നേരത്തെ തന്നെ ഡല്‍ഹി മുഖ്യമന്ത്രി അരവിന്ദ് കേജ്‌രിവാളിനെ വിമര്‍ശിക്കുന്നയാളായിരുന്നു ഗൗതം ഗംഭീര്‍. ഇതു കണക്കിലെടുത്താണ് ഗംഭീറിന് ഈസ്റ്റ് ഡല്‍ഹിയില്‍ സീറ്റ് നല്‍കിയത്. വിജയിക്കുമെന്ന ഒരൊറ്റലക്ഷ്യം മുന്നില്‍ കണ്ടാണ് ബി.ജെ.പിയുടെ നീക്കം. അതേസമയം, ബിജെപിയെ ആശങ്കപ്പെടുത്തുന്നത് ഗംഭീറിന്റെ റാലിയിലെ ഒഴിഞ്ഞ കസേരകളാണ്. മേയ് ഒന്നിന് ഡല്‍ഹിയിലെ ശാസ്ത്രി പാര്‍ക്കില്‍ നടന്ന ഗംഭീറിന്റെ പ്രചാരണ യോഗത്തിന്റെ ചിത്രങ്ങളാണ് ഇപ്പോള്‍ വ്യാപകമായി പ്രചരിക്കുന്നത്.

ഗൗതം ഗംഭീറിനും മറ്റൊരു സ്ഥാനാര്‍ത്ഥിയായ മനോജ് തിവാരിക്കുമായി നടത്തി റാലിയില്‍ കേന്ദ്ര ആഭ്യന്തര മന്ത്രിയായ രാജ്‌നാഥ് സിംഗും പങ്കെടുത്തിരുന്നു. എന്നിട്ടും നീണ്ട നിരയില്‍ ഒഴിഞ്ഞ കസേരകളാണ് കാണപ്പെട്ടത്. ഇത് സംസ്ഥാന ബിജെപി നേതാക്കള്‍ക്ക് വലിയ വെല്ലുവിളിയായിരിക്കുകയാണ്.

നേരത്തെ, സ്ഥാനാര്‍ത്ഥി പ്രഖ്യാപനത്തിന് പിന്നാലെ ഗംഭീര്‍ വിവാദങ്ങളില്‍ പെട്ടിരുന്നു. ആദ്യം ഗൗതം ഗംഭീറിന് രണ്ട് വോട്ടര്‍ ഐഡി കാര്‍ഡുകളുണ്ടെന്ന് ആരോപിച്ച് ആംആദ്മി പാര്‍ട്ടി പരാതി നല്‍കി. അതിന് പിന്നാലെ ഗൗതം ഗംഭീറിനെതിരെ കേസെടുക്കാന്‍ പൊലീസിനോട് തെരഞ്ഞെടുപ്പ് കമ്മീഷന്‍ നിര്‍ദേശിക്കുകയും ചെയ്തിരുന്നു. കമ്മീഷന്റെ അനുവാദമില്ലാതെ രാഷ്ട്രീയ റാലി നടത്തിയതിനാണ് കേസെടുക്കാന്‍ പൊലീസിന് നിര്‍ദേശം നല്‍കിയിരുന്നത്.

My appeal to the citizens of East Delhi Lok Sabha – pls don’t waste your vote by voting for @GautamGambhir; he is going to get disqualified sooner or later for having two Voter ID cards! अपना वोट व्यर्थ ना करें! #GambhirApradh pic.twitter.com/6bxGnT4n93

— Atishi (@AtishiAAP) April 26, 2019

ഗംഭീറിന്റെ രണ്ട് മണ്ഡലങ്ങളിലെയും വോട്ടര്‍പ്പട്ടിക വിവരങ്ങളും പങ്കുവച്ച് അതിഷി ട്വീറ്റ് ചെയ്തു. ഇവ രണ്ടും സെന്‍ട്രല്‍ ഡല്‍ഹി ലോക്‌സഭാ മണ്ഡലത്തില്‍ വരുന്ന നിയോജകമണ്ഡലങ്ങളാണ്. നിയമപ്രകാരം ഒരു വര്‍ഷം വരെ ജയില്‍ശിക്ഷ ലഭിക്കാവുന്ന കുറ്റമാണ് ഇതെന്ന് കാണിച്ചാണ് അതിഷിയുടെ ട്വീറ്റ്.

