Ganguli – Chandrika Daily https://www.chandrikadaily.com Wed, 07 Nov 2018 07:08:27 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Ganguli – Chandrika Daily https://www.chandrikadaily.com 32 32 അസ്ഹറുദ്ദീനെതിരെ വാചകമടി ശ്രീശാന്തിനെതിരെ മൗനം; ഗംഭീറിന്റെ വര്‍ഗീയ മുഖം പുറത്തായി https://www.chandrikadaily.com/gautam-gambhir-trolled-on-twitter-for-criticising-mohammad-azharuddin-kolkata.html https://www.chandrikadaily.com/gautam-gambhir-trolled-on-twitter-for-criticising-mohammad-azharuddin-kolkata.html#respond Wed, 07 Nov 2018 06:54:04 +0000 http://www.chandrikadaily.com/?p=109774 കൊല്‍ക്കത്ത: ഇന്ത്യയും വിന്‍ഡീസും തമ്മിലുള്ള ടി-20 പരമ്പരയിലെ ആദ്യ മല്‍സരം കൊല്‍ക്കത്താ ഈഡന്‍ ഗാര്‍ഡന്‍സില്‍ ആരംഭിക്കുന്നതിന് മുന്നോടിയായി സ്‌റ്റേഡിയത്തിലെ മണിയടിക്കല്‍ ചടങ്ങിന് മുഹമ്മദ് അസ്ഹറുദ്ദീനെ ക്ഷണിച്ചത് ശരിയായില്ലെന്ന് ഇന്ത്യന്‍ താരം ഗൗതം ഗാംഭീര്‍. മല്‍സരത്തില്‍ ഇന്ത്യ ജയിച്ചിട്ടുണ്ടാവാം. എന്നാല്‍ കൊല്‍ക്കത്തയില്‍ ക്രിക്കറ്റ് കണ്‍ട്രോള്‍ ബോര്‍ഡും ബംഗാള്‍ ക്രിക്കറ്റ് അസോസിയേഷനും തോറ്റിരിക്കുന്നുവെന്ന ഗാംഭീറിന്റെ ട്വീറ്റാണ് വിവാദത്തിന് വഴി തുറന്നിരിക്കുന്നത്. അസ്ഹറിനെ മാത്രമല്ല ബംഗാള്‍ ക്രിക്കറ്റ് അസോസിയേഷന്‍ പ്രസിഡണ്ട് സൗരവ് ഗാംഗുലിയെ കൂടി ലക്ഷ്യം വെച്ചാണ് ഗാംഭീറിന്റെ പരാമര്‍ശം. 2000 ത്തില്‍ ഇന്ത്യന്‍ ക്രിക്കറ്റിനെ ഉലച്ച പന്തയ വിവാദത്തില്‍ അസ്ഹര്‍ പ്രതിയാണെന്നും അത്തരത്തിലൊരാളെ ഇത്തരം ചടങ്ങിന് ക്ഷണിച്ചത് വഴി എന്ത് സന്ദേശമാണ് ക്രിക്കറ്റ് ലോകത്തിന് അധികാരികള്‍ നല്‍കിയിരിക്കുന്നത് എന്നുമാണ് ഗാംഭീറിന്റെ ചോദ്യം.


അതേസമയം അസ്ഹറുദ്ദീന്‍ ഈഡന്‍ ഗാര്‍ഡന്‍സ് മണിയടി ചടങ്ങില്‍ പങ്കെടുത്തതിനെതിരെ ട്വിറ്ററില്‍ പ്രതികരണം നടത്തിയ ഗൗതം ഗാംഭീറിന് പന്തയ വിവാദത്തില്‍ ആജീവനാന്ത വിലക്ക് നേരിടുന്ന മുന്‍ ഇന്ത്യന്‍ താരം എസ്.ശ്രീശാന്തിനെതിരെ മൗനം. കഴിഞ്ഞ ലോക്‌സഭാ തെരഞ്ഞെടുപ്പില്‍ ബി.ജി.പി സ്ഥാനാര്‍ത്ഥിയായി ശ്രീശാന്ത് മല്‍സരിച്ചപ്പോള്‍ ഗാംഭീറോ, സജ്ഞയ് മഞ്ച്‌രേക്കറോ ഒരക്ഷരം ഉരിയാടിയിരുന്നില്ല. ബി.ജെ.പി അനുകൂലിയാണ് ഗാംഭീര്‍.

