ഏപ്രില്‍ 23നാണ് ഗോവയില്‍ വോട്ടെടുപ്പ്. പ്രമോദ് സാവന്ത് സര്‍ക്കാറിന് നല്‍കിവരുന്ന പിന്തുണ പിന്‍വലിച്ച് അടുത്ത ദിവസം തന്നെ ഗവര്‍ണര്‍ മൃദുല സിന്‍ഹക്ക് കത്തു നല്‍കുമെന്ന് എം.ജി.പി നേതാവ് ദീപക് ദാന്‍വില്‍ക്കര്‍ പറഞ്ഞു. മൂന്ന് എം.എല്‍.എമാരുണ്ടായിരുന്ന എം.ജി.പിയിലെ രണ്ട് അംഗങ്ങള്‍ അടുത്തിടെ രാജിവെച്ച് ബി.ജെ.പിയില്‍ ചേര്‍ന്നിരുന്നു.

ഇതിനു പുറമെ ഗോവ ഫോര്‍വേര്‍ഡ് പാര്‍ട്ടിയുടെ മൂന്ന് അംഗങ്ങളുടേയും മൂന്ന് സ്വതന്ത്രരുടേയും പിന്തുണ ബി.ജെ.പിക്കുണ്ട്. അതുകൊണ്ടുതന്നെ എം.ജി.പി പിന്തുണ പിന്‍വലിച്ചാലും സര്‍ക്കാര്‍ വീഴില്ല. അതേസമയം ലോക്‌സഭാ തെരഞ്ഞെടുപ്പില്‍ സംസ്ഥാനത്തെ രണ്ടു സീറ്റുകളില്‍ ബി.ജെ.പിയുടെ സാധ്യതകളെ പുതിയ രാഷ്ട്രീയ നീക്കം കാര്യമായി സ്വാധീനിക്കും. രണ്ടു മണ്ഡലങ്ങളിലും ബി.ജെ.പി തിരിച്ചടി നേരിടുമെന്നാണ് വിലയിരുത്തല്‍.

Goa: 11 leaders, including Sudin Dhavalikar of Maharashtrawadi Gomantak Party and Vijai Sardesai of Goa Forward Party, also take oath at the Raj Bhavan as cabinet ministers. pic.twitter.com/TQzT6WaasO

— ANI (@ANI) March 18, 2019

കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ രാത്രി വൈകിയും തുടര്‍ന്ന മാരത്തണ്‍ ചര്‍ച്ചകള്‍ക്കൊടുവിലാണ് പ്രമോദ് സാവന്തിന്റെ നേതൃത്വത്തില്‍ മന്ത്രിസഭ രൂപീകരിക്കാനുള്ള തീരുമാനം. രാത്രി 11ന് പുതിയ മുഖ്യമന്ത്രിയായി സ്പീക്കര്‍ പ്രമോദ് സാവന്ത് സത്യപ്രതിജ്ഞ ചെയ്യുമെന്നായിരുന്നു നേരത്തെയുള്ള വിവരം.

എന്നാല്‍ ഇതു റദ്ദാക്കിയതായും ഇന്ന് രാത്രി സത്യപ്രതിജ്ഞ നടക്കില്ലെന്നും ഡെപ്യൂട്ടി സ്പീക്കര്‍ മൈക്കിള്‍ ലോബോ പറഞ്ഞതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ആശങ്കകളുടെ മണിക്കൂറുകള്‍്‌ക്കൊടുവില്‍ രണ്ട് ഘടകകക്ഷികള്‍ക്ക് ഉപമുഖ്യമന്ത്രി സ്ഥാനം നല്‍കി പ്രശ്‌നം പരിഹരിച്ചതായും പ്രമോദ് സാവന്തിനെ തന്നെ മുഖ്യമന്ത്രിയാക്കാന്‍ തീരുമാനമായതായും വാര്‍ത്തകള്‍ വന്നു.

ഗോവ മുഖ്യമന്ത്രി മനോഹര്‍ പരീക്കര്‍ അസുഖബാധിതനായി ചികിത്സയിലായതോടെ ഗോവയില്‍ രാഷ്ട്രീയ ചടുല നീക്കങ്ങളുമായി ഏറ്റവും വലിയ ഒറ്റകക്ഷിയായ കോണ്‍ഗ്രസ് രംഗത്തെത്തിയതിനിടയിലാണ് തിരിച്ചടിയായി എം.എല്‍.എമാരുടെ രാജി വാര്‍ത്ത.

