മഞ്ഞപ്പടയായ കേരള ബ്ലാസ്റ്റേഴ്‌സിന്റെ ആദ്യ മത്സരം ഒക്ടോബര്‍ 30-ന് നടക്കും. ഗോകുലം കേരള എഫ്‌സിയുടെ മത്സരം ഒക്ടോബര്‍ 27-നാണ്.

സൂപ്പര്‍ കപ്പില്‍ രാജ്യത്തെ 16 പ്രമുഖ ക്ലബ്ബുകളാണ് മാറ്റുരയ്ക്കുന്നത്. നാല് ടീമുകള്‍ വീതമുള്ള നാല് ഗ്രൂപ്പുകളിലായാണ് മത്സരം നടക്കുക. ഗ്രൂപ്പ്-സ്റ്റേജ് ഫോര്‍മാറ്റിലാണ് ടൂര്‍ണമെന്റ് സംഘടിപ്പിച്ചിരിക്കുന്നത്.

പുതിയ താരങ്ങളുമായാണ് ഈ സീസണില്‍ കേരള ബ്ലാസ്റ്റേഴ്‌സ് രംഗത്തേക്ക് എത്തുന്നത്. സൂപ്പര്‍ കപ്പില്‍ മികച്ച പ്രകടനമാണ് ലക്ഷ്യമെന്ന് ടീമിന്റെ മുഖ്യ പരിശീലകനായ സ്പാനിഷ് കോച്ച് ഡേവിഡ് കാറ്റാല അറിയിച്ചു. ജുവാന്‍ റോഡ്രിഗസ്, ടിയാഗോ ആല്‍വസ്, കോള്‍ഡോ ഒബിയേറ്റ, അമേ റണാവാഡെ, അര്‍ഷ് ഷെയ്ഖ് എന്നിവര്‍ അടങ്ങുന്ന വിദേശ താരനിരയാണ് ബ്ലാസ്റ്റേഴ്‌സിന്റെ പ്രധാന ആകര്‍ഷണം.

ശ്രീനിധി ഡെക്കാനെ 3:2ന് തോല്‍പ്പിച്ചാണ് സീസണ്‍ തുടങ്ങിയത്. റിയല്‍ കശ്മീരുമായി 1-1 സമനില. മലയാളിതാരം വി.പി സുഹൈര്‍, ഉറുഗ്വേ താരം മാര്‍ട്ടിന്‍ ഷാവേസ് തുടങ്ങിയവരുള്ള മുന്നേറ്റ നിരയാണ് ഗോകുലത്തിന്റെ കരുത്ത്. ഗോളടിക്കുന്നതിനൊപ്പം ഗോള്‍ വഴങ്ങുന്നു എന്നതാണ് പ്രധാന വെല്ലുവിളി.

‘ആരാധകര്‍ക്കുമുന്നിലെ ആദ്യമത്സരമാണ്. മികച്ച കളി അനുഭവത്തിനൊപ്പം വിജയവും സമ്മാനിക്കും’- ഗോകുലത്തിന്റെ സ്പാനിഷ് പരിശീലകന്‍ അന്റോണിയോ റുവേഡ പറഞ്ഞു. ആരാധകരുടെ വലിയ പിന്തുണ കരുത്താകുമെന്ന് വി പി സുഹൈറും പറഞ്ഞു. ‘മിസോറമില്‍നിന്ന് തീര്‍ത്തും വ്യത്യസ്തമായ കാലാവസ്ഥയില്‍ കളിക്കുകയെന്നത് വെല്ലുവിളിയാണ്. എങ്കിലും മുഴുവന്‍ കഴിവും പുറത്തെടുത്ത് വിജയം നേടും’– ഐസ്വാള്‍ കോച്ച് വിക്ടര്‍ പറഞ്ഞു. ഗ്യാലറിയില്‍ വനിതകള്‍ക്ക് പ്രവേശനം സൗജന്യമാണ്. 50 രൂപയാണ് ഗ്യാലറി ടിക്കറ്റ് നിരക്ക്. കുട്ടികള്‍ക്ക് 30 രൂപ.

കാണാന്‍ കൊതിച്ച തിരിച്ചുവരവെന്നാണ് ഗോകുലം എഫ്‌സി എക്‌സ് പ്ലാറ്റ്‌ഫോമില്‍ കുറിച്ചത്. 2021-22ല്‍ ഐഎസ്എല്ലില്‍ കളിക്കുന്നതിനിടെ പരിക്കിന്റെ പിടിയിലായ അനസ് കളത്തില്‍ നിന്ന് ഇടവേള എടുക്കുകയായിരുന്നു. ഈ സമയത്ത് കേരളാ പൊലീസില്‍ ജോലിക്ക് ശ്രമിച്ചെങ്കിലും ലഭിച്ചില്ല. ജോലി വാഗ്ദാനം ചെയ്തുള്ള ഉദ്യോഗസ്ഥ വഞ്ചനയെന്ന് താരം ആരോപിച്ചിരുന്നു.