അടുത്ത പാര്‍ലമെന്റ് തെരഞ്ഞെടുപ്പില്‍ ഡല്‍ഹിയില്‍ നിന്നും ബി.ജെ.പി ടിക്കറ്റില്‍ മല്‍സരിക്കാനൊരുങ്ങുന്ന താരമാണ് ഡല്‍ഹി രജ്ഞി ടീമിന്റെ നായകന്‍ കൂടിയായ ഗാംഭീര്‍. രാഷ്ട്രീയലക്ഷ്യം വെച്ചാണ് ഇപ്പോള്‍ അദ്ദേഹം അസ്ഹറിനെയും അത് വഴി ഗാംഗുലിയെയും നോട്ടമിട്ടിരിക്കുന്നത്.
ട്വിറ്ററില്‍ അസ്ഹറിനെതിരെ പരാമര്‍ശം നടത്തിയ ഗാംഭീറിനെതിരെ തന്നെയാണ് ശക്തമായ പ്രതികരണം. ശ്രീശാന്ത് ലോക്‌സഭാ തെരഞ്ഞെടുപ്പില്‍ ബി.ജെ.പി ടിക്കറ്റില്‍ മല്‍സരിച്ചപ്പോള്‍ ഗാംഭീര്‍ എവിടെയായിരുന്നു എന്നാണ് പലരുടെയും ചോദ്യങ്ങള്‍.


ഗാംഭീറിന്റെ പരാമര്‍ശത്തിന് പിറകെ ക്രിക്കറ്റ് കമന്റേറ്റര്‍ സജ്ഞയ് മഞ്ച്‌രേക്കറും അസ്ഹറിനെതിരെ രംഗത്ത് വന്നിട്ടുണ്ട്. മണിയടി ചടങ്ങിന് മുമ്പ് ക്രിക്കറ്റ്് ബോര്‍ഡ് സംഘടിപ്പിച്ച ജഗ്‌മോഹന്‍ ഡാല്‍മിയ അനുസ്മരണ ചടങ്ങിലും അസ്ഹര്‍ പങ്കെടുത്തിരുന്നു.

പന്തയ വിവാദം പൊട്ടിപ്പുറപ്പെട്ടത് മുതല്‍ അസ്ഹര്‍ പറയുന്നത് തന്റെ നിരപരാധിത്വത്തെക്കുറിച്ചാണ്. താന്‍ തെറ്റുകാരനല്ലെന്നും ചിലരുടെ താല്‍പ്പര്യങ്ങളാണ് തന്നെ പ്രതിയാക്കുന്നതെന്നും പറഞ്ഞ് അദ്ദേഹം ആന്ധ്ര ഹൈക്കോടതിയെ സമീപിക്കുകയും അദ്ദേഹത്തിനെതിരെ ക്രിക്കറ്റ് ബോര്‍ഡ് പ്രഖ്യാപിച്ച ആജീവനാന്ത വിലക്ക്് പിന്‍വലിക്കാന്‍ കോടതി നിര്‍ദ്ദേശിക്കുകയും ചെയ്തിരുന്നു. ഇതിന് ശേഷം അദ്ദേഹം മുഖ്യധാരയില്‍ തിരിച്ചെത്തി. പക്ഷേ ഇപ്പോഴും പന്തയ ഭൂതം അദ്ദേഹത്തെ വേട്ടയാടുന്നുണ്ട്. ഹൈദരാബാദ് ക്രിക്കറ്റ് അസോസിയേഷന്‍ തെരഞ്ഞെടുപ്പില്‍ മല്‍സരിക്കാന്‍ അദ്ദേഹം തയ്യാറായപ്പോള്‍ ആ നോമിനേഷന്‍ സാങ്കേതിക കാരണങ്ങളാല്‍ തള്ളിയിരുന്നു. പക്ഷേ രാജ്യത്തിന്റെ പല ഭാഗങ്ങളിലായി അദ്ദേഹം ക്രിക്കറ്റ് ക്യാമ്പുകള്‍ നടത്തുന്നുണ്ട്. ഇടക്ക്് കോണ്‍ഗ്രസ് പ്രതിനിധിയായി മൊറാദാബാദില്‍ നിന്നും പാര്‍ലമെന്റിലെത്തി. ഇപ്പോാള്‍ ഗോവ ക്രിക്കറ്റ് അസോസിയേഷന്‍ ഉപദേഷ്ടാവാണ്. ഇന്ത്യ ദര്‍ശിച്ച മികച്ച നായകരില്‍ ഒരാളായ അസ്ഹര്‍ അരങ്ങേറ്റത്തില്‍ തന്നെ മൂന്ന് ടെസ്റ്റ് സെഞ്ച്വറികള്‍ നേടി ചരിത്രം രചിച്ച താരമാണ്. 99 ടെസ്‌റുകളാണ് അദ്ദേഹം രാജ്യത്തിനായി കളിച്ചത്. അവസാന ടെസ്റ്റിലും സെഞ്ച്വറി സ്വന്തമാക്കി വിരമിച്ച ഹൈദരാബാദുകാരനെതിരെ സി.ബി.