രാജിവെച്ച ഇരുവരും ഇന്ന് ദേശീയ അധ്യക്ഷന്‍ അമിത് ഷായെ കാണുമെന്ന് ബിജെപിയുടെ മുതിര്‍ന്ന നേതാവ് അറിയിച്ചതോടെ ഗോവന്‍ രാഷ്ട്രീയം വീണ്ടും ചൂടുപിടിച്ചരിക്കുകയാണ്.

We are joining BJP today. We expect 2-3 more MLAs to come, not today but in the coming days: Subhash Shirodkar after meeting BJP President Amit Shah #Delhi pic.twitter.com/2VPAZFCh73

— ANI (@ANI) October 16, 2018

അതിനിടെ ഡല്‍ഹിയിലെത്തി അമിത് ഷായുമായി കൂടിക്കാഴ്ച നടത്തിയ സുഭാഷ് ഷിരോദ്കര്‍ മാധ്യമങ്ങളോട് പ്രതികരിച്ചു. ഇന്ന് ബി.ജെപിയില്‍ ചേരുകയാണെന്നും വരും ദിവസങ്ങളില്‍ കൂടുതല്‍ എംഎല്‍എമാര്‍ ബിജെപിയിലേക്ക് ചേരുമെവ്വും ആദ്ദേഹം പറഞ്ഞു.

തിങ്കളാഴ്ച അര്‍ദ്ധ രാത്രിയോടെയാണ് ദയാനന്ദ് സോപ്ടെയും,സുഭാഷ് ഷിരോദ്കറും കോണ്‍ഗ്രസില്‍ നിന്ന് രാജിവെച്ചത്. ഇന്നലെ അര്‍ദ്ധ രാത്രി തന്നെ രണ്ട് പേരും ഡല്‍ഹിയിലേക്ക് തിരിച്ചത്. ഗോവന്‍ ആരോഗ്യ മന്ത്രിയും ബി.ജെ.പി നേതാവ് വിശ്വജിത് റെയ്ന്‍ എന്നിവരും ഇവര്‍ക്കൊപ്പമുണ്ടായിരുന്നു.

എന്നാല്‍ എയര്‍ പോര്‍ട്ടില്‍ വെച്ച് ബിജെപിയില്‍ ചേര്‍ന്നോ എന്ന മാധ്യമ പ്രവര്‍ത്തകരുടെ ചോദ്യത്തിന് താന്‍ ഒരു ബിസിനസ് യാത്രക്ക് പോകുകയാണെന്നാണ് സോപ്‌ടെ മറുപടി നല്‍കിയത്. അതേ സമയം ഞാന്‍ അത് ചെയ്യുകയാണെന്ന് അറയണമെങ്കില്‍ നിങ്ങള്‍ക്ക് എന്നോടൊപ്പം വരാം എന്നായിരുന്നു ഷിരോദ്ക്കറുടെ മറുപടി.

അതേസമയം പരീക്കറിന്റെ അഭാവത്തില്‍ സര്‍ക്കാര്‍ രൂപീകരിക്കാന്‍ അനുവദിക്കണമെന്നാവശ്യപ്പെട്ട് കോണ്‍ഗ്രസ് ഗവര്‍ണറെ കണ്ടിരുന്നു. 40 അംഗ നിയമസഭയില്‍ ഏറ്റവും വലിയ ഒറ്റകക്ഷിയാണ് കോണ്‍ഗ്രസ്. സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് കോണ്‍ഗ്രസ് രംഗത്ത് വന്നതോടെ തീരുമാനമെടുക്കാനാവാതെ കുഴങ്ങുകയാണ് ബി.ജെ.പി.