അനസിന്റെ സാന്നിധ്യം ക്ലബിന് മുതല്‍കൂട്ടാകുമെന്ന് അധികൃതര്‍ പ്രതികരിച്ചു. ഇന്ത്യന്‍ ഫുട്‌ബോളില്‍ അനസിന്റെ അനുഭവ സമ്പത്ത് ഏറെ വലുതാണ്. ഗോകുലം കേരളയിലെ പ്രതിരോധ ലൈനിലെ അനസിന്റെ സാന്നിധ്യം എതിരാളികള്‍ക്ക് ഭീഷണിയാകുമെന്നും ക്ലബ് അധികൃതര്‍ വ്യക്തമാക്കി.

അതേസമയം കൊച്ചിയിലെ പ്രീ സീസണ്‍ ക്യാംപ് പരിശീലനം പൂര്‍ത്തിയാക്കി കൊല്‍ക്കത്തയിലെത്തിയ ബ്ലാസ്‌റ്റേഴ്‌സ് ടീമിന് ഐഎസ്എല്‍ സീസണിലേക്കുള്ള പ്രകടനത്തിന്റെ തുടക്കമാകും ഡ്യൂറന്‍ഡ് കപ്പ്. പുതുതായി ടീമിലെത്തിയ ആറ് താരങ്ങളും റിസര്‍വ് ടീമില്‍ നിന്നുള്ള അഞ്ച് പേരുമുള്‍പ്പെടുന്ന 27 അംഗ സ്‌ക്വാഡുമായാണ് ബ്ലാസ്‌റ്റേഴ്‌സ് ഡ്യൂറന്‍ഡ് കപ്പിനെത്തിയത്. ഐഎസ്എല്ലില്‍ കേരള ബ്ലാസ്‌റ്റേഴ്‌സ് രണ്ടു തവണ റണ്ണേഴ്‌സ് അപ്പുകളായപ്പോള്‍ ഗോകുലം കേരള എഫ്‌സി 2019ലെ ഡ്യൂറന്‍ഡ് കപ്പ് ജേതാക്കളായിട്ടുണ്ട്.

നിരവധി മാറ്റങ്ങളുമായാണ് ബ്ലാസ്‌റ്റേഴ്‌സ് ഇത്തവണ ഇറങ്ങുന്നത്. കേരളത്തില്‍ നിന്നുള്ള സൂപ്പര്‍ താരം സഹല്‍ അബ്ദുല്‍ സമദ്, പ്രഭ്‌സുഖന്‍ സിംഗ് ഗില്‍, ജെസെല്‍ കാര്‍ണെയ്‌റോ, ഇവാന്‍ കലിയുഷ്‌നി, ഹര്‍മന്‍ജ്യോത് സിംഗ് ഖബ്ര എന്നിവരില്ലാത്ത സ്‌ക്വാഡ് ആണ് ഇത്തവണ. പകരം പ്രീതം കോട്ടാല്‍, പ്രബീര്‍ദാസ്, നോവാച്ച സിങ് എന്നിവര്‍ ടീമിലേക്കെത്തിയിട്ടുണ്ട്. ഏറ്റവും പുതിയ സൈനിംഗായ സ്‌െ്രെടക്കര്‍ ഇഷാന്‍ പണ്ഠിത ബ്ലാസ്‌റ്റേഴ്‌സിനായി ഇന്ന് ഇറങ്ങുമെന്നാണ് പ്രതീക്ഷിക്കുന്നത്.

മൂന്ന് കളികളില്‍ നിന്നും മൂന്നു പോയിന്റ് മാത്രമുള്ള കേരളക്ലബ് ലീഗ് ടേബിളില്‍ ഒമ്പതാം സ്ഥാനത്താണ്. കഴിഞ്ഞ മത്സരത്തില്‍ ഐസ്വാള്‍ എഫ്.സിയോട് ഏകപക്ഷീയമായ രണ്ട് ഗോളിന് ഗോകുലം തോറ്റിരുന്നു. അതേസമയം രണ്ടു കളികളില്‍ നിന്നും 4 പോയിന്റ് നേടിയ നെറോക്ക അഞ്ചാംസ്ഥാനത്താണ്.

പ്രതിരോധനിരയിലെ പാളിച്ചകള്‍ പരിഹരിച്ച് ഇന്നത്തെ മത്സരത്തില്‍ ഗോകുലം ശക്തമായി തിരിച്ചുവരുമെന്ന് കോച്ച് വിന്‍സെന്‍സോ ആല്‍ബര്‍ട്ടോ അനീസ് പറഞ്ഞു. ഘാനതാരങ്ങളായ ഡെന്നിസ് അന്ടവി, ഫിലിപ്പ് അഡ്ജ എന്നിവരിലാണ് ഗോകുലത്തിന്റെ പ്രതീക്ഷ. കഴിഞ്ഞ വര്‍ഷം ഗോകുലത്തിനു വേണ്ടി കളിച്ച നഥാനിയാല്‍ ഗാര്‍ഷ്യ ഇത്തവണ നെറോക്കയ്‌ക്കൊപ്പമാണ്.