ഐ റിപ്പോര്‍ട്ടുകള്‍ വരെയുണ്ടായിരുന്നു. ദക്ഷിണാഫ്രിക്കന്‍ നായകനായിരുന്ന ഹാന്‍സെ ക്രോണിയ പ്രതിയായ പന്തയ കേസില്‍ അസ്ഹര്‍ പന്തയക്കാരുമായി ബന്ധപ്പെട്ടതിനും അവരില്‍ നിന്നും പണം സ്വീകരിച്ചതിനും തെളിവുണ്ടെന്നായിരുന്നു സി.ബി.ഐ റിപ്പോര്‍ട്ട്. എന്നാല്‍ തെളിവുകള്‍ ഹാജരാക്കുന്നതില്‍ സി.ബി.ഐ പരാജയപ്പെട്ടപ്പോള്‍ ആന്ധ്ര ഹൈക്കടോതി അസ്ഹറിന്റെ വാദം അംഗീകരിച്ചു. എന്നിട്ടും അദ്ദേഹത്തെ മുഖ്യധാരയില്‍ നിന്നും അകറ്റി നിര്‍ത്താന്‍ ക്രിക്കറ്റ് ബോര്‍ഡിലെ ചിലര്‍ ശ്രമിച്ചതിനെ തുടര്‍ന്നാണ് അസ്ഹര്‍ രാഷ്ട്രീയത്തിലെത്തിയത്.

]]> https://www.chandrikadaily.com/gautam-gambhir-trolled-on-twitter-for-criticising-mohammad-azharuddin-kolkata.html/feed 0 വിരാത് കോലി മഹാനായ ബാറ്റ്‌സ്മാന്‍: ഗാംഗുലി https://www.chandrikadaily.com/virath-kohli.html https://www.chandrikadaily.com/virath-kohli.html#respond Fri, 09 Feb 2018 18:35:33 +0000 http://www.chandrikadaily.com/?p=69189 കൊല്‍ക്കത്ത: ഇന്ത്യന്‍ ക്രിക്കറ്റിലെ മഹാന്മാരായ താരങ്ങളുടെ പട്ടികയില്‍ ഉള്‍പ്പെടുത്താവുന്ന ബാറ്റിംഗ് മികവുള്ള താരമാണ് വിരാത് കോലിയെന്ന് മുന്‍ ഇന്ത്യന്‍ നായകന്‍ സൗരവ് ഗാംഗുലി. ഇന്ത്യന്‍ ക്രിക്കറ്റിലെ ഫാബ് ഫോര്‍ പട്ടികയില്‍ കോലി സ്ഥാനം അര്‍ഹിക്കുന്നതായും ദാദ തന്റെ ക്രിക്കറ്റ് കോളത്തില്‍ അഭിപ്രായപ്പെട്ടു. സച്ചിന്‍ ടെണ്ടുല്‍ക്കര്‍, രാഹുല്‍ ദ്രാവിഡ്, വി.വി.എസ് ലക്ഷ്മണ്‍, വിരേന്ദര്‍ സേവാഗ് എന്നിവരാണ് ഫാബ് ഫോറിലുള്ളത്. ഈ ഗണത്തില്‍ കോലിയെ ഉള്‍പ്പെടുത്താം. അത്രമാത്രം മികവ് അദ്ദേഹം പ്രകടിപ്പിക്കുന്നുണ്ട്. ടെസ്റ്റ് പരമ്പരയില്‍ പരാജയപ്പെട്ട ഒരു ടീമിനെയാണ് അദ്ദേഹം സ്വന്തം കരുത്തില്‍ മുന്‍നിരയില്‍ എത്തിച്ചിരിക്കുന്നത്. ആദ്യ രണ്ട് ടെസ്റ്റ് പരാജയപ്പെട്ടതിന് ശേഷമാണ് മൂന്നാം ടെസ്റ്റില്‍ ഇന്ത്യ വിജയം വരിച്ചത്. വാണ്ടറേഴ്‌സിലെ തകര്‍ന്ന പിച്ചില്‍ രണ്ട് ഇന്നിംഗ്‌സിലുമായി 54, 41 എന്നിങ്ങനെയായിരുന്നു കോലിയുടെ സ്‌ക്കോര്‍. ഇത് ഏറ്റവും മികച്ച നേട്ടമാണ്. ഏകദിനങ്ങളിലേക്ക് വന്നപ്പോള്‍ ആദ്യ മല്‍സരത്തില്‍ 116 റണ്‍സ് നേടിയ കോലി രണ്ടാം മല്‍സരത്തില്‍ പുറത്താവാതെ 46 റണ്‍സ് നേടി. ഏറ്റവും മികച്ച പ്രകടനം കണ്ടത് മൂന്നാം ഏകദിനത്തിലായിരുന്നു. പുറത്താവാതെ 160 റണ്‍സാണ് അദ്ദേഹം കേപ്ടൗണില്‍ സ്വന്തമാക്കിയത്.