അതേസമയം ആരോപണത്തെ ഗൗതം ഗംഭീര്‍ തള്ളി. ആരോപണം ഉന്നയിക്കുകയും പിന്നീട് മാപ്പ് പറയുകയും ചെയ്യുന്നത് ആം ആദ്മി പാര്‍ട്ടിയുടെ പതിവ് ശൈലിയാണെന്ന് ഗംഭീര്‍ പറഞ്ഞു. എന്നാല്‍ ആരോപണം തെളിഞ്ഞാല്‍ ഗംഭീറിന്റെ നാമനിര്‍ദേശ പത്രിക തള്ളാനും ഒരു വര്‍ഷം തടവ് ശിക്ഷയ്ക്ക് വിധിക്കാനും കോടതിയ്ക്ക് അധികാരമുണ്ട്.

റൈറ്റ് ടു മാച്ച് കാര്‍ഡിലൂടെ ടീമില്‍ നിലനിര്‍ത്താന്‍ ശ്രമിക്കരുതെന്ന് ഗംഭീര്‍ ആവശ്യപ്പെട്ടിരുന്നതായി വെങ്കി മൈസൂര്‍ വെളിപ്പെടുത്തി. ‘ലേലത്തില്‍ താന്‍ ഗംഭീറിനെ ഉറപ്പായും വിളിച്ചേനെ, എന്നാല്‍ ലേലത്തിന് മുന്നേ തന്നെ വിളിക്കരുതെന്ന് ഗംഭീര്‍ അഭ്യര്‍ത്ഥിച്ചിരുന്നു. പുതിയ വെല്ലുവിളി ഏറ്റെടുക്കാന്‍ ഗംഭീര്‍ ആഗ്രഹിച്ചിരുന്നു. എന്നാല്‍ അത് എന്താണെന്ന് അറിയില്ല. ഗംഭീറിന്റെ ആഗ്രഹത്തിന് എതില്‍ നില്‍ക്കാന്‍ തോന്നിയില്ല, അതാണ് ലേലത്തില്‍ വിളിക്കാതിരുന്നത്’ വെങ്കി മൈസൂര്‍ പറഞ്ഞു.

Some familiar faces along with the addition of new ones! Here are your #KnightsOf2018!

After two days of hard work in the VIVO #IPLAuction, these 19 Knights will don the purple and gold #KKR jersey in the upcoming @IPL season! #KorboLorboJeetbo pic.twitter.com/YYSqX4WMwc

— KolkataKnightRiders (@KKRiders) January 28, 2018

താരലേലത്തില്‍ 2 കോടി 80 ലക്ഷം രൂപയ്ക്ക് ഗംഭീറിനെ സ്വന്തമാക്കിയ ഡല്‍ഹി ഡെയര്‍ഡെവിള്‍സ് ദില്ലി താരത്തെ നായകനാക്കുമെന്നും അറിയിച്ചിരുന്നു. ഐപിഎല്ലില്‍ ഡല്‍ഹി ഡെയര്‍വിള്‍സിലൂടെ കളി തുടങ്ങിയ ഗംഭീര്‍ പിന്നീട് കൊല്‍ക്കത്തയിലേക്ക് മാറുകയായിരുന്നു. കൊല്‍ക്കത്തയെ രണ്ടു തവണ ഐപിഎല്‍ ചാമ്പ്യന്‍മാരാക്കാനും ഗംഭീറിനായി.

ഇതിനോടകം സോഷ്യല്‍മീഡിയയിലടക്കം വീഡിയോ ദൃശ്യങ്ങള്‍ പ്രചരിച്ചുകഴിഞ്ഞു. ഇതിന് വലിയ രീതിയില്‍ വിമര്‍ശനവും നേരിടേണ്ടിവരുന്നുണ്ട്. ഇങ്ങനെയാണോ നല്ല പെണ്‍കുട്ടികള്‍ എന്ന രീതിയിലൊക്കെയുള്ള കമന്റുകളാണ് പ്രത്യക്ഷപ്പെടുന്നത്. സെപ്റ്റംബറില്‍ യൂട്യൂബില്‍ അപ് ലോഡ് ചെയ്ത മറ്റൊരു പെണ്‍കുട്ടിയുടെ വീഡിയോ ആണിത്.

ആ പെണ്‍കുട്ടി ആരാണെന്നും വ്യക്തമല്ല. ഇപ്പോള്‍ അതാണ് ഗുര്‍മെഹറിന്റേതാണെന്ന വ്യാജേന പ്രചരിക്കുന്നത്. ആ വീഡിയോ തന്നെ ഗുര്‍മെഹറിന്റേതാണെന്ന രീതിയില്‍ യുട്യൂബില്‍ അപ് ലോഡ് ചെയ്തിരിക്കുകയാണ് ചിലര്‍. വിക്രം ഭാനുശാലി എന്നയാളാണ് ഇത് ഫേസ്ബുക്കില്‍ ആദ്യമായി പോസ്റ്റ് ചെയ്ത് ഗുര്‍മെഹറിനെ അധിക്ഷേപിച്ചിരിക്കുന്നത്.

