത​ര​ണം ന​ട​ന്നി​ല്ലെ​ന്ന്​ മാ​​ത്ര​മ​ല്ല മാ​സം പ​കു​തി​യാ​യി​ട്ടും ആ​ദ്യ ഗ​ഡു​പോ​ലും ന​ൽ​കാ​നു​മാ​യി​ട്ടി​ല്ല.

സ​ർ​ക്കാ​റി​ൽ​നി​ന്നു​ള്ള 30 കോ​ടി വൈ​കു​ന്ന​താ​ണ്​ കാ​ര​ണ​മാ​യി ​പ​തി​വ്​ പോ​ലെ മാ​നേ​ജ്​​മെ​ന്‍റ്​ ചൂ​ണ്ടി​ക്കാ​ട്ടു​ന്ന​ത്. ആ​ദ്യ​ഗ​ഡു വി​ത​ര​ണ​ത്തി​ന്​ വേ​ണ്ട​ത്​ 37 കോ​ടി​യാ​ണ്. മാ​സാ​ദ്യം ഇ​ത്ര​യും തു​ക സ​മാ​ഹ​രി​ക്കാ​ൻ കെ.​എ​സ്.​ആ​ർ.​ടി.​സി​ക്ക്​ ക​ഴി​യാ​താ​യി​ട്ട്​ മാ​സ​ങ്ങ​ളാ​യി. ഈ ​യാ​ഥാ​ർ​ഥ്യം മ​ന​സ്സി​ലാ​യി​ട്ടും മ​ന്ത്രി​യു​ടെ ‘ഒ​ന്നാം തീ​യ​തി’ പ്ര​ഖ്യാ​പ​നം എ​ന്തി​നെ​ന്നു​ മാ​നേ​ജ്​​മെ​ന്‍റി​നും വ്യ​ക്ത​ത​യി​ല്ല.

പ്ര​തി​മാ​സ ശ​മ്പ​ള വി​ത​ര​ണ​ത്തി​ന്​ 82 കോ​ടി​യാ​ണ് വേ​ണ്ട​ത്. വ​രു​മാ​ന​വും ചെ​ല​വും ത​മ്മി​ലെ അ​ന്ത​രം മൂ​ലം മാ​സ​ങ്ങ​ളാ​യി ശ​മ്പ​ള​വി​ത​ര​ണം താ​ളം​തെ​റ്റി​യ നി​ല​യി​ലാ​ണ്. കെ.​എ​സ്.​ആ​ർ.​ടി.​സി​യി​ൽ ഒ​രു മാ​സം 250 കോ​ടി രൂ​പ​ക്കു മേ​ൽ ചെ​ല​വു​ണ്ടെ​ന്നാ​ണ് മാ​നേ​ജ്മെൻറ് വാ​ദം. ശ​മ്പ​ള പ​രി​ഷ്ക​ര​ണം ന​ട​പ്പാ​ക്കി​യ​തി​നെ തു​ട​ർ​ന്ന് ശ​മ്പ​ള​ച്ചെ​ല​വി​ലും വ​ർ​ധ​ന​യു​ണ്ടാ​യി. 64 കോ​ടി രൂ​പ​യാ​യി​രു​ന്ന ശ​മ്പ​ള​ച്ചെ​ല​വ് 82 കോ​ടി രൂ​പ​യാ​യി.

പ​രി​ഷ്ക​ര​ണ​ങ്ങ​ൾ പ​ല​തും ന​ട​പ്പാ​ക്കി​യി​ട്ടും പ്ര​തി​സ​ന്ധി​യി​ൽ​നി​ന്ന്​ ക​ര​ക​യ​റാ​ൻ ഇ​നി​യും ആ​യി​ട്ടി​ല്ല. ശ​രാ​ശ​രി ഏ​ഴു​ കോ​ടി ക​ല​ക്​​ഷ​ൻ ല​ഭി​ച്ചാ​ലും ഇ​ന്ധ​ന​ച്ചെ​ല​വും വാ​യ്പ തി​രി​ച്ച​ട​വും സ്പെ​യ​ർ​പാ​ർ​ട്സ് ചെ​ല​വും ക​ഴി​ഞ്ഞാ​ൽ അ​ക്കൗ​ണ്ട്​ കാ​ലി​യാ​ണെ​ന്ന​താ​ണ്​ സ്ഥി​തി.

