ഏപ്രില്‍ 23നാണ് ഗോവയില്‍ വോട്ടെടുപ്പ്. പ്രമോദ് സാവന്ത് സര്‍ക്കാറിന് നല്‍കിവരുന്ന പിന്തുണ പിന്‍വലിച്ച് അടുത്ത ദിവസം തന്നെ ഗവര്‍ണര്‍ മൃദുല സിന്‍ഹക്ക് കത്തു നല്‍കുമെന്ന് എം.ജി.പി നേതാവ് ദീപക് ദാന്‍വില്‍ക്കര്‍ പറഞ്ഞു. മൂന്ന് എം.എല്‍.എമാരുണ്ടായിരുന്ന എം.ജി.പിയിലെ രണ്ട് അംഗങ്ങള്‍ അടുത്തിടെ രാജിവെച്ച് ബി.ജെ.പിയില്‍ ചേര്‍ന്നിരുന്നു.

ഇതിനു പുറമെ ഗോവ ഫോര്‍വേര്‍ഡ് പാര്‍ട്ടിയുടെ മൂന്ന് അംഗങ്ങളുടേയും മൂന്ന് സ്വതന്ത്രരുടേയും പിന്തുണ ബി.ജെ.പിക്കുണ്ട്. അതുകൊണ്ടുതന്നെ എം.ജി.പി പിന്തുണ പിന്‍വലിച്ചാലും സര്‍ക്കാര്‍ വീഴില്ല. അതേസമയം ലോക്‌സഭാ തെരഞ്ഞെടുപ്പില്‍ സംസ്ഥാനത്തെ രണ്ടു സീറ്റുകളില്‍ ബി.ജെ.പിയുടെ സാധ്യതകളെ പുതിയ രാഷ്ട്രീയ നീക്കം കാര്യമായി സ്വാധീനിക്കും. രണ്ടു മണ്ഡലങ്ങളിലും ബി.ജെ.പി തിരിച്ചടി നേരിടുമെന്നാണ് വിലയിരുത്തല്‍.

Goa: 11 leaders, including Sudin Dhavalikar of Maharashtrawadi Gomantak Party and Vijai Sardesai of Goa Forward Party, also take oath at the Raj Bhavan as cabinet ministers. pic.twitter.com/TQzT6WaasO

— ANI (@ANI) March 18, 2019

കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ രാത്രി വൈകിയും തുടര്‍ന്ന മാരത്തണ്‍ ചര്‍ച്ചകള്‍ക്കൊടുവിലാണ് പ്രമോദ് സാവന്തിന്റെ നേതൃത്വത്തില്‍ മന്ത്രിസഭ രൂപീകരിക്കാനുള്ള തീരുമാനം. രാത്രി 11ന് പുതിയ മുഖ്യമന്ത്രിയായി സ്പീക്കര്‍ പ്രമോദ് സാവന്ത് സത്യപ്രതിജ്ഞ ചെയ്യുമെന്നായിരുന്നു നേരത്തെയുള്ള വിവരം.

എന്നാല്‍ ഇതു റദ്ദാക്കിയതായും ഇന്ന് രാത്രി സത്യപ്രതിജ്ഞ നടക്കില്ലെന്നും ഡെപ്യൂട്ടി സ്പീക്കര്‍ മൈക്കിള്‍ ലോബോ പറഞ്ഞതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ആശങ്കകളുടെ മണിക്കൂറുകള്‍്‌ക്കൊടുവില്‍ രണ്ട് ഘടകകക്ഷികള്‍ക്ക് ഉപമുഖ്യമന്ത്രി സ്ഥാനം നല്‍കി പ്രശ്‌നം പരിഹരിച്ചതായും പ്രമോദ് സാവന്തിനെ തന്നെ മുഖ്യമന്ത്രിയാക്കാന്‍ തീരുമാനമായതായും വാര്‍ത്തകള്‍ വന്നു.

