തന്റെ മകനായ അഖിൽ രാജിന് എം.ബി.ബി.എസിന് ഗാന്ധി മെഡിക്കൽ കോളേജിൽ പ്രവേശനം ലഭിച്ചതിനെതുടർന്ന് താനും ഭാര്യ അക്കാറാം വാണിയും മകനുവേണ്ടി നേർന്ന കാണിക്കയാണിതെന്ന് അക്കാറാം രമേശ് പറഞ്ഞു.

ഇപ്പോൾ മെഡിക്കൽ കോളേജിൽ രണ്ടാം വർഷ വിദ്യാർത്ഥിയാണ് മകൻ. ഒമ്പതംഗ സംഘമായി പ്രഭുഗുപ്ത ഗുരുസ്വാമിയുടെ നേതൃത്വത്തിലാണ് ഇരുമുടിയുമേന്തി രമേശും കൂട്ടരും മല ചവിട്ടി കാണിക്കയർപ്പിച്ചത്. മേൽശാന്തി എസ്. അരുൺകുമാർ നമ്പൂതിരിയാണ് ശ്രീകോവിലിന് മുന്നിൽവെച്ച് കാണിക്ക ഏറ്റുവാങ്ങിയത്.

അതേസമയം മാളികപ്പുറം ശ്രീകോവിലിനുമുകളിലേക്ക് വസ്ത്രം എറിയുന്നതുപോലുള്ള ദുരാചാരങ്ങൾ ചെയ്യരുതെന്ന് മാളികപ്പുറം മേൽശാന്തി വാസുദേവൻ നമ്പൂതിരി പറഞ്ഞു. ദേവസ്വം ബോർഡിന്റെയും തന്ത്രിയുടെയും നിർദേശങ്ങൾ പാലിച്ച് ആചാരാനുഷ്ഠാനങ്ങൾ കൃത്യമായി പാലിച്ച് സുഗമമായ തീർഥയാത്രയാക്കി മാറ്റാൻ ഭക്തർ ശ്രദ്ധിക്കണം.

അഞ്ചാം ക്ലാസില്‍ പഠിക്കുന്ന ജര്‍ഷയ്ക്ക് ഉമ്മയെയും സഹോദരനെയുമാണ് ദുരന്തത്തില്‍ നഷ്ടപ്പെട്ടത്. അപകടത്തില്‍ തലച്ചോറിനേറ്റ പരിക്ക് കാരണം അന്ന് നടക്കാന്‍ പോലും കഴിയാത്ത അവസ്ഥയിലായിരുന്നു ജര്‍ഷ. നിരന്തരമായ ചികിത്സയെ തുടര്‍ന്ന് ജര്‍ഷയുടെ ആരോഗ്യനില ഇപ്പോള്‍ നല്ല മാറ്റമുണ്ട്.

ജര്‍ഷയെ കാണാന്‍ ചെന്നപ്പോഴാണ് അവളുടെ ഇഷ്ടങ്ങളെ കുറിച്ച് ഫിറോസ് സാഹിബ് അവളോട് ചോദിച്ചറിഞ്ഞത്. ‘എനിക്ക് കിളികളെ നല്ല ഇഷ്ടമാണെന്നും എനിക്ക് കളിപ്പിക്കാന്‍ ഒരു കിളിയെ വേണമെന്ന്’ അവള്‍ പറഞ്ഞത്. മോളുടെ ഇഷ്ടം അതാണോ..എന്നാല്‍ ആ കിളിയെ ഞാന്‍ കൊണ്ട്തരാം എന്നും പറഞ്ഞാണ് അദ്ദേഹം അവിടെ നിന്നും മടങ്ങിയത്.

ബോട്ട് അപകടത്തില്‍ പരിക്ക് പറ്റിയവര്‍ക്ക് ചികിത്സാ ചെലവുകള്‍ നല്‍കുമെന്ന് സര്‍ക്കാര്‍ പ്രഖ്യാപിച്ചിരുന്നെങ്കിലും ഒരു നയാ പൈസ നാളിത് വരെയായി നല്‍കിയിട്ടില്ലെന്ന സങ്കടം പിതാവ് ഫിറോസുമായി പങ്ക് വെച്ചു. എം.എല്‍.എ മജീദ് സാഹിബ് മുഖേന മുഖ്യമന്ത്രിക്ക് പരാതി നല്‍കിയിട്ടും നവകേരള സദസ്സിലുമെല്ലാം പരാതികള്‍ നല്‍കിയിട്ടും ഒരു നടപടിയുമുണ്ടായിട്ടില്ല എന്ന് പിതാവ് പങ്കുവെച്ചപ്പോള്‍ ജര്‍ഷക്ക് ആവശ്യമായ മരുന്നുകളുമായി ബന്ധപ്പെട്ട കാര്യങ്ങള്‍ ചെയ്യാമെന്നും ആ കാര്യം നിയോജക മണ്ഡലം യൂത്ത് ലീഗ് കമ്മിറ്റിയെയും ചുമതലപ്പെടുത്തിയാണ് അന്ന് ഫിറോസ് മടങ്ങിയത്.