മുഖ്യമന്ത്രി മനോഹര്‍ പരീക്കറുടെ ആരോഗ്യനില വീണ്ടും വഷളാവുകയും അദ്ദേഹം ഡല്‍ഹി എയിംസില്‍ ചികിത്സക്കായി പോവുകയും ചെയ്തതോടെയാണ് ഗോവയില്‍ രാഷ്ട്രീയം മാറിമറിഞ്ഞത്. ഏറെക്കാലമായി ആരോഗ്യപരമായ കാരണങ്ങളാല്‍ ഭരണത്തില്‍ ശ്രദ്ധിക്കാനാവാത്ത അവസ്ഥയിലാണ് പരീക്കര്‍. നേരത്തെ അദ്ദേഹം അമേരിക്കയില്‍ ചികിത്സ തേടിയപ്പോഴും ഗോവയില്‍ ഭരണമില്ലാത്ത അവസ്ഥയിലായിരുന്നു.

പരീക്കര്‍ അധികസമയവും ആരോഗ്യകരമായ കാരണങ്ങളാല്‍ മാറിനിന്നതോടെയാണ് നേതൃമാറ്റം വേണമെന്ന ആവശ്യം ശക്തമായത്. എന്നാല്‍ ഗോവയിലെ ഏറ്റവും വലിയ ഒറ്റകക്ഷി കോണ്‍ഗ്രസാണ്. 40 അംഗ സഭയില്‍ 16 അംഗങ്ങളാണ് കോണ്‍ഗ്രസിനുള്ളത്. സര്‍ക്കാര്‍ പുനഃസംഘടന എന്ന ചര്‍ച്ച വന്നതോടെ കോണ്‍ഗ്രസ് ഗവര്‍ണറെ കണ്ട് ഏറ്റവും വലിയ ഒറ്റകക്ഷിയായ തങ്ങളെ സര്‍ക്കാര്‍ രൂപീകരിക്കാന്‍ അനുവദിക്കണമെന്ന് ആവശ്യപ്പെടുകയായിരുന്നു. 21 എം.എല്‍.എമാരുടെ പിന്തുണയുണ്ടെന്ന് കോണ്‍ഗ്രസ് ഗവര്‍ണറെ അറിയിച്ചു.

കര്‍ണാകയില്‍ കോണ്‍ഗ്രസിന്റെ നിയമപോരാട്ടം ഫലം കണ്ടതിന്റെ പാഠമുള്ളതിനാല്‍ ഭാഗ്യപരീക്ഷണത്തിന് മുതിരേണ്ടെന്നാണ് ബി.ജെ.പി തീരുമാനം. തല്‍ക്കാലം മന്ത്രിസഭാ പുനഃസംഘടന വേണ്ടെന്നാണ് അമിത് ഷാ സംസ്ഥാന നേതൃത്വത്തിന് നല്‍കിയിരിക്കുന്ന നിര്‍ദേശം.

നിയമം മറികടന്ന് ഖനനം നടത്തിയതിന് പാട്ടക്കാരില്‍നിന്ന് പിഴയീടാക്കാനും നിര്‍ദേശമുണ്ട്. ഈടാക്കുന്നതിനുള്ള പിഴ കണക്കുകൂട്ടുന്നതിനായി അന്വേഷണ സംഘത്തില്‍ ചാര്‍ട്ടേര്‍ഡ് അക്കൗണ്ടന്റുമാരെയും ഉള്‍പ്പെടുത്തണം. പാട്ടക്കാലാവധി അവസാനിച്ചതിനെ തുടര്‍ന്ന് പുതിയതായി അപേക്ഷ നല്‍കിയ ഖനന കമ്പനികള്‍ക്ക് മനോഹര്‍ പരീക്കറിന്റെ നേതൃത്വത്തിലുള്ള സര്‍ക്കാര്‍ ചട്ടങ്ങള്‍ മറികടന്നാണ് പുതിയ അനുമതി നല്‍കിയതെന്ന് കോടതി കണ്ടെത്തി. നിലവിലുള്ള നിയമവും കോടതിയുടെ മുന്‍ ഉത്തരവും മറികടന്നാണ് സര്‍ക്കാര്‍ പാട്ടം നല്‍കിയതെന്ന് കോടതി ചൂണ്ടിക്കാട്ടി.

