വനിതാ ബന്ദി അര്‍ബേല്‍ യഹൂദിനെ കൈമാറും വരെ വടക്കന്‍ ഗസ്സയിലേക്ക് മടങ്ങാന്‍ അനുമതി നല്‍കില്ലെന്ന നിലപാടിലായിരുന്നു ഇസ്രാഈല്‍. എന്നാല്‍ അര്‍ബേല്‍ യഹൂദിനെ ശനിയാഴ്ച കൈമാറാമെന്ന് ഇസ്‌ലാമിക് ജിഹാദ് അറിയിച്ചെങ്കിലും അതുവരെ കാത്തിരിക്കാനാവില്ലെന്ന് ഇസ്രായേല്‍ അറിയിച്ചതോടെയാണ് പ്രതിസന്ധി ഉടലെടുത്തത്.

ഇരു വിഭാഗവുമായി ഇടനാഴി തുറക്കുന്നതിനായി മധ്യസ്ഥ രാജ്യങ്ങള്‍ ചര്‍ച്ചകള്‍ നടത്തിയിരുന്നു. കരാര്‍ അട്ടിമറിക്കാനുള്ള ഇസ്രാഈല്‍ നീക്കം മാത്രമാണ് പുതിയ വിവാദത്തിന് പിന്നിലെന്നായിരുന്നു ഹമാസിന്റെ ആരോപണം.

വടക്കന്‍ ഗസ്സയിലേക്ക് മടങ്ങുന്നതിനായി നിരവധി ഫലസ്തീനികളാണ് അല്‍-റാഷിദ് സ്ട്രീറ്റില്‍ കാത്തിരിക്കുന്നത്. ”കഴിഞ്ഞ ദിവസം രാത്രി മുതല്‍ ഞങ്ങള്‍ ഇവിടെയുണ്ട്. തകര്‍ന്നടിഞ്ഞ വീടുകളുടെ അവശിഷ്ടങ്ങളില്‍ ജീവിക്കേണ്ടിവന്നാലും മടങ്ങിപ്പോകാന്‍ തയ്യാറല്ല. ഞങ്ങളാണ് ഈ ഭൂമിയുടെ യഥാര്‍ഥ അവകാശികള്‍. അതുകൊണ്ട് തന്നെ ഞങ്ങള്‍ ഇവിടെ ഉറച്ചുനില്‍ക്കും”-റാഷിദ് സ്ട്രീറ്റില്‍ കാത്തിരിക്കുന്ന ഒരു ഫലസ്തീന്‍ യുവാവ് അല്‍-ജസീറയോട് പറഞ്ഞു.

ദോഹ: കടുത്ത സാമ്പത്തിക, മാനുഷിക പ്രതിസന്ധി നേരിടുന്ന ഗസ്സയിലെ ജനങ്ങള്‍ക്ക് സഹായവുമായി ഖത്തര്‍. ഗസ്സയിലെ ശൈഖ് ഹമദ് ബിന്‍ ഖലീഫ അല്‍താനി റസിഡന്‍ഷ്യല്‍ സിറ്റിയിലെ താമസക്കാര്‍ക്കാണ് ഖത്തറിന്റെ പ്രയോജനം ലഭിച്ചത്.
ഇവിടത്തെ താമസസൗകര്യത്തിന് തവണ വ്യവസ്ഥയില്‍ മാസം തോറും അടക്കേണ്ട തുകയുടെ കാലാവധി ഖത്തര്‍ നീട്ടിനല്‍കുകയായിരുന്നു. ഗസ്സ പുനര്‍നിര്‍മ്മാണത്തിനുള്ള ഖത്തര്‍ സമിതി ചെയര്‍മാനും അംബാസഡറുമായ മുഹമ്മദ് അല്‍ ഇമാദിയാണ് സമയം നീട്ടിനല്‍കിയ കാര്യം പ്രഖ്യാപിച്ചത്.
പ്രതിസന്ധിയും ജനങ്ങളുടെ ബുദ്ധിമുട്ടും കണക്കിലെടുത്താണ് തീരുമാനം. തവണ അടയ്ക്കുന്നതിനുള്ള സമയപരിധി നീട്ടിനല്‍കണമെന്ന് പ്രദേശവാസികള്‍ ആവശ്യപ്പെട്ടിരുന്നതും പരിഗണിച്ചു. ഹമദ് ബിന്‍ ഖലീഫ റസിഡന്‍ഷ്യല്‍ സിറ്റിലെ ആദ്യ ഘട്ട പദ്ധതിയിലുള്‍പ്പെടുന്ന 1060 യൂണിറ്റുകളിലുള്ളവര്‍ക്കും രണ്ടാം ഘട്ടത്തിലെ 1264 യൂണിറ്റുകളിലുള്ളവര്‍ക്കുമാണ് ഇതിന്റെ പ്രയോജനം ലഭിക്കുക. ഫലസ്തീനിലെ പൊതുമരാമത്ത് വകുപ്പിന്റെ സഹകരണത്തോടെയാണ് ഇളവ്.

