ഇന്ന് പുലര്‍ച്ചെ നടന്ന ഇന്റര്‍നാഷണല്‍ ചാമ്പ്യന്‍സ് കപ്പില്‍ ബയേണിനെതിരെ ടീം ലൈനപ്പില്‍ ബെയിലിനെ ഉള്‍പ്പെടുത്താത്തതിനെ കുറിച്ചുള്ള ചോദ്യത്തിന് മറുപടിയായാണ് സിദാന്‍ കാര്യ വ്യക്തമാക്കിയത്.

തനിക്ക് വ്യക്തിപരമായി ബെയിലുമായി യാതൊരു പ്രശ്‌നവും നിലവിലില്ല, എന്നാല്‍ കളിക്കാരനെന്ന നിലയില്‍ കഴിഞ്ഞ സീസണിലെ ബെയിലിന്റെ പ്രകടനം മോശമായിരുന്നു. നിലവിലെ സാഹചര്യം ബെയിലിനും വ്യക്തമാണ് ടീമില്‍ നിന്ന് പുറത്തേക്ക് പോകുന്നത് ടീമിനും ബെയിലിനും ഗുണമായിരിക്കും. സിദാന്‍ കൂട്ടിച്ചേര്‍ത്തു.

വളരെ മോശം അര്‍ത്ഥമുള്ള (അപ്പ് യുവേഴ്‌സ്) ആക്ഷനാണ് ബെയില്‍ കാണിച്ചതെന്നാണ് വിലയിരുത്തപ്പെടുന്നത്. മല്‍സരത്തില്‍ 3-1 ന് റയല്‍ വിജയിച്ചിരുന്നു. മൂന്നാമത്തെ ഗോള്‍ നേടിയത് ബെയിലായിരുന്നു. സംഭവം ലാലീഗ മല്‍സര കമ്മിറ്റിക്ക് വിട്ടിരിക്കയാണ്. അവരുടെ തീരുമാനമാണ് അന്തിമം.

ബെയില്‍ തെറ്റുകാരനാണെന്ന് തെളിഞ്ഞാല്‍ 12 മല്‍സരം വരെ അദ്ദേഹത്തിന് വിലക്ക് ലഭിക്കും. റയല്‍ താരങ്ങള്‍ക്കെതിരെ നിരന്തരം ഇത്തരം ആരോപണങ്ങള്‍ ഉയരുന്നുണ്ട്. നായകന്‍ സെര്‍ജിയോ റാമോസ് ഇന്നലെ ചാമ്പ്യന്‍സ് ലീഗ് മല്‍സരത്തില്‍ അയാക്‌സ് താരത്തെ മന:പൂര്‍വ്വം ഫൗള്‍ ചെയ്തിരുന്നു. അദ്ദേഹത്തിന് ഒരു മല്‍സരം വലിക്കും ഉറപ്പായിട്ടുണ്ട്.

ഇന്നലെ ആഘോഷത്തിനിടെ റയല്‍ ഫാന്‍സ് മുഴുവന്‍ ആവശ്യപ്പെട്ടത് റൊണാള്‍ഡോ തുടരണമെന്നാണ്. കോച്ച് സിദാനുമായി ഉറ്റ വ്യക്തിബന്ധം സൂക്ഷിക്കുന്നതിനാല്‍ കൃസ്റ്റിയാനോ ക്ലബ് വിടില്ല എന്നാണ് കരുതപ്പെടുന്നത്. അദ്ദേഹത്തിന്റെ പ്രതിഫല തുക ഉയര്‍ത്താന്‍ ക്ലബ് തയ്യാറാവും. റൊണാള്‍ഡോക്ക് ഇപ്പോള്‍ ലഭിക്കുന്നതിനേക്കാള്‍ കൂടുതല്‍ പ്രതിഫലം ഒരു ക്ലബ് മാത്രമാണ് വാഗ്ദാനം ചെയ്തിരിക്കുന്നത്-പി.എസ്.ജി. പക്ഷേ ആ ക്ലബില്‍ നിന്നും നെയ്മര്‍ റയലിലേക്ക് വരുമെന്ന സൂചന ശക്തമായതിനാല്‍ പോര്‍ച്ചുഗീസുകാരന്‍ അവിവേകം കാണിക്കില്ല എന്നാണ് കരുതപ്പെടുന്നത്. നെയ്മറിന്റെ കാര്യത്തില്‍ ഏറെക്കുറെ ധാരണയായിട്ടുണ്ട്.