ഐലീഗില്‍ കേരളത്തില്‍ നിന്നുള്ള ഏക ക്ലബായ ഗോകുലം ടീമില്‍ ഇത്തവണ 11 മലയാളികളാണ് സ്ഥാനം പിടിച്ചത്. നാല് വിദേശ താരങ്ങളും ടീമിലുണ്ട്. ഗോകുലം റിസര്‍വ് ടീമില്‍ നിന്നും നാല് മലയാളികള്‍ ആണ് ഈ പ്രാവശ്യം സീനിയര്‍ ടീമില്‍ എത്തിയത്.

ഗോകുലം ഐ എഫ് എ ഷീല്‍ഡ് മത്സരങ്ങള്‍ക്ക് വേണ്ടി ഒരു മാസം മുന്നേ കൊല്‍ക്കത്തയില്‍ എത്തിയിരുന്നു. ഐ എഫ് എ ഷീല്‍ഡിനു ശേഷം ടീം കൊല്‍ക്കത്തയില്‍ തന്നെ പരിശീലനം തുടര്‍ന്നു. കോവിഡ് കാരണം രണ്ടു ഘട്ടങ്ങള്‍ ആയിട്ടാണ് ഈ പ്രാവശ്യം കളി നടക്കുന്നത്.
ആദ്യ ഘട്ടത്തില്‍ എല്ലാ ടീമുകളും തമ്മില്‍ കളിക്കും. അതില്‍ ആദ്യ സ്ഥാനത്തു വരുന്ന ആറു ടീമുകള്‍ രണ്ടാം ഘട്ടത്തില്‍ ഐ ലീഗ് കപ്പിന് വേണ്ടി കളിക്കും. ഭാക്കിയുള്ള അഞ്ചു ടീമുകള്‍ തമ്മില്‍ കളിച്ചു അതില്‍ ഏറ്റവും കുറവ് പോയിന്റ് നേടുന്ന ടീം റെലിഗെറ്റ് ആകും. വണ്‍ സ്‌പോര്‍ട്‌സ് ചാനലില്‍ കളി തത്സമയ സംപ്രേഷണം ചെയ്യും.

ഗോകുലം ടീം ലിസ്റ്റ്

ഗോള്‍കീപ്പര്‍സ്: സി കെ ഉബൈദ്, വിഘ്‌നേശ്വരന്‍ ഭാസ്‌കരന്‍, പി എ അജ്മല്‍

ഡിഫെന്‍ഡേര്‍സ്: അലക്‌സ് സാജി, ദീപക് ദേവരാണി, മുഹമ്മദ് ജാസിം, ജസ്റ്റിന്‍ ജോര്‍ജ്, നവോച്ച സിംഗ്, സോഡിങ്‌ലിയാന, സെബാസ്റ്റ്യന്‍, മുഹമ്മദ് അവാല്‍ (ക്യാപ്റ്റന്‍)

മിഡ്ഫീല്‍ഡര്‍സ്: മുഹമ്മദ് റാഷിദ്, ഷിബില്‍ മുഹമ്മദ്, മുത്തു ഇരുളാണ്ടി മായാകണ്ണന്‍, സല്‍മാന്‍ കെ, വിന്‍സി ബാരെറ്റോ, താഹിര്‍ സമാന്‍, എം സ് ജിതിന്‍.

ഫോവേഡ്‌സ്: എമില്‍ ബെന്നി, ഫിലിപ്പ് അഡ്ജ, ഡെന്നിസ് ആഗ്യരെ, റൊണാള്‍ഡ് സിംഗ്, ലാല്‍റോമാവിയ

ഞങ്ങള്‍ക്ക് ലഭിച്ചിരിക്കുന്ന സുവര്‍ണാവസരമാണിത്… ഡ്യൂറന്‍ഡ് കപ്പ് കലാശപോരാട്ടത്തിനിറങ്ങുമ്പോള്‍ ഇതുവരെ പുലര്‍ത്തിയ പ്രകടനം ആവര്‍ത്തിക്കുകയാണ് ലക്ഷ്യം’… ഈസ്റ്റ് ബംഗാളിനെതിരെ പെനാല്‍റ്റി ഷൂട്ടൗട്ടില്‍ ഉജ്ജ്വലസേവുമായി ഗോകുലം കേരള എഫ്.സിയുടെ വിജയശില്‍പിയായ കണ്ണൂര്‍ കൂത്തുപറമ്പ് സ്വദേശി സി.കെ ഉബൈദിന്റെ വാക്കുകളാണിത്… ഗോകുലം ടീമിനൊപ്പം ചേര്‍ന്ന് ഏതാനും മത്സരം മാത്രം കളിച്ച യുവതാരമാണിപ്പോള്‍ ടീം മലബാറിയന്‍സിന്റെ ഹീറോ… നിരവധി ക്ലബുകള്‍ക്ക് വേണ്ടിവലകാത്ത 29കാരന്‍ പ്രതീക്ഷകള്‍ പങ്കുവെക്കുന്നു

