അത്തരം ബന്ധങ്ങളില്‍ നിന്നും യുവതി വിട്ടുനില്‍ക്കണമെന്നും, അതിനില്ലെങ്കില്‍ ’50 കഷ്ണമാകാന്‍” സാധ്യതയുണ്ടെന്നും ഗവര്‍ണര്‍ പറഞ്ഞു. 15-20 വയസ്സുള്ള പെണ്‍കുട്ടികള്‍ക്ക് അനാഥാലയങ്ങളില്‍ കുഞ്ഞുങ്ങളോടൊപ്പം കഴിയുന്ന ദൃശ്യങ്ങള്‍ കാണാനാകും എന്നായിരുന്നു ഗവര്‍ണറുടെ വാദം.

പോക്‌സോ നിയമത്തെക്കുറിച്ച് പരാമര്‍ശിക്കുമ്പോള്‍, ഇരയായ പെണ്‍കുട്ടികളെ താന്‍ നേരിട്ട് കണ്ടിട്ടുണ്ടെന്നും അവരില്‍ ഓരോരുത്തര്‍ക്കും അസ്വസ്ഥതയുണ്ടാക്കുന്നതും പേടിപ്പെടുത്തുന്നതുമായ കഥകളുണ്ടെന്നും ഗവര്‍ണര്‍ പറഞ്ഞു.

ഗവര്‍ണര്‍ ലിവ്-ഇന്‍ ബന്ധങ്ങളുടെ പ്രത്യാഘാതങ്ങളെ ശക്തമായി അപലപിക്കുകയും, യുവതികളെ ഇത്തരം സാഹചര്യങ്ങളില്‍ ഇരയാകാതിരിക്കാനും, മഹത്തായ ലക്ഷ്യങ്ങള്‍ക്കായി ജീവിതം സമര്‍പ്പിക്കാനും ഉപദേശിച്ചു.

ഇത് ഗവര്‍ണറുടെ ലിവ് ഇന്‍ റിലേഷന്‍ഷിപ്പുകളെക്കുറിച്ചുള്ള വിവാദ പരാമര്‍ശത്തിന്റെ രണ്ടാം അവസരമാണ്. മുന്‍പ് ചൊവ്വാഴ്ച ബല്ലിയയില്‍ നടന്ന സര്‍വകലാശാല ബിരുദദാന ചടങ്ങിലും സമാന പരാമര്‍ശങ്ങള്‍ ഉണ്ടായിരുന്നു.

ഗുരുപൂജ ഉള്‍ക്കൊള്ളുന്ന നമ്മുടെ സംസ്‌കാരത്തെ എതിര്‍ക്കുന്നവര്‍ ശബരിമലയിലെ ഭക്തരാണെന്ന് വരുത്താന്‍ ശ്രമിക്കുന്നുവെന്നാണ് ഗവര്‍ണറുടെ വിമര്‍ശനം. എല്ലാവരും ഇപ്പോള്‍ അയ്യപ്പ ഭക്തന്മാരാണ്. അത് അവരുടെ രാഷ്ട്രീയ നയമാണോ എന്ന് വ്യക്തമാക്കണമെന്നും ഗവര്‍ണര്‍ പറഞ്ഞു.

താന്‍ ആര്‍എസ്എസുകാരനാണെന്നും അത് തുറന്ന് പറയാന്‍ മടിയില്ലെന്നും പ്രഖ്യാപിച്ചുകൊണ്ടാണ് ഗവര്‍ണര്‍ പ്രസംഗം ആരംഭിച്ചത്. തനിക്ക് എല്ലാ പദവികളും തന്നത് ആര്‍എസ്എസ് ആണെന്നും അദ്ദേഹം കൂട്ടിച്ചേര്‍ത്തു.