മൂന്ന് വട്ടം ഗോവ മുഖ്യമന്ത്രി (2000-05, 2012-14, 2017-2019) മനോഹര്‍ പരീക്കര്‍.
2014 മുതല്‍ മൂന്ന് വര്‍ഷം മോദി മന്ത്രിസഭയിൽ പ്രതിരോധ മന്ത്രിയായിരുന്നു.

ഗോവ മുഖ്യമന്ത്രി മനോഹര്‍ പരീക്കറുടെ ആരോഗ്യസ്ഥിതി ഗുരുതരാവസ്ഥയിലെന്ന റിപ്പോര്‍ട്ട് പുറത്തുവിട്ടതോടെ് ഗോവയില്‍ പരീക്കറിനു പകരക്കാരനെ കണ്ടെത്തുമെന്ന് ഡെപ്യൂട്ടി സ്പീക്കര്‍ മൈക്കള്‍ ലോബോ മാധ്യമങ്ങളോടാണ് അറിയിച്ചിരുന്നു.

Panaji: Visual from outside the residence of late Goa Chief Minster Manohar Parrikar. pic.twitter.com/zVsnmlIPCv

— ANI (@ANI) March 17, 2019

ഇതിനായി ബി.ജെ.പി ദേശീയ നേതാക്കള്‍ചേരുന്ന യോഗത്തില്‍ അടുത്ത മുഖ്യമന്ത്രിയെ തീരുമാനിക്കും. ഘടകകക്ഷികളുമായും ഇവര്‍ ചര്‍ച്ച ചെയ്യും. അതേസമയം, കോണ്‍ഗ്രസ് സര്‍ക്കാര്‍ രൂപീകരിക്കാനുള്ള നീക്കം ശക്തമാക്കിയതോടെ ബി.ജെ.പി കേന്ദ്രങ്ങള്‍ ആശങ്കയിലാണ്. എം.എല്‍.എമാരോട് സംസ്ഥാനം വിട്ടുപോവരുതെന്ന് കര്‍ശന നിര്‍ദേശം നല്‍കിയിട്ടുമുണ്ട്.

അതേസമയം, ഗോവയില്‍ സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് പ്രതിപക്ഷനേതാവ് ചന്ദ്രകാന്ത് കവേല്‍ക്കര്‍ ഗവര്‍ണര്‍ മൃദുല സിന്‍ഹക്ക് കത്തയച്ചിട്ടുണ്ട്. ബി.ജെ.പി സര്‍ക്കാറിനെ പിരിച്ചുവിടണമെന്ന് കത്തില്‍ ആവശ്യപ്പെട്ടു.

നിലവില്‍ കോണ്‍ഗ്രസിന് 14 എം.എല്‍.എമാരുടെ പിന്തുണയാണുള്ളത്. ബി.ജെ.പിക്ക് 13 എം.എല്‍.എമാരാണുള്ളത്. രണ്ട് അംഗങ്ങളുള്ള ഗോവ ഫോര്‍വേഡ് പാര്‍ട്ടി, എം.ജി.പി പാര്‍ട്ടികളും ഒരു സ്വതന്ത്രനും എന്‍.സി.പി അംഗവും ബി.ജെ.പിയെ പിന്തുണക്കുന്നു.

ഏറ്റവും വലിയ ഒറ്റകക്ഷിയായ കോണ്‍ഗ്രസിനെ രാഷ്ട്രീയ കുതിരക്കച്ചവടത്തിലൂടെ മറികടന്നാണ് ബി.ജെ.പി ഗോവയില്‍ സര്‍ക്കാര്‍ രൂപീകരിച്ചത്. പ്രതിരോധമന്ത്രിയായിരുന്ന മനോഹര്‍ പരീക്കറെ തിരിച്ചുകൊണ്ടുവന്നാണ് മറ്റ് കക്ഷികളുടെ പിന്തുണ ഉറപ്പാക്കിയത്.