നിയമപ്രകാരം ഖനികളുടെ പാട്ടകരാര്‍ 2020 വരെ നീട്ടിയിട്ടുണ്ടെന്ന് സര്‍ക്കാര്‍ വാദിച്ചെങ്കിലും കോടതി അംഗീകരിച്ചില്ല. ഖനനം സംബന്ധിച്ച് പുതിയ നിയമം നിലവില്‍വരുന്നതിന് ദിവസങ്ങള്‍ മുന്‍പാണ് സര്‍ക്കാര്‍ പുതിയ ലൈസന്‍സുകള്‍ അനുവദിച്ചത്. 2007മുതല്‍ മുന്‍കാല പ്രബല്യത്തോടെ 20 വര്‍ഷത്തേക്കാണ് രണ്ടാം ഘട്ടത്തില്‍ ലൈസന്‍സ് അനുവദിച്ചത്. ചട്ടങ്ങള്‍ പാലിക്കാതെയാണ് നടപടിക്രമങ്ങള്‍ നടന്നതെന്ന് ഗോവ ഫൗണ്ടേഷന്‍ ഹര്‍ജിയില്‍ ചൂണ്ടിക്കാണിച്ചിരുന്നു. അഡ്വ. പ്രശാന്ത് ഭൂഷണാണ് ഹര്‍ജിക്കാര്‍ക്കുവേണ്ടി ഹാജരായത്. വീണ്ടും അപേക്ഷ ക്ഷണിച്ച്, പുതിയതായി നിലവില്‍വന്ന നിയമത്തിന്‍കീഴില്‍ വേണം പുതിയ ലൈസന്‍സുകള്‍ നല്‍കേണ്ടതെന്നും കോടതി നിര്‍ദ്ദേശിച്ചിട്ടുണ്ട്. ഇരുമ്പയിര് ഖനനത്തില്‍ രാജ്യത്ത് രണ്ടാം സ്ഥാനത്ത് നില്‍ക്കുന്ന സംസ്ഥാനമാണ് ഗോവ. പ്രതിവര്‍ഷം 50 മില്ല്യണ്‍ ടണ്‍ ഇരുമ്പയിര് ഗോവയില്‍ ഉത്പാദിപ്പിക്കുന്നുണ്ടെന്നാണ് കണക്ക്.

പരീക്കറുടെ സത്യപ്രതിജ്ഞ ഇന്ന് നടക്കാനിരിക്കെയാണ് ഗവര്‍ണറുടെ നടപടി സ്റ്റേ ചെയ്യണമെന്ന് കോണ്‍ഗ്രസ് ആവശ്യപ്പെട്ടിരുന്നത്. ഹോളി പ്രമാണിച്ച് സുപ്രീംകോടതി ഇന്ന് അവധിയാണെങ്കിലും അടിയന്തിര സാഹചര്യം പ്രമാണിച്ച് ഇന്നു തന്നെ വാദം കേള്‍ക്കുകയായിരുന്നു. പ്രത്യേക ബെഞ്ച് രൂപീകരിച്ചാണ് കോടതി വാദം കേട്ടത്.

ഗോവ നിയമസഭാകക്ഷി നേതാവ് ചന്ദ്രകാന്ത് കാവ് ലേകര്‍ ആണ് സുപ്രീംകോടതിയില്‍ ഹര്‍ജി സമര്‍പ്പിച്ചത്. ഏറ്റവും വലിയ ഒറ്റകക്ഷിയായ കോണ്‍ഗ്രസ്സിനെ സര്‍ക്കാര്‍ രൂപീകരണത്തിന് ക്ഷണിക്കാതെ ബി.ജെ.പിയെ സര്‍ക്കാര്‍ രൂപീകരണത്തിന് ക്ഷണിച്ച നടപടി നിലവിലുള്ള ഭരണഘടനാ രീതികള്‍ക്ക് വിരുദ്ധമാണെന്നായിരുന്നു കോണ്‍ഗ്രസ് വാദിച്ചത്. ഗോവയില്‍ സര്‍ക്കാര്‍ രൂപീകരിക്കാന്‍ കോണ്‍ഗ്രസ് ശ്രമിക്കുന്നതിനിടെയാണ് പരീക്കര്‍ രംഗത്തെത്തുന്നത്. മൂന്ന് അംഗങ്ങളുള്ള ഗോവ ഫോര്‍വേഡ് പാര്‍ട്ടിയുടെ പിന്തുണയോടെയാണ് 17സീറ്റുള്ള കോണ്‍ഗ്രസ് സര്‍ക്കാര്‍ രൂപീകരണത്തിന് തയ്യാറായത്. എന്നാല്‍ ഇവരുടെ ചുവടുമാറ്റം കോണ്‍ഗ്രസ്സിന്റെ സര്‍ക്കാര്‍ രൂപീകരണത്തെ ബാധിക്കുകയായിരുന്നു.