ബില്ലുകളില്‍ ഗവര്‍ണര്‍ക്ക് സംശയങ്ങളുണ്ടെങ്കില്‍ പരിഹരിക്കാന്‍ നടപടിക്രമങ്ങളുണ്ട്. ഗവര്‍ണര്‍ മാസങ്ങളോളം ദന്തഗോപുരത്തിലിരുന്ന് ബില്ലുകള്‍ പഠിക്കേണ്ടതില്ല. അതുകൊണ്ടാണ് ഗവര്‍ണര്‍ എതിരാളിയായി പരിഗണിക്കപ്പെടുന്നതെന്നുമാണ് മുതിര്‍ന്ന അഭിഭാഷകന്‍ കെ കെ വേണുഗോപാലിന്റെ വാദം.

അപൂര്‍വ്വം അവസരങ്ങളില്‍ മാത്രമാണ് ഗവര്‍ണര്‍ ചോദ്യം ഉന്നയിക്കേണ്ടതും ബില്ലുകള്‍ തടയേണ്ടതും. നിയമസഭ പാസാക്കിയ ബില്ലുകള്‍ ഇല്ലാതാക്കുന്നതിലും അംഗീകാരം തടയുന്നതിലും ന്യായീകരണമില്ല. ബന്ധപ്പെട്ട മന്ത്രിമാര്‍ മറുപടി നല്‍കിയ ശേഷം ബില്ലുകള്‍ തടഞ്ഞുവെയ്ക്കാനാവില്ല. ജനങ്ങളോട് മറുപടി നല്‍കാന്‍ ഗവര്‍ണര്‍ക്ക് ബാധ്യതയുണ്ടെന്നും കേരളം വാദിച്ചു. ബില്ലുകള്‍ റദ്ദാക്കുമ്പോള്‍ അതിന്റെ കാരണം ഗവര്‍ണര്‍ പറയണം. ഗവര്‍ണര്‍ നിയമനിര്‍മാണസഭയുടെ ഭാഗമാണ്. ഗവര്‍ണര്‍ ശത്രുത മനോഭാവത്തില്‍ അല്ല പ്രവര്‍ത്തിക്കേണ്ടതെന്നും കേരളം സുപ്രീം കോടതിയെ അറിയിച്ചു.

രാഷ്ട്രപതിയുടെ റഫറന്‍സില്‍ ഓരോ സംസ്ഥാനങ്ങളുടെയും കേസുകള്‍ പരിഗണിക്കാനാവില്ലെന്നായിരുന്നു ചീഫ് ജസ്റ്റിസിന്റെ വിമര്‍ശനം. ഗവര്‍ണറുടെ മുന്‍കാല നടപടിക്രമങ്ങളെക്കുറിച്ചാണ് വിശദീകരിച്ചതെന്ന് കേരളം മറുപടി നല്‍കി.

രാഷ്ട്രപതിയുടെ റഫറന്‍സില്‍ അഞ്ചംഗ ഭരണഘടനാ ബെഞ്ച് ഉച്ചയ്ക്ക് ശേഷം പഞ്ചാബിന്റെ വാദം കേള്‍ക്കും.

സമയപരിധികളൊന്നും വ്യക്തമാക്കാതെ ബില്ലുകള്‍ ‘എത്രയും വേഗം’ തിരികെ നല്‍കണമെന്ന് പറഞ്ഞുകൊണ്ട് ഭരണഘടന പ്രത്യേകമായി ‘ഫ്‌ലെക്സിബിലിറ്റി’ നല്‍കിയിട്ടുണ്ടെന്ന് കോടതി ചൂണ്ടിക്കാട്ടി. തമിഴ്‌നാട് ഗവര്‍ണറെ പ്രതിനിധീകരിച്ച് മുതിര്‍ന്ന അഭിഭാഷകന്‍ ഡോ. അഭിഷേക് മനു സിംഗ്വിയുടെ വാദം കേള്‍ക്കുകയായിരുന്നു ചീഫ് ജസ്റ്റിസ് ബിആര്‍ ഗവായ്, ജസ്റ്റിസ് സൂര്യകാന്ത്, ജസ്റ്റിസ് വിക്രം നാഥ്, ജസ്റ്റിസ് പിഎസ് നരസിംഹ, ജസ്റ്റിസ് എഎസ് ചന്ദൂര്‍ക്കര്‍ എന്നിവരടങ്ങിയ അഞ്ചംഗ ബെഞ്ച്.