പരീക്കര്‍ കാന്‍സര്‍ ബാധിതനായതോടെയാണ് കാര്യങ്ങള്‍ കീഴ്മേല്‍ മറിഞ്ഞത്. പരീക്കര്‍ അല്ലാത്ത മറ്റൊരു ബി.ജെ.പി നേതാവിനെ അംഗീകരിക്കാന്‍ ഘടകകക്ഷികള്‍ തയ്യാറല്ല. ഒപ്പം കോണ്‍ഗ്രസ് കോടതിയെ സമീപിച്ചാല്‍ തിരിച്ചടി കിട്ടിയേക്കുമെന്ന ഭയവും ബി.ജെ.പിക്കുണ്ട്. അതുകൊണ്ട് ആരോഗ്യനില അതീവ ഗുരുരതമായി തുടരുമ്പോഴും പരീക്കറെ മാറാന്‍ അനുവദിക്കാതെ അധികാരത്തില്‍ തുടരുകയായിരുന്നു ബി.ജെ.പി.

ഗോവ മുഖ്യമന്ത്രി മനോഹര്‍ പരീക്കര്‍ അസുഖബാധിതനായി ചികിത്സയിലായതോടെ ഗോവയില്‍ രാഷ്ട്രീയ ചടുല നീക്കങ്ങളുമായി ഏറ്റവും വലിയ ഒറ്റകക്ഷിയായ കോണ്‍ഗ്രസ് രംഗത്തെത്തിയതിനിടയിലാണ് തിരിച്ചടിയായി എം.എല്‍.എമാരുടെ രാജി വാര്‍ത്ത.

രാജിവെച്ച ഇരുവരും ഇന്ന് ദേശീയ അധ്യക്ഷന്‍ അമിത് ഷായെ കാണുമെന്ന് ബിജെപിയുടെ മുതിര്‍ന്ന നേതാവ് അറിയിച്ചതോടെ ഗോവന്‍ രാഷ്ട്രീയം വീണ്ടും ചൂടുപിടിച്ചരിക്കുകയാണ്.

We are joining BJP today. We expect 2-3 more MLAs to come, not today but in the coming days: Subhash Shirodkar after meeting BJP President Amit Shah #Delhi pic.twitter.com/2VPAZFCh73

— ANI (@ANI) October 16, 2018

അതിനിടെ ഡല്‍ഹിയിലെത്തി അമിത് ഷായുമായി കൂടിക്കാഴ്ച നടത്തിയ സുഭാഷ് ഷിരോദ്കര്‍ മാധ്യമങ്ങളോട് പ്രതികരിച്ചു. ഇന്ന് ബി.ജെപിയില്‍ ചേരുകയാണെന്നും വരും ദിവസങ്ങളില്‍ കൂടുതല്‍ എംഎല്‍എമാര്‍ ബിജെപിയിലേക്ക് ചേരുമെവ്വും ആദ്ദേഹം പറഞ്ഞു.

തിങ്കളാഴ്ച അര്‍ദ്ധ രാത്രിയോടെയാണ് ദയാനന്ദ് സോപ്ടെയും,സുഭാഷ് ഷിരോദ്കറും കോണ്‍ഗ്രസില്‍ നിന്ന് രാജിവെച്ചത്. ഇന്നലെ അര്‍ദ്ധ രാത്രി തന്നെ രണ്ട് പേരും ഡല്‍ഹിയിലേക്ക് തിരിച്ചത്. ഗോവന്‍ ആരോഗ്യ മന്ത്രിയും ബി.ജെ.പി നേതാവ് വിശ്വജിത് റെയ്ന്‍ എന്നിവരും ഇവര്‍ക്കൊപ്പമുണ്ടായിരുന്നു.