ഈസ്റ്റ് ബംഗാളിനെതിരായ വിജയത്തിന്‌ശേഷം…
-പുതിയ കോച്ച് ഫെര്‍ണാണ്ടോ വലേരയ്ക്ക് കീഴില്‍ ടൂര്‍മമെന്റിലുടനീളം ടീം ഒത്തിണക്കത്തോടെയാണ് കളിച്ചത്. സെമിഫൈനലിലെ വിജയവും ടീം കരുത്തിന്റേതാണ്. തികഞ്ഞ ആത്മവിശ്വാസത്തിലായിരുന്നു തന്റെ പഴയ ക്ലബായ ഈസ്റ്റ് ബംഗാളിനെ നേരിട്ടത്. മോഹന്‍ബഗാനെതിരെ ഫൈനലിലിറങ്ങുമ്പോള്‍ പ്രത്യേകമായി മുന്നൊരുക്കങ്ങളൊന്നും നടത്തുന്നില്ല. പതിവുപോലെ പ്രകടനം ആവര്‍ത്തിക്കുകയെന്ന ലക്ഷ്യത്തോടെ ആത്മവിശ്വാസത്തോടെയാണ് കിരീടപോരാട്ടത്തില്‍ ഇറങ്ങുന്നത്. വിജയം മാത്രമാണ് മനസിലുള്ളത്.

ഗോകുലം ടീമിലേക്കുള്ള വരവ്….
-ഗോകുലം ടീമിലെത്തിയത് തന്റെകരിയറിലെ വലിയ അവസരമായാണ് കാണുന്നത്. പരസ്പരം അറിയാവുന്ന മലയാളിതാരങ്ങള്‍. സീനിയര്‍-ജൂനിയര്‍ വേര്‍തിരിവൊന്നും ഇവിടെയില്ല. അതിനാല്‍ ഫ്രീയായി കളിക്കാന്‍കഴിയുന്നു. ഗോകുലത്തിനായി ഐലീഗ് മത്സരങ്ങളിലും തിളങ്ങാനാകുമെന്നാണ് പ്രതീക്ഷ.

ഗോള്‍കീപ്പിംഗിലേക്ക് വരുന്നത്
-വിദ്യാര്‍ത്ഥിയായിരുന്ന കാലത്ത് കൂത്തുപറമ്പ് മുനിസിപ്പാലിറ്റി ഗ്രൗണ്ടില്‍ നടന്ന കോച്ചിംഗ് ക്യാമ്പാണ്് കരിയറിലെ വഴിത്തിരിവായത്. മുന്നേറ്റനിരയില്‍ കളിക്കാന്‍ താല്‍പര്യപ്പെട്ട് ക്യാമ്പിലെത്തിയ തന്നെ പരിശീലകന്‍ ശ്രീധരനാണ് ഗോള്‍കീപ്പിംഗിലേക്ക് തിരിച്ചുവിട്ടത്. ഉയരകൂടുതല്‍ ഗോള്‍കീപ്പിംഗിന് ഗുണകരമാകുമെന്ന് അദ്ദേഹം പറഞ്ഞു. ക്യാമ്പിന് ശേഷം നാട്ടിലെ സെവന്‍സ് ടൂര്‍ണമെന്റുകളിലെല്ലാം ഗോളിയായി ഇറങ്ങി..തുടര്‍ന്ന് അഖിലേന്ത്യാസെവന്‍സിലും പങ്കെടുത്തു.
2011-12ല്‍ വിവാകേരളയുടെ ഗോള്‍കീപ്പറായി അവസരം ലഭിച്ചു. തലശ്ശേരിയിലെ ടോപ്‌മോസ്റ്റ് എന്ന സെവന്‍സ് ടീമിന് കളിക്കുമ്പോഴാണ് വിവയിലേക്ക് വിളിവരുന്നത്. പിന്നീട് ഡെംപോ ഗോവ, എയര്‍ഇന്ത്യ, ഒ.എന്‍.ജി.സി എന്നിവയ്ക്കായും വലകാക്കാന്‍ അവസരംതേടിയെത്തി. 2017ല്‍ എഫ്.സി കേരളയില്‍ വായ്പാഅടിസ്ഥാനത്തില്‍ കളിച്ചിരുന്നു.