ഗവര്‍ണര്‍മാര്‍ അനിശ്ചിതകാലത്തേക്ക് ബില്ലുകള്‍ തടഞ്ഞുവയ്ക്കുന്ന സംഭവങ്ങളുടെ ആവര്‍ത്തിച്ചുള്ള സാഹചര്യം കണക്കിലെടുത്ത് സമയക്രമം അനിവാര്യമാണെന്ന് സിംഗ്വി വാദിച്ചു. രാഷ്ട്രപതിയുടെയും ഗവര്‍ണറുടെയും അധികാരം വിനിയോഗിക്കുന്നതിന് ആര്‍ട്ടിക്കിള്‍ 142 പ്രകാരം നമുക്ക് ഒരു സ്ട്രെയിറ്റ് ജാക്കറ്റ് ഫോര്‍മുല നല്‍കാമോ?”, സിജെഐ ഗവായ് ചോദിച്ചു. ‘ദന്തഗോപുരം’ വീക്ഷണം എടുക്കരുതെന്നും ‘വലിയ കാലതാമസത്തിന്റെ സമകാലിക യാഥാര്‍ത്ഥ്യങ്ങള്‍’ കൈകാര്യം ചെയ്യണമെന്നും കോടതിയെ പ്രേരിപ്പിച്ച സിംഗ്വി, ആര്‍ട്ടിക്കിള്‍ 200, 201 എന്നിവയ്ക്ക് കീഴിലുള്ള അധികാരങ്ങള്‍ വിനിയോഗിക്കുന്നതിന് ഒരു ‘പൊതു സമയരേഖ’ ആവശ്യമാണെന്ന് സമര്‍ത്ഥിച്ചു.

ആര്‍ട്ടിക്കിള്‍ 200 ഉം 201 ഉം ഒരു ടൈംലൈനും വ്യക്തമാക്കാത്തതിനാല്‍ ഒരു പൊതു ടൈംലൈന്‍ സ്ഥാപിക്കുന്നത് പ്രായോഗികമായി കോടതി ഭരണഘടന ഭേദഗതി ചെയ്യുമെന്ന് ജസ്റ്റിസ് നാഥ് നിരീക്ഷിച്ചു. സമയക്രമം ഏര്‍പ്പെടുത്താന്‍ ഭരണഘടന ഭേദഗതി ചെയ്യേണ്ടിവരും, ജസ്റ്റിസ് നാഥ് പറഞ്ഞു. ഗവര്‍ണര്‍/ രാഷ്ട്രപതി സമയക്രമം പാലിക്കാത്തതിന്റെ അനന്തരഫലങ്ങളെക്കുറിച്ച് ബെഞ്ച്, പ്രത്യേകിച്ച് ജസ്റ്റിസ് നരസിംഹവും ജസ്റ്റിസ് നാഥും ചോദിച്ചു. ഗവര്‍ണറെയോ രാഷ്ട്രപതിയെയോ കോടതിയലക്ഷ്യത്തിന് ഉയര്‍ത്തിക്കാട്ടാമോ, അവര്‍ ചോദിച്ചു. ബില്ലുകള്‍ക്ക് ‘ഡീംഡ് അസെന്റ്’ ഒരു അനന്തരഫലമാകുമെന്ന് സിംഗ്വി മറുപടി നല്‍കി. വാദത്തിനിടെ, അയോഗ്യതാ ഹര്‍ജികളില്‍ മൂന്ന് മാസത്തിനകം തീരുമാനമെടുക്കാന്‍ തെലങ്കാന സ്പീക്കറോട് നിര്‍ദ്ദേശിച്ച് സിജെഐ ഗവായ് രചിച്ച മൂന്നംഗ ബെഞ്ച് വിധി സിംഗ്വി പരാമര്‍ശിച്ചു. കേസില്‍ പ്രത്യേക നിര്‍ദ്ദേശമാണ് കോടതി പുറപ്പെടുവിച്ചതെന്ന് ചീഫ് ജസ്റ്റിസ് ചൂണ്ടിക്കാട്ടി. ‘എല്ലാ സ്പീക്കര്‍മാരും മൂന്ന് മാസത്തിനകം അയോഗ്യതാ ഹര്‍ജികള്‍ തീര്‍പ്പാക്കണമെന്ന് ഞങ്ങള്‍ നിര്‍ദ്ദേശിച്ചിട്ടില്ല. കേസിന്റെ വസ്തുതകള്‍ക്കും സാഹചര്യങ്ങള്‍ക്കും ഇത് പ്രത്യേകമായിരുന്നു,’ ചീഫ് ജസ്റ്റിസ് പറഞ്ഞു.