എന്നാല്‍ എയര്‍ പോര്‍ട്ടില്‍ വെച്ച് ബിജെപിയില്‍ ചേര്‍ന്നോ എന്ന മാധ്യമ പ്രവര്‍ത്തകരുടെ ചോദ്യത്തിന് താന്‍ ഒരു ബിസിനസ് യാത്രക്ക് പോകുകയാണെന്നാണ് സോപ്‌ടെ മറുപടി നല്‍കിയത്. അതേ സമയം ഞാന്‍ അത് ചെയ്യുകയാണെന്ന് അറയണമെങ്കില്‍ നിങ്ങള്‍ക്ക് എന്നോടൊപ്പം വരാം എന്നായിരുന്നു ഷിരോദ്ക്കറുടെ മറുപടി.

അതേസമയം പരീക്കറിന്റെ അഭാവത്തില്‍ സര്‍ക്കാര്‍ രൂപീകരിക്കാന്‍ അനുവദിക്കണമെന്നാവശ്യപ്പെട്ട് കോണ്‍ഗ്രസ് ഗവര്‍ണറെ കണ്ടിരുന്നു. 40 അംഗ നിയമസഭയില്‍ ഏറ്റവും വലിയ ഒറ്റകക്ഷിയാണ് കോണ്‍ഗ്രസ്. സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് കോണ്‍ഗ്രസ് രംഗത്ത് വന്നതോടെ തീരുമാനമെടുക്കാനാവാതെ കുഴങ്ങുകയാണ് ബി.ജെ.പി.

മുഖ്യമന്ത്രി മനോഹര്‍ പരീക്കറുടെ ആരോഗ്യനില വീണ്ടും വഷളാവുകയും അദ്ദേഹം ഡല്‍ഹി എയിംസില്‍ ചികിത്സക്കായി പോവുകയും ചെയ്തതോടെയാണ് ഗോവയില്‍ രാഷ്ട്രീയം മാറിമറിഞ്ഞത്. ഏറെക്കാലമായി ആരോഗ്യപരമായ കാരണങ്ങളാല്‍ ഭരണത്തില്‍ ശ്രദ്ധിക്കാനാവാത്ത അവസ്ഥയിലാണ് പരീക്കര്‍. നേരത്തെ അദ്ദേഹം അമേരിക്കയില്‍ ചികിത്സ തേടിയപ്പോഴും ഗോവയില്‍ ഭരണമില്ലാത്ത അവസ്ഥയിലായിരുന്നു.

പരീക്കര്‍ അധികസമയവും ആരോഗ്യകരമായ കാരണങ്ങളാല്‍ മാറിനിന്നതോടെയാണ് നേതൃമാറ്റം വേണമെന്ന ആവശ്യം ശക്തമായത്. എന്നാല്‍ ഗോവയിലെ ഏറ്റവും വലിയ ഒറ്റകക്ഷി കോണ്‍ഗ്രസാണ്. 40 അംഗ സഭയില്‍ 16 അംഗങ്ങളാണ് കോണ്‍ഗ്രസിനുള്ളത്. സര്‍ക്കാര്‍ പുനഃസംഘടന എന്ന ചര്‍ച്ച വന്നതോടെ കോണ്‍ഗ്രസ് ഗവര്‍ണറെ കണ്ട് ഏറ്റവും വലിയ ഒറ്റകക്ഷിയായ തങ്ങളെ സര്‍ക്കാര്‍ രൂപീകരിക്കാന്‍ അനുവദിക്കണമെന്ന് ആവശ്യപ്പെടുകയായിരുന്നു. 21 എം.എല്‍.എമാരുടെ പിന്തുണയുണ്ടെന്ന് കോണ്‍ഗ്രസ് ഗവര്‍ണറെ അറിയിച്ചു.

കര്‍ണാകയില്‍ കോണ്‍ഗ്രസിന്റെ നിയമപോരാട്ടം ഫലം കണ്ടതിന്റെ പാഠമുള്ളതിനാല്‍ ഭാഗ്യപരീക്ഷണത്തിന് മുതിരേണ്ടെന്നാണ് ബി.ജെ.പി തീരുമാനം. തല്‍ക്കാലം മന്ത്രിസഭാ പുനഃസംഘടന വേണ്ടെന്നാണ് അമിത് ഷാ സംസ്ഥാന നേതൃത്വത്തിന് നല്‍കിയിരിക്കുന്ന നിര്‍ദേശം.