ഫേസ്ബുക്കിലും വാട്‌സ് അപ്പിലും പ്രചരിച്ചുകൊണ്ടിരിക്കുന്ന വീഡിയോ ദൃശ്യങ്ങള്‍ തന്റെ മകളുടേതല്ലെന്ന് വ്യക്തമാക്കി അമ്മ രജിവീന്ദര്‍ രംഗത്തെത്തിയിട്ടുണ്ട്. അത് വ്യാജവീഡിയോ ആണെന്നും അവര്‍ പറഞ്ഞു. വീഡിയോ ദൃശ്യങ്ങള്‍ മന:പ്പൂര്‍വ്വം യു ട്യൂബില്‍ വീണ്ടും അപ്‌ലോഡ് ചെയ്ത് ഗുര്‍മെഹറിനെ അധിക്ഷേപിക്കാനുള്ള സംഘ്പരിവാറിന്റെ ശ്രമം ഇതോടെ പൊളിയുകയായിരുന്നു.

നേരത്തെ പെണ്‍കുട്ടിയുടെ പ്ലക്കാര്‍ഡേന്തിയ ചിത്രത്തിന് പരിഹാസവുമായി ക്രിക്കറ്റ് താരം വീരേന്ദ്രര്‍ സെവാഗ് രംഗത്തെത്തിയിരുന്നു. സെവാഗിനെ വിമര്‍ശിച്ച് ഗൗതം ഗംഭീറും രംഗത്തെത്തിയപ്പോള്‍ പിന്നീട് സെവാഗ് തിരുത്തിയിരുന്നു.

അഭിപ്രായ പ്രകടനത്തിന്റെ പേരില്‍ പെണ്‍കുട്ടിയെ പരിഹസിക്കുന്നത് നിന്ദ്യമായ പ്രവൃത്തിയാണ്. ഒരു സ്വതന്ത്ര രാജ്യത്താണ് നാം ജീവിക്കുന്നത്. ഇവിടെ സ്വന്തം അഭിപ്രായം പറയാനുള്ള അവകാശം എല്ലാവര്‍ക്കുമുണ്ട്. യുദ്ധഭീതിയെക്കുറിച്ച് പോസ്റ്റ് ഇടാന്‍ അച്ഛന്‍ നഷ്ടപ്പെട്ടമകള്‍ക്ക് അവകാശമുണ്ടെന്നും ഗംഭീര്‍ പറയുന്നു. ഒരാളുടെ അഭിപ്രായത്തോട് യോജിക്കാം, അല്ലെങ്കില്‍ വിയോജിക്കാം. പക്ഷേ അഭിപ്രായം പറഞ്ഞുവെന്നു കരുതി ഒരാളെ പരിഹസിക്കുന്നത് നിന്ദ്യമാണെന്ന് ഗംഭീര്‍ വ്യക്തമാക്കുന്നു. വീരേന്ദ്രന്‍ സെവാഗുള്‍പ്പെടെ ഗുല്‍മെഹറിനെ പരിഹസിച്ച് രംഗത്തെത്തിയിരുന്നു.

നേരത്തെ എ.ബി.വി.പിക്കെതിരെയുള്ള ക്യാംപെയിനില്‍ ഗുല്‍മെഹര്‍ പങ്കെടുത്തിരുന്നു. തന്റെ പിതാവിനെ കൊന്നത് യുദ്ധമാണെന്നും മറിച്ച് പാക്കിസ്താനല്ലെന്നും ഗുല്‍മെഹര്‍ പറഞ്ഞിരുന്നു. ഇതിനെതിരെ എ.ബി.വി.പി രംഗത്തെത്തി. സെവാഗുള്‍പ്പെടെയുള്ളവര്‍ പരിഹാസവുമായും എത്തിയിരുന്നു. പിന്നീട് വിവാദം കൊഴുത്തപ്പോള്‍ എ.ബി.വി.പിക്കെതിരായുള്ള ക്യാപെയിനില്‍ നിന്നും ഗുല്‍മെഹര്‍ പിന്‍മാറുന്നതായി ഇന്നലെ അറിയിച്ചിരുന്നു. പേടിച്ചിട്ടല്ല പിന്‍മാറുന്നതെന്നും പറയാനുള്ളത് പറഞ്ഞെന്നും ഗുല്‍മെഹര്‍ ഫേസ്ബുക്കില്‍ കുറിച്ചു. തന്നെ വെറുതെ വിടണമെന്നും ഗുല്‍മെഹര്‍ ആവശ്യപ്പെട്ടിരുന്നു.