ഗസ്സ: പാചകവതക, ഇന്ധനവിതരണവും തടഞ്ഞുവെച്ച് ഇസ്രാഈല്‍ ഗസ്സയെ കൂടുതല്‍ വീപ്പുമുട്ടിക്കുന്നു. ഒരാഴ്ച മുമ്പ് ഗസ്സയിലേക്കുള്ള ഏക വാണിജ്യ കവാടം അടച്ച ഇസ്രാഈല്‍ ഭക്ഷ്യവസ്തക്കള്‍ കൊണ്ടുപോകാന്‍ അനുമതി നല്‍കിയിരുന്നു. എന്നാല്‍ ഇന്ധനവും പാചകവാതകവും അതിര്‍ത്തി വഴി കടത്തിവിടില്ലെന്നാണ് ഇസ്രാഈല്‍ പ്രതിരോധ മന്ത്രാലയത്തിന്റെ പുതിയ പ്രഖ്യാപനം. ഹമാസിന്റെ പ്രവര്‍ത്തനങ്ങള്‍ക്ക് തടയിടാനാണ് ഇതെന്ന് പ്രതിരോധ മന്ത്രി അവിഗ്‌ദോര്‍ ലിബര്‍മാരന്‍ പറഞ്ഞു. ഗസ്സയിലെ ഫലസ്തീനികള്‍ക്ക് മത്സ്യബന്ധനം നടത്താന്‍ അനുമതിയുള്ള സമുദ്രമേഖ ആറ് നോട്ടിക്കല്‍ മൈലില്‍നിന്ന്് മൂന്നായി ചുരുക്കാനും ഇസ്രാഈല്‍ തീരുമാനിച്ചിട്ടുണ്ട്. കഴിഞ്ഞയാഴ്ച 12 നോട്ടിക്കല്‍ മൈലില്‍നിന്നാണ് ആറായി കുറച്ചത്. ഉപരോധം നേരിടുന്ന ഗസ്സയിലെ ജനങ്ങളെ കൂട്ടത്തോടെ ശിക്ഷിക്കുകയാണ് ഇസ്രാഈലെന്ന് ലീഗല്‍ സെന്റര്‍ ഫോര്‍ ഫ്രീഡം ഓഫ് മൂവ്‌മെന്റ് (ഗിഷ) കുറ്റപ്പെടുത്തി. ഇസ്രാഈലിലെ പ്രമുഖ മനുഷ്യാവകാശ സംഘടനയാണ് ഗിഷ.

ഗസ്സ: ഫലസ്തീന്‍ പ്രതിഷേധക്കാര്‍ക്കുനേരെ ഇസ്രാഈല്‍ സേന നടത്തിയ വെടിവെപ്പില്‍ രണ്ട് പേര്‍ കൊല്ലപ്പെടുകയും നൂറുകണക്കിന് ആളുകള്‍ക്ക് പരിക്കേല്‍ക്കുയും ചെയ്തു. ഖാന്‍ യൂനിസില്‍ കൊല്ലപ്പെട്ടവരില്‍ ഒരാള്‍ പതിനാലുകാരനായ യാസിര്‍ അബു അല്‍ നജയാണ്. റഫയില്‍ 24കാരനായ മുഹമ്മദ് ഫൗസി(24)യും കൊല്ലപ്പെട്ടു. പരിക്കേറ്റ 415 പേരില്‍ 11 പേര്‍ കുട്ടികളാണെന്നും മൂന്ന് പേരുടെ നില ഗുരുതരമാണെന്നും ഗസ്സ ആരോഗ്യ മന്ത്രാലയം അറിയിച്ചു. 70 വര്‍ഷം മുമ്പ് ആട്ടിയോടിക്കപ്പെട്ട ഫലസ്തീന്‍ കുടുംബങ്ങളെ തിരിച്ചുവരാന്‍ അനുവദിക്കണമെന്ന് ആവശ്യപ്പെട്ട് മാര്‍ച്ച് 30ന് ഇസ്രാഈലിന്റെ അതിര്‍ത്തിയില്‍ തുടങ്ങിയ പ്രക്ഷോഭം ഇനിയും അവസാനിച്ചിട്ടില്ല. 135 പേരാണ് കൊല്ലപ്പെട്ടത്. 15000ത്തിലേറെ പേര്‍ക്ക് പരിക്കേല്‍ക്കുകയും ചെയ്തു.