കുറച്ച് കാലങ്ങളായി രാജ്യത്ത് പലരീതിയിലുള്ള അക്രമങ്ങള്‍ കണ്ടുവരികയാണ്. ഭക്ഷണത്തിന്റേയും വസ്ത്രത്തിന്റേയും പേരിലുള്ള ഒരു തരം വിയോജിപ്പുകള്‍ പ്രകടമാവുന്നു. ഇതിന്റെ പേരില്‍ മനുഷ്യാവകാശങ്ങള്‍ നിഷേധിക്കുകയും ജനാധിപത്യം അപകടസ്ഥിതിയിലായിരിക്കുകയുമാണെന്ന് ആര്‍ച്ച് ബിഷപ്പ് പറഞ്ഞു. രാജ്യത്ത് ഭരണഘടന അപകടാവസ്ഥയിലാണ്. അതുകൊണ്ടുതന്നെ ജനങ്ങള്‍ സുരക്ഷിതരല്ലാത്ത സ്ഥിതിയാണുള്ളതും. ഈ സാഹചര്യത്തില്‍ തെരഞ്ഞെടുപ്പ് തന്നെ നേരത്തെയാവുന്നതിന് സാധ്യതയുണ്ടെന്നും ഭരണഘടനയെ സംരക്ഷിക്കാന്‍ ജനങ്ങള്‍ തയ്യാറാവണമെന്നും ബിഷപ്പ് പറഞ്ഞു.

ഭരണഘടന വിഭാവനം ചെയ്യുന്ന മതേതരത്വവും അഭിപ്രായ സ്വാതന്ത്ര്യവും സംരക്ഷിക്കാന്‍ ജനങ്ങളോട് തയ്യാറാവണമെന്നും ബിഷപ്പ് ആവശ്യപ്പെട്ടു. അതേസമയം, കത്തില്‍ പ്രത്യേകിച്ചൊന്നുമില്ലെന്നും വിവാദമാക്കേണ്ട ആവശ്യമില്ലെന്നും ബിഷപ്പിന്റെ ഓഫീസ് പ്രതികരിച്ചു. മറ്റു രാജ്യങ്ങളെ അപേക്ഷിച്ച് രാജ്യത്ത് ന്യൂനപക്ഷങ്ങള്‍ സുരക്ഷിതരാണെന്ന് കേന്ദ്ര ന്യൂനപക്ഷമന്ത്രി മുക്താര്‍ അബ്ബാസ് നഖ്‌വി പറഞ്ഞു. ഞങ്ങള്‍ രാജ്യത്തെ ജനാധിപത്യത്തേയും ഭരണഘടനാ മൂല്യങ്ങളേയും സംരക്ഷിക്കാന്‍ ശ്രമിക്കുകയാണെന്നും അതിന് മറ്റാരുടേയും നിര്‍ദ്ദേശങ്ങള്‍ ആവശ്യമില്ലെന്നും മന്ത്രി പറഞ്ഞു.

Less than a week after #Goa Chief Minister Manohar Parrikar, suffering from pancreatic cancer, was rushed to the US for treatment, his Bharatiya Janata Party (BJP)-led coalition government already appears to be shaky and dissent-ridden https://t.co/zLe2KoOOej