കോലിയുടെ മല്‍സരക്കരുത്തിനെയും ഊര്‍ജ്ജത്തെയുമാണ് ഗാംഗുലി അഭിനന്ദിക്കുന്നത്. ടെസ്റ്റ് പരമ്പരയില്‍ പരാജയപ്പെട്ടിട്ടും ഏകദിന പരമ്പരയില്‍ തിരിച്ചുവരണമെങ്കില്‍ അത്രമാത്രം മന:ക്കരുത്ത് വേണം. സച്ചിന്‍, രാഹുല്‍, ലക്ഷ്മണ്‍, സേവാഗ് തുടങ്ങിയ മുന്‍നിര ബാറ്റ്‌സ്മാന്മാര്‍ക്കൊപ്പം കളിക്കാനും ബ്രയന്‍ ലാറ, റിക്കി പോണ്ടിംഗ് തുടങ്ങിയവര്‍ക്കെതിരെ കളിക്കാനുമെല്ലാം എനിക്കവസരമുണ്ടായിട്ടുണ്ട്. കോലിയിലേക്ക് വരുമ്പോള്‍ അദ്ദേഹം പ്രകടിപ്പിക്കുന്ന കരുത്തും മാനസികോര്‍ജ്ജവും അപാരമാണ്.
കുറഞ്ഞ വര്‍ഷങ്ങള്‍ക്കിടെ 34 ഏകദിന സെഞ്ച്വറികളാണ് കോലി സ്വന്തമാക്കിയത്. ഈ പരമ്പരയില്‍ ഇത് വരെ ഒരു ഇന്ത്യന്‍ ബാറ്റ്‌സ്മാനും മൂന്നക്കം തികക്കാന്‍ കഴിഞ്ഞിട്ടില്ല എന്നറിയുമ്പോഴാണ് കോലിയുടെ ബാറ്റിംഗ് കരുത്ത് മനസ്സിലാവുക. ദക്ഷിണാഫ്രിക്കന്‍ നിരയില്‍ ഒരാള്‍ക്ക് മാത്രമാണ് ഇത് വരെ സെഞ്ച്വറി നേടാനായത്. സ്പിന്നര്‍മാരായ ചാഹലും കുല്‍ദീപും നടത്തുന്ന പ്രകടനവും അപാരമാണ്. രണ്ട് പേരും ദക്ഷിണാഫ്രിക്കന്‍ ബാറ്റിംഗിനെ നിഷ്പ്രഭമാക്കിയിരിക്കുന്നു. അതിനെക്കാള്‍ മികവ് ഈ വിക്കറ്റ് വേട്ട ഒരു ടേണുമില്ലാത്ത ട്രാക്കിലാണെന്നതാണ്. സ്പിന്‍ തന്ത്രങ്ങളില്‍ ദക്ഷിണാഫ്രിക്ക മാനസികമായി തളരുന്നു എന്നതിന്റെ ഉദാഹരണമാണ് അവസാന മല്‍സരത്തില്‍ ക്യാപ്റ്റന്‍ ഐദന്‍ മാര്‍ക്ക്‌റാം പുറത്തായ വിധമെന്നും ഗാംഗുലി പറഞ്ഞു.

]]> https://www.chandrikadaily.com/virath-kohli.html/feed 0