2016ല്‍ ​ഇ​ട​ത് സ​ര്‍ക്കാ​ര്‍ അ​ധി​കാ​ര​ത്തി​ല്‍ വ​രു​മ്പോ​ള്‍ 34,028 സ്ഥി​രം ജീ​വ​ന​ക്കാ​രും 9500 എം​പാ​ന​ല്‍ ജീ​വ​ന​ക്കാ​രു​മാ​ണു​ണ്ടാ​യി​രു​ന്ന​ത്. സം​സ്ഥാ​ന​ത്തെ ഏ​റ്റ​വും വ​ലി​യ തൊ​ഴി​ല്‍ദാ​താ​വാ​യി​രു​ന്ന കെ.​എ​സ്.​ആ​ര്‍.​ടി.​സി​യി​ല്‍ അ​ഞ്ചു​വ​ര്‍ഷ​ത്തി​നി​ടെ തു​ച്ഛ​മാ​യ ആ​ശ്രി​ത നി​യ​മ​ന​ങ്ങ​ള​ല്ലാ​തെ പു​തി​യ നി​യ​മ​ന​ങ്ങ​ളൊ​ന്നും ന​ട​ന്നി​ട്ടി​ല്ല.

വ​ര്‍ഷം​തോ​റും 900-1000 പേ​ര്‍ വീ​തം വി​ര​മി​ക്കു​ന്നു​ണ്ട്. ഈ ​ത​സ്തി​ക​ക​ളെ​ല്ലാം ഇ​ല്ലാ​താ​കു​ക​യാ​ണ്. എ​ങ്കി​ലും ശ​മ്പ​​ള​പ്ര​തി​സ​ന്ധി കീ​റാ​മു​ട്ടി​യാ​യി ശേ​ഷി​ക്കു​ക​യാ​ണ്.

]]> https://www.chandrikadaily.com/ksrtc-ministers-assurance-wasted-no-salary-even-in-the-middle-of-the-month.html/feed 0 ‘ഇലക്ട്രിക് ബസുകൾ ലാഭത്തില്‍’; ഗണേഷ്കുമാറിന്റെ വാദങ്ങൾ തള്ളി കെഎസ്ആര്‍ടിസി https://www.chandrikadaily.com/electric-buses-in-profit-ksrtc-rejected-ganeshkumars-arguments.html https://www.chandrikadaily.com/electric-buses-in-profit-ksrtc-rejected-ganeshkumars-arguments.html#respond Sun, 21 Jan 2024 06:10:06 +0000 https://www.chandrikadaily.com/?p=288540 ഇലക്ട്രിക് ബസുകള്‍ ലാഭകരമെന്ന് കെഎസ്ആര്‍ടിസിയുടെ വാര്‍ഷിക റിപ്പോര്‍ട്ട്. ഒന്‍പത് മാസത്തെ ലാഭം 2.88 കോടിയാണ് .ഈ കാലയളവില്‍ 18901 സര്‍വീസ് നടത്തിയത്.ഒരു കിലോമീറ്റര്‍ ഓടാന്‍ 28. 45 രൂപ ശമ്പളവും ഇന്ധനത്തിനും ചെലവുവരുന്നു.36.66 രൂപ ശരാശരി വരുമാനം ലഭിച്ചു.ചെലവുകള്‍ കഴിഞ്ഞ് കി.മിറ്റരിന് 8 രൂപ 21 പൈസ ലാഭം ലഭിക്കുന്നുണ്ടെന്നും റിപ്പോര്‍ട്ട് വ്യക്തമാക്കുന്നു.

ഇലക്ട്രിക് ബസുകള്‍ ലാഭകരമല്ലെന്ന മന്ത്രി കെ.ബി.ഗണേഷ്‌കുമാറിന്റെ വാദം തള്ളുന്നതാണ് ഇപ്പോള്‍ പുറത്തുവന്ന കെഎസ്ആര്‍ടിസി വാര്‍ഷിക റിപ്പോര്‍ട്ട്. മുന്‍ മന്ത്രി ആന്റണി രാജു ലാഭകരമെന്ന് വിശേഷിപ്പിച്ച സിറ്റി സര്‍ക്കുലര്‍ പദ്ധതി നഷ്ടമാണെന്നാണ് പിന്‍ഗാമി കെ.ബി. ഗണേഷ്‌കുമാര്‍ കണ്ടെത്തിയത്. ഇനി ഇലട്രിക് ബസുകള്‍ വാങ്ങേണ്ടെന്നും നിലവില്‍ സിറ്റി സര്‍വീസിന് ഈടാക്കുന്ന പത്ത് രൂപ നിരക്ക് പുനപരിശോധിക്കണമെന്നും ഗണേഷ് കുമാര്‍ പറഞ്ഞിരുന്നു. ഒപ്പം നിലവിലോടുന്ന റൂട്ടുകള്‍ പുനക്രമീകരിക്കാന്‍ പദ്ധതിയുണ്ടെന്നും വ്യക്തമാക്കിയിരുന്നു.