കോഴിക്കോട്: ഐലീഗ് ഫുട്ബോളില്‍ നിലവിലെ ചാമ്പ്യന്‍മാരായ മിനര്‍വ പഞ്ചാബിനെ അട്ടിമറിച്ച് ഗോകുലം കേരള എഫ്.സി പോയിന്റ് ടേബിളില്‍ രണ്ടാം സ്ഥാനത്ത്. കോര്‍പറേഷന്‍ സ്റ്റേഡിയത്തില്‍ ഇന്നലെ നടന്ന മത്സരത്തില്‍ മലയാളിതാരം എസ് രാജേഷ് 60-ാം മിനുട്ടില്‍ നേടിയ ഏകഗോളിലാണ് ആതിഥേയര്‍ സ്വന്തം തട്ടകത്തില്‍ സീസണിലെ രണ്ടാംജയം സ്വന്തമാക്കിയത്. മത്സരത്തിലുടനീളം മുന്നേറികളിച്ച ജയന്റ് കില്ലേഴ്സിന് വേണ്ടി മുന്നേറ്റവും പ്രതിരോധവും അവസരത്തിനൊത്തുയര്‍ന്നു. അഞ്ച് കളിയില്‍ നിന്ന് എട്ട് പോയന്റുമായാണ് ഗോകുലം ടേബിളില്‍ മുന്നേറ്റം നടത്തിയത്. നാല് മത്സരത്തില്‍ മൂന്ന് പോയിന്റ് മാത്രമുള്ള മിനര്‍വ ഏഴാംസ്ഥാനത്തേക്ക് പിന്തള്ളപ്പെട്ടു. രാജേഷാണ് കളിയിലെ താരം.
മലയാളിതാരങ്ങളായ വി.പി സുഹൈര്‍- ഗനി അഹമ്മദ് നിഗം- എസ്.രാജേഷ് നീക്കമാണ് ആദ്യഗോളിന് വഴിയൊരുക്കിയത്. വലതുവിങ്ങില്‍ നിന്ന് പന്തുമായി മുന്നേറിയ വി.പി സുഹൈര്‍ ബോക്സില്‍ മാര്‍ക്ക് ചെയ്യാതെ നില്‍ക്കുകയായിരുന്ന ഗനിക്ക് നീ്ട്ടിനല്‍കിയ പന്ത് സ്വീകരിച്ച് ഗനി നല്‍കിയ ക്രോസ് രണ്ട് മിനര്‍വ പ്രതിരോധതാരങ്ങളെ കബളിപ്പിച്ച് രാജേഷ് ഹെഡ്ഡ് ചെയ്തു വലയിലാക്കി. കഴിഞ്ഞ ഹോം മാച്ചില്‍ ഷില്ലോങ് ലജോങിനായി നേടിയ രാജേഷ്-ഗനി കൂട്ടുകെട്ടിനെ ഓര്‍മ്മപ്പെടുത്തുന്നതായി ഇന്നലത്തെ ഗോള്‍. മുന്‍ മത്സരങ്ങളേതുപോലെ രണ്ടാംപകുതിയിലാണ് ഗോകുലം കൂടുതല്‍ ആക്രമിച്ചു കളിച്ചത്.
മുപ്പതിനായിരത്തോളം കാണികള്‍ക്ക് മുന്നില്‍ കളിയുടെ തുടക്കം മുതല്‍ മുന്നേറികളിച്ച ഗോകുലം അര്‍ഹിച്ച ജയം നേടിയെടുക്കുകയായിരുന്നു. ഷില്ലോഗ് ലജോംഗിനെതിരായ മത്സരത്തിലെ അതേ ടീമിനെ നിലനിര്‍ത്തിയ കോച്ച് ബിനോ ജോര്‍ജ്ജിന്റെ തീരുമാനം ശരിവെക്കുന്നവിധത്തിലാണ് ഗോകുലം കളിച്ചത്. വിംഗുകളിലൂടെയുള്ള മുന്നേറ്റങ്ങള്‍ക്കാണ് പ്രാധാന്യം നല്‍കിയത്. മലയാളിതൊാരങ്ങളായ എസ്. രാജേഷ്, ഗനി അഹമ്മദ് നിഗം മിനര്‍വ പഞ്ചാബ് ഗോള്‍ബോക്സിലേക്ക് നിരന്തരം അക്രമണം നടത്തിയെങ്കിലും പഞ്ചാബ് വന്‍മതില്‍ തകര്‍ത്ത് മുന്നേറാനായില്ല. രണ്ടാംപകുതിയില്‍ മധ്യനിരതാരം അര്‍ജുന്‍ ജയരാജിനേയും പ്രീതം സിംഗിനേയും കളത്തിലിറക്കി ആക്രമത്തിന് മൂര്‍ച്ചകൂട്ടി. കഴിഞ്ഞ മത്സരത്തിലേതിന് വിഭിന്നമായി പ്രതിരോധത്തില്‍ ഡാനിയല്‍ അഡോയും കെ.ദീപകും അര്‍ജന്റീനന്‍ താരം ഗില്ലെര്‍മെ കാസ്ട്രോയും അവസരത്തിനൊത്തുയര്‍ന്നതോടെ കേരള ഗോള്‍കീപ്പര്‍ ഷിബിന്‍രാജിന് വലിയ വെല്ലുവിളിയുണ്ടായില്ല. പഞ്ചാബിന് വേണ്ടി നൈജീരിയന്‍ സ്ട്രൈക്കര്‍ ഡൊണാട്ടസ് എഡാഫെ ചില ഒറ്റപ്പെട്ട നീക്കങ്ങള്‍ നടത്തിയെങ്കിലും കേരള കോട്ടയില്‍തട്ടി തകര്‍ന്നു.
കളിയുടെ 43ാം മിനിറ്റില്‍ മിനര്‍വ്വ ക്യാപ്റ്റന്‍ ലാന്‍സിനെ ടുറെയുടെ ക്രോസില്‍ നൈജീരിയന്‍ സ്ട്രൈക്കര്‍ ഡൊണാട്ടസ് എഡാഫെയുടെ ജംപിംഗ് ഹെഡ്ഡര്‍ പോസ്റ്റിനെ തൊട്ടുരുമ്മി പുറത്തേക്ക് പോയത് അവിശ്വസിനീയമായാണ് ആരാധകര്‍ കണ്ടത്. ഫല്‍ഡ്ലിറ്റ് പണിമുടക്കിയതിനെ തുടര്‍ന്ന് ആദ്യപകുതിയില്‍ 20 മിനിറ്റ് മത്സരം തടസപ്പെട്ടു. 30ന് വൈകീട്ട് അഞ്ചിന് കോര്‍പറേഷന്‍ സ്റ്റേഡിയത്തില്‍ ചര്‍ച്ചില്‍ ബ്രദേഴ്സുമായാണ് ഗോകുലത്തിന്റെ അടുത്ത മത്സരം.