— National Herald (@NH_India) March 12, 2018

ഖനന നിരോധനം പതിനായിരത്തോളം ഗോവക്കാരെ ബാധിക്കുന്ന പ്രശ്‌നമാണ്. ഇതിന് പരിഹാരം കണ്ടില്ലെങ്കില്‍ സര്‍ക്കാറിന്റെ നിലനില്‍പിനെ അത് ബാധിക്കുമെന്ന് അദ്ദേഹം പറഞ്ഞു. തെരഞ്ഞെടുപ്പില്‍ ഏറ്റവും വലിയ ഒറ്റകക്ഷിയായ കോ ണ്‍ഗ്രസിനെ മറിച്ചിട്ട് സഖ്യ സര്‍ക്കാര്‍ രൂപീകരിക്കാന്‍ ബി.ജെ.പിയെ സഹായിച്ചത് പരീക്കറിന്റെ നേതൃത്വമായിരുന്നു. അദ്ദേഹത്തിന്റെ അഭാവം ഗോവയില്‍ സര്‍ക്കാറിനെ വീഴ്ത്താന്‍ കാരണമാകുമെന്നാണ് സഖ്യ കക്ഷികളും പറയുന്നത്.

#Mumbai: #Goa Chief Minister #ManoharParrikar leaves from Lilavati Hospital for Chhatrapati Shivaji International Airport. As advised by doctors at Lilavati Hospital, Parrikar is leaving tonight for #USA for further treatment. pic.twitter.com/ZPqXztkuiy

— APN NEWS (@apnnewsindia) March 6, 2018

അതേ സമയം വിശ്വാസ പ്രമേയത്തെ എതിര്‍ത്ത് വോട്ട് ചെയ്ത 17 എംഎല്‍എമാരുള്ള കോണ്‍ഗ്രസിന് 16 വോട്ടുകള്‍ മാത്രമാണ് കിട്ടിയത്. കോണ്‍ഗ്രസ് എംഎല്‍എ വിശ്വജിത് റാണെ വോട്ടെടുപ്പിനിടയില്‍ ഇറങ്ങിപ്പോയതാണ് കോണ്‍ഗ്രസിന്റെ വോട്ടില്‍ ചോര്‍ച്ചയുണ്ടാക്കിയത്. ഗോവയില്‍ 13 സീറ്റില്‍ വിജയിച്ച ബിജെപി രണ്ടാമത്തെ വലിയ ഒറ്റകക്ഷി മാത്രമായിരുന്നു. പക്ഷേ പ്രാദേശിക പാര്‍ട്ടികളേയും സ്വതന്ത്രരേയും ഒപ്പം നിര്‍ത്താന്‍ ബിജെപിക്ക് സാധിച്ചതോടെയാണ് സര്‍ക്കാര്‍ രൂപീകരണം സാധ്യമായത്.