സന്ദര്‍ശിച്ച് രണ്ട് ദിവസത്തിനുള്ളില്‍ തന്നെ ജര്‍ഷക്ക് കൊടുത്ത വാക്കും പാലിച്ച് കിളിയുമായി അദ്ദേഹം ജര്‍ഷയെ കാണാനായി പരപ്പനങ്ങാടിയിലെ വീട്ടിലെത്തി. ഇന്ന് കിളിയും കൂടുമായി ചെന്നപ്പോള്‍ അവളുടെ മുഖത്ത് വിരിഞ്ഞ സന്തോഷം കാണേണ്ടത് തന്നെയാണ്. ഒപ്പം ഇനി മുതല്‍ അവള്‍ക്ക് ആവശ്യമായ മരുന്നുകള്‍ ദയ ചാരിറ്റബിള്‍ സെന്ററില്‍ നിന്നും നല്‍കുമെന്നും അറിയിച്ച് മരുന്നിന്റെ ഫോം കൈമാറിയുമാണ് ഫിറോസ് അവിടെ നിന്നും മടങ്ങിയത്.

സ്ഥലം വിറ്റു കിട്ടിയ 60 ലക്ഷം രൂപ വീട്ടിലെ കബോര്‍ഡിലാണ് വിദ്യാര്‍ത്ഥിയുടെ പിതാവ് സൂക്ഷിച്ചിരുന്നത്. ഈയിടെയായി പണം മോഷ്ടിക്കപ്പെട്ടത് ശ്രദ്ധയില്‍പ്പെട്ടതിനെ തുടര്‍ന്ന് ബില്‍ഡര്‍ ആയ ഇയാള്‍ പൊലീസിനെ സമീപിക്കുകയായിരുന്നു. പൊലീസ് നടത്തിയ അന്വേഷണത്തിലാണ് മകന്റെ ‘വീരകൃത്യം’ വെളിപ്പെട്ടത്.

ക്ലാസിലെ ഏറ്റവും ദരിദ്രനും കൂലിവേലക്കാരന്റെ മകനുമായ സഹപാഠിക്ക് വിദ്യാര്‍ത്ഥി 15 ലക്ഷം രൂപയാണ് സമ്മാനം നല്‍കിയതെന്ന് പൊലീസ് പറയുന്നു. തന്നെ ഹോംവര്‍ക്കില്‍ സഹായിക്കുന്ന സഹപാഠിക്ക് മൂന്നു ലക്ഷം നല്‍കി. ക്ലാസിലെ 35 സഹപാഠികള്‍ക്കും വിലയേറിയ സമ്മാനങ്ങള്‍ നല്‍കി. സ്മാര്‍ട്ട് ഫോണ്‍, വാച്ചുകള്‍, ആഭരണങ്ങള്‍, ബ്ലേസ്ലെറ്റുകള്‍ തുടങ്ങിയവയാണ് വാങ്ങി നല്‍കിയത്.

പരാതിയെ തുടര്‍ന്ന്, കൂടുതല്‍ വലിയ ‘സമ്മാനം’ കൈപ്പറ്റിയ അഞ്ച് വിദ്യാര്‍ത്ഥികളുടെ രക്ഷിതാക്കളെ വിളിച്ചുവരുത്തിയതായി പൊലീസ് സൂപ്രണ്ട് ബി.എസ് തോമര്‍ പറഞ്ഞു. അഞ്ചു ദിവസത്തിനകം പണം തിരികെ നല്‍കാന്‍ ഇവരോട് നിര്‍ദേശിച്ചു. ഇതിനകം 15 ലക്ഷം രൂപ കണ്ടെത്തി. സംഭവത്തില്‍ ഉള്‍പ്പെട്ടത് കുട്ടികള്‍ ആയതിനാല്‍ ആര്‍ക്കുമെതിരെ കേസെടുത്തിട്ടില്ലെന്നും അദ്ദേഹം വ്യക്തമാക്കി.