ഒരു ഇബസിന്റെ വിലയ്ക്ക് നാല് ഡീസല്‍ ബസ് വാങ്ങാം. അതാകുമ്പോള്‍ മലയോര പ്രദേശത്തേക്ക് ഓടിക്കാം. ഇബസുകള്‍ 10 രൂപ ടിക്കറ്റില്‍ ഓടിയതോടെ സ്വകാര്യ ബസുകളെയും ഓട്ടോറിക്ഷകളെയും കെ.എസ്.ആര്‍.ടി.സി.യുടെ ഡീസല്‍ ബസുകളെയും ബാധിച്ചു. ഗതാഗത മന്ത്രി ഓട്ടോറിക്ഷക്കാരെയും സംരക്ഷിക്കേണ്ടതുണ്ടെന്നും ഗണേഷ് കുമാര്‍ നിലപാടെടുത്തിരുന്നു. സംഭവം വിവാദമായതോടെ തലസ്ഥാനം നെഞ്ചേറ്റിയ സര്‍വീസിനെ അങ്ങനെയങ്ങ് വിട്ട് കൊടുക്കാനാകില്ലെന്ന് എംഎല്‍എ വികെ പ്രശാന്ത് നിലപാടെടുത്തു.

]]> https://www.chandrikadaily.com/electric-buses-in-profit-ksrtc-rejected-ganeshkumars-arguments.html/feed 0 ഇലക്ട്രിക് ബസുകള്‍ നയപരമായ തീരുമാനം; ഗണേഷ് കുമാറിനെതിരെ ഇടത് എം.എല്‍.എ https://www.chandrikadaily.com/electric-buses-policy-decision-left-mla-against-ganesh-kumar.html https://www.chandrikadaily.com/electric-buses-policy-decision-left-mla-against-ganesh-kumar.html#respond Fri, 19 Jan 2024 09:50:53 +0000 https://www.chandrikadaily.com/?p=288407 ഇലക്ട്രിക് ബസുകള്‍ വാങ്ങില്ലെന്ന ഗതാഗതവകുപ്പ് മന്ത്രി കെ.ബി ഗണേഷ് കുമാറിന്റെ നിലപാടിനെതിരേ എതിര്‍പ്പുമായി ഭരണപക്ഷ എം.എല്‍.എ രംഗത്ത്. സര്‍ക്കാര്‍ നയപരമായി നടപ്പാക്കിയ ഇ- ബസ് നഗരവാസികള്‍ സ്വീകരിച്ചെന്നും ലാഭകരമാക്കുകയാണ് കെ.എസ്.ആര്‍.ടി.സി. ചെയ്യേണ്ടത് എന്നും വി.കെ. പ്രശാന്ത് എം.എല്‍.എ പറഞ്ഞു.

തിരുവനന്തപുരം സോളാര്‍ നഗരമാക്കാനും, ഇലക്ട്രിക് ബസുകള്‍ ഭൂരിഭാഗമാക്കി മലിനീകരണം കുറയ്ക്കാനും നയപരമായി തീരുമാനിച്ച് നിരത്തിലിറക്കിയ ഇലക്ട്രിക് ബസുകള്‍ നഗരവാസികള്‍ ഇതിനോടകം സ്വീകരിച്ചിട്ടുണ്ട്. ഇതിനെ ലാഭകരമാക്കാനും, കൃത്യമായ മെയിന്റനന്‍സ് സംവിധാനം ഒരുക്കുകയുമാണ് കെ.എസ്.ആര്‍.ടി.സി ചെയ്യേണ്ടത് എന്നായിരുന്നു വി.കെ. പ്രശാന്ത് എം.എല്‍.എയുടെ ഫേസ്ബുക്ക് പോസ്റ്റ്.