ഗസ്സയില്‍ എ.എഫ്.പി ന്യൂസ് ഏജന്‍സിയുടെ ഫോട്ടാഗ്രാഫറായി പ്രവര്‍ത്തിക്കുന്ന മുഹമ്മദ് ആബിദ് അല്‍ ബാബയും പരിക്കേറ്റവരില്‍ പെടും. ബാബയുടെ കാലിനാണ് വെടിയേറ്റതെന്നും ജീവന് ഭീഷണിയില്ലെന്നും ഫലസ്തീന്‍ ആരോഗ്യ മന്ത്രാലയ വക്താവ് അഷ്‌റഫ് അല്‍ ഖുദ്‌റ അറിയിച്ചു. പരിക്കേറ്റ പ്രതിഷേധക്കാരന്റെ ഫോട്ടോ എടുക്കാനുള്ള ശ്രമത്തിനിടെയാണ് വെടിയേറ്റത്. മാധ്യമപ്രവര്‍ത്തകനാണെന്ന് വ്യക്തമായിട്ടും ഇസ്രാഈല്‍ സൈനികര്‍ വെടിവെക്കുകയായിരുന്നുവെന്ന് ദൃക്‌സാക്ഷികള്‍ പറയുന്നു. ഷിറിന്‍ സലൗല്‍ എന്ന മാധ്യമപ്രവര്‍ത്തകക്കും പരിക്കേറ്റതായി റിപ്പോര്‍ട്ടുണ്ട്. ഗ്രേറ്റ് മാര്‍ച്ച് ഓഫ് റിട്ടേണ്‍ പ്രക്ഷോഭം ആരംഭിച്ച ശേഷം രണ്ട് മാധ്യമപ്രവര്‍ത്തകര്‍ കൊല്ലപ്പെട്ടിരുന്നു. കൊല്ലപ്പെട്ട പതിനാലുകാരന്‍ ഹൈതം മുഹമ്മദ് ഖാലിദ് അല്‍ ജമാലിന്റെ വയറിനാണ് വെടിയേറ്റത്.

നിരായുധരായ പ്രതിഷേധക്കാരെ കൊന്നുതള്ളുന്നതിനെതിരെ അന്താരാഷ്ട്ര രോഷം ആളിക്കത്തുമ്പോഴും ഇസ്രാഈല്‍ കുരുതി തുടരുകയാണ്. മാര്‍ച്ച് 30ന് ഗ്രേറ്റ് മാര്‍ച്ച് ഓഫ് റിട്ടേണ്‍ ആരംഭിച്ച ശേഷം ഇസ്രാഈല്‍ സേനയുടെ വെടിവെപ്പില്‍ 124 ഫലസ്തീനികള്‍ കൊല്ലപ്പെടുകയും 13,000ത്തിലേറെ പേര്‍ക്ക് പരിക്കേല്‍ക്കുകയും ചെയ്തിരുന്നു. ഫലസ്തീനികളെ വെടിവെച്ചു കൊലപ്പെടുത്താന്‍ നൂറുകണക്കിന് സ്‌നിപ്പര്‍മാരെയാണ് ഇസ്രാഈല്‍ അതിര്‍ത്തിയില്‍ വിന്യസിച്ചിരിക്കുന്നത്. വെള്ളിയാഴ്ച നിരായുധനായ ഒരാളെ സ്‌നിപ്പര്‍ വെടിവെച്ചു കൊല്ലുന്ന വീഡിയോ ദൃശ്യം സോഷ്യല്‍ മീഡിയയില്‍ പ്രചരിക്കുന്നുണ്ട്. ഗസ്സയില്‍ മാധ്യമപ്രവര്‍ത്തകരെയും ആരോഗ്യ പ്രവര്‍ത്തകരെയും വെടിവെച്ചുകൊലപ്പെടുത്തി യുദ്ധകുറ്റകൃത്യങ്ങള്‍ തുടരുന്ന ഇസ്രാഈലിനെതിരെ അന്വേഷണം നടത്തണമെന്ന് റിപ്പോര്‍ട്ടേഴ്‌സ് വിത്തൗട്ട് ബോര്‍ഡേഴ്‌സ് അന്താരാഷ്ട്ര ക്രിമിനല്‍ കോടതിയോട് ആവശ്യപ്പെട്ടു.