വൈകുന്നേരം അഞ്ചിന് രാജ്ഭവനില്‍ സത്യപ്രതിജ്ഞ ചെയ്യുന്ന മനോഹര്‍ പരീക്കര്‍ക്കൊപ്പം എട്ടു മന്ത്രിമാരും അധികാരമേല്‍ക്കും.

പഞ്ചാബില്‍ ഭൂരിപക്ഷം നേടുമെന്ന് എക്‌സിറ്റ് പോള്‍ ഫലങ്ങള്‍ പ്രവചിച്ചിരുന്നെങ്കിലും ഇവിടെ രണ്ടാം സ്ഥാനത്തെത്താനേ എ.എ.പിക്ക് കഴിഞ്ഞുള്ളൂ. ഏറെ പ്രതീക്ഷ പുലര്‍ത്തിയിരുന്ന ഗോവയില്‍ ഒരു സീറ്റ് പോലും നേടാന്‍ കഴിഞ്ഞതുമില്ല. ഡല്‍ഹിക്ക് പുറത്ത് എ.എ.പിക്ക് വിലാസം നല്‍കുന്ന തെരഞ്ഞെടുപ്പ് എന്ന പ്രതീക്ഷയാണ് ഇതോടെ അസ്തമിച്ചത്. പഞ്ചാബിലും ഗോവയിലും ഇത്തരമൊരു ഫലം പ്രതീക്ഷിച്ചിരുന്നില്ലെന്ന് ഡല്‍ഹി മന്ത്രിയും എ.എ.പി നേതാവുമായ കപില്‍ മിശ്ര പറഞ്ഞു. വോട്ടെണ്ണലിന്റെ തത്സമയ വിവരങ്ങള്‍ വിലയിരുത്തുന്നതിനായി അശുതോഷ് ഉള്‍പ്പെടെയുള്ള മുതിര്‍ന്ന നേതാക്കളെല്ലാം ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ വസതിയിലെത്തിയിരുന്നു.

നോട്ടു അസാധുവാക്കലിനു ശേഷം നടക്കുന്ന ആദ്യ തെരഞ്ഞെടുപ്പ് ആയതിനാല്‍ ബിജെപിക്കു നിര്‍ണായകമാണ്. എക്‌സിറ്റ് പോള്‍ ഫലങ്ങള്‍ സൂചിപ്പിക്കുന്നതനുസരിച്ച് കോണ്‍ഗ്രസിനാണ് പഞ്ചാബില്‍ മുന്‍തൂക്കം. എന്നാല്‍ ഗോവയില്‍ നിലവില്‍ അധികാരത്തിലിരിക്കുന്ന ബിജെപിക്ക് ഇത്തവണ കാര്യങ്ങള്‍ അത്ര എളുപ്പമാവില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. കോണ്‍ഗ്രസില്‍ നിന്നുള്ള കടുത്ത മത്സരത്തിനു പുറമെ സഖ്യകക്ഷിയായിരുന്ന എംജിപിയും ശിവസേനയും ഉള്‍പ്പെടെയുള്ളവര്‍ ബദല്‍ മുന്നണി രൂപീകരിച്ചതും ബിജെപിക്ക് തിരിച്ചടിയാകും.

രണ്ടു സംസ്ഥാനങ്ങളിലെയും പോളിങ് ബൂത്തുകളില്‍ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്. ഗോവയില്‍ വോട്ട് രേഖപ്പെടുത്തിയ പ്രമുഖരില്‍ പ്രതിരോധമന്ത്രി മനോഹര്‍ പരീക്കറുമുണ്ട്. സ്ത്രീകള്‍ക്കു മാത്രമുള്ള പിങ്ക് ബൂത്തുകളാണ് ഗോവയിലെ മറ്റൊരു സവിശേഷത.