ഇതോടെ ഇസ്രാഈലി ആക്രമണത്തില്‍ പരിക്കേറ്റവരുടെ എണ്ണം 126,920 ആയി മാറി. രക്ഷാപ്രവര്‍ത്തകര്‍ക്ക് എത്തിച്ചേരാന്‍ പറ്റുന്ന സാഹചര്യമല്ലാത്തതുകൊണ്ട് നിരവധി ആളുകളാണ് ആക്രമണത്തില്‍ തകര്‍ന്ന കെട്ടിടാവശിഷ്ടങ്ങള്‍ക്കിടയിലും റോഡുകളിലും കുരുങ്ങി കിടക്കുന്നത്.
മാര്‍ച്ച് 18ന് ഇസ്രാഈല്‍ സൈന്യം ഗസ്സയില്‍ വീണ്ടും ആക്രമണം ആരംഭിച്ചിരുന്നു. ജനുവരിയില്‍ നിലവിലുണ്ടായിരുന്ന വെടിനിര്‍ത്തല്‍ കരാറും തടവുകാരെ കൈമാറുന്ന കരാറും തകരുകയായിരുന്നു. അതിനുശേഷം 4,701 പേര്‍ കൊല്ലപ്പെടുകയും 14,879 പേര്‍ക്ക് പരിക്കേല്‍ക്കുകയും ചെയ്തിരുന്നു.

കഴിഞ്ഞ നവംബറില്‍ ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിനും അദ്ദേഹത്തിന്റെ മുന്‍ പ്രധിരോധ മന്ത്രി യോവ് ഗാലന്റിനുമെതിരെ ഗസ്സയില്‍ നടക്കുന്ന യുദ്ധക്കുറ്റങ്ങള്‍ക്കും മനുഷ്യരാശിക്കെതിരായ കുറ്റകൃത്യങ്ങള്‍ക്കും ഇവരുടെ പേരില്‍ അന്താരാഷ്ട്ര ക്രിമിനല്‍ കോടതി അറസ്റ്റ് വാറണ്ട് പുറപ്പെടുവിച്ചു.

അന്തരാഷ്ട്ര നീതിന്യായ കോടതിയില്‍ ഇസ്രാഈലിനെതിരെ വംശഹത്യാ കേസ് നിലവിലുണ്ട്. അത് എന്‍ക്ലേവിനെതിരായ അവരുടെ യുദ്ധവുമായി ബന്ധപ്പെട്ടതാണ്.

അതേസമയം ഗസ്സയിലെ ജനങ്ങള്‍ അനുഭവിച്ച ദുരന്തം വിസ്മരിക്കുന്നത് യു.എസിന് ഗുണകരമാവില്ലെന്നും ഉര്‍ദുഗാന്‍ പറഞ്ഞു. യുദ്ധത്തേക്കാളുപരി സമാധാനത്തിന് പ്രാധാന്യം നല്‍കുമെന്ന തെരഞ്ഞെടുപ്പിന് മുമ്പുള്ള വാഗ്ദാനം പാലിക്കാന്‍ യു.എസ് പ്രസിഡന്റ് തയാറാവണമെന്നും അദ്ദേഹം ആവശ്യപ്പെട്ടു.

ഫലസ്തീനിലെ ജനങ്ങെള സംരക്ഷിക്കുകയും ഒപ്പം പ്രശ്‌നത്തിന് ശാശ്വതമായ പരിഹാരം കാണുകയുമാണ് വേണ്ടതെന്നും ഉര്‍ദുഗാന്‍ വ്യക്തമാക്കി. ഫലസ്തീന്‍ അവകാശങ്ങള്‍ക്ക് വേണ്ടിയാണ് തുര്‍ക്കിയ നിലകൊണ്ടതെന്നും അന്താരാഷ്ട്ര വേദികളില്‍ ഫലസ്തീന്‍ നേരിടുന്ന പ്രശ്‌നങ്ങള്‍ ഉയര്‍ത്താന്‍ ശ്രമിച്ചിട്ടുണ്ടെന്നും അദ്ദേഹം പറഞ്ഞു.

രണ്ടാംഘട്ട വെടിനിര്‍ത്തല്‍ ചര്‍ച്ചകള്‍ക്കിടെയാണ് വിവാദ പ്രസ്താവനയുമായി ട്രംപ് രംഗത്തെത്തിയത്. ഗസ്സയെ വലിയ റിയല്‍ എസ്റ്റേറ്റ് സൈറ്റ് ആയി കണക്കാക്കണമെന്നായിരുന്നു ട്രംപിന്റെ വിവാദ പ്രസ്താവന. ഗസ്സക്കാര്‍ക്ക് തിരികെ വരാന്‍ ഇപ്പോള്‍ അവിടെ ഒന്നുമില്ലെന്നും ട്രംപ് പറഞ്ഞിരുന്നു.