ഗസ്സ: ഉപരോധത്തില്‍ വീര്‍പ്പുമുട്ടുന്ന ഗസ്സയെ കൂടുതല്‍ ഒറ്റപ്പെടുത്തി ഇസ്രാഈല്‍ കടലിലും മതില്‍ പണിയുന്നു. ഫലസ്തീനികള്‍ കടല്‍ വഴിയും പുറത്തുകടക്കുന്നത് തടയുകയാണ് മതിലിന്റെ ലക്ഷ്യമെന്ന് ഇസ്രാഈല്‍ പ്രതിരോധ മന്ത്രി അവിദ്‌ഗോര്‍ ലിബര്‍മാന്‍ പറഞ്ഞു. മതിലിന്റെ പണി ആരംഭിച്ചതായും ആദ്യഘട്ടത്തില്‍ സമുദ്രജലത്തിന് അടിയിലാണ് ജോലികള്‍ നടക്കുന്നതെന്നും അദ്ദേഹം അറിയിച്ചു. ഗസ്സയുടെ അതിര്‍ത്തിയിലും ഇസ്രാഈല്‍ മതില്‍ പണിയുന്നുണ്ട്.

ഇസ്തംബൂള്‍: ഗസ്സയില്‍ പ്രതിഷേധങ്ങള്‍ക്കിടെ അറുപതിലേറെ പേര്‍ കൊല്ലപ്പെട്ട ഇസ്രാഈല്‍ സൈനിക നടപടിയില്‍ പ്രതിഷേധിച്ച് ഇസ്രാഈല്‍ അംബാസഡറെ തുര്‍ക്കി പുറത്താക്കി. തിരിച്ച് തുര്‍ക്കി അംബാസഡറെ ഇസ്രാഈലും പുറത്താക്കിയതായി തുര്‍ക്കി ആഭ്യന്തര മന്ത്രാലയം അറിയിച്ചു. കുറച്ച് സമയത്തേക്ക് രാജ്യംവിട്ടുപോകാനാണ് ഇസ്രാഈല്‍ അംബാസഡറോട് തുര്‍ക്കി ആവശ്യപ്പെട്ടിരിക്കുന്നത്.

2016 ഡിസംബറിനുശേഷമാണ് തുര്‍ക്കിയും ഇസ്രാഈലും നയതന്ത്ര ബന്ധം പുന:സ്ഥാപിച്ച് എംബസികള്‍ വീണ്ടും തുറന്നത്. ഗ്രേറ്റ് മാര്‍ച്ച് ഓഫ് റിട്ടേണിന്റെ ഭാഗമായി ഗസ്സയില്‍ തിങ്കളാഴ്ച ഒത്തുകൂടിയ പ്രക്ഷോഭകര്‍ക്കുനേരെ ഇസ്രാഈല്‍ നടത്തിയ വെടിവെപ്പില്‍ അറുപതിലേറെ പേര്‍ കൊല്ലപ്പെട്ടിരുന്നു.
ഗസ്സയില്‍ നടന്നത് വംശഹത്യയാണെന്നും ഇസ്രാഈല്‍ ഭീകരരാഷ്ട്രമാണെന്നും തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ ആരോപിച്ചിട്ടുണ്ട്. ഉര്‍ദുഗാന്റെ വിമര്‍ശനങ്ങളോട് കടുത്ത ഭാഷയിലാണ് ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹു പ്രതികരിച്ചത്. ഹമാസിന്റെ പ്രധാന അനുകൂലിയാണ് ഉര്‍ദുഗാനെന്നും ഭീകരതയുടെയും കൊലപാതകത്തിന്റെയും വിദഗ്ധനാണ് അദ്ദേഹമെന്നും നെതന്യാഹു കുറ്റപ്പെടുത്തിയിരുന്നു.
അറുപത് വര്‍ഷത്തിലേറെക്കാലം യു.എന്‍ പ്രമേയങ്ങള്‍ ലംഘിച്ച് നിസ്സഹായരായ ഒരു ജനതയെ കൊന്നൊടുക്കുന്ന അപ്പാര്‍ത്തീഡ് രാഷ്ട്രത്തിന്റെ പ്രധാനമന്ത്രിയാണ് നെതന്യാഹുവെന്ന് ഉര്‍ദുഗാന്‍ തിരിച്ചടിച്ചു.