സ്വാതന്ത്ര്യ-പാക് വിഭജനത്തിന്റെ ഓര്‍മക്കായി ആഗസ്റ്റ് 14 ന് വിഭജന ഭീതി ദിനമായി ആചരിക്കണമെന്ന് പ്രധാനമന്ത്രി നേരത്തെ നിര്‍ദേശം നല്‍കിയിരുന്നു. ഇതിന് പിന്നാലെയാണ് കേരളത്തിലെ എല്ലാ സര്‍വകലാശാലകള്‍ക്കും ഗവര്‍ണര്‍ നിര്‍ദേശം നല്‍കിയിരിക്കുന്നത്.

അതേസമയം, ഗവര്‍ണറുടെ വിഭജന ഭീതി ദിന സര്‍ക്കുലര്‍ സമാന്തര ഭരണ സംവിധാനമായി പ്രവര്‍ത്തിക്കാനുള്ള ശ്രമമാണെന്നും ദിനാചാരണം നടത്താന്‍ നിര്‍ദേശിക്കാന്‍ ഗവര്‍ണര്‍ക്ക് അധികാരമില്ലെന്നും വിദ്യാഭ്യാസ മന്ത്രി വി ശിവന്‍കുട്ടി പ്രതികരിച്ചു.

കഴിഞ്ഞ ആഴ്ചകളില്‍ വൃക്ക സംബന്ധമായ സങ്കീര്‍ണതകള്‍ക്ക് മാലിക് ചികിത്സയിലായിരുന്നു.

നേരത്തെ ജൂണ്‍ 8 ന് സത്യപാല്‍ മാലിക് തന്റെ ആരോഗ്യസ്ഥിതി ‘ഗുരുതരമാണ്’ എന്ന് വിശേഷിപ്പിച്ച് സോഷ്യല്‍ മീഡിയയില്‍ ആരോഗ്യ അപ്ഡേറ്റ് പങ്കിട്ടിരുന്നു. ഒരു ദിവസം മുമ്പ്, മുതിര്‍ന്ന രാഷ്ട്രീയക്കാരന്‍ X-ല്‍ പോസ്റ്റ് ചെയ്തു, താന്‍ കഴിഞ്ഞ ഒരു മാസമായി ആശുപത്രിയില്‍ പ്രവേശിപ്പിക്കപ്പെട്ടുവെന്നും വൃക്ക സംബന്ധമായ പ്രശ്‌നങ്ങള്‍ക്ക് ചികിത്സയിലായിരുന്നു.

കാവിക്കൊടിയേന്തിയ ഭാരതാംബയുടെ ചിത്രം സംബന്ധിച്ച വിവാദത്തില്‍ ഗവര്‍ണറോട് അനാദരവു കാണിച്ചെന്ന കാരണം കാണിച്ച് ജൂലൈ മൂന്നിനാണ് വൈസ് ചാന്‍സിലര്‍ രജിസ്ട്രാറെ സസ്‌പെന്‍ഡ് ചെയ്തത്. സസ്‌പെന്‍ഷന്‍ സിന്‍ഡിക്കേറ്റ് റദ്ദാക്കിയെങ്കിലും വി.സി വഴങ്ങിയിട്ടില്ല.

സസ്‌പെന്‍ഷന്‍ കാലയളവില്‍ നിശ്ചിത തുക അലവന്‍സ് മാത്രമായിരിക്കും ലഭിക്കുക. രജിസ്ട്രാര്‍ സിന്‍ഡിക്കേറ്റ് സസ്‌പെന്‍ഷന്‍ റദ്ദ് ചെയ്തത് ചൂണ്ടിക്കാട്ടി സര്‍വകലാശാലയില്‍ എത്തുന്നതും നിയമവിരുദ്ധമാണെന്നാണ് വൈസ് ചാന്‍സിലറുടെ വാദം.