കോഴിക്കോട്: ഐലീഗില്‍ കഴിഞ്ഞതവണ നിര്‍ത്തിയിടത്ത്‌നിന്ന് വീണ്ടും തുടങ്ങാന്‍ ഗോകുലം കേരള എഫ്.സി. പുതിയ സീസണിന് മുന്നോടിയായി ടീം ഹോംഗ്രൗണ്ടായ കോര്‍പറേഷന്‍ സ്റ്റേഡിയത്തില്‍ പരിശീലനം ആരംഭിച്ചു. കഴിഞ്ഞവര്‍ഷം ആദ്യ ഐലീഗ് കളിച്ച ഗോകുലത്തിന് തുടക്കത്തില്‍ തിരിച്ചടി നേരിട്ടെങ്കിലും രണ്ടാംപാദത്തില്‍ വമ്പന്‍ ടീമുകളെയടക്കം മുട്ടുകുത്തിച്ച് ലീഗില്‍ ശക്തമായ തിരിച്ചുവരവാണ് നടത്തിയത്. പ്രഥമസീസണില്‍ ടീമിന്റെ വിജയത്തില്‍ നിര്‍ണായകപങ്ക് വഹിച്ച വിദേശ താരങ്ങളെ നിലനിര്‍ത്തിയും പരിചയസമ്പന്നരായ ഇന്ത്യന്‍ താരങ്ങളെ കൂടാരത്തിലെത്തിച്ചും ഇത്തവണ ഗോകുലം എതിരാളികള്‍ക്ക് മുന്നറിയിപ്പ് നല്‍കികഴിഞ്ഞു. ഐലീഗിന്റെ 12മത് സീസണില്‍ കരുത്തരായ മോഹന്‍ബഗാനുമായി ഈമാസം 28ന് കോര്‍പറേഷന്‍ സ്റ്റേഡിയത്തിലാണ് ഗോകുലത്തിന്റെ ആദ്യ മത്സരം.
രണ്ടാഴ്ച മുന്‍പ് സ്പാനിഷ് പരിശീലകന്‍ ഫെര്‍ണാണ്ടോ സാന്റിയാഗോ വലേറയെ പുറത്തായിക്കിയ ടീം മാനേജ്‌മെന്റ് പഴയപരിശീലന്‍ ബിനോ ജോര്‍ജ്ജില്‍ വിശ്വാസം അര്‍പ്പിക്കുകയായിരുന്നു. കോഴിക്കോട്ടുകാരന്‍ ഷിബിന്‍ രാജാണ് പുതിയസീസണില്‍ ഗോകുലത്തിന്റെ ഗോള്‍വലകാക്കുക. കഴിഞ്ഞ രണ്ട്‌സീസണില്‍ മോഹന്‍ബഗാനുവേണ്ടി തിളങ്ങിയ ഷിബിന്റെ വരവ് ടീമിന് പുത്തന്‍ ഊര്‍ജ്ജം നല്‍കുന്നു. ഷിബിനെ കൂടാതെ ഡല്‍ഹി ഡയനാമോസിന്റെ ബംഗാള്‍ ഗോള്‍കീപ്പര്‍ അര്‍ണബ് ദാസ് ശര്‍മ്മയും ടീമിനൊപ്പമുണ്ട്. കഴിഞ്ഞ സീസണില്‍ ഗോകുലത്തിനായി തിളങ്ങിയ സീനിയര്‍ വിദേശ താരങ്ങളായ ഡാനിയല്‍ അഡോ, മുഡ്ഡെ മൂസെ എന്നിവര്‍ക്ക് പുറമെ മുന്‍ ബ്ലാസ്റ്റേഴ്‌സ് താരം അന്റോണിയോ ജര്‍മ്മന്റെ സാന്നിധ്യം കേരളത്തില്‍ നിന്നുള്ള ഏക ഐലീഗ് ടീമിന് കരുത്താകും.