ബിജെപിയുടെ പഴയ സഖ്യകക്ഷിയായ മഹാരാഷ്ട്രവാദി ഗോമന്തക് പാര്‍ട്ടിയും (എംജിപി), ഗോവ ഫോര്‍വേഡ് പാര്‍ട്ടിയും മൂന്ന് സീറ്റുകളില്‍ വിജയിച്ചിരുന്നു. ഈ രണ്ട് പാര്‍ട്ടികളും പിന്തുണ പ്രഖ്യാപിച്ചതോടെയാണ് ബിജെപിക്ക് കാര്യങ്ങള്‍ എളുപ്പമായത്. മൂന്ന് സ്വതന്ത്രര്‍ കൂടി ഒപ്പം നിന്നതോടെ ബിജെപിക്ക് 22 എന്ന നിലയില്‍ കേവല ഭൂരിപക്ഷത്തിലും ഒരു വോട്ട് അധികം കിട്ടി. കേന്ദ്ര പ്രതിരോധമന്ത്രി സ്ഥാനം രാജിവെച്ച് പരീക്കറുടെ ഗോവയിലേക്കുള്ള മടങ്ങിവരവാണ് പ്രാദേശിക പാര്‍ട്ടികള്‍ ബിജെപിക്ക് ഒപ്പം നില്‍ക്കാന്‍ കാരണം. എന്‍.സി.പി ബി.ജെ.പിക്കു പിന്തുണ നല്‍കുമെന്ന് നേരത്തെ അറിയിച്ചിരുന്നെങ്കിലും വോട്ടെടുപ്പില്‍ നിന്നും വിട്ടു നില്‍ക്കുകയായിരുന്നു. 17 സീറ്റ് നേടിയിട്ടും വലിയ ഒറ്റ കക്ഷിയായിട്ടും കേവല ഭൂരിപക്ഷത്തിനുള്ള 21 തികയ്ക്കാന്‍ ചെറുകക്ഷികളെ ഒപ്പം നിര്‍ത്താന്‍ കോണ്‍ഗ്രസ് ദേശീയ നേതൃത്വത്തിന് കഴിയാതെ വന്നത് ഗോവ കോണ്‍ഗ്രസില്‍ പൊട്ടിത്തെറിക്ക് കാരണമായിരുന്നു. സര്‍ക്കാര്‍ രൂപീകരിക്കാന്‍ മുന്നിട്ടിറങ്ങുന്നതില്‍ പാര്‍ട്ടി നേതൃത്വം കാണിച്ച അലംഭാവമാണ് ബിജെപി മുതലെടുത്തതെന്നും വിജയിച്ചിട്ടും കേവല ഭൂരിപക്ഷത്തിന് നാല് പേരെ കൂടി ഒപ്പം നിര്‍ത്താന്‍ കഴിയാത്തത് വലിയ വീഴ്ചയാണെന്നുമാണ് ഗോവയിലെ കോണ്‍ഗ്രസുകാരുടെ പൊതുവികാരം. സര്‍ക്കാര്‍ രൂപീകരണത്തില്‍ വീഴ്ച്ച വരുത്തിയ നേതാക്കള്‍ക്കെതിരെ നടപടി ആവശ്യപ്പെട്ട് ഗോവ കോണ്‍ഗ്രസ് എംഎല്‍എമാരില്‍ ഒരു വിഭാഗം പാര്‍ട്ടി ഉപാധ്യക്ഷന്‍ രാഹുല്‍ ഗാന്ധിയെ സമീപിച്ചിരുന്നു. അതേ സമയം വിശ്വാസ വോട്ട് നേടിയ ശേഷം കോണ്‍ഗ്രസ് നേതൃത്വത്തെ പരിഹസിച്ച് മുഖ്യമന്ത്രി പരീക്കര്‍ രംഗത്തെത്തി. ഗോവയില്‍ അവധി ആഘോഷിക്കാന്‍ മാത്രമായെത്തിയാല്‍ ഇങ്ങനെയിരിക്കും കാര്യങ്ങളെന്നായിരുന്നു അദ്ദേഹത്തിന്റെ പ്രതികരണം. നിയമസഭയില്‍ വിശ്വാസവോട്ട് നേടിയതിന് ശേഷം പ്രതികരിക്കവെയാണ് കോണ്‍ഗ്രസ് ദേശീയ നേതൃത്വത്തേയും ഗോവയുടെ ചുമതലയുള്ള എഐസിസി ജനറല്‍ സെക്രട്ടറി ദിഗ് വിജയ് സിങിനേയും കുത്തിയുള്ള പരീക്കറുടെ പ്രതികരണം.

അതേസമയം ബിജെപിക്ക് കനത്ത ആഘാതം നല്‍കി ഗോവ മുഖ്യമന്ത്രി ലക്ഷ്മികാന്ത് പര്‍സേക്കര്‍ പരാജയപ്പെട്ടു. കോണ്‍ഗ്രസ് സ്ഥാനാര്‍ത്ഥി ദയാനന്ദ് സോപ്‌തെയോടാണ് പര്‍സേക്കര്‍ പരാജയപ്പെട്ടത്. മാന്‍ട്രെം മണ്ഡലത്തില്‍ നിന്നാണ് പര്‍സേക്കറും ദയാനന്ദും ജനവിധി തേടിയിരുന്നത്. ഭരണവിരുദ്ധ നിലപാട് സംസ്ഥാനത്ത് നേരത്തെ തന്നെ നിലനിന്നിരുന്നു. പ്രചാരണവേളയില്‍ ഇത് കോണ്‍ഗ്രസിന് ഏറെ ആശ്വാസം പകര്‍ന്നിരുന്നു.