വിസി മുന്നോട്ടുവച്ച ഉപാധികള്‍ ഇടത് സിന്‍ഡിക്കേറ്റ് അംഗങ്ങള്‍ അംഗീകരിച്ചിട്ടില്ല. സസ്‌പെന്‍ഷന്‍ അംഗീകരിച്ച് രജിസ്ട്രാര്‍ മാറിനിന്ന ശേഷം അപേക്ഷ നല്‍കിയാല്‍ തിരിച്ചെടുക്കാം എന്നാണ് വിസിയുടെ ഉപാധി.

ബാരിക്കേഡ് ചാടിക്കടന്ന പ്രവര്‍ത്തകര്‍ കെട്ടിടത്തിനുള്ളില്‍ കയറിയതോടെ പൊലീസുമായി ഉന്തും തള്ളും ഉണ്ടായി. പ്രവര്‍ത്തകരെ ബലം പ്രയോഗിച്ച് സ്ഥലത്ത് നിന്ന് മാറ്റാനുള്ള ശ്രമം പൊലീസ് ആരംഭിച്ചു.

അതേസമയം കാലിക്കറ്റ്- കണ്ണൂര്‍-കേരളാ സര്‍വലാശാലകളിലും എസ്എഫ്‌ഐ നടത്തിയ പ്രതിഷേധം സംഘര്‍ഷത്തില്‍ കലാശിച്ചു. പൊലീസും പ്രവര്‍ത്തകരും തമ്മില്‍ ഏറ്റുമുട്ടി. കണ്ണൂര്‍ സര്‍വകലാശാല ആസ്ഥാനത്തേക്ക് നടന്ന മാര്‍ച്ചിന് നേരെ പൊലീസ് പലതവണ ജലപീരങ്കി പ്രയോഗിച്ചു.

വൈസ് ചാന്‍സലര്‍ മോഹനന്‍ കുന്നുമ്മലിന് അത്ര പെട്ടെന്ന് സര്‍വകലാശാലയിലേക്ക് വരാനാകില്ലെന്നും ശക്തമായ പ്രതിഷേധം തുടരുമെന്നുമാണ് എസ്എഫ്‌ഐയുടെ ഭീഷണി.

ചാന്‍സലര്‍ കൂടിയായ ഗവര്‍ണര്‍ ജോയിന്റ് രജിസ്ട്രാറെ സസ്പെന്‍ഡ് ചെയ്യാനുള്ള തീരുമാനം വൈസ് ചാന്‍സലറെ അറിയിക്കും. വിസിയാണ് സസ്പെന്‍ഡ് ചെയ്യാനുള്ള നടപടികള്‍ സ്വീകരിക്കുക. നിലവില്‍ സിസ തോമസിനാണ് വിസിയുടെ ചുമതല. യോഗം കഴിഞ്ഞ് സിസ തോമസ് പുറത്ത് പോയതിന് ശേഷവും സിന്‍ഡിക്കേറ്റ് യോഗം തുടര്‍ന്നതിലാണ് നടപടി.

സംഭവത്തില്‍ ഹരികുമാറിനെ സിസ തോമസ് ജോയിന്റ് രജിസ്ട്രാര്‍ സ്ഥാനത്ത് നിന്ന് മാറ്റിയിരുന്നു. അതേസമയം സിന്‍ഡിക്കേറ്റിനെ പിരിച്ചു വിടേണ്ട സാഹചര്യം നിലവില്‍ ഇല്ലെന്നാണ് ഗവര്‍ണറുടെ അഭിപ്രായം. അതേസമയം കോടതിയലക്ഷ്യ നടപടി നേടുന്ന സിന്‍ഡിക്കേറ്റ് അംഗവും മുന്‍ എംഎല്‍എയുമായ ആര്‍ രാജേഷിനെ സസ്പെന്‍ഡ് ചെയ്യാനുള്ള നീക്കം നടക്കുന്നുണ്ടെന്നാണ് സൂചന.