അത്‌ലറ്റികോ മാഡ്രിഡില്‍ നിന്നും അന്റോണിയോ ഗ്രീസ്മാന്‍ ബാര്‍സയിലേക്ക് പോവുമെന്നുറപ്പായ സാഹചര്യത്തില്‍ നെയ്മര്‍ക്ക് ബാര്‍സയില്‍ ഇടമുണ്ടാവില്ല. അപ്പോള്‍ റയലിലേക്ക് തന്നെയെത്തുമെന്നാണ് സൂചനകള്‍. എന്നാല്‍ ജെറാത്ത് ബെയിലിന്റെ കാര്യത്തില്‍ സംശയങ്ങള്‍ ബാക്കിനില്‍ക്കുന്നു.

മാഞ്ചസ്റ്റര്‍ യുനൈറ്റഡ് ഉള്‍പ്പെടെയുളള പ്രമുഖര്‍ ബെയിലിന് വേണ്ടി രംഗത്തുണ്ട്. റയല്‍ സംഘത്തില്‍ തനിക്ക് തുടര്‍ച്ചയായി അവസരങ്ങള്‍ ലഭിക്കുന്നില്ല എന്ന ബെയിലിന്റെ പരാതിയില്‍ കഴമ്പുണ്ടെന്ന് സിദാനും സമ്മതിക്കുന്നുണ്ട്. പക്ഷേ റയല്‍ വിടാന്‍ പെട്ടെന്ന് ബെയില്‍ തീരുമാനിക്കുമെന്ന് സിദാനും കരുതുന്നില്ല. ബെയില്‍ പോവുന്ന പക്ഷം ചെല്‍സിയില്‍ നിന്നും ഈഡന്‍ ഹസാര്‍ഡ് റയലിലെത്താനാണ് സാധ്യത. ഇസ്‌ക്കോ റയലില്‍ തുടരുന്ന കാര്യത്തില്‍ ഉറപ്പില്ല.

മാഞ്ചസ്റ്റര്‍ സിറ്റിയാണ് ഇസ്‌ക്കോയുടെ നോട്ടം. ഗോള്‍ക്കീപ്പര്‍ കൈലര്‍ നവാസിന് സിദാന്റെ ഉറച്ച പിന്തുണയുണ്ട്. പക്ഷേ ഡേവിഡ് ഡി ഗിയയെ പോലുളളവരോടാണ് ക്ലബ് പ്രസിഡണ്ട് പെരസിന് താല്‍പ്പര്യം.

റൊണാള്‍ഡോയുടെ വണ്ടര്‍ ഗോള്‍ ഗ്യാലറിയും റയല്‍ ടീമും ആഘോഷമാക്കുമ്പോള്‍ റിസര്‍വ് ബെഞ്ചില്‍ നിസ്സംഗനായി ജെറാത്ത് ബെയില്‍ (ടെലിവിഷന്‍ ചിത്രം)

ബൊറുഷ്യ ഡോര്‍ട്ട്മണ്ടിനെതിരെ ചാമ്പ്യന്‍സ് ലീഗ് പോരാട്ടത്തിലാണ് ബെയില്‍ അവസാനമായി കളിച്ചത്. അതിന് ശേഷം ചാമ്പ്യന്‍സ് ലീഗിലും ലാലീഗിലുമായി റയല്‍ 11 മല്‍സരങ്ങള്‍ കളിച്ചു. ഈ മല്‍സരങ്ങളില്ലെല്ലാം ബെയില്‍ പുറത്തായിരുന്നു. ലാലീഗയില്‍ മാത്രമല്ല ചാമ്പ്യന്‍സ് ലീഗിലും റയല്‍ തപ്പിതടഞ്ഞു. ലാലീഗയില്‍ ഇപ്പോഴും ബാര്‍സക്ക് വളരെ പിറകിലാണ് ടീം. ചാമ്പ്യന്‍സ് ലീഗിലാവട്ടെ ടോട്ടനത്തോട് വെംബ്ലിയില്‍ ദയനീയമായി പരാജയപ്പെട്ടു. അപ്പോള്‍ നിക്കോഷ്യക്കെതിരെ നേടിയ ആറ് ഗോള്‍ ജയമാണ് മുഖം രക്ഷിച്ചത്. ലാലീഗയിലും ടീം കഴിഞ്ഞ മല്‍സരം വിജയിച്ചിരുന്നു.