തിരുവനന്തപുരത്തിന്റെ വിവിധ ഭാഗങ്ങളിലേക്ക് ഇലക്ട്രിക് ബസിന്റെ സേവനം ജനങ്ങള്‍ക്ക് നന്നായി ലഭിക്കുന്നു. സര്‍ക്കാര്‍ നിശ്ചയിച്ചതിന്റെ ഭാഗമായി 10 രൂപ കൊടുത്ത് ജനങ്ങള്‍ ആ വാഹനം ഉപയോഗിക്കുകയാണ്. അപ്പോഴാണ് ഇത്തരം ഒരു നിലപാട് മാറ്റത്തിലേക്ക് എത്തുന്നത്. അത് യോജിക്കാന്‍ പറ്റുന്ന കാര്യമല്ല. ലാഭകരമല്ലാത്തതുകൊണ്ടാണ് ഇതുമാറ്റുന്നത് എന്നാണ് മനസ്സിലാക്കുന്നത്.

എന്നാല്‍ ഇത്രയും നാള്‍ ലാഭകരമാണ് എന്ന കണക്കുകളാണ് പുറത്തുവന്നുകൊണ്ടിരുന്നത്. ലാഭകരമല്ലെങ്കില്‍ ലാഭകരമാക്കുന്നതിന് ആവശ്യമായ കാര്യങ്ങള്‍ ചെയ്യണം. സര്‍ക്കാരിന്റെ നയം എന്നത്, ഇലക്ട്രോണിക് വാഹനം ഉപയോഗിക്കുക, മലിനീകരണം കുറക്കുക എന്നതാണ്. അത് തിരുവനന്തപുരം നഗരത്തിലാണ് നടപ്പിലാക്കാന്‍ ഏറ്റവും അനുയോജ്യം വി.കെ. പ്രശാന്ത് മാതൃഭൂമി ന്യൂസിനോട് പറഞ്ഞു.

ഇലക്ട്രിക് ബസ് ലാഭത്തിലല്ല എന്നും അത് വാങ്ങിയവര്‍ക്കും ഉണ്ടാക്കിയവര്‍ക്കും ബസ് എത്രനാള്‍ പോകും എന്ന കാര്യത്തില്‍ ഉറപ്പില്ല എന്നും ഗതാഗതവകുപ്പ് മന്ത്രി കെ.ബി. ഗണേഷ് കുമാര്‍ പറഞ്ഞിരുന്നു.

ഇലക്ട്രിക് ബസ് എത്രനാള്‍ പോകും എന്ന കാര്യം ഉണ്ടാക്കിയവര്‍ക്കും അറിയില്ല എനിക്കും അറിയില്ല. അതാണ് യാഥാര്‍ഥ്യം. ഡീസല്‍ വണ്ടി വാങ്ങുമ്പോള്‍ 24 ലക്ഷം രൂപ കൊടുത്താല്‍ മതി. ഇതിന് ഒരു കോടി രൂപ കൊടുക്കണം.

ഈ ഒരു വണ്ടിയുടെ വിലക്ക് നാല് ഡീസല്‍ വണ്ടികള്‍ വാങ്ങിക്കാം. അപ്പോള്‍ നാട്ടില്‍ ഇഷ്ടം പോലെ വണ്ടികാണും. കെ.എസ്.ആര്‍.ടി.സിയുടെ ചെലവ് പരമാവധി കുറച്ച്, വരവ് വര്‍ധിപ്പിച്ചാല്‍ മാത്രമേ കെ.എസ്.ആര്‍.ടി.സിയുടെ അക്കൗണ്ടില്‍ ഉണ്ടാകൂ.

നിലവില്‍ കെ.എസ്.ആര്‍.ടി.സിക്ക് ശമ്പളം കൊടുക്കുന്നതും പെന്‍ഷന്‍ കൊടുക്കുന്നതും സംസ്ഥാന സര്‍ക്കാരാണ്. കെ.എസ്.ആര്‍.ടി.സിയുടെ ചെറിയ ചെറിയ പ്രശ്‌നങ്ങള്‍ പരിഹരിക്കാന്‍ കെ.എസ്.ആര്‍.ടി.സിയുടെ തനതായ ഫണ്ട് വേണം എന്നായിരുന്നു ഗതാഗതവകുപ്പ് മന്ത്രി പറഞ്ഞത്.

]]> https://www.chandrikadaily.com/electric-buses-policy-decision-left-mla-against-ganesh-kumar.html/feed 0