രജിസ്ട്രാര്‍ കെ എസ് അനില്‍കുമാറിന്റെ സസ്പെന്‍ഷന്‍ നടപടി റദ്ദാക്കുന്നത് സംബന്ധിച്ച് നടന്ന ചര്‍ച്ചയില്‍ നിന്ന് താത്കാലിക വി സി സിസ തോമസ് ഇറങ്ങിപ്പോയിരുന്നു. തുടര്‍ന്ന് മറ്റൊരു മുതിര്‍ന്ന സിന്‍ഡിക്കേറ്റ് അംഗത്തിന്റെ നേതൃത്വത്തില്‍ ഇടത് സിന്‍ഡിക്കേറ്റ് അംഗങ്ങള്‍ കെ എസ് അനില്‍കുമാറിന്റെ സസ്പെന്‍ഷന്‍ പിന്‍വലിച്ചതായി അറിയിച്ചിരുന്നു. പിന്നാലെ രജിസ്ട്രാര്‍ വീണ്ടും ചുമതലയേല്‍ക്കുകയായിരുന്നു.

രജിസ്ട്രാര്‍ കെ എസ് അനില്‍ കുമാറിന്റെ സസ്‌പെന്‍ഷന്‍ റദ്ദാക്കിയ നടപടി അസാധുവാക്കും. സിന്‍ഡിക്കേറ്റിന്റെ തീരുമാനം നിയമവിരുദ്ധമെന്ന് ചൂണ്ടിക്കാട്ടിയായിരുന്നു സിസ തോമസ് റിപ്പോര്‍ട്ട് നല്‍കിയിരുന്നത്. ഇന്നലെ ചേര്‍ന്ന സിന്‍ഡിക്കേറ്റ് യോഗം സിസ തോമസ് ഇറങ്ങിയതിന് ശേഷവും തുടരുകയും കെഎസ് അനില്‍ കുമാറിന്റെ സസ്പെന്‍ഷന്‍ റദ്ദാക്കുകയും ചെയ്തിരുന്നു. ഇത് നിയമവിരുദ്ധമാണെന്നായിരുന്നു സിസ തോമസിന്റെ റിപ്പോര്‍ട്ട്. തുടര്‍ന്ന് രാജ്ഭവന്‍ നിയോമപദേശം തേടുകയായിരുന്നു.

അതേസമയം നിയമവിരുദ്ധ പ്രവര്‍ത്തനം നടത്തിയതായി കണ്ടെത്തിയാല്‍ സിന്‍ഡിക്കേറ്റിനെ പിരിച്ചുവിടാമെന്നാണ് നിയമോപദേശം ലഭിച്ചിരിക്കുന്നത്. കൂടാതെ യോഗത്തിലെ തീരുമാനങ്ങള്‍ അസാധവാക്കുകയും ചെയ്യാം. ഈ രണ്ട് നിയമോപദേശങ്ങളാണ് രാജ്ഭവന് നല്‍കിയിരിക്കുന്നത്. വിഷയത്തില്‍ കടുത്ത നടപടിയെടുക്കാനാണ് രാജ്ഭവന്റെ തീരുമാനം.

ഗവര്‍ണര്‍ നേരിട്ട് പങ്കെടുക്കുന്ന പരിപാടി റദ്ദാക്കാന്‍ രജിസ്ട്രാര്‍ തീരുമാനിക്കുകയും വിസിയുടെ അനുവാദമില്ലാതെ പരിപാടി റദ്ദാക്കിയെന്നുള്ള അറിയിപ്പ് നേരിട്ട് നല്‍കുകയും ചെയ്തതിന് പിന്നാലെയാണ് രജിസ്ട്രാറെ സസ്പെന്‍ഡ് ചെയ്തത്. ഈ സസ്‌പെന്‍ഷന്‍ ആണ് സിന്‍ഡിക്കേറ്റ് ചേര്‍ന്ന് റദ്ദാക്കിയത്. താത്കാലിക വിസിയായ സിസ തോമസിന്റെ എതിര്‍പ്പ് മറികടന്നായിരുന്നു സിന്‍ഡിക്കേറ്റ് തീരുമാനം.