മലയാളി താരങ്ങളായ മുഹമ്മദ് റാഷിദ്, അര്‍ജ്ജുന്‍ ജയരാജ്, ഉസ്മാന്‍ ആഷിക് എന്നിവരെ നിലനിര്‍ത്തിയ ഗോകുലം മുന്നേറ്റത്തിന് മൂര്‍ച്ചകൂട്ടാന്‍ ഈസ്റ്റ് ബംഗാളില്‍ നിന്ന് വി.പി സുഹൈറിനേയും റെയില്‍വെയുടെ കഴിഞ്ഞവര്‍ഷത്തെ ടോപ് സ്‌കോറര്‍ എസ്.രാജേഷിനെയും ഒപ്പംകൂട്ടിയിട്ടുണ്ട്. നിലവില്‍ 14മലയാളിതാരങ്ങളാണ് ഗോകുലം ക്യാമ്പിലുള്ളത്. അതേസമയം, കഴിഞ്ഞ സീസണില്‍ ടീമിന്റെ മികച്ച പ്രകടനത്തിന് വഴിയൊരുക്കിയ യുഗാണ്ട താരം ഹെന്‍ട്രി കിസാക്കെ ബംഗാളിലേക്ക് കൂടുമാറിയത് ഗോകുലത്തിന് തിരിച്ചടിയാണ്. താരത്തിന് പകരക്കാരനെ കണ്ടെത്താന്‍ ഇതുവരെയായിട്ടില്ല. കഴിഞ്ഞവര്‍ഷത്തെ നായകന്‍ മലപ്പുറം സ്വദേശി മുഹമ്മദ് ഇര്‍ഷാദ് മിനവര്‍വ്വ പഞ്ചാബ് ടീമുമായി കരാറിലെത്തുകയും ചെയ്തു.
പരിശീലന സ്ഥാനമേറ്റ് കുറഞ്ഞദിവസത്തിനകം ടീമിനെയൊരുക്കേണ്ടിവരുന്നത് ശ്രമകരമായ ദൗത്യമാണെന്ന് കോച്ച് ബിനോ ജോര്‍ജ്ജ് പറഞ്ഞു. പഴയകോച്ചിന് കീഴില്‍ കളിച്ച ടീമിന്റെ ശൈലി മാറ്റിയെടുക്കാന്‍ സമയമെടുക്കും. മുന്‍ സീസണിലെ രണ്ടാം പാദത്തില്‍ മോഹന്‍ബഗാന്‍, ഈസ്റ്റ് ബംഗാള്‍, ചാമ്പ്യനായ മിനര്‍വ്വ പഞ്ചാബ് എന്നിവരെ തോല്‍പിച്ച ടീം അതേ ആവേശത്തോടെയാണ് പുതിയസീസണിന് ഒരുങ്ങുന്നത്. തുടക്കംമുതല്‍ മുന്നേറി ആദ്യ മൂന്ന് സ്ഥാനങ്ങളില്‍ നിലനില്‍ക്കുകയാണ് ലക്ഷ്യമിടുന്നതെന്നും ബിനോ ജോര്‍ജ്ജ് പറഞ്ഞു.

ഐ.എസ്.എല്ലിനൊപ്പം തന്നെ നടത്തിയിട്ടും ഐ ലീഗിന്റെ കാണികളുടെ എണ്ണത്തില്‍ 200 ശതമാനത്തിന്റെ വളര്‍ച്ചയാണ് ഈ വര്‍ഷം ഉണ്ടായിരിക്കുന്നത് എന്നത് ശ്രദ്ധേയമായാണ്. സോഷ്യല്‍ മീഡിയായ ഫെയ്‌സ്ബുക്ക്, ഇന്‍സ്റ്റാഗ്രാം തുടങ്ങിയവയില്‍ ക്ലബുകള്‍ക്കും ടൂര്‍ണമെന്റില്‍ കളിക്കുന്ന താരങ്ങള്‍ക്കും മികച്ച പിന്തുണയാണ് ലഭിച്ചുക്കൊണ്ടിരുന്നത്. മുന്‍വര്‍ഷങ്ങളെ അപേക്ഷിച്ച് ഇന്ത്യയില്‍ കളിക്കാന്‍ വിദേശ താരങ്ങള്‍ കൂടുതല്‍ താല്‍പര്യം പ്രകടിപ്പിക്കുന്നതും ശുഭ സൂചനയാണ്.

ഐ-ലീഗില്‍ കഴിഞ്ഞ വര്‍ഷത്തെ 5233 എന്ന ശരാശരി കാണികളുടെ എണ്ണം ഇത്തവണ 10280 ആയി ഉയര്‍ന്നു. മണിപ്പൂരില്‍ നിന്നുള്ള നെറോക്ക എഫ്.സിയുടെ വരവ് ലീഗില്‍ കാണികളെ ഗ്രൗണ്ടിലെത്തിക്കുന്നതില്‍ വിജയിച്ചു എന്നുതന്നെ വേണം പറയാന്‍. നെറോക്ക എഫ്.സിയുടെ കളികാണാന്‍ സ്റ്റേഡിയത്തില്‍ എത്തുന്ന കാളികളുടെ ശരാശരി 21382പേരാണ്. ഐ.ലീഗിലെ ക്ലബിന്റെ ഏറ്റവും ഉയര്‍ന്ന ശരാശരിയാണ്. 17366 കാണികളുമായി ശരാശരിയില്‍ കരുത്തരായ ഈസ്റ്റ് ബംഗാള്‍ രണ്ടാമതും മോഹന്‍ ബഗാന്റെ മുന്നാമതുമാണ്. ബഗാന്റെ ശരാശരി 15825 ആണ്. കൂടാതെ ഐ-ലീഗിലെ ഗ്ലാമര്‍ പോരാട്ടമായ ഈസ്റ്റ് ബംഗാള്‍- മോഹന്‍ ബഗാന്‍ ഡെര്‍ബി പോരാട്ടം കാണികളുടെ എണ്ണത്തില്‍ റെക്കോര്‍ഡിട്ടു. മോഹന്‍ ബഗാന്റെ ഹോം മത്സരത്തില്‍ 65000ത്തിനടുത്തും ഈസ്റ്റ് ബംഗാളിന്റെ ഹോം മത്സരത്തില്‍ 52000ത്തിലധികം കാണികളുമാണ് സ്‌റ്റേഡിയത്തില്‍ എത്തിയത്.

ഐ ലീഗില്‍ ഇത്തവണ ആദ്യമായി എത്തിയ ഗോകുലം കേരള എഫ് സിയുടെ കാണികളുടെ കാര്യത്തില്‍ ശ്രദ്ധിക്കപ്പെടുന്നുണ്ട്. ശരാശരി 8131 കാണികളാണ് ഗോകുലത്തിന്റെ മത്സരം കാണാനെത്തിയത്. ഐ.എസ്.എല്ലില്‍ കേരളത്തില്‍ നിന്ന് കേരളാ ബ്ലാസ്‌റ്റേഴ്‌സ് കളിക്കുമ്പോഴാണ് തുടക്കാരായ ഗോകുലവും സാമന്യം ഭേദപ്പെട്ട ആരാധകവലയുമായി മുന്നേറുന്നത്. എന്നാല്‍ ചാമ്പ്യന്‍മാരായ മിനര്‍വ്വ പഞ്ചാബിന്റെ ആരാധകരുടെ കരുത്ത് ശരാശരി 5736 മാത്രമാണ്. ചെന്നൈ സിറ്റി (8194), ഷില്ലോംഗ് ലാജോംഗ് (5454), ഐസ്വാള്‍ എഫ് സി (4256), ഇന്ത്യന്‍ ആരോസ് (3256), ചര്‍ച്ചില്‍ ബ്രദേഴ്‌സ് (2921) എന്നിങ്ങനെയാണ് ഐ ലീഗിലെ മറ്റ് ടീമുകളുടെ ശരാശരി ആരാധകരുടെ എണ്ണം.

ചെന്നൈയിന്‍ എഫ്.സി-ബെംഗളൂരു ഫൈനലിന് ശേഷമാണ് ഐ.എസ്.എല്‍ ടൂര്‍ണമെന്റിന്റെ കൃത്യമായ കണക്കുകള്‍ പുറത്തു വിടുക. പുറത്തു വരുന്ന റിപ്പോര്‍ട്ടുകള്‍ പ്രകാരം പുതിയ രണ്ടു ടീമുകള്‍ വന്നതിനാല്‍ കാണികളുടെ ശരാശരിയില്‍ വലിയ വര്‍ധനവ് ഐ.എസ്.എല്ലിലും ഉണ്ടായിട്ടുണ്ട്. ഐ.എസ്.എല്ലിനു ശേഷം രണ്ടു ലീഗിലേയും ടീമികള്‍ അണിനിരക്കുന്ന സൂപ്പര്‍ കപ്പ് നടക്കാനിരിക്കുന്നുണ്ട്. ഇതും വന്‍ വിജയമാകുമെന്ന പ്രതീക്ഷയിലാണ് സംഘാടകര്‍. മാര്‍ച്ച് 31ന്‌സൂപ്പര്‍ കപ്പ് ആരംഭിക്കും.